ماجده محمد

ماجده محمد

Jeddah . Since October 2010
492 Reviews
Added places
189
Reviewed first
270
Added reviews
492
Added photos
1899
Liked places
176

My reviews

  • Review by ماجده of The Coffee House
    8 years ago
    قهوتهم جدآ رائعة .. قبل اسبوع كنت في المساعدية ومريت عليه اخدت كابتشينو بصراحة الذ كابتشينو شربته .. اصلا انا بس دخلت المحل 5 دقايق وطلعت ريحة البن علقت في عباتي لين تاني يوم لانهم بيطحنو البن داخل المحل طازة سواء للكافي او للزباين اللي حابين يشترو بن فقط .. اسعارهم جيدة وتعاملهم ذوق وخدمتهم سريعة ويوصلو الطلب للسيارة كمان.
  • Review by ماجده of Café Larica
    8 years ago
    كافيه حلو كل مرة اروح على هيفاء مول لازم امر عليه .. جلساتو مريحة وخدمتة الموظف هناك جيدة لكن لما يكون مزحوم يتاخر الطلب شوي جربت كارميلو فاربيه جدا لذيذ وسعرو جيد .. قسم العائلات جيد لكن ينقصة بارتشن لانه مفتوح اي احد من المتسوقين يمر من جنبه يكشف الطاولات كلها.
  • Review by ماجده of RoseMary PERFUMES
    8 years ago
    تجربتي لعطور روز ماري حديثة جدآ من حوالي إسبوعين أخدت من عندهم عطر العود بما اني من محبي العطور القريبة من العود والمخلطات بصراحة العطر جدآ رائع وتركيزه ممتاز مايخف مع الوقت والسعر 140 ريال يعتبر جيد جدآ ، في عندهم مجموعات عطور حلوة ان شاء الله اجربها في المستقبل تعامل الموظفين رائع وطريقة عرضهم حلوة وملفته للزبون.
  • Review by ماجده of Mango
    8 years ago
    حلوة الملابس عند مانجو خصوصا الفساتين القصيرة والبلايز لكن الاسعار مرة غالية والتخفض يعملوه بعد ماتخلص اغلب التشكيلة ويكون مافي مقاسات متوفرة ،، الشنط عندهم مميزة وخامتها حلوة برأي تستحق سعرها الخدمة والاستقبال في مناجو جيد جدآ.
  • Review by ماجده of La Senza
    8 years ago
    لاسينزا من المحلات المعروفة .. بضاعة ممتازة خاماتها حلوة وتعيش تعجبني البجايم مريحة في اللبس وتحتفظ بالوانها مع تكرار الغسيل ، ولملابس الداخلية افضل القطنيات منها حلوة ومريحة الاسعار في المتوسط وفي الغالي على حسب القطعة لكن هم دائما بيعملو عروض وتخفيضات قبل ينزلة التشكيلة الجديدة ، الخدمة والاستقبال جدآ رائع.
  • Review by ماجده of City Max
    8 years ago
    بحب التيشرتات من ستي ماكس خامتها تناسبني خصوصا اثناء الدوام وغير كدا سعرها ممتاز واحيانا يعملو عروض عليها تكون بـ 20 ريال مشكلة ستي ماكس في الكاشيرات انهم متزمتين شوي يعني النساء مستحيل يحاسبو عند كاشيرات الرجال ونفس الشي بالنسبة للرجال طيب انا مرة كنت مستعجلة وكاشيرات النساء مضغوطة من الزحمة وكاشير الرجال فاضي ليه ما يمشوني ويوفرو علي الانتظار لنصف ساعة لين يوصلني الدور؟؟ هذي ملاحظتي الوحيدة عليهم ياريت يلاقولها حل.
  • Review by ماجده of Al Rajhi Bank
    8 years ago
    الراجحي بنك معروف وتجربتي معه جيدة لكن تعبوني في عمل الحساب لانهم يطلبو اعمل الحساب على الانترنت وبعد 48 ساعة اروح للفرع اكمل اجراءات فتح الحساب وهذا اللي ماكنت اعرفه وبسبه اترددت عليهم اكثر من مرة لين تم فتح الحساب وفي حاجة كمان بطاقة الصراف عند الراجحي يخصم سعرها من الحساب اول مرة بـ 75 ريال وعند التجديد كمان تدفع نفس المبلغ وفي حال ضاعت يطلعولك بدل فاقد بـ 50 ريال بينما بنوك اخرى بطاقة الصراف مجانية بدون اي رسوم.
  • Review by ماجده of Little Caesars
    8 years ago
    ياسلام على البيتزا من ليتل سيزر بحبها كثير حتى يعجبني لما اكون مع اهلي ونطلب العرض الكبير اللي تجي البيتزا فيه مستطيل كبير وكل جزء بحشوة مختلفة السعر مناسب للطعم وجودة المكونات الطازجة دائمآ الخدمة دايم يتاخرو في الطلبات يمكن لانهم بيجهزوها طازجة النظافة جيدة.
