أسماء رباع

أسماء رباع

Amman . Since March 2011
معلمة صف أول أساسي ، متزوجة وسعيدة في حياتي، أعشق الطعام اللذيذ ودائما أبحث عن النكهة اللذيذة حيث تكون ، عملت في شركة أرامكو بالسعودية حيث ولدت وعشت 23 سنة كما عملت في المدارس النموذجية العربية وأعمل حاليا في أكاديمية ساندس الوطنية ، أحب الحياة وأحب أن أعيشها كما ينبغي.
95 Reviews
Added places
2
Reviewed first
42
Added reviews
95

My reviews

  • Review by أسماء of Brzan Al Khaleej Restaurant
    9 years ago
    جربت عنده المندي والمجبوس والهريس الصحيح روووووووووووعه كتير كتير طيب أتفاجأت بإتقان الطبخ عندهم ، الجودة واضحة والنظافة تمام وحتى الحمام كتيييييييير نظيف. في تنوع رائع بالمنيو بس طبعا كلها أكل خليجي ، الديكور كتير فخم وحلو ، ما في مشروبات روحية ولا منطقة خاصة بالتدخين ، الأسعار كتير رائعة بالأول توقعت تكون أسعاره سياحية بس لما جاب المنيو كتير تفاجأت وهلأ عاملين عرض على بوفيه رمضان 7.5 دينار للكبار يعني 8.70 مع الضريبة بس بكون بالبوفيه شوربة و طبق رئيسي وسلطة وحلو ومشروبات وللصغار 4.6 دينار مع الضريبة.
    الخدمة ممتازة والنوادل بشوشين كتير ، الطعام كتير صحي لأنه طبيخ، عنده سفري بس توصيل ما أظن ، ما عنده أماكن خاصة بالأطفال ، عنده أماكن اصطفاف ، وبنصح الكل يجربه طبعا للي بحب الأكل الخليجي على أصولة تجربتي معه رائعة ورح أعيدها أكيد مرات ومرات :)
  • Review by أسماء of Al Mankal Chicken Tikka
    9 years ago
    جربت عنده الكباب والشقف وزوجي جرب الدجاج المشوي كتييييييييييير طيب عنده الأكل وكتيييييييير متقن والخلطة إلي عالجاج روعة وكذلك المشاوي ، الديكور سيء والنظافة جيدة
    لا مشروبات كحولية ولا أماكن خاصة بالتدخين الأسعار مرتفعة بس الجودة تستحق الخدمة كتير جيدة والسرعة ممتازة بس الوقت بكون هو وقت الشوي يعني الواحد يحط بباله يستنى من ربع لثلث ساعة والأفضل إنه الواحد يتصل ويوصي بعدين يروح هيك بكسب وقت الطعام اكيد صحي لأنه مشوي عنده سفري وأعتقد ما في توصيل مافي أماكن خاصة للأطفال وممكن تلاقي مصفات فاضية بس مو دايما بنصح فيه بشدة :)
  • Review by أسماء of Popeyes
    9 years ago
    كتير طيب الجاج فيه على حكي زوجي وأهله بس أنا طبعا ما باكل جاج لذلك ما بقدر احكي عن الطعم :(
    بس السلطات عنده زاكية . الخدمة كتير جيدة والحمامات نظيفه :) الأسعار كتير ممتازة ما عنده مشروبات روحية ولا منطقة للمدخنين النوادل كتير لطيفين ، الطعام اكيد مو صحي لأنه مقلي بس شغل مرة بالأسبوع ، عنده سفري توصيل ما سألت ، ما في أماكن خاصة للأطفال والمصفات موجودة بس مش دائما فاضية :( بنصح فيه
  • Review by أسماء of Pizza Qaysar
    9 years ago
    البيتزا عنده ممتازة ، زاكية والجودة جيدة جدا ، في تنوع بالبيتزا ( مرغريتا ، سلامي ، بحري ، خضار ، لحمة ، دجاج )
    الديكور جيد بس المحل كتير ضيق ، لا مشروبات روحية ، ولا منطقة خاصة بالتدخين ، الأسعار رائعة ودايما عندهم عرض اشتري واحدة والثانية مجانا الخدمة جيدة الطعام صحي بس احيانا بحس في زيت زيادة و دهن خاصة بالسلامي عنده سفري توصيل لأ على ما أظن في أمامه مصفات بس مو دائما فاضية :( ما في أماكن للأطفال.
