Sarah Zahran

Sarah Zahran

Amman . Since April 2011
مش مركزة.. بس ألاقي شغل بحكي عني!!!!
19 Reviews
Added places
3
Reviewed first
9
Added reviews
19
Liked places
2

My reviews

  • Review by Sarah of Samah Center
    8 years ago
    جيد في تنوع السلع والموديلات.. الأسعار تكون جيدة جداً أثناء موسم التنزيلات وتتواجد أشهر الماركات العالمية سواء للملابس أو العطور أو الحقائب أو اللونجري.. يوجد منطقة للمطاعم ومحلات عطور وحلويات.. تتوافر مواقف السيارات والصراف الآلي.
  • Review by Sarah of Baskin Robbins
    8 years ago
    ""ألذ آيس كريم تذوقتها في حياتي"".. يقدم باسكن روبنز المشروبات الساخنة والباردة والآيس كريم.. لديه أفكار جديدة ولذيذة.. أنصح بتجربة آيس كريم الشوكلاتة بالبسكويت المطحون وفوقها شوكلاتة ساخنة مذابة لذيذة جداً.. الأسعار جيدة جداً وفي متناول الجميع..
  • Review by Sarah of King Khaled Hospital
    8 years ago
    هو بالتأكيد المستشفى الأكبر والأفضل في المدينة.. الكفاءات الموجودة من حملة الشهادات العليا وذوو خبرة طويلة ومتميزة
  • Review by Sarah of Samraa Garden
    8 years ago
    من أجمل المناظر الطبيعية في المملكة العربية السعودية.. الحديقة تقع على جبل يكشف مدينة حائل بالكامل... منظر رائع سواء ليلاً أو نهاراً... رائع للعائلات وتتوافر المصفات
  • Review by Sarah of Milano Restaurant
    8 years ago
    Milano has best Italian and European food in Amman without a doubt, the place is calm has that warm old Italian style and decor, nice choices of music, the service is relly the best, the waiters are polite and tidy, I also like eating there because meals there are so enjoyable the taste is unforgetable, the chef is the best they use the best of spices and recipes, SALADS are amaaazing, I really recommend it to people who really appreciate FOOD. they have delivery service and outdoor tables>
  • Review by Sarah of Ras Beirut
    9 years ago
    راس بيروت وما أدراك ما راس بيروت!!!! أطعم معجنات لبنانية... اللي شدني لهالمحل هو أسماء الأكل في المينيو في البداية بس لما جربته وثقت فيهم كتير في إنهم يوفرولي أكله هنية ولذيذة وممتعة!!!
    عندهم المطبقات بالدجاج واللحم والبيبروني والسجق والخضار .. وانا أحكي قررت أروح هلأ آكل من عنده!!!!!!! اللي بيحب يجرب شي جديد وممتع لازم يجرب راس بيروت لأنه تـجـــربـة فـــريــــدة باختصار
  • Review by Sarah of Madam Jenny Salon
    9 years ago
    وإن كان الصالون يعتبر في مكان شعبي إلا أنه مميز جداً..
    صاحبته مدام جيني تايوانية.. خبرة فوق ال 30 سنة.. فنانة وعندها إبداع في اختيار لون الصبغة المناسبة لبشرتك وقصة الشعر المناسبة لوجهك والمكياج اللي بيناسبك.. أنا عملت عندها يوم سهرتي ويوم عرسي ويعد هيك بطلت أروح لصالونات تانية للشعر والصبغة والمكياج والحنا لأنها فعلاً مبدعة والكل يسألني وين عملتي شعرك ووين عملتي مكياجك ووين عملتي رسم الحنا.. الصالون على دوار النزهة.. الصالون مش حديث ولا كبير بس هو طابقين صغار ونظيف ومرتب.. بتمنى تجربوه
  • Review by Sarah of Essentials Ladies Beauty Spa
    9 years ago
    رائع رائع رائع.. ببساطة
