Firas Shawash

Firas Shawash

Amman . Since June 2010
94 Reviews
Added places
10
Reviewed first
18
Added reviews
94
Liked places
9

My reviews

  • Review by Firas of Nestlé Toll House Café
    6 years ago
    be careful before ordering any drink because of the below: Small is medium Medium is large and large is gigantic
  • Review by Firas of Feel Burgers
    8 years ago
    جريت المطعم و اخيرا مبارح :) خليني ابدأ بالأكل طلبت موزيريلا برغر بتيجي مع بطاطا و بيبسي الصراحة الطعم روعة البرغر "اللحمة" كبيرة بطعم الشواء و مستوية منيح و الخبز رائع. لكن المشكلة انه الوجبة صغيرة و غير مشبعة و السعر غالي نوعا ما يعني 4.80 , فأخدت ساندويش اخر و هو تشيز برغر ب 2.30 يعني المجموع قريب عن ال 7 دنانير.
    النظافة ممتازة سرعة الخدمة جيدة صعوبة الصفات في الصباح لأن بجانب عمارة الضريبة لكن بعد الظهر الصفات متوفرة نيجي للديكور، احلى اشي شاشات ال LCD الي بتعرض الساندويشات غير هيك مو فاهم ال theme يعني عجقة في صور للممثلين على حيط ,الحيط الثاني العاب و طيارات و مضرب بيسبول و سكيت و حيط عليه علام يعني كلوا داخل ببعض !!! الطاولات و الكراسي مو لابقين للمحل يعي صاير زي الكافتيريا. الخلاصة التركيز على طابع معين و تغير نوعية الكراسي و الطاولات الى اشي ارقى و باللنسبة للاكل الى الامام :)
  • Review by Firas of Cilantro
    8 years ago
    انا ما بحب سيستم هاي المحلات بتمسك المنيو بتلاقي فيها الف نوع قهوة و الف نوع مشروب و الف قصة بتيجي تطلب بتطلع كلو نفس الطعم .
    مكانه جيد لكن من المستحيل الصفة الاجواء جامعية و شغل طلاب و دراسة يعني الكل عم بدرس يا معو كتب يا لابتوب بس منيح اذا بدك تروح و تشوف ناس زمان مو شايفهم لأنه هادئ نوعا ما و بتقدر تسمع و تحكي على راحتك. انا طلبت hot maltesers لحبي لل maltesers بس مستحيل اعيدوا لأنه طلع عبارة عن نسكافيه و جواته حبات من ال maltesers يعني مو زي ما توقعت. الأسعار عادية الى مرتفعة الخدمة جيدة ممكن اجربه كمان مرة بس ما رح يكون خياري الأول
  • Review by Firas of Kebab Express
    8 years ago
    ثاني اليوم العيد حبيت اعزم اهلي على مشاوي فسألت كل حدا نصحني بكباب اكسبرس اخذت من عندوا كيلو مشاوي مشكل بحتوي على كباب شقف شيش طاووق سيخ ليّة بالاضافة الى البصل و البندورة. شقف اللحمة جدا رائعين الدجاج او الشيش لذيذ الكباب جيد بس فيه نسبة دهن او لية.
    و مع الكيلو بيجي ا لتر بيبسي صحنين حمص خبز 4 علب بطاطا صحن ثوم بالاضافة الى صحن مخلل. نيجي من ناحية النظافة ممتاز و سريع في الخدمة يوجد صعوبة في الصفات، التعامل جيد بس ممكن يكون احسن، السعر و هو الأهم اعتقد انه معتدل مثلا الوجبة الي اخدتها ب ٢٢ دينار بس بحكيلك تكفي من ٤ الى ٥ اشخاص لكن حتى تشبع تكفي ٣ اشخاص فقط لأنه الكمية قليلة.
  • Review by Firas of Have A Green Day
    8 years ago
    زرت هذا المحل يوم السبت موقعه على شارعين اول شارع الرينبو مقابل تشيه تشيه و شارع الي في محلات حيوانات.
    في صفات بجانب الدوار الأول وفي كراج بالأجرة يعني سهولة الصفات لأنه نوعا ما بعيد عن أزمة الرينبو . المكان في الطابق الأرضي لعمارة التأمين واسع من الداخل ماخد ستايل الصحي انه ممنوع التدخين و الاراجيل شبت نسكافيه جيدة لكن الكمية كبيرة جدا . مناسب للعمل و الدراسة لكن اتوقع انه ممل بعض الشيئ
  • Review by Firas of Al Ghazzawi Restaurant
    8 years ago
    جبت من عنده ساندويش فلافل، مكوناته حمص فلافل سلطة بطحينية شطة حسب الرغبة بطاطا و باذنجان. الطعم جيد،النظافة و التعامل ممتازين.
