GOTHIC LORD

GOTHIC LORD

Amman . Since November 2010
I am no one...
23 Reviews
Added places
1
Reviewed first
1
Added reviews
23
Liked places
1

My reviews

  • Review by GOTHIC of Carrefour
    9 years ago
    اهم و اكبر سوبر ماركت في عمان، شامل من كل ما يحتاجه المنزل و العائله، جوده متنوعه من البضائع الرخيصه و الغاليه حسب القدره الشرائيه للزبائن من مختلف الطبقات، نظيف و مرتب و موظفينو كتار، بس مو متعاونين كتير لأنه الواحد فيهم بيعاني من تدني الراتب و العمل الشاق، و كمان بستغرب انو الناس بتسأل الموظف عن شغله، كل شيه واضح و مرتب و الي بيسأل بيكون بداعي الكسل فقط، المواقف متوفره تحت المول ، طبعا بيتميز عن غيرو باسعار المواد الغذائيه، كتير ارخص و اجود، اكتر شيه بيعجبني الكاش المخصص للاقل من 10 قطع ، كاش كتير مريح...
  • Review by GOTHIC of King Hussein Park
    9 years ago
    حديقه واسعه و جميله، بعتبرها اخر بقعه للطبيعه الأم في عمان، مرتبه و نظيفه و فيها كتيراماكن للجلوس او للعب الاطفال، فيها مشكلتين، اول شيه انها في نهايه الاسبوع لا تطاق من العجأه، تاني شيه انو غالبا ما بيكون فيها زعران بيخربو من سكينه سحر الطبيعه، افضل وقت لزيارتها في منتصف الاسبوع صباحا، بتكون كتير هاديه و مريحه، كانت زياراتي الها اسبوعيا نظرا انها تفصلها مسافه 5 كيلو عن البيت و كنت اركض لهناك روحه و رجعه يعني 10 كيلو متر 3 مرات بالاسبوع، لكن حاليا توقفت عن ممارسه الرياضه عشان دوامي طويل، فيها كافيتيريا و مقهى و باعه متجولين احيانا لكن اسعارهم سياحيه و هاد شيه مرفوض لأن روادها من اهل البلد، الملاعب بدها صيانه لأن اغلبها تلف من سوء الاستخدام، المواقف كتيره للسيارات بس بتبطل تكفي احيانا من كتر الناس، و بتمنى من أمانه عمان تهتم فيها اكتر من هيك...
  • Review by GOTHIC of Grand Cinemas CityMall
    9 years ago
    من افضل دور السيناما في عمان ازا مو افضلها على الاطلاق، و اكيد اكبر سيناما بعمان، قاعات مريحه و نظيفه، خدمه جيده نوعا ما بس بدها متابعه اكتر خاصه انو اغلب الموظفين شايفين حالهم، بعض الموظفين مستهترين بعيدا عن الرقابه، الاسعار معقوله جدا بس المشكله بالنظارات لأنها سيئه نوعا ما، بس هلأ صار فيك تجيب نظاراتك معك، ملائمه للعائلات بسبب التنوع المستمر للافلام، المواقف كتيره تحت المول، بس بالنسبه للبار الي في اللوبي لازم يخفضو من الاسعار شوي لأنها كتير عاليه، و جوده البوب كورن ضربت، و بدو اعاده تصميم لأنو بيعمل عجأه و مكانو على المدخل غلط،بنصح الي بدو يروح يعمل متلي، في منتصف الاسبوع على الفضاوه، انا اسبوعيا بروح مره يوم اجازتي و بفضل الوقت الي ما يكون في ناس كتير عشان استمتع بالفلم...
