هدى العقرباوي

هدى العقرباوي

Amman . Since February 2011
موظفة بشركة ملاحه
303 Reviews
Added places
18
Benefited people
3
Added reviews
303
Added photos
14
Liked places
12

My reviews

  • Review by هدى of Cafeteria Al Thawaq
    9 years ago

    جبل عمان...تكاد تستشعر قدسية هذه البقعة العمانية الاصيلة وأنت تمشي في شوارعها، فكل بقعة تحكي قصة أو قصصاً كثيرة عن أجيال وأحداث تركت فينا عظيم الأثر. اليوم بدأت رحلة تأملية في جبل عمان وضواحيها ومحلاتها التي ترحب بك زائراً أو حتى سائراً بلا شراء. محطتي الأولى كانت محلاً صغيراً يعرفه طلاب الكلية العلمية الإسلامية في جبل عمان بامتياز ويعشقه من يقدر حرفية الصنعة وإن كانت في الطعام. "الذواق" رحب بنا بابتسامة عريضة ومأكولات طيبة تستحق التقدير والعرفان. فسندويشة جنة الحلوم الشهيرة تركت في نفسي أثراً لا زلت أحاول تفسيره...الخبز الرقيق المحمص حتى أعلى درجات الكمال وجنة الحلوم التي لا مثيل لها تمتزجان معاً لتخلقان وجبة رائعة وخفيفة..ولا يخفى على أي منكم أن هذه اللذه البسيطة حملت عبق تاريخ جبل عمان في كل لقمه...وتبعها كوب من لبن الشنينة الذي يصنعه "الذواق" بامتياز...لا شك بأنه استحق اسمه بجدارة
  • Review by هدى of Aramex
    9 years ago
    ارامكس من احسن شركات الشحن بالعالم انا كتير بتعامل مع هادي الشركه لاني بشتغل بشركة ملاحه وطبعا كتير بنتعامل معهم خصوصا بأمور توصيل بوالص الشحن لكتير دول بالعالم ...... والمفروض يكون فيه مواعيد محدده ويكون في سرعه بالتسليم وارامكس بمتازوا بهالشي
    الموظفين التعامل كتير رائع سواء الموظفين يلي بنتعامل معهم وبيجوا عنا عالشركه..... او حتى يلي بردوا عندهم عالتليفون الاسعار ما بعرف مقارنه مع الشركات التانيه بس ارامكس منظمه وعندها مصداقيه بتستاهل انو الواحد يتعامل معها حتى لو كانت غاليه
  • Review by هدى of Total Station
    9 years ago
    توتاااااااااااااااااااااك بنظرررررررررررررررررررررري من احسن محطات البنزين يعني انا ما بتعامل الا معهم وبس ادخل ااعبي بنزين دايما عندهم خدمة تنظيف القزاز الامامي والخلفي للسياره مجانا بفرع صويلح ما بعرف عن بائي الفروووع ....
    وعندهم خدمة تنظيف السيارات كامل بس ب (( 3 دنايير)) وجد بنضفوه العمال بضمير وفي قسم لتغيييير زيت السيارات وفي سوبر ماركت جوه عنده كل شي وفي عندهم مواد للسيارات للتنظيف او للميكانيك للبيع ممتازه واسعارهم جيده
  • Review by هدى of The Bake House
    9 years ago
    مبارح افطرت بالبيك هاوس وكانت اول تجربه فيه طبعا ساعه وانا ماسكه المنيوووو مش عارفه شو اطلب لانو انا بحب كل الاشياء الموجوده بس بالاخر قررت وطلبت (( الاومليت)) كااااااااااااااااااااااااااااانت كنير زاكيه
    وبعد ما افطرت طلبت ئهوه كمان كانت كتير مزبطينها وشربت مرتين ئهوه الخدمة كانت شوي بطيئه لانو اتاخروا لجبوا الطلب مع انو ما في ناااااااااااااااااااس كتير كان بس الموظفين جد كتير مناح ومبتسمين المنيو مش كتير فيها تنوووع يعني اشياء محدوده الديكور مرتب كتير والاجواء مريحة الاسعار متوسطة المصفات متوفرره
  • Review by هدى of Costa Coffee
    9 years ago

