هبة محمد

هبة محمد

Amman . Since November 2010
20 Reviews
Added places
1
Benefited people
25
Reviewed first
7
Added reviews
20
Added photos
14
Liked places
1

My reviews

  • Review by هبة of Zodiac Restaurant & Cafe
    8 years ago
    اسمحولي اختلف معكم بالرأي انا جربت زودياك اكتر من مرة بس بصراحة ما لقيته بيستاهل كل هالمدح. اوك انا بتفق معكم انه الديكور حلو ومودرن بس المكان كتييير معجوق وكله Teenagers وكتير في ضجة وعجقة يعني بصراحة وجعة راس. أكله عادي وبصراحة ما بتناسب مع سعره! وكمان الموظفين بلا مرة مش محترمين.
  • Review by هبة of Sofa Lounge
    8 years ago
    يا الله شو بحب هالمكان.. كتيييير راقي ورومانسي وهادي.. قعدته وديكوراته هادية وحلوة والخدمة في 5 stars الموظفين موجودين لخدمتك طول الوقت. اكله زاكي كتير ونظيف. أسعاره غالية بس بصراحة بيستحق لأنه من اروع المطاعم/كافيه في عمان
  • Review by هبة of Ward Restaurant
    8 years ago
    بصراحة مطعم ورد من اكتر المطاعم الي بحبها بعمان لأنه جوه مريح والقعدة في حلوة ورايقة واكلهم زاكي. أنا جربت ورد بالشتا كانت قعدته الداخلية حلوة وكمان بالصيف قعدته احلى واحلى. بصراحة انا ماجربته برمضان بس بالايام العادية مشكلة المنيو انه مش كتير منوع يعني لازم يكون في اصناف اكتر من هيك. بس الاكل زاكي وسعره مناسب. بس المشكلة بخدمته لأنه الموظفين مش كتير لطفيين وكمان بضيعوا وقت وهمه بيحكوا مع بعض بدل ما يخدموا الزبائن. هادي هي مشكلته الوحيدة يعني لو تتحسن الخدمة أكيد رح يكسبوا زبائن أكتر. وخدمة الاصطفاف متوفرة والحمدلله انه ما بيقدم مشروبات روحية. يعني بإختصار بنصح اي حدا حابب يقعد قعدة رايقة وراقية وياكل اكل شرقي لذيذ انه يجرب ورد ومارح يندم :)
  • Review by هبة of Bel Mondo Cafe
    10 years ago
    بيل موندو هو أكتر كوفي شوب بعمان بحب أروح عليه وبرتاح بالقعدة فيه وإلي ذكريات كتير حلوة فيه.
    المكان كتير مرتب ونظيف ومريح والقعدة فيه رايقة والناس الي بيجوا عليه مرتين وكلاس. أنا ما جربت الاكل عنده بس المشروبات الباردة والساخنة والاراجيل زاكية ومميزة والاسعار زي باقي الكوفي شوب بعمان ما حسيت أنه أغلى من غيره. نظافة المحل وترتيبه وديكوراته رووووووعة وخصوصا القعدة عالتراس بالصيف كتير حلوة وكمان بالشتا القعدة في حلوة ودافية وحتى الأغاني رايقة وحلوة. خدمة الزبائن ممتازة والستاف محترمين وزوق. وبالنسبة لخدمة الاصطفاف فهي متوفرة عنده وكمان بستوعب عدد كبير من السيارات. أنا بس عندي ملاحظة وحدة أنا سمعت انه اصحاب المحل تغيروا وبعدها لاحظت انه في اختلاف بسيط بجودة الخدمة. بس أكيد شو ما يصير بضل الكوفي رقم واحد بنظري.. وأكيد بنصح كل الصبايا والشباب الي بحبوا القعدات الرايقة والهادية يروحوا يجربوه. وطبعا ما في مشروبات كحولية.
  • Review by هبة of Blush Perfumery
    10 years ago
    أنا مابشتري عطوري إلا من بلش لأنه نوعيات عطوره راااائعة وأسعاره مناسبة. والي بيميزه انه متوفر عنده عطور رجالي وستاتي وحتى للأطفال. بالاضافة للميك اب بأحسن النوعيات.
    واله فروع منتشرة بكل عمان: بالبلد، الحسين، صويفية. وخدمة الزبائن ممتازة أنا كتير بحب أتعامل معهم وأكيد بنصح الكل يشتروا من عند بلش.
  • Review by هبة of Aqel Restaurant
    10 years ago
    أنا جربت مطعم عقل مرتين، مرة أكلت بالمطعم نفسه ومرة أخدت الاكل سفاري. المطعم مرتب ونظيف وخدمة الزبائن منيحة وكمان أسعاره متوسطة بس بصراحة أكله مش كتير مميز وكمان ماعنده خدمة الاصطفاف يعني احيانا بتغلب بصف السيارة.
  • Review by هبة of Mawal Shawerma
    10 years ago