  • Review by GOTHIC of Fuddruckers
    9 years ago
    افضل برغر في الاردن بكل معنى الكلمه، و الستيك عندو كمان رائع جدا، كل اصنافو رائعه و متقنه جدا، كتير اعجبني الماشروم و السبايسي و السلطه و المقبلات، هاد مطعم بيعطي للحوم قيمه اكبر، نظافه اكيده و ديكورات بسيطه و جميله، جو المطعم هادئ عادتا بس مرات بتعجئ شوي، المنيو عندو كبير و متنوع و هلا راح يتم تجديد المنيو و اضافه اصناف جديده بهاليومين، اسعاره غاليه لسبب انه كل اصناف الطعام عندو مستورده مو محليه و بيتم تحضيرها في مطبخ المطعم، عندهم شيف محترف و موهوب، يوجد منطقه مدخنين، و اكيد خدماتهم سريعه و بتلاقي اهتمام، الموظفين بيمتازو بالنظافه و الأخلاق و خاصه الاجانب لسبب انو هاد الفرع الوحيد و مدير المطعم ما بيرحم،خدمه التوصيل متوفره بس اكيد مو على كل الاصناف، يوجد باركينج خارجي لكنه محدود المساحه، اكتر شيه عجبني بالمطعم خلال زياراتي انو ماشي متل الساعه، ادارته ما بتوظف اي شخص و قوانيه صارمه، لكن للاسف رواتبهم مو عاليه، عشان هيك ذوقا من شخص طلب وجبه بمبلغ و قدره اكراما لنادل الي عجق حالو عشانك تخليلو دينارين بهالصحن من نفسك، و تعال المره الجاي و اختار نفس الطاوله الي كنت عليها و شيف كيف راح يكرموك...
  • Review by GOTHIC of Burger King
    9 years ago
    البرغر عندو كتير زاكي و كتير حجمه كبير، اسعاره كتير غاليه بالنسبه لمطعم وجبات سريعه، هاد الفرع بيتميز بنظافه جيده للطاعو و الصاله و حتى الترس الخارجي اكيد لأنو الفرع الرئيسي، مطعم واسع و فيه منطقه لعب للاطفال و مواقف اصطفاف و ديكوراته بسيطه و جميله ، خدمته سريعه و موظفينو متعاونين لأنه الاداره على روسهم، بيتوفر بهاد الفرع خدمه التوصيل و خدمه السيارات، بس بتضل مشكله البرجر كنج انه اصنافه قليله و عروضه نادره، لازم يوسع المنيو اكتر من هيك و ما عندو مشروبات غير الكولا و مشتقاتها، طبعا وجبتي المفضله هي السويس ماشروم و اكيد بفضل البطاطا الكيرلي عن الفرنش فرايز... بنصحكم تجربوها...
  • Review by GOTHIC of Abu Hejleh Snack
    9 years ago
    بالنسبه لي شخصيا مطعمي المفضل بما يخص السناك، وجباته كبيره و رخيصه، التشيكن بالكريما عندو لا يعلى عليها ، خدمته كلها تيك أويي و عندو ديليفيري و اكيد بيوصل ساخن و فريش لأنو بيستخدم الورق المعدني الي بيحتفظ بالحراره و النظافه، احسن شيه انو الطباخين مو مصريين و بيهتمو و بيراعو النظافه، عندو منيو متنوع و سناكات كتيره و سريع بالتحضير و الخدمه، للأسف ما فيه مواقف عندو، لكن هاد ما بيمنع انو تجربو سناك ابو حجله،لأنو مطعم بيستحق كل احترام...
  • Review by GOTHIC of Papa Johns
    9 years ago
    بصراحه زرته عده مرات، البيتزا جيده جدا و العجين منيحه كتير، اصنافه كتيره و متنوعه، ازكى شيه عنده التشيكن فلورانتين سواء بيتزا او باستا، المطعم نضافته جيده لكن لازم يعيد النظر في ديكوراته، الموظفين عنده مو كتير لبقين و خاصه المديره ، خدمه بطيئه و بتحس بان الاهتمام دايما لزبون معين، اسعاره طبعا غاليه بالنسبه لمطعم بيتزا و العروض عندو محدوده جدا، خدمه التوصيل افضل من الضيافه، خاصه انو مش راح تلائي باركينج لسيارتك بشارع الوكالات، احيانا بتلائي السلطه طازجه و احيانا لا، و بالنسبه للطاولات الخارجيه اغلب الاحيان مهمله النظافه، المطعم بدو اداره جديده و شويه تنظيم زياده لأنو خساره، بيأدم بيتزا كتير منيحه بس الكادر الموجود عم ينزل من قيمته...
