وليد جعيدي

وليد جعيدي

Amman . Since October 2010
شخص عادي جدا ... هادئ جدا , لا احب الضجيج . و استمتع بالهدوء , افضل الجلوس لوحدي . و قهوتي هي صحبتي .. اصدقائي قلة و لكنهم فله :)
27 Reviews
Added places
5
Benefited people
1
Reviewed first
3
Added reviews
27
Added photos
6
Liked places
4

My reviews

  • Review by وليد of Cushions Lounge
    9 years ago
    المحل كثير رائع و ممتاز ، ديكورو الاسود بيعطي نوع من الرهبة بالاضافة للاضاءة اللي بتندمج في المكان لحتى تحس انك في عالم تاني
    النسكافيه جربتها عندو ،، كويسة ، وطريقة تقديمها ممتازة،، العصير طبيعي ، البرتقال لذيذ جدا و كانو محضر منزليا ، فيه لسعة المرار الخفيفة الموجودة بعصير البرتقال الطبيعي ،،، الشبابيك الزجاجية ، بتضفي لمسة ساحرة على المكان ،، بصراحة ، المكان ليلي بالدرجة الاولى ، الاجواء الليلية فيه راح تكون عن جد لحظات خاصة ،، اثاثو نظيف ، الا انو جلست على اكمن كرسي خشب و كانو بحاجة لصيانة ، لانو مش ثابتات ، و على ما اعتقد اي وزن ثقيل راح يكسر في المستقبل ، ارجو من ادارة المحل العمل على صيانتهم ،، العاملين مؤدبين و المرافق الصحية جدا نظيفة و يتم الاعتناء فيها لحظة بلحظة ،، باختصار ،، هو محل للحظات خاصة جدا :) ارجو من موقع جيران تحديث خارطة المحل سريعا ، لانها خطأ !!!
  • Review by وليد of American Language Center
    9 years ago
    بصراحة ، انا جربت المركز من خلال تنسيب دائرتي للالتحاق فيه بدورة في اللغة الانجليزية ، و لسه مداوم فيه ، المركز موقعه ممتاز . و يوجد ساحة كبيرة مقابل المركز بتقدر تصف سيارتك فيه ، الا انو الساحة مش تابعة للمركز و مشكلتها انها مش معبدة ابدا ، يعني ترابية ،، في فصل الشتاء راح تواجه مشاكل في انك تصف سيارتك .. هلا بالنسبة للمستوى التعليمي .. عالي جدا .. معظم العاملين هناك من الجنسيات الاجنبية ، ما عدا بعض الموظفين الاردنيين بالامن و الاستقبال و التسجيل .. يضم المركز جميع مستويات اللغة من مبتدئ و حتى متقدم ، سالت عن سعر الدورة و هي 270 دينار للمستوى الواحد . و لكن المستوى يعادل مستويين في المراكز الاخرى ، اذ يستمر لمدة شهر و نصف تقريبا ، مدة المحاضرة ساعة و 45 دقيقة ، مرافقه الداخلية نظيفة جدا .. و كل شيء متوفر ،، ماكينات بيع العصائر و الحلوى و القهوة متوفرة ، بنفس اسعار السوق . وفيه قعدة استراحة صغيرة و حلوة . مشكلته الوحيدة ،، بالاجراءات الامنية المشددة ، لانه السفارة الامريكية الزمتو بذلك ، يعني لا تتفاجأ اذا اضطريت تنزع حزامك او حتى حذاءك ، في سبيل عدم سماع صوت صفير الماكنة الامنية على المدخل ، ولا تهاون في ذلك ابدا .. يفتح باب المركز من خلال جرس تضغط عليه ثم تدخل للتفتيش ،، عدا ذلك ، فالمركز متقدم و فيه الكثير من النشاطات الممتعة و المنوعة ، حتى فيه افلام كل سبت و فيه نادي الحوار و كل ذلك لتقوية اللغة عندك ، يعني بتطلع منو قوي جدا باللغة الانجليزية ،، بتمنى تجربوه ، و ما راح تندمو .
