Hisham Jibren

Hisham Jibren

Amman . Since November 2010
29 Reviews
Added places
3
Reviewed first
9
Added reviews
29
Added photos
2
Liked places
3

My reviews

  • Review by Hisham of Jimzawi kitchens
    7 years ago
    روعة في التصاميم، ودقة في العمل، لديهم مصداقية بحيث لا يستعملون الخشب نهائيا في العمل، يقومون بتقديم النصيحة ويقومون بالزيارة ﻷخذ المقاسات وتقديم رسم سكيتش مجانا.
  • Review by Hisham of Al Fareed Stores
    9 years ago
    مرحبا ....
    بصراحة اكتر اشي حبيتو بالمكان هو توفر المواقف ... سواء امام المحل أو خلف المحل .. انا اعطيت المحل 3 نجوم كتقدير للأسعار الممتازة اللي عندو .. المحل عندو كل اشي ممكن الواحد يحتاجو للبيت من أدوات منزلية او مواد تنظيف أو تحف عدا عن مواد البقالة المتوفرة عندو بتشكيلة ممتازة. ** يا ريت لو يكون في اهتمام أكبر بقسم اللحوم من ناحية النظافة. ومن ناحية الجودة.
  • Review by Hisham of Mecca Mall
    9 years ago
    المول كتير حلو وواسع ،،، وترتيب المحلات فيه متناسق نوعا ما ،،، صالة المطاعم دائما تمتاز بالنظافة لانو عمال النظافة متواجدين بشكل دائم. المواقف متوفرة بشكل جيد لكن يوم الخميس بصراحة بكون في شوية أزمة على المواقف.
    ** ملاحظتي بصراحة رح تكون على موظفين الأمن ،،،، في بعض الاحيان بحسهم بتعاملو بشكل غير لائق أو انهم بشددو زيادة عن اللزوم بموضوع التفتيش .
  • Review by Hisham of Shahrazad Restaurant
    9 years ago
    مطعم شهرزاد هو عشقي الأول والأخير بين المطاعم، عنجد صينية كفتة بطحينية عندو بتسوى الدنيا، المطعم شعبي جدا وأسعارو معقولة جدا ومساحة المطعم مش كبيرة،، طبعا ما رح احكي عن الطعم وجودة الطعام لانو بس اللي بجرب المطعم بعرف شو يعني شهرزاد،، الخدمة في المطعم ممتازة نسبةً لمساحة المطعم وكثرة الزبائن.
    * نصيحتي لصاحب المطعم : يا ريت لو تهتمو أكثر شوي بالنظافة.
  • Review by Hisham of Loreen Sweets
    9 years ago
    حلويات لورين،،، محل كتير بسيط بالنسبة للديكور.. لكن محل رائع جدا من ناحية اصناف الحلويات اللي عندو. لازم كل ما أروح على جبل الحسين آكل من عندو تشيز كيك.
    المحل أسعارو مناسبة ومش غالية وعندو تشكيلة رائعة من أصناف البيتيفور الفرنسي والشوكولاتات. أما بالنسبة للكيك لو أضل لبكره أكتب ما رح اعطيه حقو. كل اشي عندو ممتاز لكن في ملاحظة وحدة بدي أحكيها. * يا ريت لو انو الكراسي تتغير لانو بصراحة مش مريحة كتير.
  • Review by Hisham of 400 Four Hundred
    9 years ago
    400 ، محل ألبسة رائع جداً، البضاعة الموجودة داخل المحل رائعة جدا سواء من الموديلات أو الجودة. طبعا الأسعار مناسبة جدا مع جودة البضاعة يعني بتلاقي البدلة على سبيل المثال ب 90 دينار مع التخفيضات بتصير 72 وبتكون ذات جودة عالية . طبعا أغلب البطاعة الموجودة صناعة سورية وفي منها مصنعة من أقمشة ايطالية وتركية، اليوم انا رحت على المحل بجبل الحسين بصراحة بحياتي ما شفت أسلوب تعامل بهالروعة والرقيّ، الموظفين كتير مؤدبين وصادقين في التعامل ومحترمين وأهم اشي عندهم رضا الزبون وهاد اشي نادر جدا نلاقيه بمحلات الألبسة بجبل الحسين.