    كوستا من الكافيهات العالمية والمميزه كتيررررررررررررررر عنده اشياء كتير زاكيه متل ((( الاسبريسو عليها كريمة مخفوقه وعندهم كافيه لاتيه بالبندق والتشيز كيك والكرواسان جد رائااااااع وازكى شي انو تاكل مافن مع الكابتشينووووو او الامريكان كوفي ))) المكان ئعدتوا حلوه والخدمة سريعه والنظافة ممتازه مع انو زااااااااااااااكي بس كتيرررررررررررر مبالغ بالاسعار
  • Review by هدى of Friends of al weibdeh association
    9 years ago
    هالجمعيه من الجمعيات الرائعه لانو هدفها كتيررررررررررررر حلو وهو انها تحافظ على منطقة من اروووع مناطق عمان وهي حبل اللويبده لانها من لمناطق التراثيه الرائعه بعمان وفيها معالم ئديمة كتيررررررررررر مهمه ......وهالشي بتم عن طررررررريق تشجيع الناس على الترميم للمباني وتشجيعهم على المحافظه على حدائق ونظافة هالمنطقه وببيعملوا مشاريع كتيررر
    وعم بشجعوا الفعاليات الثقافيه والفنيه بشكل كبيررررررررررر لحتى يجذبوا الناس بشكل كبير للويبده ........ بتمنى انو يئدروا يحافظوا على جمال هالمنطقه وتسيرررررر احلى واحلى لانها بتستاهل
  • Review by هدى of Coral Reef
    9 years ago
    كتير بنشتري من هالمطعم لانو ئريب على بيتي وبحب اروووح انا وامي عشان نختار نوووع السمك واحيانا بنشتريه للسمك واحنا بنعمله بالبيت........ او بختار نوووع السمك وبنخليه للمطعم يعمللنا اياه مشوي وجد بيعملو كتير زاكي وبيعملوا بطرررق تانيه بس ما جربناها
    المحل نضيف كتيرررر والتعامل جيد وانا بوصي عالسمك بس برجع بعد وئت معين باخده لحتى ما اضل استنى بالمحل المكان ما فيه ئعدات السعر حسب نووع السمك يلي بتختاره الاصطفاف متوفرررررررررررر الاسعار : انت وطلبك ..
  • Review by هدى of City Toys
    9 years ago