    أنا مرتين جربت شاورما موال وبصراحة كتير حبيته، سندويشاته كتير زاكية ومميز بإستعماله لخبز الصمون العراقي وكل المكونات بتوكن طازجة وفريش.
    يمكن سعر السندويشة غالي شوي بس بصراحة بيستاهل لأنه المحل نظيف ومرتب وأكله كتييييير طيب. هو المشكلة الوحيدة انه المحل صغير ومافي مجال انك تقعد تاكل عنده. بس بشكل عام المحل جيد وبنصح الكل يروح يجربه خصوصا الي بحبوا شاورما اللحمة.
  • Review by هبة of Safeera Style Fashion
    10 years ago
    أنا بشتري من السفيرا من زمان..
    بصراحة الملابس الي عنده روووعة كتير حلوة ومميزة بتصاميمها ونوعيتها. وأكتر شي بيميز محلات السفيرا انه متابع للموضة بطريقة كبيرة، يعني اول ما تنزل اي موضة بتلاقيها عند السفيرا بس بطريقة كتير شيك ومميزة عن باقي المحلات. بالنسبة للأسعار أسعاره من جديد صارت أغلى من قبل بس اجمالا اسعاره معقولة مقارنة مع نوعية الملابس. اكيد بنصح كل الصبايا يجربوا ملابس وازياء السفيرا
  • Review by هبة of Pharmacy One
    10 years ago
    كل فروع صيدلية فارمسي ون مميزة بخدماتها عالية الجودة. وبخدمة الزبائن المميزة.
    تتميز صيدلية فارمسي ون بأن كل الأدوية متوفرة عندهم وكمان كل مواد أدوات التجميل متوفرة بكل الفروع وبأسعار عادية ومناسبة. كما تتميز صيدلية فارمسي ون بخدمة التوصيل للمنازل. وبفروعها المنتشرة بكل مناطق عمان. وأكيد بنصح اي حدا بيلزمه دوا يتعامل مع فارمسي ون
  • Review by هبة of splash
    10 years ago
    انا كتير بحب أشتري من سبلاش. في عنده أواعي ستاتي ورجالي حلوة وكمان الاكسسوارات عنده مميزة.
    بس المحل كبير وبحاجة لتنظيم أكتر. وبالنسبة لخدمة الزبائن ممكن تكون أحسن من هيك اذا زادوا عدد الموظفين لأنه أوقات ما بتلاقي حد يساعدك. واوقات بكونوا الموظفين متجمعين بمكان واحد وبيحكوا مع بعض بدل ما يتوزعوا بالمحل لمساعدة الزبائن. وكمان الموسيقى الي بكونوا مشغلينها صوتها كتير عالي ومزعجة خصوصا اذا ضليت بالمحل لفترة طويلة. بالنسبة للأسعار أنا بشوفها مناسبة لأنه النوعية منيحة
  • Review by هبة of Rawan Cake
    10 years ago
    روان كيك ازكى محل كيك بعمان..
    كل أنواع الكيك القطع والقوالب لذيذة كتيييييير..وكمان البيتيفور والفرينش كوكيز رووووعة. والمحل نظيف والخدمة في ممتازة. ما عنده باركينج خاص في بس مافي مشكلة لأنه ممكت تصف السيارة بالمكان الي حواليه. السعر مناسب بس بعض أنواع قطع الكيك عنده غالية شوي. وأكيد بنصح الكل يجربه لأنه أزكى محل كيك بعمان
  • Review by هبة of B & Z Fashion
    10 years ago
    المحل مرتب والملابس الي عنده حلوة بس كتيييييييييييييييييييييييير غالي.
    أنا دخلت عليه مرتين بالتنزيلات بس أسعاره خيالية حتى بالتنزيلات يعني مثلا الجاكيت الرجالي سعره بعد التنزيلات 300 دينار تقريبا والأحذية كمان كتير غالية. وانا بصراحة مو شايفة انه الاواعي الي عنده بتستاهل هالسعر الغالي
  • Review by هبة of Baby Shop
    10 years ago
    بيبي شوب أكتر محل بحب أشتري منه ملابس الأطفال وكل المستلزمات.
    عندهم تشكيلة كبيرة لملابس الاطفال لكل الاعمار. ونوعية الملابس ممتازة وعملية. كمان عندهم كل شي بيلزم البيبي متل: السراير، العربايات، كراسي الاكل والسيارة..الخ بإختصار كل شي بيلزم الاطفال بتلاقيه بمكان واحد هو بيبي شوب. أسعار الملابس والالعاب عادية أما اسعار بعض الادوات أو المستلزمات يمكن غالية شوي بس بصراحة بيستاهل لأنه النوعية ممتازة. المحل كتير مرتب ومنظم بس اوقات بتكون الملابس بدها ترتيب بعد استعمال الزبائن. بس إجمالا المحل التسوق في ممتع ومريح
  • Review by هبة of Al bayan
    10 years ago
    البيان ببيع إكسسوارات وميك أب وهدايا وأدوات منزلية.
