هدى العقرباوي

هدى العقرباوي

Amman . Since February 2011
موظفة بشركة ملاحه
303 Reviews
Added places
18
Benefited people
3
Added reviews
303
Added photos
14
Liked places
12

My reviews

  • Review by هدى of Malak Al Tawouk
    8 years ago
    مبارح كانت تجربتي الاولى مع مطعم ملك الطاووق اول ما دخلت اتطلعت على المنيو كانت كلها عباره عن ساندويشات بأحجام كبيره وصغيره والمنيو محدوده فيها ساندويشات همبرغر+ شيش طاووق انا اخترت ساندويش الشيش طاووق الحجم الكبير وكانت محشيه قطع الجاج مع متومه وبطاطا وكاتشب وانا طلبت يضيفولي جبنه بس جربتها ما حبيتها لانو طعم قطع الجاج مو زاكي وما في اي شي مميز والساندويش كتير خميله يعني من كتير ما هي ملفوفه الواحد ما بعرف ياكلها بس سعرها مناسب يعني طلعت عليه 2.85 بس بدون بيبسي ولا بطاطا بس حجمها بستاهل هيك سعر الديكور المحل صغير بس عامل قعدات بره وفي كراسي جوه الشب اللبناني يلي عالكاشير زووووء كتير وبيمشي الجميع بسرعه النظافه ممتازه لانو بيعملوا كل شي قدامنا وكل شي نظيف والشباب لابسين لبس خاص وقفازات االمصفات طبعا بصعوبه انت وحظك لانو عند البوايه الشماليه أزمه غير عاديه خدمة التوصيل متوفره عنده
  • Review by هدى of Golden Chick
    8 years ago
    جولدن تشكن من المطاعم جربتها اليوم لأول مره دايما بمرق عن هالمحل لانو قريب من بيتي واليوم لزبطت اني أجربه انا جربت اليوم وجبة الجاج على الطريقه المكسيكيه والشب قالي انو بيعملوا عالبخار وبالفعل كان كتيرررررررر زاكي ومبهر طبعا الوجبه مكونه من تلات قطع جاج + بطاطا كانت فررريش وكميتها منيحه+كول سلو+متومه +وبيجي معها علبة بيبسي (يعني كفتني منيححححح)) **انا اخدت الوجبه تيك أواي بس شفت في قعده تحت مرتبه كتيررررر ومناسبه للاطفال وشفت في درج كمان طابق تاني للقعده وقرأت انو في عندهم قاعه للاحتفال بأعياد الميلاد والمناسبات **الاسعار سعر هادي الوجبه 4 دنانير ** المنيو يعني ما في كتير تنوع كلو جاج بروستد+تندر ..... وفي عنده عروض ممتازه للوجبات العائليه **خدمة التوصيل موجوده ** وكانوا سريعين كتير بتحضير الوجبه ** واخر شي المصفات متوفره عندهم
  • Review by هدى of Mawwal
    8 years ago
    موال من المطاعم العراقيه الرائعه يلي مبارح كانت زيارتي الاولى إلو اول ما دخلنا الاستقبال كان حلوووو كتيررررر والجراسين كلهم ببتسمولك وبس قعدنا على الطاوله وبعد ما اخترنا شو بدنا جابولنا صحن شوربة عدي صغير ضيافه طعمها بيشهيييي و وبعدها جابوا المقبلات متل التبوله وسلطات كلها لزيزه الطبق الرئيسي انا اخترت جاج مسحب مطفى مع الليمون ومعاه خضار وصوص كااااااااااااان بيشهي جد وخفيف وصديقتي طلبت رز مع فاصوليا بيضا برضو كانت مستمتعه بالاكل اجواء المحل حلوه كتيرررررر وبعد ما خلصنا جابولنا كمان ضيافه جاط فواكه وشاي عالطريقه العراقيه وكمان قهوه ساده عالطريقه العراقيه انا استمتعت كتير بالاجواء بس المشكله الوحيده المحل شوي مضغوط كمان ومع جو الاراجيل انضغطنا بزياده الاسعار غالي شوي بس بستاهل خدمة الفاليه متوفره وبنصح الجميع يزوره
  • Review by هدى of Shareef Al Natshah Roastery
    8 years ago