  • Review by ماجده of Yves Rocher France
    8 years ago
    بحب عند ايف روشيه العطور تجي حلوة وثابته والحلو ان كل عطر يجي منو كذا تركيز والزبون هو يختار الكريمات حلوة وكمان المكياج مع ان المحل تركيزه اكثر شي على العطور ومجموعاتها .. طريقة العرض ممتازة ودايم موظفينهم شاطرين في العرض واقناع الزبون بالشيئ المناسب وهذي ميزة حلوة في المحل دايم يعملو عروض حلوة خصوصا على المجموعات.
  • Review by ماجده of Zohour Al Reef Trading Co.
    8 years ago
    زهور الريف عنوان لافضل العطور في مجال الفواحات المنزلية لان هذا اكثر شي باخدو من عندهم بالاضافة الى مجموعات الحمام تبعهم حلوة ومناسبة لو حبيت اخد هدية المكياج في زهور الريف حلو لكن خامته مخملية وانا ماافضل هذا النوع لكن عجبتني الاضاءات لانها حلوة كثير لكن عبواتها تجي صغيرة جدآ الاسعار مناسبة جدآ استقبالهم وخدمتهم ممتازة.
  • Review by ماجده of Makyaji
    8 years ago
    مكياجي من المحلات الرائعة اللي دايم اروح عليها لاشتري عطري المفضل سنسورد هذا غير الكحل الاسود من صبايا مميز وماقد جربت زيه من اي ماركة جربت الارواج من مكياجي خامتها حلوة ومرطبة بنفس الوقت والالوان اختياراتها واسعة وبعض الانواع عاملين عليها تخفيض مستمر طول السنة الاستقبال في المحل رائع وتعاملهم ممتاز حتى يفيدو اي زبونة بانهم ينصحوها بالنوع المناسب لبشرتها من كريمات الاساس ومجموعات العناية بالبشرة.
  • Review by ماجده of Femi 9
    8 years ago
    اليوم كنت في السلام مول ومريت على فيمي 9 بصراحة التخفيض اللي عاملينو مرة حلو لكن الفستان اللي عجبني طلع ماعليه تخفيض لكن سعرو مو مرة غالي بالنسبة للموديل والخامة حوالي 300 ريال في عندهم تشكيللة جديدة حلوة من الفساتين القصيرة والماكسي كمان حتى البلايز الجديدة ذوقها راقي الاستقبال من الموظف جيد وخدمته سريعة وذوق.
  • Review by ماجده of Al Emad Sweets
    8 years ago
    حلويات العماد متميزة بالجاتوهات والبقلاوة والبيتوفورات وهي اكثر شي باخده منهم .. اسعارهم جيدة والتغليف ممتاز خصوصا لو بلغتهم انو للضيافة بيهتمو كثير خدمتهم وتعاملهم ممتاز لكن وقت الزحمة بيتاخرو في الطلبيات ومافي نظام الدور عندهم يعني ممكن تكون جاي من بدري ويجي احد بعدك يمشوه هو بالاول وهذا اللي مااحبه عندهم .
  • Review by ماجده of Al Nukaly
    8 years ago
    الفرع هذا له ذكريات معي من ايام الطفولة كنت اروح مع اهلي له كل فترة خصوصا في فترة الاعياد ماناخد حلويات العيد الا منو بتعجبني الشوكلاتة الخاصة بمحلات النقلي لها طعم ونكهة مميزة وفي عندهم انواع تانية مثل الشوكلاه الغامقة وفي السكاكر تبع ايام زمان لسة موجودة في النقلي الاسعار مرة حلوة و خدمتهم جيدة جدآ حتى الاكياس اللي بيحطو بضاعتهم فيها ممتازة بتحفظ النكهة.
  • Review by ماجده of Rawan
    8 years ago
    روان من المحلات اللي دايم عندهم تشكيلات جديدة تقريبا كل اسبوع بينزلو بضاعة مختلفة وحلوة ،، الاسعار مرة حلوة بس احيانا الخامات ماتعجبني لكن الاغليبة تكون ممتازة وحلوة للاستخدام اليومي.
  • Review by ماجده of Spices Restaurant
    8 years ago
    مطعم جدآ رائع ،، رحته مرتين وناوية اروح في اقرب فرصة كمان الاستقبال والخدمة عندهم ممتاز وجلسات العوائل كبيرة ومريحة ونظافتها وترتيبها جيد اول مرة رحت كنت مع صحباتي وكان عددنا 5 ،، طلباتنا كانت برياني لحم وبرياني سادة ومسالا دجاج ونوع اخر نسيت اسمه بالاضافة الى ايدام خضروات بجوز الهند مع دجاج تكا وسلطات ومشروبات ،، يومتها اتوقعنا تكون فاتورتنا مرتفعة لكن اتفاجأنا انو الفتورة كانت 95 ريال بس المرة التانية كنت مع اخوي طلبنا برياني لحم ودجاج 65 مع سلطات ومشروبات ونوع حلا اسمو كير بالمجا قيمة الفاتورة كانت 48 ريال الحلو انو النادل يسالك عن درجة حرارة الفلفل في الاكل مو يجيبونه لك حار ماتقدر تاكله ،، بالنسبة لكمية الاكل وجودته تعتبر الأسعار رخيصة جدآ ديكورات المطعم حلوة وتوفر البارتشين شيئ رائع خصوصا بزيارتنا الاولى للمطعم كان في عندهم فرح بقسم العائلات وكان محجوز بالكامل فجلسنا بقسم الافراد لكن مع وجود البارتشنات ماحسينا بالفرق ابدآ لانها ساترة مطعم رائح من كل النواحي انصح بتجربته.