    بس بصراحة هو أحسن لو يركز بتخصص واحد. المحل أسعاره رخيصة ومناسبة للجميع. الخدمة في منيحة والبائعين لطيفين وبيساعدوا.
  • Review by هبة of Salah Addain Bakery
    10 years ago
    أنا تعودت اكل كعك من صلاح الدين من أنا صغيرة. وبصراحة طعمه لا يعلى عليه.
    سندوشاته بسيطة وزاكية وكعكه مافي زيه بعمان. وأسعاره رخيصة ومناسبة للجميع. أنا متاكدة أنه كل سكان عمان بيعرفوا صلاح الدين لأنه رمز من رموز أصالة عمان وتراثها
  • Review by هبة of Lebnani Snack
    10 years ago
    أنا جربت فرع الشميساني مرات كتير وجربت فرع الصويفة مرة.
    كتير بحب القعدة بفرع الشميساني، أجوائه روووعة. وأكله كتير زاكي بكل أنواعه والخدمة كمان ممتازة. بس ياريت يهتموا بنظافة الطاولات اكتر من هيك. وبالنسبة للأسعار أسعاره كتير مناسبة. ولازم الكل يروح يجربه لأنه أكيد رح تنبسطوا وتغيروا جوا
  • Review by هبة of Lemon Shisha Bistro
    10 years ago
    انا مابعرف إلا فرع عبدون ورحته أكتر من مرة، القعدة في مرتبة وحلوة خصوصا بالصيف. وكانت القعدة في كتير مميزة بكاس العالم.
    بصراحة أكله مش كتير عجبني، انا جربت عنده الستيك والدجاج بالكريمة مع سوتيه الخضار. كانت الخضار والبطاطا الفرايز زاكية بس الدجاج والستيك مش كتير عجبوني. أما الأرجيلة والعصائر عنده لذيذة ومميزة. أسعاره غالية شوي بس قعدته حلوة وخدمته منيحة وبيستحق أنك تزوره
  • Review by هبة of planet donut cafe
    10 years ago
    اكتر شي بحبه عند بلانت دونتس هو الآيس كوفي رووووعة كتير زاكية ومافي حدا بيزبطها زيه.
    الدوناتس عنده كمان زاكي ومميز. بالنسبة لنظافة المحل فهو نظيف ومرتب بس ياريت يهتموا أكتر بالقعدة بالطابق التاني. خدمة الزبائن منيحة والأسعار كمان مناسبة . أكيد بنصح الكل يجربه وأكيد مارح يندموا
  • Review by هبة of Pizza Qaysar
    10 years ago
    أكتر شي بيميز مطعم القيصر الصغير هو أسعاره الرخيصة لأنه عرض مستمر من سنين هو أشتري بيتزا والتانية مجاناً
    البيتزا عنده كتير زاكية بكل أنواعها. ومن جديد صار في عنده أنواع بيتزا جديدة: الدجاج المشوي، التيركي كتييييييير طيبين. القعدة عنده مريحة وعائلية. والخدمة والنظافة جيدة. وأكيد بنصح الكل يجربه وخصوصا العائلات لأنه أسعاره كتير مناسبة
  • Review by هبة of Noodasia
    10 years ago
    نوديجيا مطعم روعة بكل شي بأكله وبخدمته وبنظافته.
    أكله كتير زاكي وفريش والشيف بيحضر الاكل قدامك. القعدة في حلو بس بالليل لأنه بالنهار بتكون الشمس مزعجة لأن كل الواجهة زجاج . أما بالليل فبتكون قعدته حلوة وهادية عأضواء الشموع. بس المشكلة انه مافي فاليه وصعب تلاقي مكان للسيارة. بس أكيد بنصح الكل يجربه لأنه حتى اسعاره مناسبة.
  • Review by هبة of Mekyage
    10 years ago
    أنا أشتريت من مكياجي أكتر من مرة أسعاره متوسطة.
    في بعض الأشياء سعرها غالي وأشياء عادي. يعني الميك أب والشنط أسعارها مناسبة (طبعا حسب الماركة) بس أسعار الاكسسوارات غالية وبصراحة ما بتستاهل سعرها. بس الحلو بهادا المحل انه تقريبا كل انواع الميك اب وكل الماركات متوفرة في أغلب الاوقات.
  • Review by هبة of AlDaya'a Shawerma
    10 years ago
    بالنسبة إلي الضيعة أزكى مطعم بيعمل شاورما بعمان.
    الوجبات والسندويشات سواء اللحمة أو الدجاج كتير لذيذة ومميزة عن باقي مطاعم الشاورما التانية. بالنسبة للأسعار أسعاره عادية لا غالية ولا رخيصة. وخدمة الزبائن منيحة بس ممكن تكون أحسن ولازم يهتموا أكتر بالجلسات بالمطعم عشان يقدروا الناس يقعدوا ياكلوا فيه. وياريت يعملوا خدمة الاصطفاف لأنها مش متوفرة عندهم.
Next

Places I like

Photos I added

مطعم البركتين
مطعم البركتين
مطعم البركتين