محمد الديري

محمد الديري

Amman . Since October 2010
38 Reviews
Added places
2
Benefited people
1
Added reviews
38
Liked places
2

My reviews

  • Review by محمد of Al Hakawati Cafe
    8 years ago
    محل قعدته رايقة ، جاي على شارع فرعي ما في سيارات تزعجك و انت قاعد. رحت علبه انا و أصحابي و لعبنا شدة. عجبتني أرجليته. الخدمة عنده سريعة . أحسن اشي في هذا المقهى انه سعره رخيص مقارنة بالمقاهي اللي جنبه. الكراسي مريحة للقعدة و الطاولات نظيفة.
  • Review by محمد of Robeen Cars Services
    8 years ago
    ميزان روبين من محلات ميزان السيارات المعروفة في عمان، عندهم أجهزة حديثة و عمال محترفين. بس احكيلهم عن المشكلة في سيارتك و هما بفحصوها و بحددوا شو المشكلة. بس مشكلته انه دايما أزمة و ما في محل تصف سيارتك عشان تستنى دورك.
  • Review by محمد of Kolaj Omar
    9 years ago
    The 'kolaj' with nuts is unbelievably tasty and delicious, but I didn't
    like the kolaj with cream (Qishta), it was too fatty . One piece of kolaj not big enough, the price of one piece is 1 jd. There is no place to sit and eat and no parking.
  • Review by محمد of Muwaffaq Garage
    9 years ago
    مش سهل انك تلاقي ميكانيكي شاطر و بفهم بالسيارات الكورية في عمان. بعد ما جربت كراجات كتير أخيرا لقيت ميكانيكي فهمان و بعطيك حلول جذرية للمشكلة. و دايما بنصحني شو أحسن قطع الغيار و من وين أجيبها و مرات كتير كنت ألاقي عنده قطع غيار مستعملة نادر ما تلاقي منها اشي نظيف زي بخاخات البنزين لسيارات الكيا سيفيا. ، و بنصح اللي بيكون عنده مشاكل في مصروف البنزين يروح عنده.
  • Review by محمد of Philadelphia University
    9 years ago
    أنا درست في جامعة فيلادلفيا و اتخرجت من كلية العلوم تخصص علم الحاسوب، أول سنتين من دراستي فيها كانت الجامعة تعاني من بعض المشاكل مثل نقص المختبرات و تنظيم حركة نقل الطلاب بسبب نقص الباصات و ضعف الخدمة في الكافيتيريا. لكن اخر سنتين من دراستي في الجامعة صار تطور كبير و فرق و اضح و صارت جامعة فيلادلفيا تنافس بشدة الجامعات الخاصة الاخرى. أنشأت مباني و كليات جديدة، صار في قاعات دراسية حديثة و مختبرات حاسوب و كافيتيريات بتستوعب أعداد كبيرة من الطلاب و فتحت مجموعة من مطاعم الوجبات السريعة و انحلت مشكلة المواصلات بعد ما وفرت الجامعة اسطول من الباصات. و أنشأت الجامعة مكتبة ضخمة فيها مجموعة كبيرة من الكتب من كافة التخصصات. بالنسبة للمرافق الرياضية صار في تحسين على ملعب كرة القدم و فتحوا مجمع رياضي بحتوي على ملاعب كرة السلة و كرة الطائرة وتنس الطاولة. بالنسبة للنظافة الجامعة تعتبر نظيفة، في شركة خاصة بتنظف القاعات و المرافق العامة باستمرار. أنا برأيي أنه الكادر الاكاديمي مميز بالرغم من وجود بعض أشخاص غير مؤهلين. من الدكاترة المميزين د. أحمد بطاز ، د. كاظم الجنابي و د. عبد الستار و الشاعر المعروف عز الدين المناصرة من كلية الاداب. أنا بنصح اللي ناوي يدرس في الجامعات الخاصة أنه يدرس فيها لأنه أسعار الساعات فيها مناسبة مقارنة مع باقي الجامعات الخاصة.