    كصبية أكيد بيهمني أرتاح لمركز التجميل اللي بتعامل معه، essentials مش صالون يعني ما في صبغة وقص وسشوار ومن هالحكي.. هو مركز تجميلي علاجي.. هو مكان لتجميل (المزاج) أكتر من أي شي تاني.. إزا حابة تدلعي حالك لازم تجربيه.. رح أذكر بعض مميزاتهم مش رح أقدر أكتب كل إشي بس بعطي فكرة: * أول تفوتي عليه بتنتعشي دائماً مشغلين ميوزيك هادية وشمع وعطور رائعة مريحة للأعصاب. * الصبايا اللي شغالين فيه كتير بروفيشينالز وخبيرات بشغلهم مش أي كلام. * عندهم تريتمنتس شاملة للوجه تقشير وتبييض وشد و100 نوع تاني. * تريتمنتس للجسم كامل تقشير وغيره. * عندهم ellipse light system لإزالة الشعر نهائياً. * طبعاً عندهم العناية بالأظافر والقدم منيكور وبديكور وغيرها * في عندهم واكس وسكر * عندهم تاتو * موجود عندهم شورات أكيد في شغلات تانية كتييييييير بس أنا ما بعرف تفصيلات عنها نيجي للأسعار.. أسعاره عادية ما بتفرق عن الصالونات العادية بالمنيكور والبديكور بس أكيد الشغلات التانية مش موجودة بالصالونات العادية :) بس أنا ما بتردد بإني أدفع عندهم.. في إلهم بروشور موجود عليه كل الأسعار.. موقع السبا سهل عند دوار عبدون.. لما أروح عليه بهتم بحالي وبشكلي وبغير نفسيتي وبريح أعصابي بنفس الوقت.. ما تترددوا يا صبايا جيران بإنكم تزوروه :)
  • Review by Sarah of Kempinski Hotel
    9 years ago
    أظني الصورة الموجودة هون بتحكي لحالها... نزلت فيه الأسبوع الماضي 5 ليالي.. طبعاً دخلنا هيك طب ولا حتى كنا حاجزين.. الريسبشنست كان لطيف وأعطانا فكرة عن عرض الشتا الموجود.. ما بنكر إنه الأوتيل غالي بس زوجي حبه كتير وقررنا نضل فيه طول فترة قعدتنا بالعقبة..
    *** أحلى شي بالأوتيل إنه هو الوحيد بالعقبة اللي كل الغرف بلا استثناء على البحر... العرض اللي قدمولنا إياه غرفة بالطابق السادس مع ميني بار وفطور بوفيه مفتوح.. بلاش أحكي السعر.. لما طلعت عالغرفة عرفت ليش السعر غالي.. يمكن أحلى أوتيل نزلت فيه بحياتي يعني حتى بلبنان أو مصر أو سوريا أو الهند ما نزلت بأوتيل بهالروعة وهالتنظيم.. ديكور رائع الغرفة واسعة والحمام واسع والبلكونة كمان واسعة ومطلة على البحر.. وتحت لقيت في برك واسعة للكبار وللأطفال وجاكوزي غير الشط طبعاً.. الشط مفروش رمل لغاية قريب ال50 م جوا المي يعني يمشي الواحد براحته في البحر وما في داعي للشوز... قعدات الشط رائعة وأكيد بتقدر تطلب أكل أو درينك أو حتى أرجيلة وين ما كنت عالبركة أو عالشط.. لما جربت الفطور الصبح كمان عالم تاني.. كل شي ممكن الواحد يشتهيه وعندهم أكتر من شيف وللأمانة كلهم فنانييييييييييييين و طول الوقت يطمنوا إزا الأكل عجبنا أو عنا ملاحظات وطبعاً غير البوفيه فيك تطلب أي شي بييجي عبالك وما تلاقيه بدون اكسترا شارج... الستاف بدون استثناء كتير مؤدبين وخدومين وأغلبهم آسيويين.. طبعاً الميني بار بيتجدد كل يوم الصبح بيبسي وسفن وصودا وشيبس وعصير ونسكافيه وهيك قصص.. والهاوس كيبنغ برضو رائعين ومرتبين.. وكل شي متوفر يمكن زهقتكم قد ما حكيت بس لسا ما خلصت كل شي عندي :) بالنسبة إلي الفترة اللي قضيتها في الكمبنسكي كانت رفاهية مطلقة واستجمام بكل معنى الكلمة.. وهدا كان الهدف من كل الطلعة :) to Relax أكيد بنصح فيه وبشدة.. يعني ما فرق كتير بالنسبة إلى عن شاطئ ميامي أو ماليبو..... هههههههههههههه تخنتيها جد انا كتير انبسطت.. وبالنسة للسعر ممكن يزبط للعزابية اللي بدهم يتشاركوا بالغرف أو العرسان.. يمكن يطلع أرخص عن طريق مكتب أو بحجز مسبق بس أنا لما رجعت على عمان شفت أغلب العروض ما في ولا شركة سياحة بتنزل السياح في الكمبنسكي.. طبعاً بتقدرو تحجزو أونلاين على موقع الأوتيل. بيكفي لهون.. بس شغلة كمان إنه قريب كتير على السوق والمطاعم.. خلصت الحروف المسموحة.. سامحونا :)
  • Review by Sarah of Silwan Charity Association
    9 years ago
    طبعاً الجمعية إلها مكان كبير بقلبي شخصياً مو بس لأنه فيها كان كتب كتابي وخطبتي بس كمان لأنها صالة حلوة ومرتبة مساحتها منيحة ما في عمدان ومرايا زيادة عن اللزوم أهم شي..