  • Review by GOTHIC of Jannet Sireen
    10 years ago
    جوده جيده بشكل عام...
    نظافه جيده بشكل عام، بس الترتيب و ديكورات المطعم بدها تجديد... اسعار عاديه و عروض رخيصه احيانا... خدمه جيده بس ما جربته بالزحمه... مواقف ممكن تلاقي خلف العماره بالحاره الخلفيه و تيجي مشي... مطعم منيح للعائلات و اصحاب الذوق الشرقي و الي ما بيحبو الترف و العرط... يعني المطعم جيد و معقول جدا، و سمعته منيحه كمان، بس ما بنصحكم تأعدو على البلكون...
  • Review by GOTHIC of Shawerma Bashka
    10 years ago
    جوده متدنيه...
    نظافه متدنيه ايضا... اسعاره غاليه مقارنه بخدماته و جودته... خدمه سيئه جدا، تعامل فظ ، خربطه بالطلبات... مواقف اصطفاف قليله... نصحتي... هناك العديد من مطاعم الشاورما افضل كثيرا من بشكه و بنفس الاسعار... لما فتح فرع خلدا كنت شخصيا اعمل في محل للتمديدات الكهربائيه، اجاني صاحب المحل و رحت معو اركبلو عده شغلات كهربائيه، كان المطعم جديد جدا و اعطاني وجبه، كانت اكثر من رائعه، حاليا في فرق شاسع جدا بين بشكا عند الافتتاح و بشكا حاليا...
  • Review by GOTHIC of Tobacco And More Smoking
    10 years ago
    جوده السجائر و المعسل عاليه جدا...
    نظافه و ترتيب انيق فعلا... اسعار غاليه جدا تليق بالمكان... خدمه ممتازه و موظفين مبتسمين... اكيد في البارك تبع المول... كل ما احتاج للدخان اثناء تواجدي في مكه مول لا اتردد بالتوجه الى هذا المحل... في عندو شغلات كتير حلوه متل الولاعات الثمينه و شغلات غريبه ما بتلاقيها باي محل تاني...
  • Review by GOTHIC of Hashim
    10 years ago
    جوده معدومه...
    يفتقد للنظافه و الترتيب... اسعار غاليه جدا و الصحن في لحسه و الشاي قذر جدا... خدمه سيئه و لا واحد من الموظفين بيعتني بنظافته الشخصيه او بيراعي شروط الصحه... مصفات ما فيه نهائيا... لا يستحق كل هذه السمعه الي عندو و بالنسبه للسياح مستغرب كيف بياكلو عندو... نصيحتي انسو انو في مطعم بهاد الاسم لأنو رغم كل هادى السنين الي صنعت اسمو و شهرتو ما قدر يتطور الا برفع اسعارو و توسع شوي، بالعكس كل مالو بيتراجع على مستوى الجوده و النظافه...
  • Review by GOTHIC of Papazzi
    10 years ago
    جوده ماشي حالها...
    نظافه و ترتيب جيد... اسعاره معقوله بس مو بالجوده الي بيقدمها... خدمه جيده و ديليفري سريع ، بس بالعجأه بتخرب خدمتو... في موقفين بره المحل... ازا بدي انصح حدا يجربو، بنصحو يقطع الشارع ارخص و اكتر جوده... هو لازم يكون ارخص من هيك ازا بدو ينشهر و ينجح اكتر...
  • Review by GOTHIC of Big Boyz
    10 years ago
    جوده جيده جدا...
    نظافه ايضا جيده... اسعار معقوله... خدمه جيده بس تفتقد للسرعه و الدقه، كتير بيخربط بالاوردارات... ما فيه مصفات بهاد الشارع... بنصح الكل يجربه و يجرب اصنافه خاصه سناك الكاري عندو بيجنن، حجم ساندويش كبير نوعا ما، بس عندو مشكله بالبطاطا...
  • Review by GOTHIC of Hardee's
    10 years ago
    جوده طعام مضمونه...
    نظافه منيحه كتير... اسعاره عاديه جدا و مرات بحسها رخيصه مقارنه بغيرو... خدمه ماشي حالها نظرا لطبيعه الشركه صاحبه الوكاله و مين بتوظف و شو رواتبهم، اكيد على قد الحال... في بعض المواقف في الخارج... شخصيا بعتبر اصنافه من اروع اصناف البرغر خاصه الشروم، و بالنسبه للبطاطا الملفوفه مو كتير زاكيه...