    السعر عادي ساندويش الفلافل بخبز عادي ٣٠ قرش، ساندويش المقالي ٣٥ قرش اه و يوجد عنده ساندويشات كبدة خبز عادي ٥٠ قرش خبز حمام ٦٥ انصح بتجربته لأنه نظيف والخبز ذو نوعية جيدة.
  • Review by Firas of Murphy's Pub
    9 years ago
    بحب اروح عليه لما اكون فاضي و حاب اغير جو ,نوع الموسيقى بعجبني Rock music , ما بنصح تزوروه يوم خميس لأن بكون فل هو باغلب الايام فل لأنه صغير, ،
    الاسعار نوعا ما مرتفعة بس في تنوع بالقائمة. خدمة الزبائن جيدة. لا يوجد صفات او بالاحرى انت و حظك بس بوفر خدمة valet في طاولة بلياردو في الداخل بتحط اسمك عشان تحجز دور .
  • Review by Firas of C Town Supermarkets
    9 years ago
    سي تاون بتوفر فيه كل السلع نوعية جيدة و اسعار رخيصة و كثير بعمل عروض مميزة. و بتوفر فيه كراج كبير .
    لكن انا شخصيا ما بحب التسوق منه لأنه ما بعطيك متعة التسوق.
  • Review by Firas of Cozmo
    9 years ago
    كوزمو مو خياري الأول لشراء البضائع بس بزوره لما بدي ادور على اشي ذو نوعية ممتازة او اشي غريب مو متوفر بالمحلات الأخرى او منتج بكون قارئ عنه فبدور عليه بكوزمو.
    في كراجات و اماكن للصفات بش مشكلته انه اسعاره اغلى بكتير من باقي المحلات خاصة الخضراوات و اللحوم
  • Review by Firas of Champions
    9 years ago
    تشامبيونز هو sport bar كتير بروح عشان احضر مبارايات, لكن عادة بروح لأن عدد الناس الموجودين قليل اعمارهم كبيرة و رايق مافي العجقة و الازعاج البرغر عندو زاكي الخدمة جيدة
  • Review by Firas of Marriott Amman
    9 years ago
    الماريوت عادة بروح عليه عشان مطعم شامبيونز بس من فترة انعزمت على عرس في ال Summer garden بتكون بالخارج. الساحة واسعة جميلة و مرتبة كان الديكور من القعدات و الاضاءة رائعة, موقعها بجانب البركة وليس على البركة مباشرة لكن البوفيه كان على البركة. مشكلة هاي الساحة بُعد الحمام.
    و في صالة داخلية اخرى للحفلات و الاعراس لكن لا انصح بها على الاطلاق. ميزة الماريوت ان له كراج كبير خاص به بالاضافة الى خدمة الفاليت
  • Review by Firas of Lail W Nhar Supermarket
    9 years ago
    سوبرماركت بتوفر فيه معظم لسلع الأساسية بأسلوي مريح و مرتب، ميزته ان بفتح لساعات متأخرة لكن سلبياته الوحيدة الصفة،صعبة الى مستحيلة خاصة في اوقات الضغط و الأزمة
  • Review by Firas of Bella Market
    9 years ago
    سوبرماركت نوعا ما كبير يتوفر فيه معظم السلع الاساسية من البان اجبان انواع متعددة من الخبز، مستحضرات تجميل و مواد تموينية .
    فيه قسم صغير لحاجيات و اكل الكلاب و القطط . لا يوجد كراج مخصص للسوبرماركت لكن فيه أماكن للصفات امامه. العمال في المحل ما عندهم اخلاقية عالية في التعامل و دائما مكشرين. من مشاكله انه بسير مكان لتجمع السيارات و الشباب في ساعات الليل عادة ما تؤدي الى مشاكل خاصة ايام العطل، بفتح للساعة ١١ او ١٢ بالكثير.
  • Review by Firas of Vitamin
    9 years ago
    مطعم نظيف صغير و صحي عندو مجموعة كبيرة من الساندويشات على الصاج مثل زنجر فاهيتا كشكوان حلوم تيركي سلامي و غيرها بالاضافة الى الكوكتيلات و العصائر باسعار رخيصة تتراوح بين 80 قرش لحد 1.25 الحجم الصغير. و في الشتاء في عنده سحلب و شوربة عدس.