    طبعاً لأنه زوجي من سلوان طلعلنا خصم بس هيه بتستحق وبتنافس أحسن الصالات.. الخدمة ممتازة والتعامل كتيييييييييييييير راقي.. طبعاً في إمكانية لحجز قاعة للمختلط وقاعتين لغير المختلط.. سيستم الصوت ممتاز بس التصوير ما كان كتير منيح لأنه فيديو عادي كان بس هجا الحكي صارلو أكتر من سنتين أكيد بيكونو جددوا هلأ.. بنصح فيها.. موقعها سهل وما بيتوه وما في مشاكل بصفة السيارة لأنها في حواليها فسحة فاضية بيقدر الواحد يصف فيها..
  • Review by Sarah of Ayadona Cake
    9 years ago
    أنا شخصياً صارلي سنتين ما بشتري كيك غير من عند أعيادنا.. عنده كل أنواع الكيك الغربي والمعجنات وبيتغل حسب الطلب.. الروعة في الطعم والمكونات لأنه ما بيستخدم أشياء استهلاكية بتحس إنه المكونات ذات جودة عالية ومميزة والشيف كتير شاطر.. عندهم قوالب كيك وقطع بأحجام مختلفة وبيأمن كيك للحفلات والأعراس وهيك..
    أسعاره كمان خفيفة يمكن لا تعتبر رخيصة بس بيستاهل.. طبعاً عنده لوازم أعياد الميلاد كمان بشتريها من عنده من شمع متنوع وطرابيش :) وغيره.. أكيد بنصح فيه بالنسبة إلى هو أزكى بكتير من روان كيك أو نابولي أو حتى كيك شوب.. بنصح الكل يجربوه ويعطونا رأيهم كمان :)
  • Review by Sarah of Royal Jordanian RJ
    9 years ago
    هي من أفضل شركات الطيران العالمية ومنافسة قوية حتى لشركات الطيران الأوروبي.. لأنها مريحة جداً بالذات للرحلات الطويلة ومواعيدها في الغالب دقيقة وأكيد لا بد من بعض التأخيرات التي تحصل في كل المطارات بسبب المطار وليس الشركة نفسها الكرو ممتاز وما عليها حكي.. أنا أراها ممتازة هي والقطرية طيراني المفضل..
  • Review by Sarah of Queen Alia International Airport
    9 years ago
    يعني هو المطار الوحيد الحقيقي في عمان ومع هيك مش نافع!!!
    هالمطار غريب إزا كنت طالع من عمان جيد وواسع وماشي حاله بس بالرجعة عجقة والشنط حالتها حالة وبيرموها رمي وما في أي مراعاة للنظافة ولا المعاملة منيحة.. يعني مطار بيروت أسخم مطار رحته بيضل أحسن من مطار الملكة علياء بس على أمل إنهم يزبطوه بعد الشغل اللي صارلو أبصر كم سنة!!! الحرة ما فيها شي عليه القيمة ولا أسعارها منافسة.. يعني اللي طلع من البلد وشاف الحرة في دبي والدوحة والهند ما بيقدر يمدح مطار عمان للأسف!! كرسي الانتظار مش مريحة والمطاعم مش نافعة وغالية عالفاضي اللي بيروح عال lounge ما بتفرق معه أكيد. بما إنه ما في مطار غيرو بس يزبطووه ويخلصو من هالتوسعة اللي ما كانت تخلص!!!!
