محمد جيلاني

محمد جيلاني

Amman . Since August 2010
بحب التصوير و موضوعي المفضل عمان و طرازها المعماري
36 Reviews
Added places
8
Reviewed first
12
Added reviews
36
Liked places
3

My reviews

  • Review by محمد of Amman Al Kubra Restaurant
    8 years ago
    اكلت عنده اكثر من مرة المشاوي اشي بيرفع الراس و الكباب ازكى كباب في عمان برأيي و لبن الشنينة كان ممتاز السلطات كانت عادية الخبز سخن و مرتب عند الفاتورة كل اشي كان منطقي بس السلطات كان سعرها مبالغ فيه جداً يعني الواحد ياكل لحمة بس !!!!!!! بتوفي معه بس بنصحش حد ياكل لحمة لحالها الشباب " الجرسونات " كانو خدومين لطيفين سريعين 10/10 فش احسن من هيك النظافة فش عليها حكي بس مش عارف لليش ليش Why السلطات هيك غالية في شغلة فصل المدخنين عن غيرهم بس صالة المدخنين هي الاحسن فاضطرينا نقعد فيها
  • Review by محمد of Rouh Al Majd
    8 years ago
    انا بالعادة ما بحب المعجنات بس صديقي اخذني عندهم و قلي مش رح تندم و فعلاً ما ندمت طلبت مطبقة شيش طاووق و سعرها اقل من سندويشة في محل قريب حجمها كان كبير " مشبعة " و طعمها ولا اروع و الخدمة كانت لطيفة في عندهم اصناف كثيرة ما جربتها من مناقيش لبيتزا لمطبقة حلوة " نوتيلا "
  • Review by محمد of Jabri
    8 years ago
    رحت انا و اهلي على جبل الحسين و كنت مفكر الفرع هاد للحلويات لكن شفت اعلان على الباب عن الوجبات
    فتوكلنا على الله و دخلنا و طلبنا الاكلات المشهورة بجبري منسف و كبة لبنية و فريكة الاكل مقبول و كميته مشبعة لكن الرز و اللبن و الفريكة كانو """باردين او فاترين """ و اضطريت اطلب تسخينه على المايكرويف طبعاً تعامل الموظفين ممتاز و هاد اشي لا انكره النظافة لا غبار عليها قدمولنا تحلاية ضيافة من المحل و هاي لفته حلوة و موظف لطيف جابلنا كاسات ماء و هو مبتسم و هاد اشي جديد علي السلبيات ليش ما في اشي اسمه سرفيس " زيتون و مخلل الاشي الطبيعي اللي بينزل مع هيك وجبات و سعر الوجبة كان مرتفع نسبياً مقارنة مع ربع دجاجة "مصغر " على الفريكة المنسف كان منيح و اللحمة جيدة بس اعتراضي على درجة حرارة اللبن و الرز اللبن الزبادي ازكى لبن باكله من سنين صحون البلاستيك مش مريحة بالاكل
  • Review by محمد of Islamic International Arab Bank
    8 years ago
    انا صرت من عملاء البنك و بحترم فيهم التسهيلات المقدمة و الحلول الماليه الاسلامية
    و جد بنك محترم و موظفينهم ممتازين و بيتعاملو بلطف و احترافيه
  • Review by محمد of Auntie Hanady's Cheesecake & Cookies
    9 years ago
    جربته و كان طعم التشيزكيك ممتاز بكل معنى الكلمة بس بالنسبة للسعر كان مرتفع ما بقدر اقول عنه معتدل بس بكل صراحة قليلين اللي بيعملوا تشيز كيك بها الاتقان
    و اكدي رح ارجع اكل عندهم و زي ما قرأت في نصائح سابقة القعدة صغيرة و فش واي فاي مع هيك بتحس في طابع مميز للمحل و الديكور كثير مرتب و طريقة عرض الحلويات مبدعة و بتخليك تشتري لاارادياً و الوقت المناسب لتاكل عندهم هو بعد العصريات برأيي بتمنى يكون سعرهم معتدل اكثر مع معرفتي انه المكونات غالية
  • Review by محمد of Royal Culture Centre
    9 years ago
    مكان رائع بكل معنى الكلمة لتوفيره فرصة التزود بالثقافة بلا مقابل في كثير من الاحيان و باسعار رمزية
    المعارض الفنية و الندوات و المهرجانات السينمائية التي يتم عقدها في المركز تعطي فرصة ذهبية لكل من يرغب بقضاء وقته بشكل مفيد موقعه الاستراتيجي و قربه من المواصلات و توفر مواقف قريبة يسهل الوصول اليه بشكل كبير
  • Review by محمد of Grand Cinemas CityMall
    9 years ago
    رحت عليها اكثر من مرة جودة الصورة ما كانت زي ما كنت اتخيل 3D و النظارة كانت مجرحة و محطوطة بكرتونة و نقي يا سيدي
    جودة الصوت ممتازة الكراسي مريحة كثير و النظافة جيدة جدا و المرافق الصحية منيحة سعر التذكرة مبالغ فيه اوقاتها مناسبة الدخول و الخروج منظم و فش زحمة مداخل
  • Review by محمد of Al Quds Restaurant
    9 years ago