  • Review by وليد of Chapatti
    9 years ago
    عنوان للطعام اللذيذ ،، مكونات طعامو غنية و صحية .. عندو منيو بتحيرك شو توكل ، و غنية بالاصناف .. العاملين مؤدبين ، بتتوفر عندو خدمة التوصيل ، ولكن غير مجانية ،، مجرد ما تحط اللقمة بثمك ، بتحس في العاب نارية فوق راسك و احتفالات جوا ثمك ،، و اعطيها هههههه... اسعارو مناسبة ، مقبولة نسبة الى الجودة ،، محل صغير نسبيا ،، في مجال تصف سيارتك امام المحل ،، دليت عليه اكثر من شخص ، والانطباع : ببيض الوجه :)
  • Review by وليد of KFC
    9 years ago
    I cant say More Than : JUNK FOOD
    its a JUNK ما بيساهل 100 حرف اكتب فيه نصيحة , بس على كل , بالنسبة الي , كل مطاعم الوجبات السريعة , ما بآمن فيها كطعام صحي ,, بيغروك بالطعم , بس صحي؟؟؟؟؟ ابدا , ولا حتى بقرب للصحى ابدا !!!
  • Review by وليد of Al Neeran
    9 years ago
    الله يرحم ايام ما كان اسمو السيران ... المطعم كان رائع بكل المقاييس ، والان سيء بكل المقاييس ،، الشورما عندو حجمها صغير و سعرها غالي و ثلثينها خبز ،، المعجنات ،، لا طعم ولا حتى منظر ... يعني الجبنة عينات . البطاطا عينات .. بتحسش بالطعم ابدا ، وقال سنفورة قال ،، هاي "سنفورة" ؟؟؟؟ و على فكرة اسعارو غالية كتير نسبة الى النوعية ، بحس بيقطع من لحمو لما يقطع شاورما ، بالاضافة انو العاملين هناك عينيهم بااايزة .. و الكاشير دمو ثقيل ،، انا مكان عملي مقابل النيران بالضبط ، و هو بالنسبة الى خيار اخير للفطور او الغدا ،، هاد اذا كان خيار اصلا
  • Review by وليد of Ghaith Bakeries
    9 years ago
    الصاج من مخابز غيث و ما ادراك ما الصاج من عندو ،، الزعتر بخبز الصاج ، والجبنة خبز الصاج ، الجبنة بالزعتر ايضا ، حتى البتزا تبعتو عالصاج راااااااائعة .. انا كنت كل اسبوع اروح افطر من عندو الاصناف المذكورة ، بما انو قريب على مكان العمل .. و اسعارو متوسطة و مقبولة جدا ، مش بحاجة كتير لخدمة الاصطفاف كونو بتوخذ طلبك و بتطلع عالسريع ، و ما بتطول ، بس في امام المخبز مصفات و بتقدر تصف ،، و مرات بيكون ازمة كونه على دوار الواحة بالضبط ، بتمنى تجربو الصاج من عندو ، وراح تدعولي :)
  • Review by وليد of Ghaith Restaurant
    9 years ago
    جربت عندو المتبل و الحمص بالشاورما و الفول، والعصائر خصوصا المانجا،، العصائر عندو طبيعية ،، و طعم الحمص بالشاورما مش طبيعية :) . الفلافل تبعو عادي مش مميز كتير يعني ، بس لذيذ. كتير زاكي طعامو و كتير اجواؤه حلوة ، واسعارو فوق المتوسط ،، و حبيتو كتير بصراحة .. قعداتو مناسبة و القاعة واسعة و الخدمة على ما يرام .. ما في تاخير بالطلبات ابدا ،، بيضل مسالة الاصطفاف ، وعلى فكرة ،، هاي مشكلة عمانية بامتياز ،، في باركينج بعد المطعم ب 50 متر تقريبا ،، ممكن تستفيد منو اذا كان الشارع مليان ، وغالبا بيكون مليان
  • Review by وليد of Jabri Central Complex
    9 years ago