    انا عادة باخد من عندو كوكتيل مشكل او موز بحليب زاكي طبيعي و فريش. انصح بتجربته بس باخد و قت شوي في الطلبية.
  • Review by Firas of Abu Firas Shawirma
    9 years ago
    اكلت من عند ابو فراس وجبة شاورما عادي، بتحتوي على سلطة عادي سلطة ملفوف مخلل مايونيز . بالاضافة الى البطاطا الحجم كتير صغير الخبز اكثر من الشاورما السعر ديناران و غير مشبعة على الاطلاق.
    و في عندهم و جبة شاورما بخلطة البيتزا الصراحة اشي جديد بالأردن و زاكي و نصيحتي اشتروا وجبة شاورما دبل و اعملوها نص عادي و نص بيتزا.
  • Review by Firas of Shawer Nar
    9 years ago
    جربت شاورمر على السحور في رمضان اخدت و جبة عادي السعر ٢ دينارين بتيجي مع بطاطا علبة مايونيز، و كاتشاب الصراحة لذيذة هي على الفحم بس ما بتميز . الحجم كثير صغير يعني لا تشبع شخص جوعان على الاطلاق .
    البطاطا كانت كثير مالحة لا درجة لا توصف اتوقع انه بالغلط اكيد مش هيك لازم تكون الملوحة. مقارنة بالمحلات الي جانبه من ناحية الكمية و السعر لا انصح به لكن من ناحية الطعم و النظافة احسن بكثير، والذي يميزه اكثر من هيك وجود طاولات في الخارج و مكان للقعدة.
  • Review by Firas of Ward Restaurant
    9 years ago
    ابدأ نصيحي ب ما شاء الله ما توقعت وجود مطعم في الأردن بهذا الحجم.
    دون مبالغة يتسع ل ١٠٠٠ شخص اذا مش اكثر. ال فاليت مو ملحق على السيارات و كل الأراضي الي جانبه مليانة سيارات. بس دخلت المطعم ذهلت من المساحة التصميم اعداد الناس الهائلة و الديكور. حواليك من جميع النواحي ماء بالاضافة الى نافورة كبير في وسط المطعم. يحتوي على الأقل 5 بوفيهات موزعين في أرجاء المطعم تحتوي على كل ما يخطر في بالك من الخضروات سلطات و معجنات ستيك منسف خاروف فريكة فيتوتشيني و غيرها الكثير. الأكل زاكي و لذيد بس بعض الأصناف بردت لأنه القعدة في الخارج. يوجد عصير موزع في كل الأرجاء تمرهندي خروب قمر الدين لبن عيران.. الخ. بعد الوجبة الدسمة الشهية بوفيه من الحلويات التي لا تخطر على البال. الخدمة سريعة جدا تبع الفحم ما بختفي وكل ما بدك اياه بتلاقيه الابتسامة لا تفارق وجوه الموظفين، لطافة و رقي في التعامل. أنصح الجميع بتجربته في رمضان و خاصة العائلات و الجروبات الكبيرة.
  • Review by Firas of TGI Fridays
    9 years ago
    المطعم اكثر من رائع من كل النواحي و مكانه في المول له ايجابيات بتوفر الصفات دائما. ومع انه بالمول بس ما بتحس بعجقة المول داخل المطعم.
    الديكور اكثر من روعة "خرافي" النظافة ممتازة و خدمة الزبائن على مستوى عالي من الرقي و اللطافة. نيجي للمهم و هو الأكل اخر مرة جربت : تشيز برغر مع أبل ود بايكون والغواكامولي تتكون من جبنة الذائبة وبايكون أبل ود البقري المدخن مع صلصة الغواكامولي مسترد خس بصل احمر مع المخلل. اخخ مش طبيعية هاي الساندويش شهية لدرجة لا توصف و طبعا مشبعة أكثر ما بتصور الحجم هائل و الطعم لذيذ. أسعاره نوعا ما مرتفعة يعني كان سعر الساندويش ٦٫٥٠ من دون ضريبة غير البيبسي والابيتيزرز لكن مقارنة بالجودة بستاهل :)
  • Review by Firas of Tawouk House
    9 years ago
    جربته و جربت من عنده وجبة الطاووق .