    بنصح الجميع يزورو المكان وخاصة للي بفكرو يشترو بدلات رسمية، عندو تشكيلة كتييير حلوة ورائعة. . . شكرا سيماز على تعاملك الصادق.
  • Review by Hisham of Al Quds Restaurant
    9 years ago
    الأكل في مطعم القدس كانت من احدى التجارب التي لا تنسى.
    المطعم انا بعتبرو مطعم شعبي نوعا ما ويمتاز بالبساطة وجودة الخدمة، رح اعدد مزاياه وسيئاتو: الإيجابيات: 1- الطعام جيد جدا و عندهم أصناف عديدة وكمان عندهم حلويات للي بحبو يحلو بعد الأكل ؛) 2- النظافة جيدة جدا والطاولات ترتيبها حلو وأدوات الطعام نظيفة وأنيقة. 3- من أهم ميزات هالمطعم اللي حبيتها هي تعامل الموظفين والعاملين في المطعم مع الزبون، يعني بصراحة أنا بشكر كل العاملين في المطعم على تعاملهم الرائع والراقي اللي خلاني أستمتع بزيارتي الهم. 4- الأسعار مناسبة جدا وما حسيت انو عندو اشي مبالغ بسعرو. السلبيات: 1- لا يوجد مصفات ( طبعا لانو المطعم موجود بوسط البلد وصعب الواحد يلاقي مصفات هناك. ) 2- التدخين مسموح في قاعة الطعام. نصيحتي لأصحاب المكان : يجب منع التدخين داخل المطعم أو عمل صالة طعام للمدخنين وصالة لغير المدخنين. نصيحتي للي بحبو يزورو المطعم: بنصحكم تجربو رقاب الخاروف المحشية.
  • Review by Hisham of Ghaith Restaurant
    9 years ago
    انا اليوم رحت أفطرت عند مطعم غيث، بصراحة الأكل ما في عليه أي كلام كان مستوى الطعام جيد جدا والنظافة جيدة جدا وأسعار المطعم متناسبة مع الجودة والمكان. بس بصراحة كان عندي ملاحظة على موظفين الصالة، يعني الموظف بعامل الزبائن انهم هدول ناس جايين يدفعو فلوس ويطلعو وما بهمو رضاهم، يعني انا طلبت طلب وصار انو الموظف ما فهم عليي مزبوط وجابلي اشي تاني ولما حكيتلو انو هاد مش طلبي زعل كتير وكشر بوجهي وراح اشتكى لمسؤول الصالة بصوت عالي مع العلم اني حاولت اعتذرلو عن سوء التفاهم لكن الشب تركني بحكي ودارلي ضهرو ومشى .واجاني مسؤول الصالة بدو (( يفهمني )) انو هاد هو الاشي اللي انا طلبتو وناقشني كتير. وطبعا يا نيال الزبائن الصبايا لانو الكل ببتسم بوجهم ، اما الشباب بتلاقي موظفين الصالة بوخدو طلبهم وهمه مكشرين ومستعجلين...
    ** نصيحتي الكم : اهتمو أكتر برضا الزبون وخلو الإبتسامة على وجوهكم عشان الزبون يفكر يرجع عندكم.
  • Review by Hisham of Carrefour
    9 years ago
    انا جربت كارفور وبحب اروح عليه من فتره لفتره... بصراحة المحل كبير كتير وفيه بضائع ومواد واصناف كتيرة ومتنوعة .. لكن اذا بدكم الصح بالنسبة للبقالة ما فيها اصناف مميزة زي كوزمو ومايلز سوبرماركت. لكن بضل محل حلو وبنتمنالو التقدم.
    * نصيحتي .. يكثفو من كادر خدمة الزبائن في البقالة، لاني بصراحة اكتر من مره بكون بدي اسأل عن اشي وما الاقي حد أسألو أو بتغلب لما الاقي موظف بقالة.. خاصة بأوقات المساء.
  • Review by Hisham of Pharmacy one
    9 years ago
    اداء الموظفين كتير ممتاز بقدمو نصائح ومشورات واسلوبهم بالتعامل جدا رائع، والأدوية متوفرة بشكل دائم واذا صدف انو نوع ما توفر بوفرولك اياه تاني يوم، فعلا صيدلية رائعة
  • Review by Hisham of Cafe des Artistes
    9 years ago