  • Review by GOTHIC of Abu Jbara
    10 years ago
    جوده طعام فريده من نوعها و اصناف سلطات كتيره...
    نظافه غريبه تلائى متلها بمحل فول و فلافل... اسعار جدا غاليه مقارنه بطبيعه المطعم... خدمه جيده... في مصفات بس مو دايما... الي حاسس حالو بدو يدفع على صحن فول و صحن حمص و شويه فلافل محرزين يروح على ابو جباره المدينه، أعدتو حلوه و اكلو زاكي، اهم شيه انو الفلافل عندو ما بيعمل نفخه، بس ما بنصحكم تاخدو ساندويش من عندو لأنو ما بيزبطو...
  • Review by GOTHIC of Bel Mondo Cafe
    10 years ago
    جوده طعامه ما جربتها بصراحه...
    نظافه جيده و ترتيب كتير زوء... اسعاره غاليه كتير... خدمه جيده بس لو يستبدلو الطاقم بغيرهم اردنيين بيكون افضل... خدمه اصطفاف موجوده و سريعه بس مو ببلاش... الي بيحب الاعدات و الازدحامات راح يكون هاد مكانو المفضل، انا بصراحه ما حبيتو و حسيت انو كبير على الفاضي، مو هادي و كتير عجأه، و الاغاني كتير زنخه و عاليه، الي بدو يروح على كافيه بيكون رايح يأعد و يحكي مع رفآتو مو يسمع اغانيهم و يضل ساكت...
  • Review by GOTHIC of Domino's Pizza
    10 years ago
    جوده غير مضمونه نهائيا...
    نظافه جيدا جدا لأن بضاعه المحل جاهزه، العجين جاهز و يخمر في المحل و يبرد لفترات طويله، و المكونات تاتي مغلفه و مقطعه مسبقا فلا يبقى على الموظفين سوى التنظيف دائما و ابدا... اسعاره غاليه جدا مقارنه بالجوده المعدومه... خدمه سيئه من تاخير و تعامل غير لبق في اغلب الفروع، اما خدمه التوصيل فحدث ولا حرج... لا داعي لركن السياره لأن جميع فروعه سفري عدى فرع الجبيهه و يعتبر الوحيد ذو صاله صغيره في الطابق العلوى... سر تدنى جودته يكمن في العجين الذي يبقى لفترات طويله جدا في التبريد تصل الى عده ايام و لهم ستاندرات غريبه متبعه بالتحضير...
  • Review by GOTHIC of Habibah Sweets
    10 years ago
    الكنافه الافضل في الاردن...
    نظافه منيحه بس لما يكون معجوء بيصيرو يهملو النظافه عشان يمشو زبائن... اسعارو عاديه متل كل محلات الكنافه بالبلد... خدمتو بصراحه مو منيحه، لازم تكون احسن من هيك، بس معذور، عم يبنى مجمع الو بنفس الشارع جنب ابو جباره راح يكون واسع و الو مواقف سيارات و متكتك اكتر... بس هلا ما في مواقف و بالازمه الناس فوق بعض و الاوردر بدو ساعه تيوصل الدور الك... على امل يخلص هالمجمع و ينقل عليه عشان نصير نروح و احنا متطمنين...
  • Review by GOTHIC of Geneva Bakery
    10 years ago
    جوده عاليه كتير...
    نظافه و ترتيب ولا احلى... اسعار منيحه بس في اصناف غاليه كتير... خدمه كلاس... مرات بيكون في عندو مصفات بس مو دايما... اكيد لازم تجربوه خاصه انه الو اكتر من فرع و شهرته بلاشت تكبر اكتر...
  • Review by GOTHIC of Al Sarawat Restaurant
    10 years ago
    جوده جيده...
    نظافه ماشي حالها بس ما شفت خلف الكواليس لحتى احكم... اسعارو معقوله بس بعض الاصناف اغلى من المعقول... خدمه جيده بس ما جربت اكل عندو دايما بناخد سفرى عشان ناكل بالشركه... مواقف سيارات بشارع الجاردنز؟ اكيد بتمزح... جربوه مره ما راح تخسرو و يمكن يعجبكم...
