ايمن ابو دريع

ايمن ابو دريع

Amman . Since June 2010
33 Reviews
Added places
6
Benefited people
3
Reviewed first
7
Added reviews
33
Added photos
46
Liked places
4

My reviews

  • Review by ايمن of Bahath Park and restaurant
    8 years ago
    زرت هاد المكان من فترة قصيرة بعد ما عرفت انو في مياه جارية و بصراحة المكان جميل و مليئ بالاشجار الحرجية و المكان نظيف و جلساته مرتبه والحلو انك بتقدر اتدخل اكلك و مشروباتك معك و همه بيعطوك المنقل والسياخ اذا كنت بدك تشوي و في عندهم كفيتيريا و بقالة اذا كنت ناسي اتجيب معك اشي مثل الفحم او الارجيله وفي موظفين بساعدك في نقل اغراضك من و الى السيارة وفي دخوليه عالشخص 5 دنانير والحلو في المكان انو ما بدو اكتر من ربع ساعة عشان توصلو و بنصحكم بتجربته.
  • Review by ايمن of Ajloun Forest Reserve
    8 years ago
    بصراحة المكان كتير حلو و بتميز بأشجاره الكثيفة و بنظافته و بإطلالته الخلابة و هوائه النظيف. و بتميز هذا المكان بإمكانية المشي بين اشجاره بطريق واضحة مع وجود اشارات تدل على الطريق الصحيح لعدم الضياع في الغابة و ايضا يوجد مكان للمبيت في الغابة بسعر 81 دينار للشخصين و 120 دينار لأربعة اشخاص و انصح الجميع بزيارة هذا المكان.
  • Review by ايمن of Central Trade & Auto Co - Toyota
    9 years ago
    حصل معي عطل بسيارتي التويوتا بريوس وطفت و اخدتها على مركز صيانة تويوتا بعد ما اخدت موعد منهم ولما روحت عندهم كان استقبالهم كتير منيح و الاشي الي عجبني عندهم انو كتير مرتبين و منظمين في مواعيدهم و تعاملهم و كانت السيارة جاهزه في 4 ساعات و كانت ممتازه و من ناحية الاسعار بصراحة اغلى شوي من اي مكان تاني بس بصراحة بستاهل لأنو بتتصلح من اول مرة وبدون تحزير وتخريب.
  • Review by ايمن of Al shareef
    9 years ago
    مقهى الشريف مكان قضينا في انا والشباب اوقات كتير خاصة ايام العزوبية نلعب شدة ونارجل مقهى اسعارو منيحة وزيو زي باقي المقاهي اللي خاصة بشباب بتكون معجوقة ومحششة خاصة بشتا ما بتندخل من الدخان والاراجيل بس بصيف جيد.. والصفة عندو صعبة شوي بس بتلاقي مكان بالاخر عشان تصف ..الخدمة جيدة بس بطيئة شوي من العجقة..
  • Review by ايمن of Cinnabon
    9 years ago
    بنصح الكل في كتييييير طيب ودايما فريش... اسعارو مرتفعة شوي بس بستحق محل نظيف وشباب زوق... والقطعة منو تعتبر وجبة لانها دسمة كتيير بس طيبة كتيير وبنصح الكل يجربو..
  • Review by ايمن of Taj Lifestyle Center
    9 years ago
    كمول زيو زي باقي المولات لا اكبر ولا اصغر ونصيحتي ما حدا يرووح علي الا بعد 3 اشهر لتكون كل المحلات فاتحة لانو لهلأ بس اكمن محل فاتحين وما احكيلك عن الاسعار بالمحلات اشي خرافي ...بس من ناحية النظاافة والترتييب المحلات مرتبةوواسعة وديكوراتها مرتبة جدا ...والكراج حدث بلا حرج زي اللي فايت متاهة لا لما تفوت بتلاقي صفة زي العالم والناس ولا لما تطلع من الكراج بتطلع منيح ولما تطلع من الكراج زي اللي طالع من جوا حارة ضيقة وشارع مو مزفت اللي بطلعك عرئيسي يعني باختصار غلط اللي فتح قبل ما يجهز كلو لانو الناس رح تاخدفكرة غلط عنو..هذا تعليقي عليه لهلا يمكن كمان اكمن شهر تتغير فكرتي عنو..
  • Review by ايمن of Ward Restaurant
    9 years ago
    من افضل الاماكن اللي ممكن تجتمع فيها العيلة على سفرة هنية فيها من اطيب الماكولات اللبنانية والمشاوي والمقبلات والسلطات والعصائر وبعد الاكل استمتع باجواء المطعم مع نفس ارجيلة على كيف كيفك هادا غير انو مكان هادي وجميل وقعدتو بالصيف احلى لانها بالهواء الطلق جنب النوافيير يعني شي غير شكل بس نصيحة اللي بدو يروح عليه يحجز قبل ما يروح لانو ما شاء الله دايما بروح مافي طاولات ولازم تحجز ومن جهة الصفة متوفرة بشكل جيد وفي خدمة فاللي ... نصيحة الكل يجربو وما رح يندم