    المحل كثيير مرتب وحلو،، يعني اكتر اشي بميز المحل ديكورو البسيط وهدوء الجلسة ... عجبتني فكرة عرض الاعمال الفنية وعجبني حبل الغسيل اللي معلقينو ..... الخدمة ممتازة والاسعار متناسبة مع موقعو ومع المقاهي اللي بنفس الشارع.
    شكرا لاصحاب المقهى على ذوقهم الرفيع وعلى لطفهم في التعامل.
  • Review by Hisham of Salah Addain Bakery
    9 years ago
    مخبز صلاح الدين من محلات عمان القديمة والرمزية،، محل شعبي والاكل عندو ممتع خاصة انك بتحضر الكعكة وبتقشر البيضة المشوية بايدك.. وبتقدر تحضر الشاي بنفسك.
  • Review by Hisham of Umniah
    9 years ago
    من افشل معارض أمنيه،،، الموظفين مان بحترمو حد وبفكرو العالم شغالين عندهم ، يعني بتوقف ربع ساعه على الدور ولما يجي دورك يا بحكيلك والله ما في فراطه معي يا بحكيلك السيستم علق ،،،، واليوم رحت ادفع فاتورتي خلوني واقف بستنا ولما اجا دوري الموظف المحترم ** بحكيلي بالله ارجع بعد عشر دقايق بدنا نجرد الكاش............... فعلا عيب يا شركة أمنيه هيك تعاملو الناس.. بس الحق مش عليكم
    والله ما بستاهلو هالنجمة يا موظفين فرع مكه مول
  • Review by Hisham of Shawermama
    9 years ago
    انا جربت المطعم وعجبني طعم الشاورما عندو،، طبعا السعر انا عشان موظف في مكة مول في وجبات سعرها خاص للموظفين. تعامل الموظفين منيح والمحل نضيف.
  • Review by Hisham of Al Haya Hospital
    9 years ago
    الي تجربتين في المستشفى،،، الاولى كان عنجدي عملية وبصراحة الممرضي والدكاتره كانو رائعين جدا وخدومين. الطابق اللي كانت فيه غرفتي كان كتير حلو والغرفة اللي كنت فيها كبيره وحلوة ونضيفة.
    التجربة التانية : رحت على الطواريء لاني كنت تعبان وبصراحة حسيت حالي بمستشفى البشير... الأرض كانت كتير وسخة والدكتور كان غير مبالي ووقح بالحكي وخلوني انام على سرير مش نضيف بالمرررررره. وصرفولي أدوية غير الادوية اللي كتبولي اياها على نموذج التأمين من غير ما يحكولي ولما راجعتهم حكولي انو الادوية غير متوفره كانت. نصيحة : الاهتمام بالنظافة بشكل عام وتحسين طريقة التعامل مع المراجعين والمرضى.
  • Review by Hisham of Orange Telecom
    9 years ago
    انا مره عانيت من مشكلة في الانترنت وتوجهت على المركز لانو قريب من بيتي وبصراحة كان في مدير هناك كتير ساعدني واهتم بالموضوع، وحتى قبل ما يجي دوري ويسمع مشكلتي لاحظت انو عنجد بهتم بمشاكل الناس التانيين.
    بس فعلا احيانا بكون في ازمة كتير لانو بس صندوقين او تلاتة للدفع وللخدمات عندهم.
  • Review by Hisham of Umniah
    9 years ago
    انا مشترك مع امنية، اسعارهم كتير مناسبة وعروضهم حلوة لكن شبكتهم بدها شوية تقوية، بمكان شغلي في مكة مول التغطية ضعيفة واحيانا ما بكون في شبكة...
    بدي احكي عن اشي ازعجني، هلا بعد كل مكالمة مع خدمات المشتركين بحكيلك الموظف انو رح توصلك رسالة تقييم للموظف... لكن الرسالة اللي بتوصلك ما بتسألك عن تقييم الموظف بتسأل بس انو ازا الموظف تمكن من تلبية طلبك،،،، هلا مش شرط ازا الموظف قام بتلبية طلبي انو يكون تقييمي الو ممتاز،، لانو احيانا الموظف فعلا بلبي طلبك بس بكون وقح نوعا ما، وبحكي بدون نفس وما عندو اسلوب بالحكي. عشان هيك انا رح اقيم الشركة ب 3 نجم واعتبروهم نجمتين ونص بس.