    انا ممكن احكي مثل بيناسب مطاعم جبري : " ان طلع صيتك ، حط راسك و نام" ... جربت ارض الديار في عزومة اندعيت عليها انا و زملائي .. مكان رائع و راقي جدا ، الخدمة ممتازة ،، و يوجد خدمة الاصطفاف .. و موقع ممتاز ، و لكن بالنسبة للطعام ،، عاااااااااااادي ، واسعارو الغالية غير مبررة ابدا ، خصوصا انه ما بيستخدم اللحم البلدي في المنسف مع انه يتدعي ذلك .. غالي كثير ، ما شفت شي مميز بالمنسف تبعو بصراحة ، يمكن نصيحتي ما تعجب ناس كثيرين ، بس انا هيك لمست ، و مش راح يكون خيار اول او ثاني لاي عزومة ، و راح افكر اكتر من مرة اني البي دعوة شخص يعزمني عليه ،، راح اعطيه 3 نجم .. فقط من اجل المكان و الخدمة و الديكور
  • Review by وليد of Al Quds Restaurant
    9 years ago
    جربتو و طعامو لذيذ ،، انا جربت عندو المنسف ، و وضعو جيد بس بصراحة ما شفتو وااو ،، عادي جدا و مقبول ،، اسعارو في متناول الجميع و غير مرهقة ماديا الزيارة هناك ، يعني مناسب حتى لذوي الدخل المتوسط ،، مشكلتو الوحيدة موقعو ، يصعب في الاصطفاف بالسيارة ، بدك تضطر تشوف باركينج قريب بالبلد و تروحو مشي ، او تصف تحت جسر الحدادة و تمشي لعندو ،، يمكن تكون هاي ايجابية مش سلبية .. لانو بتكسب كزدرة بالبلد ، وهاد اشي ممتع :)
  • Review by وليد of Chapatti
    9 years ago
    مطعم متخصص بالاكلات الهندية ، صحيح صغير ، ولكن مذاقه طيب جدا ، واسعارو في متناول الجميع ،، بتمنى تزوروه
  • Review by وليد of Jafra Cafe
    9 years ago
    اشتقت لاجواءه التراثية ... ياه يا جفرا شو مقهى رائع ،، انا زرتو يمكن 15 مرة و من ضمنهم المرة اللي افتتحوه فيها ، المكان مشكلتو الوحيدة انو حلو كثثير لدرجة انو صعب تلاقي مكان تقعد و بتضطر تستنى و تتربص و بتوصل تترجى انو ناس يقومو عشان تقعد هههههههه ،، على فكرة اسعارو طبيعية . و ارجيلتو زاكية و عصائرو لذيذة ،،خصوصا المانجا
    اللي ناوي يعيش في الزمن الجميل ، بجوار ام كلثوم و يحكي مع عبدالحليم و يناقش السمباطي باخر لحن ، و يزقف لمارسيل ، و يسبل لماجدة الرومي ، و يوخذ صورة مع فريد ، ويشرب قهوة الصباح مع فيروز، يروح على جفرا .. واللي ناوي يتصور ابيض و اسود و يحس حالو باشا و لابس طربوش و يفتل شواربو ، يقعد بجفرا :)
  • Review by وليد of Al Basheer Hospital
    9 years ago
    انا جربتو بال 98 ،،بعرفش عنو هسة ، ايامها كنت بدي اوخذ صورة اشعة نووية لقياس كفاءة الكلية .. و كنت اتالم بشدة و حالتي حرجة .. الا انهم اعطوني موعد بعد 3 شهور للصورة.. و بواسطة خليتها لاسبوع ، و كان اسوا اسبوع بحياتي ، الادهى و الامر انو الصورة ما اخذت معهم ربع ساعة ... و لحد الان بخاف افوتو :(
  • Review by وليد of Gerard
    9 years ago
    هاد الفرع هو اللي جربتو و بس ،، عندو تشكيلة واسعة ،،بحب من عندو التشيزكيك و السنيكرز و الاوريو .و نفسي اجرب كل شي من عندو ،، اصلا بصيبني حالة هستيريا لما اشوف الاصناف ، انا بعشق الايس كريم . اشي بيروق الاعصاب ، واسعارو عادية مش غالية ابدا ، نسبة الى النوعية و الخدمة .. موظفينو لطيفين و سريعين ،، اكيد كثيرين جربوه .. و بنصح اللي جربه ،يروح يجربو مرة تانية و تالتة و رابعة ، ....... لما يجرب كل الاصناف :)