  • Review by محمد of Al Kalha
    9 years ago
    جربت عنده فتة الحمص. مزبوط كانت زاكية و القعدة و الخدمة ممتازة، بس كتير غالي، يعني صحنين فتة حمص و 2 بيبسي ب 8.5 دينار. ليش؟ علبة البيبسي 80 قرش!! بنزلو مع الطلبات صحن زيتون و مخلل و بضيفوا ثمنه على الفاتورة، و المشكلة انه صحن الفتة صغير ما بشبع، بدك صحنين عشان تشبع، يعني عشان شخصين يتغدوا عنده و يشبعوا لازم يدفعوا تقريبا 14 دينار!!! مش منطق تدفع هيك مبلغ على فتة حمص.
  • Review by محمد of La Saison
    9 years ago
    رحت عليه مع قريب إلي جاي من أمريكا، قريبي كان حابب يقعد في الطابق الاخير على شان الاطلالة، لكن الموظف منعنا بحجة انه المكان مخصص للعائلات، تضايق قريبي و اضطرينا ننزل تحت، طلبنا قهوة و أراجيل، الاراجيل عنده جيدة
    و بعدين طلبنا العشا و كان عبارة عن سيخ مشاوي مشكل كبير يحتوي على كباب و ستيك و كباب محشي و شيش طاووق قطعة لحم خاروف و كلاوي و قطعة دجاج وبندورة و بصل و بيجي مع الوجبة بطاطا مقلية و سلطة خضار (بروكلي و كوسا و ذرة ) يعني الوجبة مشبعة، الكباب و الستيك و الشيش طاووق و الكباب المحشي كان زاكي أما باقي السيخ كان وسط و قطعة الجاج كانت ناشفة مش مستوية، الطريقة اللي بيجيبو فيها السيخ كانت حلوة و استعراضية، بكون في مادة مشتعلة على السيخ و بشعلو النار فيها و برمو مادة مشتعلة على الارض و بشعلو النار، سعر الوجبة مناسب مع كمية الاكل (9.5 دينار). الخدمة عنده كانت في الاول سريعة لكن بعد العشا صارت ابطأ يمكن عشان صار في آزمة في المحل. إجمالا كانت تجربة جيدة.
  • Review by محمد of Abu Firas Shawirma
    9 years ago
    وجبة الشاورما الدبل عنده مشبعة، الطعم متوسط، بيجي مع الوجبة سلطات متنوعة بس طعمها عادي و في معها بطاطا مقلية، قي عنده شاورما لحمة و شاورما جاج. و جربت عنده نوع جدبد من ساندويشات الشاورما اسمها شاورما البتزا، بس أنا ما حبيت طعم الخلطة اللي فيها.
  • Review by محمد of Hamleys
    9 years ago
    محل العاب ضخم. بحتوي على عدة طوابق، كل طابق متخصص في نوع معين من الالعاب،الطابق الاول بحتوي على العاب ترفيهية متنوعة و الطابق الثاني كله متخصص بالالعاب و الادوات التعليمية،و في كمان طوابق بس بصراحة ما شفتها. الموظفين بساعدوك عشان توصل اللي بدك اياه بسهولة و بعطوك تفاصيل عنها. المصفات متوفرة ، و اسعاره من متوسطة الى غالية.مع انه محل ضخم وفيه العاب متنوعة بس للأسف ما لاقيت اللي كنت بدور عليه، كنت بدور على دراجة هوائية تكون مناسبة لطفله عمرها سنتين.
  • Review by محمد of Abu Zaghleh Restaurant
    9 years ago
    أكلت في هذا المطعم وجبة شاورما، و كانت زاكية و مميزة لأنها محشية بخبز التنور المخبوز في نفس المحل، يعني بكون الخبز طازج وسخن و بخبزه قدامك، وعنده جميع أنواع الأكلات الشعبية من منسف و أوزي و غيره و بأسعار معقولة جدا. خدمة الزبائن عنده سريعة و المحل نظيف. بنصحكوا تجربوا وجبة الشاورما بخبز التنور، أما بالنسبة للوجبات التانية ما جربتها.
