محمد رياش

محمد رياش

Amman . Since October 2010
3 Reviews
Added reviews
3
Added photos
1

My reviews

  • Review by محمد of Nafeesah Sweets
    7 years ago
    اولا, هذا ليس نبيل نفيسة اللي بالشام, يعني في استخدام غير مشروع للاسم, ونبيل نفيسة كاتبين تنويه على موقعهم انه ما الهم اي فرع خارج سوريا وخاصة في الاردن. الاسعار كتير غالية مقارنة بغيره من المحلات السورية ومن الاصناف في الاردن (الكنافة مثلا 5 دنانير) الكنافة طبعا بدون طعم مقارنة مع غيره, الخشنة طعم الجبنة فيها غريب. الحلويات الاخرى جيدة (الغريبة, المشكل) التعامل ممتاز وهاي عادة كل الشوام في البيع, ولكني اعطيته نجمتين لاستغلاله اسم نفيسة من الشام بدون ان يصرح, انا سألت الشب اللي عالكاش وحكالي اه احنا اللي بالشام وهذا كذب.
  • Review by محمد of Reham's Kitchen
    7 years ago
    جربت من عندها المنسف, فطيرة الدجاج, الاوزي والكبة بلبن والمعكرونة بستو. الاكلات كانت كتير زاكية وحجمها اكتر من مناسب والتغليف مرتب والاهم انه نضيف وشغل بيت. المنسف كان اكتر اشي رهيب, قطعة اللحمة كانت تقريبا 300-350 غم والرز كان اشي مرتب واجميد ممتاز وكان معاه سمنة بلدية المشكلة الوحيدة هو انه الديليفري هو ديليفري ون, بياخدوا 3 دنانير عالتوصيل بس هي عاملة عرض انه اذا بتطلب 5 وجبات بتتحمل هي نص التوصيل واذا 10 التوصيل كله بكون مجاني اعطيته 5 لأنه الخدمة عندها غير شكل, صاحب الي مرة هو وزملائه طلبوا كبة بلبن والشب تاع الديليفري وصلهم كانت علبة اللبن مكسورة واللبن كله مسكوب بالكيس فانسم بدنهم وما اكلوا بس حكوا معها حكولها فتاني يوم بعتتلهم غداء مجانا 5 وجبات اوزي كله على حسابها مع التوصيل كمان! فبصراحة كوني اشتغلت اكتر من 5 سنين في مجال خدمة الزبائن ومع شركة امريكية بقدر هاي الخدمة
  • Review by محمد of Bashiti Stores
    8 years ago
    تجربة سيئة. اخذت موعد يوم الاحد الماضي 17/3 من اجل تركيب ستائر وكان الاتفاق ان يقوم فريق العمل بالاتصال بي في اليوم التالي. راجعت المخازن بعد اسبوع للفت نظرهم انه لم يقم احد بالاتصال بي وافادوا بأنهم كانوا مضغوطين في الورشات. واليوم 27 الشهر ولحد الآن لم يقم احد بالاتصال. لا انصح بالتعامل معهم في مجال البرادي.
Next

Photos I added

هاي صورة الوجبة التعويضية اللي وصلت لصاحبي للاعتذار عن الخطأ اللي صار قبليها بيوم