    خلينا نبلش اول اشي الصفات بهداك الشارع انت و حظك ممكن تلاقي على الباب و ممكن ما تلاقي اصلا. الأكل اخدت من عنده وجبة طاووق الصغيرة ب 1.5 بتيجي بصحن عربي مع بطاطا و خضراوات بدون بيبسي. بتيجي بخبز شراك مو كتير مشبعة في وجبة بتكون ساندويش بخبز عادي مع بطاطا و بيبسي ب 2.5 هاي كبيرة و مشبعة بس بكل الأحوال مو كتير عجبني بتحس انه الأكل مو كتير نظيف و في كتير بهارات يعني مش زاكي و الصراحة ما بعيده. و باخد وقت في الطلبات
  • Review by Firas of Simply Cozmo
    9 years ago
    كوزمو هذا الفرع صغير يعجبني موقعه في منطقة هادئة بعيدة عن الأزمة له صفات و كراج خاص به.
    على الرغم من صغر حجمه لكنه يوفر جميع السلع و المستلزمات الاساسية مثل فواكة خضراوات لحوم و البان و أجبان، خبز كافة الأنواع من كرمز. بالاضافة الى مستحضرات التجميل و التنظيف و غيرها بأختصار يوجد فيه كل ما يخطر على بالك
  • Review by Firas of Andiamo Cafe
    9 years ago
    انا مو من محبين السهرات في رمضان بس رحت كمن محل و منهم انديامو.
    انديامو يقع في مربع يتكون من ٤ مقاهي لذلك سوف تواجه صعوبة كبيرة في الصفات. المكان دائما ممتلئ فتلاقي طاولة انت و حظك. قعدته في الخارج هي صح بالشارع لكن جميلة نوعا ما بالداخل خنقة و ازعاج. عنده بروجيكتر و كمن شاشة بتعرض مسلسلات رمضانية. ما عنده منتجات رمضانية مثلا قطايف او عصائر مثل سوس خروب او تمر هندي بس موجود بليلة و ترمس الصحن بدينار. الخدمة سريعة و جيدة الموظفين لطيفين الأرجيلة ممتازة و بتطول. بس الأسعار غالية يعني أقل اشي رح تتدفع ٥ دنانير و ما رح تكون طالب اشي محرز.
  • Review by Firas of Ghaith Restaurant
    9 years ago
    يوم الخميس رحنا على مطعم غيث عشان نتسحر. فوجئت انه المطعم مليان والجو رمضاني والخدمة سريعة.
    هنالك تنوع بالأصناف يوجد: سكالوب،كبدة،نخاعات،طحال،دجاج مسحب و غيره بالاضافة الى الطبايخ مثل منسف،اوزي،،فريكة،قدرة خليلية و هكذا. طبعا في شاورما جدا شهية ممكن تاخدها بخبز حمام واكيد حمص و فول و فلافل ،،، الخ و طبقه الشهير حمص مع رشة شاورما على الوجه اشي مش طبيعي. الأسعار رخيصة او معتدلة بس حسب انت ايش بتطلب ممكن يطلع عليك ديناران و ممكن 10, جديد في عروض برمضان وجبة ارز مع قطع من الدجاج ب 2.25. انصح تجربته بشدة
  • Review by Firas of Sufara Bakery
    9 years ago
    مخبز السفراء في صويفية يقدم افضل خبز من ناحية النوعية و برمضان يقدم أحسن قطايف عصافيري شهي و خفيف
    لكن مشكلته الوحيدة انه دائما أزمة و ضغط و صعوبة في الصفات خاصة في اوقات الظهر فأنصح بزيارته في اوقات الصباح
  • Review by Firas of Safeway
    9 years ago
    لما نعمل عزيمة في رمضان دائما بكون اول خيار لنا للتسوق هو السيفوي.
    بتوفر فيه جميع السلع تحت سقف واحد عندهم عروض جيدة على اللحوم الخضراوات و الفواكة. اضافة الى توفر جميع انواع العصائر من ماركات مختلفة و كذلك يحتوي على قسم للتمور
  • Review by Firas of Al Kalha
    9 years ago
    كتير متحسن نوعية الساندويشات مقارنة بأيام زمان، و الحلو فيه عنده خدمة توصيل على غير مطاعم الفلافل. بس بزيد على الطلب 1.50
    جربت منه ساندويش كعك كبيرة مشبعة مكوناته شهية و طازجة بتحتوي على سلطة طحينية بالاضافة الى مخلل و جرجير و بندورة. السعر نوعا ما معتدل خدمة التوصيل بعد 50 دقيقة الى ساعة
Next

Places I like