  • Review by محمد of The Children's Museum
    9 years ago
    أخدت بنتي عليه قبل فترة، و بصراحة ما توقعت ألاقي في العاب رائعة. كنت أفكر أنه راح يكون فيه ألعاب تقليدية للأطفال، لكن تفاجأت أنه في عندهم أفكار ابداعية. بعطي فرصة للأطفال يتعرفوا على التشريح الداخلي لجسم الانسان بطريقة مسلية و ايضا يحتوي على ألعاب تتعلق بالعلوم و الجغرافيا و البيئة و الصحة. بس هذه الالعاب مناسبة للأطفال اللي أعمارهم فوق الخمس سنوات، يعني بنتي مااستفادت منه بس انبسطت لأنه الالعاب مسلية و شكلها حلو. الموظفين ساعدونا كتير و كانوا يشرحلونا كيف نستخدم الالعاب. التذكرة سعرها 3 دنانير، بس في يوم مجاني كل شهر و غالبا بكون يوم الجمعة،بحطوا اعلان على الباب الخارجي عن اليوم المجاني. المصفات متوفرة بشكل جيد. بنصح الاهالي يخدوا اطفالهم، و بنصح المدارس تنظم حصص داخل المتحف لأنه المعلم راح يلاقي فيه أدوات كتير بتساعده في تعليم الاطفال.
  • Review by محمد of Al Ameed Coffee
    9 years ago
    أنا جربت محامص كتير في عمان، بس بنفس نكهة وجودة بن العميد ما لاقيت، و حتى خدمة الزبائن ممتازة، الموظفين بستقبلوك بابتسامة و لباقة، المحل كبير و ديكوره حلو. أماكن الاصطفاف أمام المحل محدودة.
  • Review by محمد of Qasr Al Mandi
    9 years ago
    الأكل في هذا المطعم زاكي و نظيف، وجبة المندي عنده مشبعة و لذيذه، بيجي معها شوربة عدس و الصلصة الخاصة. ديكور المطعم جيد وفي عنده جلسات عربية. بس آخر مرة أكلت عنده كان الاكل بارد، تجربتي معهم في التواصي أفضل من تجربتي في نفس المحل، عشان هيك بفضل اني أوصي من عندهم. أسعاره مناسبة مقارنة مع حجم الوجبة.
  • Review by محمد of King Hussein Park
    9 years ago
    حديقة جميلة للتنزه في عمان، بنصح اللي عنده أطفال يوخدهم هناك، لأنه فيها ساحات واسعة و ألعاب بالاضافة لملاعب كرة القدم و كرة السلة و كلها مجانية، و فيها متحف للأطفال بس في إله دخولية باستثناء يوم واحد في الشهر بكون مجاني، لازم تراجع ادارة المتحف عشان تعرف أي يوم.
    اشعال النار و الشوي ممنوع في الحديقة عشان هيك بتكون دائما نظيفة، المصفات متوفرة بشكل جيد باستثناء أيام المهرجانات، و فيها مسجد يعتبر من أضخم المساجد في عمان.
  • Review by محمد of Optikos Shami
    9 years ago
    محل اتعودت أفحص نظري و اشتري نظاراتي من عنده، من وأنا صغير لغاية الآن، الموظفين و فاحصين النظر تعاملهم كتير رائع مع الزبائن بتلاقي عندهم تشكيلة واسعة من النظارات الطبية و الشمسية، أكتر اشي بعجبني عندهم الإطارات الإيطالية بس أسعارها غالية، الإطارات الكورية أرخص بس أقل جودة.
  • Review by محمد of Rawan Cake
    9 years ago
    محل مشهور كتير و غني عن التعريف، جربت عنده التشيزكيك و البوظة. و مع انه في بعض الأحيان بصير عنده أزمة إلا أنه خدمة الزبائن عندهم سريعة. الجودة و النظافة. أسعاره غالية شوي. بنصح اللي بيكون عنده مناسبة أو حفلة عيد ميلاد يوصي من عنده.
  • Review by محمد of Body Work
    9 years ago
    اشتركت مع هذا النادي قبل 4 سنوات تقريبا، النادي بتكون من طابقين، العلوي بحتوي على أجهزة اللياقة البدنية (waliking machines) وهي كانت ممتازة وأنا برأيي هي أفضل اشي في النادي، الطابق السفلي بحتوي على أجهزة متنوعة من رفع الاثقال وكمان هذه الأجهزة كانت جيدة.الديكور و الموسيقى مناسبين، بس سلبيات النادي، أنه ما في متابعة من المدرب، أعطانا توجيهات أول يوم وبعدين تركنا نتدرب لوحدنا، الحمامات متوسطة النظافة و قليلة وكنا نصف على الدور. النادي ما في وقت مخصص للاناث أو الذكور لأنه مختلط، و أسعاره معقولة.