    This restaurant’s name is attached to the lets say the official dish of Jordan “ Mansaf “ Its located in the city center and any one could lead you to it just say the name Al-Quds Restaurant The menu contest of mostly oriental dishes such as Maglobah “ I strongly recommend it “ and salads and side dishes Mixed grill is an option No parking at all so you have to park in the paid parking nearby It’s a cozy place and the waiters are will trained and nice , and the time interval for the order to reach your table pretty much fast The price is fair enough I can’t call it cheap
  • Review by محمد of Nedal Al Kalha Restaurants
    9 years ago
    المطعم بلش منيح بس مع الزمن بلش يتراجع
    الاسعار بالنسبة لمطعم حمص و فول شعبي مرتفعة بس سندويشات الحمص و الفلافل منيحة و شغلة انك اذا بدك سندويشة " بلحسة حمص " بدك تدفع زيادة !!! الحمص عندهم الو نكهة خاصة الديكور كثير حلو و النظافة جيدة جداً الكراسي مش كثير مريحة بس بالنسبة لمطعم شعبي مقبولة بحس الكادر دايماً مضغوطين
  • Review by محمد of snockardo
    9 years ago
    الي عشر سنين بعرف المحل
    للي بحبو البلياردو السنوكر طاولاتهم كتير منيحة و بعملولها صيانة دايماً الديكور تغير 3 مرات خلال هالمدة الجو العام حلو و شبابي ابداً ابداً مش عائلي تعامل الموظفين لطيف في بوفيه و اكل زاكي ( سناك ) لانو تحت الارض مناسب في الشتاء اكثر من الصيف عشان هيك يوم الخميس المسا في الشتا صعب تلحق طاولة
  • Review by محمد of Gloria Jeans
    9 years ago
    جربت فرع شارع المدينة اكثر من مرة و كنا في نادي كتاب
    القهوة زاكية انا دايماً بطلب كافيه لاتيه الديكور حلو و عندهم واي فاي اسلوب المحاسبة رهيب الجو العام هادي و رايق ما جربت الكوكيز و الحلويات بس شكلها زاكية السعر متوسط بس مناسب لهيك قعدة الجو العام مناسب لقراءة مجلة او اكم صفحة من كتاب ما انتبهت اذا التدخين ممنوع
  • Review by محمد of La Mirabelle
    9 years ago
    العرض الخاص برمضان رهيب و السعر منطقي و لانو اجواءه عائلية و لاني مجرب اكله و قعدته فهو من احسن الاماكن لتناول وجبة الفطور في رمضان
    و طبعاً التحلاية الاساسية بعد الفطور و برشح التشيز كيك تبعهم لانو مميز و فنجان القهوة الصح الي ما شربت ازكى منه في عمان
  • Review by محمد of InterContinental Jordan
    9 years ago
    معظم اللي حضرو مناسبات بتتضمن اكل بقولو انو ازكى و افخم فندق بقدم اكل
    جربت عدة فنادق لكن بس الانتركونتيننتال افخم واحد الاسعار على ما اتوقع مرتفعة لكن بسوى الواحد يدلل نفسه و زوجته بفطور في واحد من مطاعمه المتعددة
  • Review by محمد of Qasr Al Mandi
    9 years ago
    مطعم و لا اروع من ناحية الطعم و لا القعدات العربية و الاجواء العائلية
    جربت انواع رز كتيرة عندهم بس بحب الزربيان اكتر شي بقدمو شوربة عدش مع كل وجبة و جد اشي من الاخر مأخذي انو الجاج على الفحم مش متوفر دايماً اسعاره رخيصة نسبة للجودة و الكمية المقدمة
  • Review by محمد of Jubaiha Bakery
    9 years ago
    هاد المخبز اثبت انو السمعة الجيدة مفتاح النجاح
    بحب اشتري الخبز من عندهم و الكعك و بعض الحلويات في رمضان بكون دور القطايف طويل بس بيمشي الدور بسرعة معقولة و الطعم منيح العوامات عندهم زاكية
  • Review by محمد of Carrefour Express
    9 years ago
    معظم احتياجات البقالة متوفرة و بجوده عالية و لكن لاحظت انه اسعار فروع الاكسبرس اغلى من الفرع الرئيسي بنسبة واضحة
    لكن بتضل الجودة الها دور و قربه من بيتي بيعطيه افضلية على باقي مراكز التسوق خدمة العملاء رائعة