    سيتي تويزززززز يعتبر بالنسبه الي من احسن ا لاماكن لشراء الالعاب عندهم العاب منوووعه من (( دباديب وباربيااات والعاب تعليميه والعاب اولاد )) من ناحية الجودة كتير منيحة الالعاب وازا بنحافظ عليها بتضل فترررررررررررات طويله المحل كبير وكل شي معروض بطريئه واضحة ومررررررتبه أسعارهم غاليه وبشوووف احيانا في اشياء ممكن نلائيها بالسوووق ارررخص خصوصا الدباديب خدمة الزبائن كتير منيحة المصفات متوفره *** وأهم نصيحة :- بس تروحوا عالمحل لا تاخدوا الاطفال معكم لانو رح يضلوا يبكوا بدهم يشتروا على زوووئهم ورح يختاروا اغلى الئطع .... ورح ينكدوا عليكم
  • Review by هدى of Sushi
    9 years ago
    مطعم سوشي بيئدم السوشي بأنواع مختلفه وانا كنت مش متخيله فكرة انو أكل سمك ني بس لما روحت على هالمطعم وجررررررررررررررربت كان الاكل كتير زااااااااااااااااااااكي والووو طعم مميزززززززززززززز وأكلهم نظيف ممتاز والمكان مميززززززززز بأجوائه
    وإسقبالهم وأسعارهم مناسبة المصفات متوفره بس كتيررررررررررررررررررررررر بتاخروا ليجيبوا الطلب
  • Review by هدى of Sweileh Public Library
    9 years ago
    مكتبة صويلح العامه من اقدم المكتبات الموجوده بصويلح موقعها موجوده بالطابق التاني بمبنى معروف بالبريد بنص سوق صويلح
    والمكتبه مقسومه لقسمين ((قسم للكبار ---- وقسم للاطفال)) مكان رائع وكنت انا من طفولتي اروووح اقضي وقت كبير بهالمكتبه الرائعه والمنوعه وكانت اجوائها هادية كتير ومش مسموح بالكلام ابدا فيها ..... وبعد ما كبرت انتقلت لمكتبة الكبار كنت مدمنة روايات خصوصا <<< اجاثا كريتسي >> وغيرها من كل انواع الكتب وكل قسم للكتب مكتوب عليه شو نوع الكتب الموجوده بالرفوف وكانت فكرة الاستعارة موجوده وكان عن طريق بطاقة عضويه لكل مشترك وكانت المكتبة تعمل مسابقات للتشجيع على القرأه متل مسابقة القطار السريع وانا فوزت فيها واخدت جائزه من الاميره عاليه بس هلاء صارلي سنين ما دخلتها بحكم اني مشغوووله وصرت كسووووله ما بعرف شو صار فيها !!! بتمنى انها تكووون اتطورت ويكون في نسبه كبيرة من القراء بزوروها خصوصا الاطفال لانو بتحببهم بالقرأه كتيرررررررررررر
  • Review by هدى of Zaki A. Ghul - Sony
    9 years ago
    سوني من الماركات المفضله عندي وبحب كل اجهزتهم خصوصا الموبايلات واشترينا من عندهم البلاي ستيشن جددددددددددددددددد رووووووعه وشبه ادمان صرنا نلعب عليها لانها كتير ممتعه واهلي بدهم يشتروا تلفزيون جديد وانشالله رح نشتري سووووني لانو جد شاشاتهم رووووووعه
    والله بالنسيه الي انا كل شي ماركة سوني بحبه المحل غالي كتيرررررررررررررررررررررررررر بس بستاهل وانا بشوف احيانا في محلات ممكن يكون سعرها ارخص بس انا بحب اشتري من الوكيل لانه ازا خررررررررب شي الواحد بتبهدل الموظفين جدا رائعين وبساعده كتيررررررررررررر والمحل كتير مرتب وطريقة العرض ممتازه