    اول مره بزور منطقة الهاشمي الشمالي قبل العيد روحت هناك واتفرجت على كتير محلات من بينها محل النتشه وكان محل كتير مرتب ومنوع وكان فيه كتير مغريات خصوصا الشوكولاته والملبس والمكسرات وبس دخلت المحل حسيت بأجواء العيد والبهجه اشترينا من عنده تشكيله من المكسرات والحلويات الاسعار حسب النوعيات طبعا والمصفات متوفره وما ضل شي احكيه الا انو انا صورت كم صوره بالمحل ازا بتحبوا اتفرجوا عليهم ^_^
  • Review by هدى of Japanese park
    8 years ago
    روحت الاسبوع الماضي على الحديقه اليابانيه وكنت كتير متهوسه اروح عليها عشان أمارس رياضة المشي وكمان اشوف شي جديد ....طبعا روحت عليها يوم السبت الماضي واتغلبت لحد ما وصلت عليها مع انها بعبدون وكل ما أسأل حدا كان يدلني غلط...وبعد ما وصلت على الحديقه دخلت كانت الصدمه انو مساحتها صغييره كتير مش عارفه ليش بخيالي كنت متخيلتها اشي كتير كبير طبعا فيها شوية حجار شكلها حلو وهيك كم منظر شغل انو الواحد يتصور عندهم الخدمات ما في شي حواليها كتير للحديقه حسيتها بمكان معزول وبالنسبه وما في شي كتير أحكيه لهيك رح أنزل الصور يلي صورتها هناك وانتو تتفرجوا عليهم عالصور
  • Review by هدى of Comfy Restaurant & Cafe
    8 years ago
    كومفي من الكافيهات الحلوه يلي زورتها هالاسبوع مع جيران .... هو عباره عن طابقين احنا كنا قاعدين بالطابق الاول كان كتير رايق والديكور مريح كتير نفسيا بالنسبه للاكل انا دوقت البتزا بكل انواعها كانت لزيزه كتيررررر وأهم شي رفيعه ...وقدمولنا تشيز كيك منظره كان زاكي كتيررر بس انا ما جربته لانو مش كتير صحبه مع الحلويات واكتر شي كان مميز بالمكان هو الموظفين انو عنج ماشالله عليهم كتير لطيفيين وبيشتغلوا بقلب ورب ضلوا حوالينا ويسألونا ازا بدنا شي وكانوا مبتسمين وأبدا ما كانوا بتدايقوا من طلباتنا واخر شي بالنسبه لخدمة الاصطفاف متوفره
  • Review by هدى of Shabab Muntakhab Al Asser
    8 years ago
    مبارح كنت باستقلال مول وبعد اللفه الطويله جوعت كتير وحبيت أتعشى وأجرب طابق المطاعم وبعد ما لفيت أخر شي حبيت اجرب منتخب العصير شفت المنيو المنوعه يلي عندووو منوعه كتير بالفاست فوود من شاورما وهمبرغر وبيتزا وعصيرات وكوكتيلات كمان منوعه كتيرررررررررررر انا اخترت أجرب وجبة الشاورما وكان في عروض مميزه على عدد الاشخاص بس انا اخترن الوجبه الفرديه اسمها وجبة الشاورما العربي وكان سعرها 2 دينار وعباره عن شاورما وبطاطا وبيبيسي كانت كتيررررررررررر زاكيه بس الشاورما عباره عن عينات يعني لو في بيبي صغير أكل الوجبه ما بتكفيه بس البطاطا كانت فريش وكميتها كتيرررررر ممتازه وبتشبع أكتر من الشاورما وبالنسبه لخدمة الزبائن كانت سريعه مع انو كان في ضغط كتير عليه بس مشّانا بسرعه
  • Review by هدى of Safeway
    8 years ago
    سيفوي الجبيهه من الاماكن يلي بروح عليها كتير اتسوق لانو قريب من بيتي ... وبحب كتير اروح على هاد المكان لانو صغير وبعمل فيو تسوق بسرعه وبلاقي كل احتياجاتي وهو عباره عن طابقين الطابق الاول مواد تموينيه وكلها نوعيات ممتازه ه ومنظفات وقسم للخضار وقسم للحوم وفي مكان بيع مكسرات وفي قسم للحلويات اما الطابق التاني فهو عباره عن اداوات منزليه وادوات كهربائيه مكفوله والحلو انو دايما بيوصلني عالبيت ورقة العروض وبالفعل احيانا بكون في عروض مميزه وكمان الحلو انو جنب السيفوي بالضبط موجود المؤسسه المدنيه يعني بنقدر نشتري اغراضنا من المكانين بإرياحيه المصفات متوفره بسهوله وشو ما كان أزمه الموظفين بيمشّوا الناس بسرعه