  • Review by أسماء of Hamadah Restaurant
    9 years ago
    رائع جدا وطعم الفلافل واااااااو الجودة واضحة وكذلك النظافة
    عنده فته وحمص وفول وفلافل يعني القائمة المعتادة لمحلات حمادة ، المشكلة ما عنده قعدة أكيد ما في مشروبات روحية ، الأسعار رائعة والخدمة سريعة جدا واللي بشتغلو فيه كلهم بشوشين :) الطعام صحي طالما مش فلافل لأنها مقلية بس بضل للفلافل فوائدها :) الخدمة عنده كلها سفري بس ما في توصيل ممكن تلاقي مصفات عنده بس مش دائما فاضية بنصح فيه بشده :)
  • Review by أسماء of Palestine Mountains Juice
    9 years ago
    مكان رائع للعصير الطبيعي وهو مكاني المفضل إذا حبيت اشرب عصير طبيعي
    الفواكة بنتبه عليها قبل ما تنعصر وبتكون كتييير طازجة و بحالة ممتازة والمحل شغله كتير نضيف و كل ما اروح على البلد بحب ازور هالمحل وبالصيف العصير مع الثلج ياسلاااااااااااااااااااااااااام ولا أروع خاصة إنه طبيعي ومفيد والحلو إنهم حاطين كراسي برا المحل يعني بعد تعب المشي في شوارع البلد الواحد برتاحله مع كاسة عصير بااااااااااااردة وحتى بالشتا بقدر الواحد يطلبه بدون ثلج ، بس بضل العصير الطبيعي الخيار الأفضل خصوصا إحتواءه على الفيتامينات . بنصح الكل فيه وبشدة :) جربوه وادعولي :) بس ملاحظة كتير محلات مسمية مرطبات فلسطين هادا انتبهوا يكون ( جبال ) فلسطين
  • Review by أسماء of Nedal Al Kalha Restaurants
    9 years ago
    رحنا عليه أنا وطلاب صفي ( صف أول ج ) العام وكنا معزومين فيه رحنا أنا و 25 طالب
    الخدمة كانت سريعة وممتازة والديكور كتير حلو مختص بالفطور حمص وفول وفلافل وفته ، ما فيه مكان خاص للتدخين ، ولا بالأطفال الأسعار جدا ممتازة بس أغلى من زمان الطعام صحي طالما مش فلافل لأنها مقلية ما عنده توصيل بس عنده سفري بنص الكل فيه :)
  • Review by أسماء of Pizza Hut
    9 years ago
    زماااااااااااان كانت البيتزا هت شيء مميز ، الآن تراااااااااجعت من لما غيرت المكونات
    زمان كانت كل المنتجات اللي تستخدمها أمريكية 100% الآن صارت مصرية وعربية صرت لما امسكها تعبي إيدي زيييييييييييت ولما احط القطعة بالفاينة والله يا جماعة بتتشبع زيت الجودة وسط والتنوع موجود الديكور كتير حلو والسلطات رائعة ، الأسعار كتيييييير غالية مقارنة بالجودة ، الخدمة جيدة ، الطعام مش صحي عدا السلطات ومو كلها ، عنده سفري وتوصيل بس مو مجاني ، في أماكن اصطفاف ما بنصح فيه :(
  • Review by أسماء of KFC
    9 years ago
    زوجي من عشاق الكينتاكي بحب وجبة الدينر كتير وبعشق طعم الجاج ( أنا ما باكل جاج :( )
    بعشق الكولسلو كتيييييييييير الجودة عالية ، التنوع موجود بس زوجي بحكي أطيب إشي الفرايد شيكن أطيب من السندويشات لا مشروبات روحية ولا منطقه خاصة بالتدخين ،الأسعار ممتازة مقارنة بالكمية ، الخدمة جيدة جدا ، الطعام أكييييييييييييد مو صحي لأنه مقلي ، بس شغل مرة بالأسبوع :) عنده سفري وعنده توصيل بس مو مجاني بياخد دينار ونص . ما في أماكن مخصصة للأطفال . بنص الجميع فيه :)