  • Review by محمد of Palm Village
    9 years ago
    أكتر من مرة رحت عليه، بس أنا كنت أروح على قاعات الأفراح اللي هناك، في أكتر من قاعة و في جلسات خارجية و مطاعم، الجلسات الخارجية أحلى بكتير من ناحية الديكور و الجو العام. القاعات كلها نظيفة، أماكن الاصطفاف متوفرة بشكل كبير.
  • Review by محمد of Pharmacy One
    9 years ago
    صيدلية بتلاقي فيها معظم أنواع الادوية اللي بتحتاجها، لكن ملاحظاتي على هذا الفرع أنهم كتير بطيئين في خدمة الزبائن و أماكن الاصطفاف محدودة و الأسعار عندهم أغلى من الصيدلايات التانية.
  • Review by محمد of Carrefour
    9 years ago
    من أفضل الاماكن عندي للتسوق، فيه مصفات كتيرة، و فيه كل اشي بتحتاجه من المواد التموينية و مواد منزلية، و البضائع موضوعه بشكل مرتب و عليها تسعيرتها، ومن ناحية النظافة دايما في عمال بتنظف باستمرار،و ميزته انه مساحته كبيرة، يعني بتوخد راحتك في التسوق حتى في اوقات الازدحام. بس أحيانا بتكون هاي مشكلة لما يكون الواحد مستعجل لأنه الأغراض بعيدة عن بعض و المواد التنظفية بالطابق التاني، يعني لو أنه بنفس الطابق بكون أفضل.
    دايما بعمل عروض بس المشكلة انها دائما ما بتكون على المواد الاساسية.
  • Review by محمد of Al Sulatan Cafe
    9 years ago
    هذا الكوفي شوب ماشي حالو و خدمة الزبائن كويسه، بس مشكلته أنه جاي في منطقة مزعجة و زحمة، و في عنده كمان مشكله أنه في كتير بياعين متجولين و مندوبين مبيعات، يعني في القعدة الوحده ممكن يمر عليك 6 بياعين و 5 مندوبين. أسعاره مقبوله و لا يوجد مكان للصفه.
  • Review by محمد of Salah Addain Bakery
    9 years ago
    هذا المخبز بعتبره من أفضل المخابز المتخصصه بالكعك السخن. يعني بتوكل عنده وجبة زاكية و مشبعه و هي عبارة عن كعكة سخنة محشية بيض مشوي أو جبنة و رعتر و بأقل الأسعار. بالنسبة للأشياء التانيه مثل نظافة المحل و ترتيبه و خدمة الزبائن متوسطة.
  • Review by محمد of Al Tazaj
    9 years ago
    هذا المطعم نظيف و خدمة الزبائن تمام بالرغم من انه غالبا بكون في ازدحام، وفي محلات كثير للصفه، وفي أماكن للأطفال عشان يلعبوا، بس أنا بالنسبة إلي أهم اشي في أي مطعم بروح عليه هو جودة الطعام اللي هي في هذا المطعم متوسطة و يمكن أقل.
  • Review by محمد of Ras Beirut
    10 years ago
    محل مختص بالمعجنات و البيتزا، وحسب نصائح بعض أصدقائي رحت عنده و جربت نوع واحد من المعجنات بسموها مطبقة، وفي منها أنواع و حجمها كبير و مشبعة وسعرها رخيص مقارنة مع حجمها، الخدمة عنده شوي بطيئة و محلات الاصطفاف محدودة. بنصحكوا تجربوا مطبقة CX
  • Review by محمد of Snack 22
    10 years ago
    من أقدم مطاعم السناك في عمان و قبل ما يكون في ماك و برغر كنك،البرجر و الساندويشات عنده لذيذة أزكى اشي عنده شاندويش الزنجر والهوت دوغ، وأحسن أشي فيه أنه أسعاره رخيصة مع أنه الجودة عنده ممتازة و المحل مرتب و نظيف، بس للأسف ما في محل تصف السيارة في النهار بسبب الازدحام في شارع بسمان، في الليل ممكن تلاقي.
Next

Places I like