  • Review by Sarah of Chocoholic Cafe
    9 years ago
    هو مقهى ليلي يعني بالنهار مش كتير بحبه بالليل إله رونق وبما إني عاشقة للشوكلاته أكيد هو من المقاهي المفضلة عندي لأنهم مميزين بمشروباتهم الساخنة والباردة اللي بتحتوي على الشوكلاتة.. بالنسبة للأكل بس مرة جربت عندهم ال club sandwish كانت زاكية بس غالية؟؟
    ما بعتبره من المحلات الرخيصة بس حلو تتذوق الشوكلاتة في المشروب بشكل مختلف من فترة لفترة والحلويات عندهم برضو زاكية جربت الكريب بالموز والشوكلاته كان كتير فخم.. موقعه بالنسبة إلي ممتاز لأني بحب اللويبدة كتير.. الخدمة جيدة ما عمري واجهت مشكلة معهم وعادة بطلب منهم أغاني معينة وعمرهم ما اعترضوا وعندهم النظافة جيدة جداً.. قعدته حلوة ومريحة للكل
  • Review by Sarah of Mohtaraf Remal
    9 years ago
    في بعض الناس ما عجبهم لأنهم بيدورو على كوفي شوب.. بينما محترف رمال مش كوفي شوب هو مزيج من مكان ثقافي وفني وترفيهي في ذات الوقت.. الهدف الرئيسي كان خلق بيئة تقافية فنية تحتوي مجتمع فني صغير لكنه يستقبل الجميع ليشاركوه في إبداعاتهم وآرائهم وزيارتهم..
    المكان عمره السيد عبدالعزيز من العدم وجعل منه بيتاً مضيافاً للجميع.. مكان يجمع الماضي بعراقته والحاضر بمعاصرته للفنون وأدوات الثقافة بالنسبة إلي هو مكان رائع وكل زاوية فيه لها حكاية خاصة ومجبولة بأيدي فنانة وكل زائر لا بد له من العودة إذا كان ذا فكر وذوق للجمال.. كمقهى لا يتوفر فيه كل شيء لكنه جيد ويقدم أراجيل.. وكما قلت هو للاستمتاع بالجمال أكثر منه مضيعة للوقت.. فهو ليس مكاناً ربحياً ولكنه السباق لسلب عقولنا بجماله
  • Review by Sarah of Balat Al Rasheed Cafe
    9 years ago
    المحل مسخم ومش نظيف وشوي بيوقع كله على بعضه مع هيك بحبه كتير وبستمتع بالقعدة جداً لأنه فيه طابع عمان القديمة وكاسة كركديه أو ليمون بنعنع بعز الصيف مع نفس أرجيلة عنده بتسوى أفخم كوفي شوب بعمان.. هو تجربة فريدة واللي بيروحو بيتعلق فيه لأنه جزء مهم في مدينتي الحبيبة عمان.. لو بروح بس أطل عليه بنبسط وبتطمن إنه جماليات عمان لسا موجودة :)
  • Review by Sarah of Jafra Cafe
    9 years ago
    أكيد مقهى مميز جداً وهو من أول مقهى بعمان حمل الطابع الخشبي التقليدي والتحف المميزة والصور الرائعة والموسيقى والأغاني المنتقاة بعناية زكأنه المقهى يعبر عن فكرة ثقافية أكثر منها تجارية.. وللأسف كتير محلات حاولت تقلد جفرا بنفس الشارع ويمكن دفعوا مبالغ خيالية عالديكور لكن مش ممكن يقدروا ينافسوا عراقة وأصالة جفرا...
    يمكن أنا من أوائل الناس اللي زاروا جفرا أيام ما كانت أسعاره رخيصة.. هلأ مازالت أسعاره معقولة بس أغلى بكتير من قبل وصار مستهلك بعد ما الكل اندل عليه.. المهم عنده الأرجيل والأكل والمشروبات لذيذة و الخدمة سريعة والويترز كتير لبقين ومحترمين.. عندهم وافاي جفرا الرواق وريحة الخشب المميزة دائماً مكان رائع للجلوس صباحاً مع فنجان القهوة وتصفح كتاب أو جريدة مع صوت السيدة فيروز... بفضلو بالشتا أكتر :)
  • Review by Sarah of Plaza Superstores
    9 years ago
    هو كسوبر ماركت ممتاز من ناحية:
    * عنده كل شي بيخطر عالبال حتى مقادير الوصفات الغربية اللي ما بلاقيها بمكان تاني * عنده قسم المخبوزات والكيك والكعك ممتاز وزاكي وشامل ومتنوع * عنده باركينغ منيح بالذات بعد التوسيع والتجديد *الجودة عالية بالنسبة للمنتجات الفريش من خضار وفواكه * التعامل راقي وبيقبلو فيزا المشكلة عندي إنه أغلى من أي محل تاني للأسف إلا الأشياء البسيطة اللي ما بيقدرو يغلو فيها متل الشوكلاته والشيبس والبيبسي.. أو لما يكونو عاملين عرضوهم ونادراً ما تكون عروضهم مغرية.. في معلومة إضافية كمان إنهم بيبيعوا لحم هام لحم ومدخن وسلامي عالعموم أنا بتسوق منه لما ما يكون عندي وقت كتير لأنه قريب من بيتي وبحب ألفلف فيه شمة هوا كمان لأنه هادي وبحب أعرف شو في منتجات جديدة أو غريبة :)
  • Review by Sarah of Shmesani Mall
    9 years ago
    هو مجمع بسيط أكتر منه مول وهدا الحلو فيه ما في عجقة كتير وأنا شخصياً بروح عالفود سيتي (السوبر ماركت) بيعمل عروض منيحة مناسب لست البيت وكل شي تقريباً موجود عندهم وبأسعار معقولة.. تعاملهم ممتاز ولبقين وعمري ما واجهت مشكلة بالمصفات..