  • Review by هدى of Abu Arif Restaurant
    8 years ago
    من المطاعم يلي اندليت عليها قبل فتره عن طريق جريدة الوسيط شفت فيها العروض يلي عاملها وحبيت أجربه روحت عالمحل اول شي كانت المصفات متوفره وبسهوله والمكان سهل نندل عليه تانيا دخلت لحد ما استنيت دوري عند الكاشير عشان اطلب اتفرجت على النظافه ولبس الشباب وكلهم لابسين بإيدهم قفازات وكان في وجبات محدوده بالمنيو متل الشاورما والجاج البروستد والتركي وساندويشات همبرغر وزنجر وكلها محطوط عليها الاسعار شامله الضريبه ووبعدين لما طلبت اخدت وجبة شارورما اسمها وجبة التوفير بتيجي 40 حبة شاورما مع متومه وبيبسي وبطاطا وكان سعرها كتيرررر منيح 7.75 وكانت كتير مرتبه بالطبق وزاكيه اما الوجبه التانيه يلي اشتريتها كانت عباره عن بروستد بتيجي 20 قطعة جاج مع بطاطا وكول سلو ومتومه وبيبسي وسعرها كان كتير رخيص 13.50 بس ما كانت زاكيه كتير لانو الجاج ما الو علاقه بالبروستد كان متل الجاج يلي بنقلي بالبيت بالنسبه للقعدات في قعدات فوق بس انا ما بعرف كيف خدمتهم فيها لاني باخد ديليفري الخدمه عندهم شوي بطيئه يعني كتير استنيت لحد ما جهز الطلب خدمة التوصيل عندهم متوفره
  • Review by هدى of Habibah Sweets
    8 years ago
    مبارح انا وعيلتي روحنا على حبيبه ... انا كنت امرق عنو اول ما غتح بس ما كنت متخيلته انه هالقد مرتب ومريح طبعا اول شي بس طلعنا نقعد كان في شباب بستقبلونا بابتسامه حلوه وطلبت منهم اقعد بره لانه كان نفسي كتيرررر بس حكولي المكان مليان .... روحت اتفرجت على القعدات الداخليه الموجوده بأكتر من ستايل في منها طاولات وكراسي عاديين.. وفي كنبايات بيضا وطاولات ... وفي لجوه كمان ستايل قعده هاد الكرسي الطويل مع الطاوله المهم كلو احلى من بعضوا وبعدين روحت اتفرجت على الحلويات الموجوده لاني كنت محتاره شو اطلب لاني ما بحب الكنافه فلقيت عندهم تشكيله من الحلويات الشرقيه من ((كنافه وربات وهالقصص)) + الحلويات الغربيه بأنواعها ((تيراميسو وبراونيز وتشيز كيك وغيرها)) وايس كريم وبعدها روحت قعدت وجابلي المنيو وكمان شفت فيها موجود قهوه +عصير+ميلك شيك وبعد ما احترت شو اطلب قررت اطلب تشوكليت موس وكان طعمها كتيرررررررررررررر زاكي ودسمه واهلي طلبوا كنافه كالعاده حبيبه معروف بكنافته الزاكيه والاطفال طلبوا ايس كريم بالمانجا والفراوله وانا دقت طعم الايس كريم كانت كتيرررررررر زاكيه وطعمها قوي مش زي بعض المحلات بتكون زي الماي الاسعار كتير منيحه بالنسبه لهيك مكان مرررررررتب الاجواء كتير ضجه لانه تقريبا مليان كتير بكون المسا وانا بس روحت ما كانوا حاطيتن ميوزك تخفف من الدوشه خصوصا الاطفال والصفة متوفره قدام المحل وفي ساحه ترابيه صغيره بجنبوا وفي عمو بكون بساعدنا بس الساحه سيئه كتير خصوصا مع الازمه يا ريت لو تتزبط
  • Review by هدى of Areej Al Sham Restaurant
    8 years ago
    من المطاعم الجديده يلي فتحت بالرابيه بتتميز بالاجواء الشاميه الرائعه يعني بتحس حالك كأنك بدمشق لانه هالمطعم بمثل الاصاله والروعه العربيه المطعم كبير كتير وبناسب العائلات وأجوائه مريحه جدا وفي موجود تراس وهلاء رح احكي عن الاكل الاكلات الشاميه والحلبيه الموجوده بالقائمه يلي بتخليك تحتار شو تطلب انا وعيلتي طلبنا مشاوي وعرايس ومقبلات متل البابا غنوج واليلانجي والحمص والكبه والبرك وطبعا المطعم بيعمل خبز طازج مو قادره أوصفلكم االطعم وطريقة تقديمه كان بقمة الروعه سرعة تقديم الطلبات كانت منيحه مقارنه بأعداد الناس الموجوده لانه المحل كان كان مليان كتير واحسن شي انه بالنسبه للاطفال في اماكن خاصه الهم عشان يلعبوا وانا بنصح الكل يجرب هالمكان