  • Review by ماجده of Dominos Pizza
    8 years ago
    مطعم رائع من كل النواحي ،، البيتزا عندهم لذيذة وسعرها مناسب جدآ احب عندهم الفيلي تشيز ستيك مره لذيذ والدبل ميلت بالبيبروني و الكيكيرز كمان لذيذ و الخبز بالثوم ممتاز المطعم نظيف والخدمه جيده بس مرات كثيره يتاخرون في الطلبات.
  • Review by ماجده of Kudu
    8 years ago
    كودو من المطاعم اللي لها نكهة خاصة ومميزة ،، احب وجبة الفيلية اللحم بالدبل شيز مرة لذيذة وسعرها مناسب لجحم الوجبة النسبة للجلسات عندهم ماتعجبني عشان كذا باخد دايم سفري ،، الخدمة بطيئة وقت الزحمة لكن بالاوقات التانية ما يتاخرون .
  • Review by ماجده of Badreeq Home Appliances
    8 years ago
    بادريق معروف من زمان بضاعته حلوة للاستخدام اليومي زي كاسات الموية وفناجيل الشاهي وغيرها من الاواني المنزلية اللي اتعودنا عليها من صغرنا ،، الاسعار مناسبة جدآ للجميع وبضاعتهم أصلية ومعروفة للجميع.
  • Review by ماجده of Aramex
    8 years ago
    تجربتي لهم كانت سيئة جدآ وماراح اكررها ابدآ ارسلت طرد للدوحة اتاخر 10 ايام لين وصلوه وهذا بسبب ان موظفهم مايعرف ان الدوحة خارج السعودية معقولة يشغلون موظف ماعنده دراية بالمدن داخل وخارج السعودية!! اجل كيف يسمى مكتب بريد؟؟ هذا غي ر ان الاسعار عندهم مرتفعة جدآ وخدماتهم ماتستحق.
  • Review by ماجده of Riyad Bank
    8 years ago
    تجربتي لبنك الرياض تنحصر في استخدام الصراف الالي التابع للبنك لاني ماجربت افتح حساب فيه لكن انتشار البنك مميز في المملكة وتوفر صارفاته بشكل ملحوظ انا جربت اكثر من صراف تابع لـ بنك الرياض كانت تجربتي رائعة وطريقة استخدام صرافم سهلة وبسيطة مافيها اي تعقيد .
  • Review by ماجده of Samena
    8 years ago
    معرض واسع ومنسق ومرتب فيه تشكيلات حلوة ،، ميزة المعرض انه بيحطلك التشكيلة كاملة مع اكسسوراتها من احذية وشنط وكابات و صنادل وومكن التشكيلة يكون فيها بنطلون وبرمودا وكم طويل وقصير وتنورة او بنطلون للبنات وانتي تلبقي على ذوقك بـ الاضافة للألعاب والاكسسوارات و ركن المكياج.
  • Review by ماجده of Extra
    8 years ago
    اكسترا من أفضل محلات بيع الأجهزة ،، رحت لـ اكثر من فرع وكلها مريحة جدا للتمشية والتسوق من بين الأجهزه المحل منظم ومريح في الاختيار ماتقعد تدور على طلبك فترة طويلة احب اروح كل فترة لمركز اكسترا عشان اشوف العروض عندهم لانهم متميزين فيها بتحطيم الاسعار
  • Review by ماجده of mobily
    8 years ago
    من افضل شركات الاتصالات في استخدام الانترنت وعن تجربة ،، اشتراك الانترنت في موبايلي ممتاز جدآ سريع وماينقطع ابدا خدمة العملاء متعاونين ودائما يردو على اي اتصال بسرعة ويحلو المشكلة في اقل وقت ممكن ،، انا بستخدم شريحة موبايلي لسنوات وماعدي اي نية لتغيرها.
  • Review by ماجده of AlBaik
    8 years ago
    البيك من أطعم الوجبات السريعة عندنا وأسرعها وكل انواع البرستد متواجد عنده سمك دجاج جمبري اطباق او سندوتشات ويقدم اطعم بطاطس وحتي صلصه الكوكتيل لذيذة والثوم رائع والسعر ممتاز مناسب للجميع ،، الخدمة سريعة رغم الزحمة المعتادة عند البيك.
Next

Places I like

    Photos I added

    تشكن سيزر سلاد
    قسم الالعاب
    الالعاب الالكترونية