  • Review by وليد of Chinese Flavor
    9 years ago
    ياسر ، بتذكر لما دخلناه انا وانت لاول مرة و جربنا عندو البحري سيسلينغ ،، لحد الان طعمو بثمي،، المحل بمكة مول كان ، جلساتو حلوة و مريحة ، حتى موقع بالمول حلو ... نظيف جدا و سريع ، واسعارو مقبولة بالنسبة لمطاغم الصيني التانية ... ياسر ،، متى عازمني عليه ؟؟؟ اشتقتلو :)
  • Review by وليد of Wild Jordan
    9 years ago
    اكثر شي عجبني فيه . بساطتو .. مش معجوق ، انارتو هادئة ... بيعطيك احساس مش طبيعي بالهدوء و الاسترخاء . الترس الخارجي مطل على عمان القديمة و منظر جبل القلعة منو رائع .. المكتبة كتيييير قعدتها هادية ، حتى موقعو شوي مطرف عن باقي المحلات المعجوقة ،، بالنسبة لاسعارو ، لسة ما جربت الاسعار بس مهما يكون ، تصميمه و قعدتو بيستحقوا ،، مش حابب انصح ناس كثيرين يروحو عليه ، عشان يضل هادي و محتفظ بالرونق المميز تبعو ههههههه ،، لا ، عن جد حلو ، بتمنى تروحو عليه و تزوروه :)
  • Review by وليد of Kanakir Pastry
    9 years ago
    انا جربتو 4 مرات ،، البطاطا و الجبنة عندو زاكيين ... البيتزا وضعها عادي ،، صحيح ،، الصفايح باللحمة زاكي كمان ، اجمالا من افضل محلات المعجنات في جبل الحسين ... اسعارو عادية و في متناول الجميع
  • Review by وليد of Cafeteria Ayman Hunaidi
    9 years ago
    كفتيريا رائعة ، تقدم المشروبات الساخنة ، وهي من اشهر الكفتيريات الشعبية في جبل عمان .. ما يميزها ، انها تجهز المشروبات الساخنة على الرمل .. قهوتو بالنسبة الي ملهاش حل ، الزنجبيل بحليب ، بيلسع . لانو الزنجبيل عندو طازج مش بكيتات .. و عندو تشكيلة من المشروبات الساخنة مما لذ و طاب ، و كلها طازجة ، ما بيستخدم بكيتات ، طبعا هو ما في اماكن قعدة ، بتطلب مشروبك و بتوخذه معك . الا انو المحل نظيف جدا و واسع و اضاءتو ممتازة. اسعارو في متناول الجميع ، لا تزيد عن الكفتيريات العادية ، بنصحكم تجربوه
  • Review by وليد of Haret Jdodna
    9 years ago
    من ارقى و اشهر المطاعم في محافظة مادبا ، موقعه في وسط المدينة و بالحارة القديمة يكسبه اجواء رائعة ، يقدم الماكولات الغربية و الشرقية و الاراجيل و المشروبات الباردة و الساخنة ، جلساته الداخلية بتذكرك ببيوت جدودنا زمان ، اجواء تراثية و فلوكلورية رائعة . يقوم بعمل عروض فنية و جلسات طرب من حين لاخر ، اسعارو فوق المتوسط و لكن خدمتو رائعة .. مشهور على مستوى المملكة و بيجوه من كل المحافظات ، يتوفر لديه خدمة مواقف السيارات ، الموظفين فيه من ارقى ما يكون ، بنصح كل شخص يجربه و انا متاكد ، ما راح يندم
  • Review by وليد of Mazayen Nebo Retaurant
    9 years ago