  • Review by محمد of Amman Al Kubra Restaurant
    9 years ago
    بس آكل بها المطعم بكون مطمئن اني باكل لحمة بلدي و السعر غالي شوي بس منطقي اذا بدك تقارنو بالمطاعم التانية المماثلة بالجودة
    المقبلات اسعارها سياحية بس بكون زاكية كتير
  • Review by محمد of Jabri Central Complex
    9 years ago
    جربت كثير شغلات من عنده المنسف بكونو كريمين باللبن الرز و الخدمة شبه ذاتية بس الطعم مش كتير زاكي و السعر رخيص نسبيا
    الحلويات عادية اكثر من الوسط بس مرة جربت كنافة تواصي من عندهم و كانت بدون مبالغة من ازكى كنافة اكلتها بحياتي الكراسي بجبري المركزي مش كثير مريحة الكل بحكيلي جرب الفريكة من عندهم بس لما اشوف المنسف بغير رأيي في اماكن اصطفاف بس في ازمة لانه شارع الجاردنز
  • Review by محمد of الاسمر
    9 years ago
    مطعم شعبي رائع
    من المطاعم اللي بتحس بعمانيتها و فئات مجتمع مختلفة بترتاده و بسبب شعبيته فاسعاره رخيصة جداً مقارنة بجودته مشهور بصحن الفول بس انا بحب الحمص من عنده و الفلافل دايماً سخن الموظفين محترفين و بشوشين و بدبرولك قعدة بوقت قياسي فش اشي اسمه ديكور زي مطاعم عمان الغربية فالمطعم بيعتمد على سمعته بنصح بزيارته و تجربة صحن الفول مع التتبيلة الحارة
  • Review by محمد of Jordan Saudi Jabal Al Nour Travel & Tourism
    9 years ago
    سافرت معهم برحلة عمرة بالطائرة و كانو صادقين بالفنادق و التنظيم كان جيد و المندوب في السعودية كان متعاون كثير
    و لكن التنقلات الداخلية كانت " سيئة جداً " المكيف كان ضعيف و الباص بيمشي بسرعة 70 كم بين مكة و المدينة ما عدا ذلك الرحلة كانت رائعة و اخدونا برحلات داخلية على المزارات في المدينة المنورة و مواعيدهم كانت دقيقة
  • Review by محمد of Mawakeb Travel & Tourism
    9 years ago
    رحت معاهم برحلة على رم و البتراء
    لاحظت لطف الموظفين و الدليل كان مرح السعر كان منطقي لكن الباص اللي رحنا فيه كان بطئ بشكل مزعج التزام الشركة بالمواعيد مقبول التنظيم كمان مقبول ما جربت غيرهم فبقدرش اقارن لكن ممكن ارجع و اروح معهم مرة ثانية
  • Review by محمد of Dr. Salam Al Daradkih
    9 years ago
    بروفيسور استشاري الجراحة العامة و جراحة المنظار و جراحة الجهاز الهضمي
    جراح اكثر من رائع يمتلك خبرة كبيرة في عمليات الجهاز الهضمي باستخدام المنظار عمل عملية لاثنين من اهلي و تكللت بنجاح باهر و وقت تعافي قياسي
  • Review by محمد of Sugar Rush
    9 years ago
    للامانة صرت مجربه ثلاث مرات مرتين بعيد ميلاد ولاد اخوتي و كان جيد جداً
    بس اليوم شرينا منو تشكيلة من الحلويات و عملنا حفلة في الشغل الله يبيض وجهكم يا شوغر رش الكل مدح فيهم و السعر كان ممتاز مقارنة مع الجودة عندهم كوكيز ما جربته بس شكله بشهي التشيز كيك جيد بس انا بحبه مشوي و اللي اكلتها على البارد
  • Review by محمد of فايز ابوطويلة للادوات الكهربائية
    9 years ago
    اشتريت من عنده فرن غاز smeg قبل سنتين و كان تعاملهم راقي و اعطوني سعر ممتاز و صار لخبطة بالجهاز و بدلوه بنفس اليوم مع اعتذار الاشي الي بدل على مصداقية في التعامل و احترافية لمستها لدى الطاقم
    بوفرو كهربائيات و ثلاجات حديثة و معرضهم كتير مرتب و موقعو ولا اسهل على دوار الواحة
  • Review by محمد of The Bake House
    9 years ago
    اول مرة باكل وافل كانت فيه و جد كان كثير زاكي بس القهوة (اميريكان ) كانت عبارة عن مية لونها غامق فش الها طعم
    بتخيل لازم الخدمة لازم تكون اسرع فش فصل للمدخنين ديكوره كتير حلو و مش غلط لو زادو الاصناف المقدمة
Next

Places I like