  • Review by هدى of Ghaith Bakeries
    8 years ago
    من المخابز الجيده بعمان عندهم المعجنات زاكيه ومنوعه متل البطاطا والاجبان الصفرا والبيضا والنقانق كتير زاكيين ... بس ما بنصح بالبيتزا بالمره لانها مو زاكيه وعجينتها خميله المحل منوع عندهم الكعك والحلويات المنوعه يلي بتكون بقطر او بدون وانا اكتر شي بحبه ئطع الكب كيك الصغيره كتيرررررر زاكيه بس انت وحظك احيانا بتكون فريش واحيانا لاااااااا المحل صغير بس منوع يعني كل شي متوفر فيه والنظافه والجوده جيدين الاصطفاف متوفر بس انت وحظك كمان لانه هناك أزمه وجاي على لفه
  • Review by هدى of Trio
    8 years ago
    اليوم كانت تجربتي مع هاد الكافيه مع العلم اني كنت من زباينوا وكتبت زمان نصيحه عنووو او وصفتوا انو ممتاز..... بس اليوم وبعد فتره طويله من الغياب روحت عليه انا وصديقتي وغيرت فكرتي عنووو بسبب تعامل الجرسون هناك كان انسان عصبي وكل ما نطلب منو طلب حسسني بأني مدايئتوا بوجودي وغير هيك اتأخروا كتيررررررررررر لحد ما جبولنا طلبنا مع انو تريو من الاماكن يلي انا بحبها كتيررررر بس ما بعرف ليش هيك متغيره خدمته هلاء نيجي للكافيه الديكو تبعوا رائع وبتحس حالك ئاعد بصالون بيتك وفي اكتر من ديزاين للئعدات وكلها حلوه القائمه منوووووووعه بشكل بحير الواحد يعني في وجبات رئيسيه وفي ساندويشات وبيتزا ومعجنات وسلطات وكل انواع المشروبات السخنه والبارده وحلويات وكمان في اراجيل بس ما بعرف كيف جودتها لاني ما بأرجل احنا طلبنا جبنة الموزاريلا المقليه +وسلطة المأكولات البحريه+سمك فيليه مع الخضار المشويه كان الطعم رااااااااائع وكل شي مزبط على الاخر واستمتعنا بالاكل
  • Review by هدى of Qasr Al Mandi
    8 years ago
    قصر المندي من المطاعم يلي زورتها الاسبوع الماضي وكانت تجربتي فيه جيده المنيو كان كل انواع الرز فيها من مندي ومضغوط وبرياني + ومقبلات +وجبات دجاج مشوي نوع الطعام يلي طلبنا انا اخدت وجبة مندي بالجاج والصوص وكانت رالرز طعمه زاكي كتيررررررر ... بس الجاجه كانت سيئه لانها مسلوقه وعليها صوص ومنظرها ما كان كتير زاكي وبقدموا مع الوجبة شوربة عدس كتيرررررررر زاكيه زي شوربة البيت وطلبت معها شنينه اما اهلي فجربوا فخارة بالسمك الحار+ الرز منظرها كتير زاكي وسعرها تقريبا 8 دنانير القعده بالطابق التاني مرتبه والخدمه جيده وكان في أجانب بالمحل كتير مستمتعين بالاجواء الاسعار مناسيه لحجم الكميات خدمة الاصطفاف متوفره
  • Review by هدى of Ras Beirut
    8 years ago
    راس بيروت من المحلات المفضله عندي لاكل المعجنات لانو الو طريقه مميزه بعملها خصوصا المطبق انا كانت تجربتي مع التيركي والجبنه والهوت دوج طعم كتير زاكي بس يطلعهم من النار بقطعهم 8 قط ع تقريبا وبسألنا الموظف ازا يحطلنا عليهم كاتشاب ومايونيز التنوع بالقائمه يعني الاصناف محدوده لانو كلها الها علاقه بالمعجنات وفي كمان بيتزا المحل صغير كتير وما فيه اماكن اصطفاف الموظف ييلي بيعمل المعجنات سريع وبحاول يمشي الكل بأسرع وقت حتى لو أزمه
  • Review by هدى of October Blue