  • Review by أسماء of Dhahran Mall
    9 years ago
    مجمع الظهران جدا رائع فيه تنوع بالسلع والأسعار هي أسعار الماركات ، وفيه تقريبا كل الماركات المرغوبة ، تصميم المول جدا حلو
    بحب اروح على جيان كتيييييييير حلو وتصميم ساحة المطاعم جدا مريح والحلو عندهم مطاعم مختلفه تناسب جميع الأذواق بالنسبة للحمامات آخر زيارة إلي عنده كانت نظيفة بس ما بعرف هلأ كيف هي بنصح الكل بتجربته
  • Review by أسماء of Joffrey's
    9 years ago
    جربت الفرع إلى بمدارس الظهران ( أرامكو) عاملين فرع صغير وكنت بعشق من عنده الموكاتشينو
    وكان راااااااااااااااااااااااااااائع وكان مشروبي المفضل وبفضل عندهم نكهة الكوفي عن الأماكن التانية سريعة جدا خدمته و في تنوع بالقائمة ما عنده مشروبات روحية أكيد الأسعار رائعة وكتير فرق عن غيره بنصح الجميع فيه :)
  • Review by أسماء of Al Dur Al Manthur School
    9 years ago
    سمعت عنها كتير وبنت زميلتي معلمة كانت فيها بالروضه kg1 kg2 بالفعل تأسيسها رائع ما شاء الله وقوي جدا ، يعني بطلع الطالب بعد الروضة بعرف يقرأ ويكتب شو ما بده
    واللي عجبني كتير إنهم ماشيين على القاعدة النورانية بالتعليم وبنتها بسم الله ما شاء الله حافظيتها وفاهميتها لا وعم تشرحها لإمها ههههههه يعني تأسيس كروضه وأساسي رائع بس المشكلة الوحيدة بس هي إنها بتتبع توجهات دينية خاصة، وهادا المأخذ الوحيد عليها بس عدا عن ذلك بنصح فيها للتأسيس بشدة :)
  • Review by أسماء of Sands National School
    9 years ago
    مدرسة على قدر عالي من التطور ، إن شاء الله حتكون مكان عملي الجديد ، رحتليها قبل التقديم وكانت فعلا مدرسة مرتبه وديكوراتها رائعة ومتطورة جدا تكنلوجيا ، بحيث بكل صف موجود سمارت بورد ( interactive board)
    الحمامات فيها كتير نظيفة ، وهادا مهم جدا لصحة الأطفال الأقساط مرتفعة بس متناسبة مع باقي المدارس الخاصة بنصح فيها بشدة خصوصا الروضة والقسم الأساسي لأنه التأسيس فيها قوي جدا . :)
  • Review by أسماء of Arab Model Schools
    9 years ago
    عملت فيها سنتين ، مدرسة عريقة وجميلة
    بعيب عليها تمسكها ببعض الإستراتيجيات القديمة مما يؤدي لتأخر المدرسة باللحاق بركب التطور الأقساط جدا مرتفعة بس متناسبة مع بقية المدارس معلمات قسم الأساسي من أروع ما يكون و على كفاءة عالية جدا بس لو يغيرو إدارة القسم الأساسي عدا ذلك فالمدرسة بإدارتها العامة وكادرها جيدة جدا
  • Review by أسماء of Alawneh Exchange
    9 years ago
    ثاني أفضل مكان ممكن للواحد يصرف منه
    تعامل راقي وخدمة سريعة وفي مصفات على بابه وبكل نظام واحترام بتم التعامل برضه زي ابو شيخة سعر صرف موحد للفروع وبقابلك الموظف بكل ود وبطلعك بكل ود كل الشكر لإلهم وبتمنى كل التوفيق بنصح بالطبع الكل يتعامل معه :)