  • Review by ايمن of Dallas Tours & Travel
    9 years ago
    انا كانت كل رحلاتي الخارجيه معهم و اخر سفره الي كانت من فتره صغيره وبصراحه كتير انبسط لانهم صادقين في تعاملهم واسعارهم دايمن اقل من غيرهم واحسن اشي عندهم انهم بستقبلو الواحد في المطار وبساعدو و حتى في البلد الي بتسافر عليها بكون المندوب تاعهم يستناك ويساعدك من اول ما توصل لحتى تروح وبصراحه بنصح الكل يسافر معهم.
  • Review by ايمن of Basman Roastery
    9 years ago
    كل أنواع البزر عندو نظيفة ومخلوطتو مرتبةما بتقدر ما تمر من جنبو وما تشتري بزر لانو ريحة البزر بتكون مفحفحة بكل الشارع صحيح ما بتلاقي صفة بسرعة خصوصا بعجقة البلد بس الا ما تشتري والسعر عادي ومنيح والخدمة جيدة وسريعة
  • Review by ايمن of Malak Al Tawouk
    9 years ago
    اذا بدك اشي عسريع ومشبع ما الك غير صاروخ ملك الطاووق كتيير طيبة بعملوها عطريقة اللبنانية خاصة سلطة الملفوف اللي بحطوها بالساندوش بتفتح نفسك عل اكل وشغل نظييف والا ما تلاقيلك صفة واسعارو مناسبة والشغيلة كتيير زوق
  • Review by ايمن of Ocean Sea Food
    9 years ago
    أكلو طيب كتيير من سمكمشوي ومقلي وروبيان وشوربة السي فود وكاليماري وغيرو ومع انو محل للسمك بس ما بتشم في ريحة زنخ ابدا مستو ى النظافة في عالية والخدمة معقولة لا سريعة ولا بطيئة والشغيلة محترمين وزوق بالتعامل والقعدة باي صالة في حلوة بس انا بحب القعدة المطلة عشارع بحسها مريحة واحلى اكتر وعندو بطابق الاول ببيع سمك وبتقدر توصي ويوصلك ديليفري انا مرة وصيت ديليفري ووصلني سخن ومغلف منيح يعني اذا بدك اكلة سمك محترمة روح عل محيط
  • Review by ايمن of Tche Tche
    9 years ago
    مكان توب بكلشي اكلو طيب كتييير والارجيلة عشرة على عشرة والقعدة صيف وشتا في حلوة برة وجوة كمان الخدمة جيدة وسريعة والشغيلة بشوشيين والاسعار متوسطة لا غالية ولا رخيصة والديكور حلو ومريح ومرتب ونظيف بتحس حالك فبيتك والصفة عندو سهلة خاصة انو في خدمة valet..يعني مافي احسن من هيك
  • Review by ايمن of Mountain Breeze Resort
    9 years ago
    كانت زيارتو موفقة مع الشركة موقع رائع ومطل كولو خضار والهوا نقي مكان للي بدو يروق ويتغدى كتيير رائع وللي بدو يلعب برضو رائع بتلعب هناك paintball وكرة طائرة وفي kids area ...قعداتو مرتبة ومريحة وخدمة الزبائن كتيير منيحة وموفريين مساحة منيحة للاصفة..كانت رحلة رائعة بتنعاد...
  • Review by ايمن of Cantina
    9 years ago
    زرتو انا واصحابي برمضان عل فطوراكلو زاكي ونظيف والبوفية اللي بعملو عل فطور رائع في سلطات وشوربة وبتختار الطبق اللي بدك يا الخدمة سريعة والاكل بشبع قعدتو مريحة ورايقة والصفات متوفرةوالشغيلة محترمين وزوق...واسعرو معقولة
  • Review by ايمن of Optic Centre
    9 years ago
    بحب اتعامل معو بشتري من عندو عدسات طبية لزوجتي معاملتهم جيدة والمحل نظيف ومرتب وبتلقي صفة عندو سعر العدسات عندو دائما ثابت وارخص من باقي المحلات وعندو تشكيلة كبيرة من النظارات الطبية والشمسية..
  • Review by ايمن of Zalatimo Sweets
    9 years ago
    ازكى محل للمعمول كل عيد باخد من عندو كعك العيد تغلييف ممتاز والجودة والنظافة عالية والشغيلة زوق وسعرو في...ومتوفرة المصفات قدام المحل...وبتفنن بالكيك اشكالو كلها بتجنن
  • Review by ايمن of Carrefour
    9 years ago