    9 years ago
    اكتوبر بلو من الكافيهات الحلوه كتير يلي فتحت بشارع الجامعه انا حبيت الديكور تبعوا كتير حلو واجوائه شبابيه والمميز .... وما بعرف انا ما بحب اروح على كافيه واشبك نت وهادي القصص بس هناك الكل معو الاب توب تقريبا وشابك نت وكان في طاوله مدوره كبيره شابكين نت عليها الئعده بالطابق التاني حلوه ومميزه بوجود الكنبايات المريحه والطاولات الواطيه والمكان كتير كبيرررررر طبعا الاستئبال من الشباب كتير حلو مع الابتسامه اللطيفه بس كانوا بدهم يئعدوني عطاوله معينه على مزاجهم بس انا ما رضيت اخترت يلي بدي اياها واتئبلوا الموضوع ..... وفي صبيه بتشتغل بتئدم الطلبات عنجد الله يعطيها العافيه لانها نشيطه وبتشتغل بقلب ورب وكل حدا بيطلب منها شي بتحكيلوا من عيوني وبس طلبت طبعا متل ما حكوا عالاي باد الطلبات بس انا ما بتفرق معي هالشغله اي باد ولا شخص المهم الطلب يوصل وكان في تنوع عندهم من وجبات وعصائر وحلويات ... انا طلبت عصير برتقال كان كتير زاكي وفرررررريش واخدت Chips & Dips وصاحبتي اخدت اوريو كيك كانت كتير مستمتعه بالاكل.... بس السلبيه الوحيده بالنسبه الي انو حسيت جو المكان كتير مضغوط وكتير شوووووووووووووووب الاسعار منيحه خدمة الفاليه متوفره
  • Review by هدى of TNT Shipping
    9 years ago
    تي ان تي من الشركات الرائعه والمييزه بمجال الشحن انا اتعاملت معهم كنت بدي ابعت شهاده مصدقه للامارات وتم الارسال عن طريقهم اولا البنت يلي عالكاونتر اسمها ربى لطيفه كتير ومتعاونه لأبعد الحدود
    تاني شي الارساليه كنت كتير مستعجله عليها راحت حطتلي ستيكرز مستعجل عالارساليه واخدت العناوين بدقه للشخص المرسل اليه وطمنتني انها رح توصل بسرعه وبموعد محدد وفعلا كان حكيها مزبوط وهاد بدل على (( المصداقيه العاليه )) وهاد برأيي اهم شي لهاد النوع من الشركات اما الاسعار فأنا روحت قبل هادي الشركه على شركة ((دي اتش ال )) وحكولي السعر بيفرق ازا بتبعتي الارساليه قبل الظهر او بعد الظهر و بعدها روحت على تي ان تي وقارنت بين الاسعار حسب الوزن وشفت انو تي ان تي ارخص بكتيررررررررررررررررر دفعت 30 دينار اما دي اتش كان السعر اعلى بكتير
  • Review by هدى of Almelah Wa Alzad
    9 years ago
    مطعم ملح وزاد عباره عن طابقين الطابق الاول انا ما بحبوا لانو في بركة اسماك صغيره بحس الها ريحه وشكل السمك يلي فيها بيخوف لونه اسود متل الحيه ما بحب اشوفوا وكمان دايما الرجال لحالهم بكونوا متواجدين
    الطابق التاني ئعدتوا حلوه ودايما فيها عائلات المنيو منوع في اسماك ومقبلات ومشاوي واطباق ارز انا تجربتي كانت مع المشاوي على الطريقه العراقيه (( كباب+ شقف لحمه + كبده مشويه )) وطبق برياني كان الطعم روعه وخصوصا الكباب كتير استمتعت بالاكل والمحل ضيفنا طبق عراقي ما بعرف شو اسمو بيجي متل الملوخيه او السبانخ مع البندوره ما بعرف شو مكونات الطبق لاني ما اتجرأت اجربوا الخدمه ممتازه والموظفين المصريين خدومين جدا الاسعار عاليه بس بتستحق خدمة الاصطفاف في موظفين بصفولنا السياره لانو ما في مصفات كافيه
  • Review by هدى of Violet Halls
    9 years ago
    الاسبوع الماضي حضرت حفلة عرس فيها انا اول مره بدخلها عجبني اللوج يلي بالصاله مرتب ولونه ابيض وحواليه زينه مرتبه والصالة مش كتير كبيره يعني وسط واحلى شي ما فيها عمدان ....