  • Review by أسماء of Jordan Commercial Bank
    9 years ago
    أنا بتعامل مع فرع شارع مكة
    مع الأسف كتيييييييير بدايق لما يكون عندي مشوار عليهم بنعاني بمسألة لما المدرسة ينزلو الرواتب الضهر مثلا يوم الخميس ما بنقدر نسحبه إلا يوم الأحد الإشي إلي فعلا بدايقنا هادي صارت معنا خلال هادي السنة مرة كمان شغلة كتييييييير بتتأخر معاملاتهم والأهم لما أدخل بطاقتي على أي ATM لازم تصيري مشكلة مرتين حاولت اسحب من صراف التجاري فرع صويلح وياخدو البطاقة بدون سبب واضطر اطلع من الدوام عشان اجيبها بتمنى شوية تحسين للخدمات . لا انصح به إلا لما يحسن الخدمات :(
  • Review by أسماء of Arab Bank
    9 years ago
    رائع جدا ، فتح بابا فيه حساب وكنت انوب عنه احيانا بالمعاملات
    مكانه جدا ممتاز على الزاوية بعد جامع الجامعة ، فيه مصفات ، خدمة عملاء احترافية وكفاءة موظفين عالية ، خدمة الصراف ممتازة ، الإجراءات سريعة جدا ولهم كل الشكر عالسرعة والأداء ، بنصح الكل يفتح حساب فيه :)
  • Review by أسماء of Abu Sheikha Exchange
    9 years ago
    من أفضل أماكن الصرافة بالنسبة إلي بحترم توحيد سعر الصرف عند كل الفروع ، يعني باليوم بكون مثلا سعر صرف الريال السعودي 18.6 بكل فروعة نفس السعر ، مش بتروح عفرع بعطيك سعر و الفرع التاني سعر غير
    بحب عندهم الإحترام والنظام والسرعة الفائقة بالصرف وكل ما بدي اصرف أول ما بروح عليهم إذا كنت بمنطقة إلهم فرع فيها بنصح الجميع بالتصريف عندها :)
  • Review by أسماء of Roman Theater
    9 years ago
    فعلا يا هدى مكان سااااااااااااحر بياخدنا لعبق الماضي و جسارة الرومان وعبقريتهم
    الأسعار كتير مناسبة والحلو إنه فيه متحفين على اليمين وعالشمال واحد للأزياء والتاني للحياة اليومية القديمة كتيييييييييييير حلويين و ممتعين وبيعطونا معلومات حلوووه بنصح الكل والجميع بزيارته لأنها حتكون تجربة رائعة :)
  • Review by أسماء of City Mall
    9 years ago
    شكرا شكرا شكرا لإدارة سيتي مول إلي استمعت إلي وأخيرا ركبو شطافااااااااااااااااات بحمامات الطابق الرابع
    وشكرا لجيران إلي فتحت إلنا منبر نحكي من خلاله ملاحظاتنا إلي هدفنا منها تطوير مرافق مدينتنا الحبيبة عمان :)
  • Review by أسماء of Aliyah Butchery and Restaurant
    9 years ago
    بحب كتييييييييييييييير الشاورما عنده كتير طيبة والخدمة سريعة واللحمه طعمها كتير طيب ، في تنوع مابين شاورما و مشاوي ومعجنات وصواني كفته ، ديكور عادي جدا ، مافيه مشروبات كحولية ، مافي أماكن خاصة لمدخنين، الأسعار رائعة مناسبة تماما للجودة ، الخدمة سريعة ، الطعام طالما مشوي صحي ، عنده سفري بس توصيل ما بعرف بس ما بظن ، مافيه أماكن خاصة للأطفال ، وبجبل الحسين ما أظن فيه مصفات ، بنصح الكل يجربه :)
  • Review by أسماء of Umniah
    9 years ago
    بالنسبة إلها كخطوط خلوي مش بزيادة صراحة بس عشان التغطية ولا الأسعار ممتازة .