  • Review by هدى of Vincci Shoes
    9 years ago
    من احلى محلات الاحذية فينشي لانها من مريحة كتيرررررررررررررررررررررر وهي الوحيده يلي بس البس شوووز جديده من عندهم رجلي ما بوجعوني
    وعندهم موديلات كتيرررررررررررر حلوه ومنوعه الاسعار غاليه الموظفين بساعدوا كتيررر وبنصح الكل يشتري من عنده
  • Review by هدى of Swatch
    9 years ago
    سواتش من لماركات المعروفه من زمان بأنها من احسن الساعات بالعالم وفي عندهم مجموعه مميزه من الساعات البناتيه والرجاليه وللاطفال ...... وفي كل انواع الساعات سواء رسميه او سبووور وكل شي اخر موووضه بعالم الساعات
    طبعا احلى ميزه بهالساعات انها ضد الماي ........ انا عندي ساعه من سواتش صارلها تئريبا عندي 7 سنوات ودعكتها كتير وياما اجا عليها ماي ولساتها متل ما هي سواتش مش بحاجه لاني احكي عنها لانها من اهم محلات الساعات وعندهم اسعار متفاوته يعني في من الوسط للغالي
  • Review by هدى of Natural Looks
    9 years ago
    ناتشورال لوكس من اروع المحلات الى تبيع مستحضرات استحمام من كريمات وشور جل وشموع وعطور وزيوت ...... اسعارهم ممتازه والمستحضرات بحسها انها طبيعيه ومميزه وكتير بتساعد عالاسترخاء وتغيير النفسيه
    وكتير كنت اخد لصاحباتي من عندهم هدايا وكنت انا اختار بسله كل شي بدي اياه وبالاخر بتطلع هديه مميزززه الموظفين كتير مناح بالتعامل وبساعدوه كتيرررررررررر عالاختيار لانو لواحد بيحتار لانو في روائح كتير حلوووه
  • Review by هدى of Mothercare Fashion
    9 years ago
    مذركير محل متخصص بملابس الاطفال ويعتبر من احسن الماركات العالميه ....... طبعا موجود عنده كل ما يخص الطفل من لحظة الولاده لعمر اظن 10 سنين من ملابس او عرابايات اطفال او اغراض الطفل حديث الولاده ...... وانا اكتر شي بشوفوا حلو اواعي البنات خصوصا الفساتين يعني مبين عليها انها ماركه وجد فساتينهم وموديلاتهم بتخلي البنوتات الصغار احلى واحلى ...
    وهلاء النسبه للاسعار مستحيل تلائي شي رخيص يعني كل شي غالي انا دايما كل ما امسك شي بيطلع سعره بحدود 80 وفي الاغلى كمان المحل واسع كتيرررررررر وفيو موظفين بساعده كتير وموجود بالطابق الاول بالسيتي مول
  • Review by هدى of La Senza
    9 years ago
    لاسينزا مكاني المفضل لشراء البيجامات الصيفيه والشتويه لانو او شي موديلاتهم كتير حلوه ومميزه
    وتاني شي القطن ما بيعمل حساسيه والبيجاما بتضل فتره طويله عندي وما بتخرب واهم شي انو غسيل ولبس والمحل جدا راقي ومرتب ومنظم كل شئ بلائيه بمكانه واسعارهم حلوه بالتخفيض والخدمه لزباين اكثر من ممتازه وفي كمان عندهم تشكيله رائعه من ئمصان النوم والارواب
  • Review by هدى of TGI Fridays
    9 years ago