    من اكبر اماكن التسوق بلاقي في كل اغراض اللي بحتاجها البيت من تموين وادوات منزلية عندو صحون باحجام والوان مختلفة بس كتيييير غالية والادوات المنزلية في اشي غالي واشي رخيص بس بضاعة مرتبة..والحلو انو باركينغ واسع وبتلاقي صفة بسرعة...ومشكلتو لما يكون عامل عروض كتيرة ومنيحة ما بتقدر تدخلو لانو كل عمان بتكون في....
  • Review by ايمن of Tapea Loeil
    9 years ago
    محل اطفال رائع بشتري منو لابني بلاقي بضاعتو جودتها ممتازة وقطعو مميزة ونظيفة وموزعة بالمحل بشكل مرتب حسب الاعمار...بس مرات بتكون اسعارو غالية ...ووقت سل بتصير اسعارو مناسبة جدا...بنصح كل مين عندو بيبي يزورو ..:)
  • Review by ايمن of Home Center
    9 years ago
    من الاماكن المفضلة عند زوجتي بتحب تلفو كلو وبتاخد منو افكار حلوة وغريبة بتحب الاكسسوارات وال كاندلز ..وبرايي انا بشوفو كتيير غالي وما بنشرى منو الا بوقت الخصومات ..والموظفيين قليلين بدك تلف نص المحل لتلاقي واحد فاضي يساعدك .بس بتلاقي عندو لقطات حلوة وغريبة.
  • Review by ايمن of Gerard
    9 years ago
    ازكى محل بوظة جربتو محل نظيف خدمتو سريعة موظفين زوق بالتعامل بس سيئتو الوحيدة زي ما حكى الكل المصفات صعبة جدا بتصف بآخر الدنيا وبتروحلو مشي..بس بتستاهل لانو كل شي عندو طيب وبنصح الكل يجربو..
  • Review by ايمن of Rawan Cake
    9 years ago
    روان كيك محل حلوياتو مناسبة لاي مناسبة ..بتفوت عل محل بتحتار شو بدك تنأي كل شي شكلو لذيذ وطيب جربت عندو الكيك والآيس كرييم ..مشكلتو انو مساحتو ضيقة وما شاء الله زباينو ما بنقطعو فدائما معجووء وبتطول شوي لتحصل عل خدمة اللي بدك ياها ومو ددائما بتلاقي مكان تصف السيارة بس بشكل عام المحل حلوياتو كلها نظيفة ومرتبة وطيبة وبتلبي كل المناسبات
  • Review by ايمن of Pharmacy One
    9 years ago
    فارمسي ون تعتبر بالنسبة الي نمبر ون من بين كل الصيدليات بعمان وبرة عمان لانو وين ما بتروح بتلاقي فرع الها وبتلااقي طلبك ..خاصة فرع المدينة المنورة خدمة رائعة ...واي دوا او مستلزمات اطفال او مستلزمات عناية بالبشرة والشعر وكريمات بتلاقي للزجل والست واذا ما كان متوفر طلبك بس يتوفر بحكو معك تلفون ...وبتعملو مع شركات تاميين كتييرة.
  • Review by ايمن of Al Shalati Central
    9 years ago
    مكتبة الشالاتي من اكبر مكاتب عمان للقرطاسية والهدايا واذا بدك تشتري قرطاسية مميزة بتلاقي فيها طلبك ..والحلو انها فتحت فرع الها بالجاردنز ..اسعارها معقولة ...والموظفين زوق وبساعدوك لتلاقي طلبك بسهولة .
  • Review by ايمن of Ramz for Professional Education Programs
    9 years ago
    مركزالرامز من افضل المراكز في عمان لانو بوظف عندو افضل المدرسين والي بأكد هدا الحكي هو نسب النجاح للطلاب في الامتحانات اما بالنسبة لموقع المركز فهو استراتيجي و سهل الوصول اله و بتوفر مواقف للطلاب لكنه غير كافي للجميع بس في شخص ممكن يصفلك سيارتك في حالة ما لقيت صفه اما بالنسبه للمعهد من الداخل فهو جيد لأنه القاعات مو كبيرة فبكون عدد الطلاب قليل والتركيز اكثر اما بالنسبة للدورات الي بقدمها المعهد فهي CMA،CPA،CFA،CIA،FRM. ،واما بالنسبه لأسعار الدورات فهي معتدلة ومش اغلى من باقي المراكز وهدا من تجربتي الشخصية في دورة CMA الي باخدها الان عنده ويصراحة كتير مستفيد من طريقة شرح المدرس للمادة ومن طريقة اهتمام المدرس بالطلاب وبنصح الجميع في هدا المعهد.
  • Review by ايمن of Audi Bank
    9 years ago
    بصراحه البنك منيح كتير والموظفين الي في من احسن ما يكون و كتيرمرتبين وتعاملهم رائع وخدماتهم ممتازه والبنك من الداخل ديكورو مرتب بس مشكلتهم انو ما في الهم افرع كتير بس عم يفتحو افرع جديده .
Next

Places I like

Photos I added

Onion Soup
Grilled Steak
Dessert R. World