    بالنسبة للواي ماكس خط الإنترنت اللاسلكي أنا مشتركة فيه من ثلاث سنوات ، وبشكر الشركة على التعامل الراقي وعلى جودة الخط هلأ كل خط مهما كان نوعه معرض لفترات انقطاع من ثواني لساعات حسب الضغط على الشبكة وحسب مشاكل أخرى من السيرفرات الرئيسية بالبلد بس بشكل عام خدمة رائعة وأتمنى يصيرو 3G يعني بفلاشة زي زين بنصح الكل بواي ماكس لأنه إجراءاتهم سريعة جدا و بترتاح بالتعامل معهم . :)
  • Review by أسماء of Qaser Al Deyafah
    9 years ago
    اليوم بناء على نصائحكم جيراني رحت وجربت المنسف عنده ، رائع جدا جدا ، كإنه بالفعل طبخ بيت ، هلأ الأذواق بتختلف بالنسبة للبن ، في ناس بتحبه تقيل وناس خفيف ، هو جاي بين وبين بس أقرب للخفيف ، لكن لذيذ ، اللحمة بلدية وطعمها بالفعل رائع ، الجودة عالية والنظافة ظاهرة ، الديكور جيد ، في تنوع وكل يوم عنده منيو لأربع طبخات ، لا مشروبات روحية ، في قسم عائلات وقسم شباب وهادا اشي كتييير مريح ، وفي قعدة خارجية ، الأسعار مناسبة للجودة يعني بتطلع وجبة المنسف بـ 8 ونص الخدمة جدا سريعة رغم الأزمة عنده وقت الظهر ، يعني ما لحقنا طلبنا منسف شوي إلا هو جايبه وسخن كتير كمان يعني اشي انبسطت إله ، النوادل كتير لطيفين ، الطعام صحي لأنه طبيخ مش مقالي وفي أشكال من المشاوي كمان ، عنده توصيل وسفري ، بس التوصيل مو مجاني على ما أعتقد ، لا أماكن خاصة بالأطفال ، في أماكن إصطفاف بس مو كتيرة ، بنصح الكل بتجربته :)
  • Review by أسماء of Dr. Mahmoud Taher
    9 years ago
    رااااااااااااااااائع جدا ومحترم كتير وبريح مريضته كتير بتعامل معي كإبنه إله
    بنصح الجميع بمراجعته نظافة المستشفى واضحه وكفاءة الكادر عالية والأسعار رائعة كمان ملف المريضة عنده وبكتب بكل مراجعة كل إشي عشان يكون عارف لما ترجعيله، فيه صيدلية عنده لأنه عيادته أصلا جوا مستشفى الأمل بنصح الكل بمراجعة عيادته :)
  • Review by أسماء of Dr. Tawfiq Al Sheikh
    9 years ago
    رحتله لما كان عندي التهابات بالمعدة والقولون أيام الجامعة
    كادر طبي كفؤ ممرضة رائعة استقبال جيد جدا الأسعار جدا مرتفعة ، بعيب على الدكتور شغله إنه لما تروح عنده بفحص عالسريع ودغري بطلب تنظير، مع إنه المسألة بتنحل بفحص دم وكمان بطلب فحوصات غير ضرورية وبكتبلك أدوية جدا غالية مع إنه في غيرها أرخص لما رحت في إحدى المراجعات كتبلي فاتورة جبتها بسبعين دينار ؟!!!! لا أنصح كثيرا بمراجعته لأنه المرض ما زال عندي رغم إنه كتبلي ست كورسات أدوية بنفس مستوى الأسعار السابق وعلى الفاضي بتمنى بس يتقي الله قبل ما يطلب التنظير لأنه عدا عن إنه مكلف فهو مؤلم جدا والواحد بدوخ بعد ما يعمله
Next