  • Review by GOTHIC of Starbucks
    10 years ago
    جوده عاليه...
    نظافه و ترتيب ولا احسن... اسعارو فلكيه، تخيلو الاكسترا كراميل على الاوردار اغلى من سعر الاوردار...! خدمه ماشي حالها... في مواقف للسيارات، بس ما الها داعي... ازا كنت طالب جامعه او مراهق او بتعتبر حالك فايع بنصحك تروح هناك يوميا و الافضل انك تضلك هناك ما تروح على البيت... بصراحه ما عجبتني اعدتو...
  • Review by GOTHIC of Pizza Qaysar
    10 years ago
    جوده جيده جدا...
    نظافه مضمونه، بس لاحظت انه في بأحد فروعه عمال دواوين... اسعاره رخيصه مقارنه بغيره من المطاعم و الجوده الي بيقدمها... خدماتو جيده بس بيتأخرو و خربطو معي بالصنف عده مرات... بعض الفروع ما عندهم مواقف للسيارات... يستحق التجربه و انا شخصيا من زبائنه الدائمين... مشكلته انو كل فرع مستقل عن غيرو بالتوصيل المجاني و هادي مرات بتعمل مشاكل، عندهم فروع كتير و لازم يكون عندهم مقسم متخصص بتلقي طلبات التوصيل المنزلي و تنسيقها مع الفروع...
  • Review by GOTHIC of AlDaya'a Shawerma
    10 years ago
    جوده جيده و اكلو زاكي خاصه شاورما اللحمه...
    نظافه ماشي حالها بس لو يجيب موظفين شوام او من اهل البلد لأنو كل العمال عندو مصريين يعني لازم يكون اسمو الجيزه مش الضيعه... اسعارو غاليه بس ماشي حالها... خدمه منيحه بس عندو مشكلتين، كتير طلبت لحمه و اعطاني جاج، و لما احكيلو غيرلي ياها و بدفع هالشلن بيحكيلي لازم تجيب اوردر جديد و ترجع تصف على الدور، كمان انا لازم اتحمل اخطاء العمال... و التوصيل مو مجاني و ما بيوصل عنا على الحاره مع انو ساكن في منطقه مو بعيده عن احد فروعه الا 5 كيلو... بعض فروعه ما الها مواقف... الساندويش احسن من الوجبات عندو رغم فرق السعر...
  • Review by GOTHIC of Le Royal Amman
    10 years ago
    فندق ما بيختلف عليه تنين...
    جوده عاليه... نظافه اكيده... اسعار عاليه... خدمه رائعه... مواقف واسعه... اكيد عندو بار... و السينيما مرتبه كتير بس مو كل الافلام الي على بالك بتنعرض عندو... طبعا النادي الصحي من الاروع في الاردن بس غالي جدا... يستحق التجربه...
  • Review by GOTHIC of Shawerma Reem
    10 years ago
    اخر مره اكلت من عندو طلبت 8 ساندويش لحمه مع بصل و ليه اكيد... و رحت طلبت وجبه من غزال الي جنبو تيوصلني الدور الي عندو، طبعا اكلتهم كلهم ( بعجبكم بالسحب )...
    النظافه مشكوك فيها لو تلاحظو كل العمال مصريين ولا واحد بيلبس غلافز... اسعارو غاليا وليش الحكي، ساندويشتو لقمه وحده... خدمتو بطيئه و بس تيك أويي و الرقم الي كاتبينو فوق مو شغال بس عندو خلوي و كمان ما بيرد دايما عشان التواصي... كيف بدك تصف و الشرطي واقفلك و مبحلق فيك على نقره... نصيحه تجربوه في وسط الاسبوع و بالنهار و انسوه ايام العطل و نهايه الاسبوع، لأنك راح تموت من الجوع تيوصلك الدور و بدك 10 ساندويش عشان يرجعولك الروح + مخالفه على سيارتك، يعني راح يطلع العشى ب50 دينار بالراحه...
Next

Places I like