    فرايديز من احسن المطاعم يلي زرتها. ووجبتي المفضله تشكن ماشروم اند مشروم بنصح الكل بتجربتها وعندهم البطاطا المرشوشه باللحم وعليها جبنة الموزريلا و في فاهيتا الجاج و في الهمبرجر وفي شوربه وسلطه . والخدمة ممتازه الا انو في شوية تأخير في احضار الطلب. بالنسبه للحلو دايما بطلب الكيك براوني بالايسكريم طعمممممممممممم خرافي ومن ناحية ديكور المطعم ديكوروو مميز ومن ناحية الجوو جوو رايق بس احيانا بكوووووووووووون كتير ازمه لانه موجود بموووول ومن ناحية السعر سعروو مناسب لجودة الاكل والكميه ممتازه ومشبعه الموظفين جدا رائعين واي شي بطلبوا بجيبولي اياه مع ابتسامه عريضه
  • Review by هدى of Abu Tarboush Pharmacy
    9 years ago
    صيدلية ابو طربوش من الصيدليات الرائعه بكل النواحي اول شي انك بتلائي عندهم كل الادوية ومستحضرات التجميل والكريمات الطبيه
    وتاني شي ازا ما كان الدوا موجود بالصيدليه ممكن يساعدوك عشان تلائيه وبس تاخد من عندهم الدوا وتكون بدك تستفسر بجاوبوا عن الاسئله بكل دقه وبفدموا النصائح والسيده بهيره ابو طربوش صاحبة الصيدليه انسانه رائعه وصيدليتها مرتبه وحتى الموظفين يلي عندها كلهم ناس محترمه بس مشكلة الصيدليه هي بالمصفات واخر شي بدي اصحح انو موقع الصيدليه مش بجبل الحسين موقعها بالضبط اول شارع وزارة الصناعة والتجارة
  • Review by هدى of Reefy
    9 years ago
    مطعم الريفي مطعم بيئدم وجبات بروستد جاج كتيرررررررررررررر زاكيه وكمان بيئدم التشكن ستربس وفي وجبة بروستد فيليه السمك
    وبتضمن الوجبه البطاطا في ودجز او الشيبس وكتيرررررررررررر زاكيه + الكووول سلووو +والمتومه +المخلل وجباته كتير زاكيه خصوصا السمك الئعده ما بعرف انا باخد سفاري بوصي عالتلفوون وبروح بلائيه جاهز خدمة التوصيل موجوده الاسعار مناسبه
  • Review by هدى of Royal Automobile Museum
    9 years ago
    يعتبر هالمتحف من المعالم المهمه والمميزه بحدائق الحسين لانو بيحتوي على مجموعه من السيارات والدراجات القديمه والحديثه الرائعه للملك حسين الله يرحمه ..
    ومع كل سياره في شرح مفصل عن السياره وصور مكتوب عليها قصة كل سيارة والمناسبة التي استخدمت فيها. ومن اجمل السيارات سيارة عرس الملك عبدالله والملكه رانيا والسيارات يلي كان يشارك فيها الملك حسين بمسابقات الرالي وسيارات الفراري ويا نيال كل حد عيد ميلاده نفس يوم عيد ميلاد الملك حسين ... لانه ابن عمتي بنفس يوم ميلاده بخلوه يركب من هالسيارات الخياليه بهاليوم وبيعمل جوله بشوارع عمان يوجد دخوليه العطله يوم التلاتاء المصفات متوفره
  • Review by هدى of Saj Deeritna
    9 years ago
    صاج ديرتنا من الاماكن يلي بتكون من ضمن خياراتي لوجبة العشا عنده تشكيله زاكيه من الوجبات بس انا بفضل اكتر شي وجبة المكس تشيز او الفاهيتا او التيركي والوجبه مشبعه وزاكيه وبتتكون من الساندويش والبطاطا وسلظة الكوول سلو وفي بيبسي
    وفي عنده للناس يلي بحب الحلويات صاج الجالكسي مع النوتيلا او السنكرز مع النوتيلا انا ما جربتهم لانه ما بحب هالاشياء بس اختي بتحب الحلويات وبتطلبهم وبتحكي انهم كنير زاكيين النظافه ممتازه الخدمة سريعه والمصفات اكيد شبه مستحيله
  • Review by هدى of Crab Island
    9 years ago
    جزيرة السلطعون من المطاعم المميزه للماكولات البحريه موقعه بالضبط عند مجمع جبر وبنصح كل حدا بحب يشتري سمك طازج من هالمكان وبمتاز كمان بوجود اصنااااااف كتير من السمك بس احنا اكتر شي بنحب نشتري سمك الهامور وسمك الحمرا وفي نوع اظن اسمو شعور
    واحيانا بنحب يوم الجمعه ناخد من عندهم السمك جاهز ومطبوووخ وكل مره بنجرب نوع متل الصياديه او السمك المشوي او الفيليه بانيه ....... طبخ مميز ونظافه عاليه واهم شي ما في شي زنخخخخخخخخخخخ اسعاره منيحة ومناسب لجودة الاكل الخدمه سريعه الاصطفاف متوفر
  • Review by هدى of Vanellis Fresh Italian Foods
    9 years ago
    مطعم فانيلاززز من المطاعم يلي بحب بس اروح عالسيتي مول أختم زيارتي واروح اتعشى فيه ...... لانو عنده وجبات زاكيه كتير متل البيتزا والباستا والمعكرونه
    بس انا بنصح اكتر شي بوجبة الباستا مع الخضار جد روووووووعه وطلبت معها سلطة سيزر وخبز بالتوم لانها اطيب شي ممكن تاكله هناك وسعرها منيح كتيرررررر الئعده متوفره الخدمة كانت شوي بطيئه
  • Review by هدى of Lee's Famous Recipe Chicken
    9 years ago
    لييييييز اكلت من عنده وجبة مميزه وكانت عباره عن جاج الكريسبي المقرمش + بطاطا اخدت نوعين مقليه ومهروسه +وسلطة الكول سلوووو + وصوص الماسترد.... يعني اكلهم كتير زاكي وخصوصا الجاج الو نكهه مميزه غير عن بائي المطاعم
    سعر الوجبه تئريبا طلع 6 دنانير اجواء المحل كتير حلوه ورايئه الموظفين خدومين جدا خدمة التوصيل متوفره المصفات متوفر
  • Review by هدى of Clean Master
    9 years ago
    ببداية فصل الصيف كان عنا حملة تعزيل للبيت وبكل سنه لازم نرش البيت لانه عنا حديقه صغيره فشركة كلين ماستر عندهم نظام للتخلص من الحشرات
    وفي عندهم خدمة تنظيف السجاد والكنبايات بالبخار تنظيفهم رائع وبشتغلوا من قلب وررررررررب وبنصح اي حد يجرب هالشكة لانو موظفينها محترمين وبيلتزمواااااااا بمواعيدهم
Next

Places I like

Photos I added

Corn soup taste very delicious  ymeeeeeeeeee
صوره لمتحف السيارات الملكي بعدسة المصوره هدى العقرباوي
صوره للاطعمه البحريه المعلبه الموجوده الكارفور