    المطاعم الموجودة فيه عادية بس الكلحة بالنسبة إلنا نعمة لأنه ما في محل فلافل غيرو في الشميساني!!!! أكيد للي بيحب يتسوق على رواق وبهدوء بنصحه يزور الشميساني مول :)
  • Review by Sarah of Avocado
    9 years ago
    أنا ما جربت الأكل عنده لكن بروح عشان أشرب كوكتيل الأفوكادو بالعسل والقشطة والمكسرات لأنه وجبة لحاله بصراحة زاكي كتير وأوريجينال وما دقته عند أي محل تاني بالجودة..
    أكيد بنصح كل حدا حابب تجربة جديدة للأفوكادو يزرو أفوكادو :)
  • Review by Sarah of Rimini Pizza
    9 years ago
    ريميني أفضل مطعم بيتزا على الإطلاق في الأردن.. هو فعلياً المطعم الوحيد اللي بيقدم اليتزا ا الإيطالية الحقيقية لأنه باقي المحلات بتعمل بيتزا أمريكية عادية..
    عندو القعدة هادية وبسيطة والخشب إله عبق مميز بهالمكان وهاد الشي بيعجبني كتير.. عنده أنواع البيتزا اللي مش كتير معروفة بالأردن بالأنشوفيز والأرضي شوكي والبلو تشيز رااااااااائعة.. الخدمة جيدة والمحل حلاوته ببساطته وأسعاره مناسبة ومعقولة بيكفي إنه من المحلات القليلة اللي فعلاً بنستمتع بالأكل عنده وبتحس عنده خلطة وطعم مختلف عن أي محل تاني.. ما في باركينغ بس الصّفة مش كتير مشكلة لأنه بشارع خلفي ما عمري واجهت مشكلة بصفة السيارة.. بس لو يصير عندهم توصيل للبيوت!! اللي ما جربه عنجد لسا ما داق البيتزا الصح :)
  • Review by Sarah of Pizza Qaysar
    9 years ago
    ليتل سيزر بالنسبة إلي تاني أفضل محل بيتزا بعمان شغله كتير زاكي.. أنا شخصياً ما أكلت جوا المحل غير ثلاث مرات في شارع مكة ووادي صقرة وطبربور بعني ما بقدر أحكم عالخدمةمنيح بس البيتزا زاكية ومتنوعة والسلطة أزكى من بيتزا هت! بس دايماً عالديليفيري على طول لأني ما بحب العجقة في محلات البيتزا بتلاقي كل العيلة وأطفال وعياط وصراخ
    هو محل البيتزا الأمثل للعائلة أكيد جودة عالية و أسعار رخيصة بيكفي سلطة وبيتزا إضافية مجانية.. والديليفيري ما بيتأخر كتير عادة بيوصل بعد نص ساعة من الطلب مش أكتر
  • Review by Sarah of Shkoukani Butchery
    9 years ago
    هذه الملحمة لمن يعرف كيف يختار اللحوم الجيدة الصغيرة في العمر والمنتقاة بعناية يوجد قسم للحوم المستوردة وقسم للحوم البلدية في جبل النزهة.. والأهم الأمانة في التعامل
  • Review by Sarah of Majdelyoun
    9 years ago
    سمعت عن المطعم وحبيت أجربه وما كنت متخيله يكون الأكل زاكي لهالدرجة.. الخدمة كانت ممتازة وسريعة والأكل لبناني بجدارة وكأني عم باكل بلبنان واللي زار لبنان بيعرف كيف لما بتطلب شي بالذات المقبلات بيعبولك صحن مو زي عمان عينات!!!!
    استمتعت أنا وزوجي كتير بالأكل والقعدة الحلوة والأغاني الحلوة... مع إنه بيستاهل بس شوي غالي لو أرخص بيكون تقييمي 5 :)
Next

Places I like