    الضيافه كانت عباره عن قطع كيك كان المنظر ماشي حالوا فجربت الطعم كان سيء كتير وكمان ما عجبني انهم بيقدموا عصير بكاسات زجاجيه لاني بقرف بحب اشرب علب بيبسي والفلبينيات ما بضيفوا غير يلي بالطاولات الاماميه بعدين بطنشوا يعني لازم اصحاب العرس يضلوا فوق راسهم عشان يضيفوا كل يلي بالصاله الصاله موقعها حلو جايه على طلعه وفيها مصف ترابي صغير الاسعار سألت كم بتكلف حكولي اصحاب العرس كلفتهم 800 دينار طبعا رخيصه لانو احنا بفصل الشتا بس بالصيف اغلى طبعا
  • Review by هدى of Majdi Mall
    9 years ago
    مجدي مول من المولات القديمه بعمان وبيحتوي على 3 طوايق وهمّا :
    الاول محلات البسه واحذيه واكسسوارات وحجابات .. يعني الاشياء الموجوده في منها حلوه والاسعار متوسطه ..... التاني مكياج وسي دي وادوات منزليه ولوحات فنيه والساعات وفيه مخيطه ومحلات هدايا في اشياء حلوه ومنوعه ..... التالت فيو مطاعم وكافيهات ولا عمري جربتهم مجدي مول ما فيو رفاهيه لانو مش مول هو شبه مول يعني متلو متل السوبرماركت تشتري الغرض المطلوب وتطلع الاصطفاف متوفر
  • Review by هدى of Tony Roma'S Restaurant
    9 years ago
    توني روماس من المطااعم الامريكيه العالميه المميزه مبارح روحت واتغديت فيه وكانت تجربتي ممتازه بهالمطعم اولا من ناحية الاكل في عندو منيو منوعه من الستيك والهمبرجر والماكولات البحريه والسلطات
    انا جربت عندهم الريبيير و اجنحة الدجاج وطلبت سلطة جمبري كان الاكل رااائع وكلوووو متقن واهي جربوا طبق الفيليه مونيوا وسلطة سيزار وكمان استمتعوا بالاكل بشكل لا يوصف واخر شي اتحلينا ابل باي كمان زاكيه كتيرررررررررررررر الخدمه كانت مميزه جدا والموظفين خدومين ومبتسمين بس طولوا شوي بالاكل اجواء المحل هاااااااااااااديه كتيرررر ورايئه والئعده مريحه كتير وما في عجئه بالمحل السعر غاااااااااااااااااااااالي صحيح المكان يستحق بس صعب تزوره الا مره بالسنه يعني كل عيد بس الاصطفاف متوفر
  • Review by هدى of Macchronis Restaurant
    9 years ago
    بما اني من عشاق الاكل الايطالي ماكارونيز من المطاعم المفضله عندي اول شي رح احكي عن قائمة الاكل يلي بتتضمن البيتزا بأنواعها وأرز والساندويشات والسلطات
    انا جربت عندهم الرز مع الهليون المعمول على الطريقه الايطاليه +بيتزا عليها تلات انواع من الاجبان +وسلطه انسيت شو اسمها لانو صعب بس بتتكون من خس وبندوره وبروكلي الاكل كان كتيررررررررر زاكي ومممتع شفت انو في عندهم عروض وبيعملوا بوفيه بس كل يوم الاتنين وعالشخص والله نسيت يا 10 او 11 اجواء المحل رائعه ومريحه ورومنسيه بسبب الاضاءه الخدمه ممتازه والاطباق مرتبه كتيرررر شكلها بيشهي عمبدأ ((العين بتاكل اولا)) بس في تأخير بالطلب اكيد لانو كل هدولا بياخدوا وقت النظافه شي بيفتح النفس ومن كتر النظافه بتحسوا انو بيضوي ضوي الاسعار غاليه