  • Review by Hisham of Tche Tche
    9 years ago
    المطعم كتير حلو والقعدة فيه مريحة، انا زرتو مره وحده خلال الاجتماع الاول لجيران عمان. عجبتني المقبلات عندو كتير. وعجبني الشاي كتير معو انو اشي بسيط بس عجبني لاني بحب الشاي وطلع كتير ممتاز . طبعا زي ما لاحظ اغلب الجيران فعلا كان في موظفين خدمة في الصالة بتعاملو بطريقة غير لائقة كأنهم بحملو الزبون جميلة وبحكو من راس مناخيرهم " متل ما حكت عبير " .. الاسعار بحسب ما شفتها بالمنيو مش غالية كتير " يخلف عاللي دفع هههههه "
    بتمنى يحسنو الخدمة عندهم
  • Review by Hisham of Miles Supermarket
    9 years ago
    مايلز سوبرماركت Miles supermarket
    سوق تجاري بتلاقو كل اشي ممكن تتخيلوه من مواد بقاله ( مواد غذائية وغير غذائية, Food & Noon Food ) طبعا في مخبز ومحمص وقسم خضار وقسم لحوم وقسم أسماك وقسم مقبلات. الخدمة كتير ممتازة والمحل ديكورو اشي كتير رائع وما رح تتخيلوه الا لما تزوروه. موقع المكان هو مكه مول الطابق الأرضي التوسعة الجديده. **انا بنصح الجميع انو لما يزورو مايلز سوبرماركت ما ينسو يشوفو المخبز اللي بعمل حلويات كتير رائعة وبعمل انواع خبز كتير وعندو أصناف خبز خاصه للدايت.
  • Review by Hisham of Arab bank
    9 years ago
    التعامل مع الموظفين الموجودين في الفرع كتير مريح وسهل وبهتمو بخدمة كل العملاء .
    **تم نقل الفرع حديثا جدا الى الطابق الأرضي بجانب المصلى
  • Review by Hisham of Jafra Cafe
    9 years ago
    انا بصراحة ما حبيتو... طبعا هادي اراء بحسب شخصيتي، انا بحب المكان الهاديء نوعا ما وما بحب تكون الطاولات قريبة على بعضها. والطاولات الموجوة بوسط المقهى كتير عالية وما برتاح الي بقعد عليها.
  • Review by Hisham of Balat Al Rasheed Cafe
    9 years ago
    بصراحه المحل مش نضيف، والخدمة مش بزياده، والاراجيل سيئة جدا جدا.
    الاسعار جدا رخيصة نظرا لعدم الجوده والخدمة السيئة الطاولات دائما مش نضيفة نصيحة : ديكور جديد، طاولات جديدة، تحسين نوعية الخدمة.
  • Review by Hisham of Dr. Mohamed Gheith
    9 years ago
    طبيب ممتاز في مجاله، تشخيصه سريع ودقيق واسعاره جيده جدا ويتمتع باسلوب ممتاز في التعامل مع المراجعين
    نصيحتي: العيادة بحاجة الى بعض التجديد والديكور
  • Review by Hisham of Shawerma Reem
    10 years ago
    المطعم عادي جدا، مش ملاحظ اشي مميز فيه غير اسم الشهرة،،،،،<br />
    <br /> الطعم عادي جدا وكتير مطاعم الشاورما فيها نفس الطعم والسعر عادي،
  • Review by Hisham of Orange Telecom
    10 years ago
    شركة اورانج من شركات الاتصالات العريقة
    خدمتمهم كتير ممتازة وبهتمو برضا العميل سواء من ناحية الاتصالات الخلوية أو الهاتف الأرضي أو من ناحية تزويد الانترنت ،، بالنسبة لخدمات الهاتف النقال كتير الخدمة ممتازة من ناحية التغطية ومن ناحية خدمات ما بعد البيع ،،،، لكن يا ريت لو انهم يخفضو الاسعار شوي
Next

Places I like

    Photos I added

    المعرض