    انا ساكن بهديك المنطقة و يوميا بمر من جنب المطعم .. هو جديد اصلا ،، المطعم اطلالتو ساحرة جدا جدا ، ولا يمكن تتخيلها الا اذا رحت هناك ،، جبال عمان و السلط امامك ، حتى ابراج السادس تظهر من المنطقة بالاضافة الى الاغوار و الضفة الغربية .. و يقابلك ايضا جبل نبو و الدير
  • Review by وليد of Pharmacy One
    9 years ago
    الله يبعدكم عن كل مكروه ان شاء الله ... الصيدلية رائعة و وتنظيمها ممتاز ، و فروعها في كل محافظات المملكة ، ادوية ، كوزماتيكس ، لوازم اطفال و امومة .. و بالنسبة للاسعار ، اسعار الصيدليات تقريبا ثابتة بكل مكان ،، انا بالنسبة الي هي اختياري الاول ، في حالات عدم الاضطرار طبعا ،، و مرة تانية ، الله يبعدكم عن كل مكروه :)
  • Review by وليد of Amman Citadel
    9 years ago
    بصراحة انا رحتو اول مرة بحياتي من شي اسبوعين , و كان في ليالي رمضانية ,, ما عجبني العجقة و كثرة الناس .. الموقع رائع جدا ... بس لما رحتو ما كان معي 5 دنانير ادخل جوا ,, ههههههههههههه ,, كل فكري 15 قرش و خلص ,, رحت عليه بعد الافطار عشان اشم شوية هوا , و السيارات كانت معبية الشارع لدرجة انو على ما تصف بدك نص ساعة , بوصلو بعد رمضان بيكون اهدى ان شالله و ب 15 قرش :) ههههههههههه
  • Review by وليد of Hardee's
    9 years ago
    انا جربت الفرع اللي ب ستي مول و اللي بمكة مول بس
    ب سيتي مول اكلت ساندويش تونة قبل رمضان بيومين،، فوق العادي بشوي الطعم كان بصراحة ،، بس عجبتني البطاطا كثبر فرع مكة مول احسن و ازكى و خدماتو افضل ،، اجمالا هارديز ،، معظم وجباتو لزيزة كتير ، و هو اختياري اذا حبيت اتناول طعامي في احد مطاعم "الجنك فود" ، رغم تحفظي على هاي النوعية من الاكل هههههههههه
  • Review by وليد of Shawermize It
    9 years ago
    اسعارو غالية . و طعمو عادي ، فش شي مميز بوجبتو ،، بقدم ساندويشات اكلات صينية ، هاي لزيزة نوعا ما ، بس الشاورما ، عادية و اقل من عادية ... البطاطا عندو زاكية . و قعدتو حلوة ، موقعو بالرينبو ممتاز ،، و بالنسبة للنظافة ،، بعطيها تقييم جيد جدا
  • Review by وليد of Nihao's
    9 years ago
    مطعم للاكلات اليابانية و الصينية : ستيك هاوس ، تبنياكي ، سوشي ، اسماك ،مأكولات صينية
    ديكور جميل ، و مكان نظيف يوجد غرف خاصة للعائلات المطعم فتح جديد ..و عنوانو سهل جدا عمان -دير غبار - شارع الملكة زين الشرف (شارع السفارة الامريكية باتجاه طريق المطار ) - عمارة 78 شكلو راقي ، و تحصلت على بعض الصور من داخل المطعم . و من خلال نصيحة بعض الاصدقاء اللي جربوه .. بيحكو انو روعة و اجواءه لزيزة ، بتمنى منكم تجربوه و تعطونا اراءكم و نصائحكم
  • Review by وليد of Zad El Khair
    9 years ago
    مطعم مشهور بالاكلات العراقية و الشامية ... تخصصو عراقي اكثر شي .. و لكن في الكثير من الاطباق الشامية ... غالي .. و اسعارو نار .. طعامو لذيذ و العاملين فيه يتحلوا بالنظافة ، الاجواء الداخلية ، بتجنن .. اختيار رجال الاعمال .. بصراحة هههههه :)
Next

Places I like

Photos I added

دجاج بالزبدة و مشكل خضار وشوربة ذرة