  • Review by هدى of Gusto Cafe
    9 years ago
    جوستو مكان انا زرتوا ئبل فتره وهو مكان مرتب واجوائه مناسبه للناس يلي بحبوا السهرات والموسيقى ((بس انا ما بفضل هيك اماكن )) يعني انا زرتوا بس مرتين وما ارتحت للاجواء لاني ما بحب الضجه
    وطبعا هالمكان بيعمل كتير حفلات متل الفرق الاردنيه والفلسطينيه والمصريه .... وازا زرتوا بكون في فنانيين اردنيين متل حسين السلمان او مصطفى شعشاعه وغيررررررررهم المكان عنده تنوع بالمنيو من وجبات وعصائر وبوظه وحلويات والاراجيل انا جربت عندهم كوكتيل اسمو ((فخفخينا جوستوو كان كتيــــــــر زاكي + وطلبت التشوكليت موس مش كتير زاكيه )) الاسعار متوسطه
  • Review by هدى of Casper and Gambini's
    9 years ago
    اليوم كانت اول زياره الي لكاسبرررررر....... اول شي رح احكي عن الاطباق طبعا احترت شو اطلب لانو كان في اشياء كتيرررررر زاكيه بس بالاخر طلبت
    الطبق الرئيسي : اخدت ساندويشه سلمون مدخن السلطه : اخدت سلطه يونانيه وطلبت صحن بطاطا يلي بتكون مش مئشره منيح وبتكووون مئرمشه اخر شي بعد هالاكل الدسم ختمتها (( بكافيه لاتيه)) الاكل كان طعمواااااااااااااااااااا اكترررر من زاكي وكتير مررررررررررررتبه الاطباق المنيوووووووووووو : منوعه كتير وفيها تنوووع من المشروبات ساخنه او عصيرات..... وفي حلويات .....وفي أكل خااااااااص ما فيو كتيرررررررررر دسم للناس يلي عاملييين ريجيم اجواء المحل كتير حلوووه والئعده مريحة المصفات متوفررره الاسعاااااااار والله كتيرررررررررررررررر غاليه مع انو الاكل بستاهل بس ما بينفع الواحد يزوره كتيررر لانو بيكسر الميزانيه
  • Review by هدى of Cushions Lounge
    9 years ago
    كوشنز مكان حلو واجواءه كتيررررررررررررر شبابيه ...... والئعده يلي بالطابق التاني مرريحة خصوصا بوجود الكنبايات وحبيت المنظر من الشباك كتيررررررررررر .... ومع انوووو كااااااااااااااان عدد الناس كتير كبيرررر بس ما كانت اجوائه مضغوووطه
    هلاء بالنسبه الي انا طلبت عصيررررر تفااااح بس ما حبيتواااااااااااا بالمره خدمة الموظفين كانت راااااااائعه وجد بستاهلوا انو نحكيلهم الله يعطيهم العافيه لانو مع وجود العدد الكبيررر كانوا بشتغلوا وهمّا مبتسمين وما حسسونا انهم متدايئيين ابدااا من العجئه الاصطفاف متوفررر خدمة الفاليه بس المكان معزوووول شوووي وانا ضعت شوي بس بالاخر اندليت
Next

Places I like

Photos I added

Corn soup taste very delicious  ymeeeeeeeeee
صوره لمتحف السيارات الملكي بعدسة المصوره هدى العقرباوي
صوره للاطعمه البحريه المعلبه الموجوده الكارفور