نقاء غرايبة

نقاء غرايبة

Amman . Since June 2010
30 Reviews
Added places
3568
Reviewed first
9
Added reviews
30
Liked places
3391

My reviews

  • Review by نقاء of Al Dolab Grills
    8 years ago
    جربت عندهم كباب وشيش طاووق الصراحة الاتنين بجننو وكتيير زاكيين وطريين.. بس اكون ميته جوع بشتري من عندهم سندويشتين لانو حجم السندويشة مو كتيير كبيير بس سعرهم معقوول جدا وبالنسبة الي برتاح لنظافة المحل لانو السندويشة بتصلك ملفوفة بورق وبيجي معها كيس بلاستك عشان ما تنقط على حالك.. فكرة ممتازة خاصة للاكل بالشغل..
  • Review by نقاء of Hong Kong Showroom
    8 years ago
    هاد المحل جربتو واشتريت من عندو أكتر من شغلة .. الصراحة عندو اشياء كتيير رخيصة وحلوة .. وعندو كمان اشياء غالية بس حقها فيها.. اشتريت من عندو تابل لامب لغرفتي كانت كتيير حلوة وسعرها رخيص.. بنصحكوو تروحولو هاد المحل خاصة للي بدو يجهز مطبخو وبيتو رح يلاقي اشياء كتيير معقولة وحلوة
  • Review by نقاء of Yumah
    8 years ago
    اليوم جربت من عندهم طبخة البرياني الصراحة كان بجنن.. خاصة الصوص جد كان رهيب واجى مع البرياني كمان لبن مع خيار وجزر جد كان شي بفتح النفس والأكل نظافتو ممتازة وكل شي مرتب على اصولو .. واكيد رح اجرب عندهم طبخات تانية بالمرات الجايه.. والدلفري عندهم عالوقت بالزبط .. جد رهيبين
  • Review by نقاء of Baguette Restaurant & Cafe
    8 years ago
    اليوم جربت المحل وكانت تجربتي فيه رايقة وحلوة كتيير الاكل لطيف وخفيف وسعرو حلو .. طلبت انا وجبة تشيكن كانت خفيفة ولطيفة بس كبيرة كتير بتكفي لشخصين .. والقعدة كتيير رايقة والمحل كبييير بينفع لمناسبات او اجتماعات ... تجربة لطيفة وبنصح الكل يجربو
  • Review by نقاء of Vero Moda Jack & Jones Fashion
    8 years ago
    انا الصراحة بحب هاد المحل ومعظم ملابسي بجيبها من عندو ... جد تشكيلتهم بتجنن وبتلاقي عندهم كل الي بناسبك.. وتعاملهم مع الزبائن كتيير لبق وزووق.. والمحل واسع بفتح النفس وطريقة عرضهم للملابس جميل وبسيط .. واحلى شي عندهم وبلفت نظري البلايز والجينزات جد مميزة وبضاعة نضيفة.. بنصحكو تروحو وتتفرجو واكيد رح يعجبكم..
  • Review by نقاء of Nedal Al Kalha Restaurants
    9 years ago
    جربتو من عندو وجبة فلافل والصراحة كانت نظيفة وزاكية جدا.. صح انها كبيرة وبسرعة بتشبع بس رهيبة.. نصيحة جربوها على جوع ما رح تندمو ؛) وكمان خدمة التوصيل كانت سريعة ما تاخرو علينا بالموعد
  • Review by نقاء of Zaatar w Zeit
    9 years ago
    جد من أفضل الأماكن لتناول الفطور.. طلبت سندويشة زعتر ولبنه كانت بتشهي مع كاسة شاي رهيبه وقعدت برة عالتراس ... قعدة وفطور من الاخر ... بس عندهم ضغط شوي هاد الشي الوحيد المزعج .. بس خدمتهم لطيفه :)
  • Review by نقاء of Sahara Cafe & Restaurant
    9 years ago
    انا حبيته كتير هاد الكافيه والقعدة عندو كتيير حلوة... اجيتو مرة الصبح عال 11 وقعدت برة عالتراس مع فنجان قهوة كان القعدة بتجنن وخدمتهم كتيير حلوة ولطيفه.. والأرجيلة عندهم بتجنن خاصة الاسبيشل :) انا بالنسبة الي هاد الكافيه المفضل عندي...
  • Review by نقاء of Kitchenette
    9 years ago
    طلبت اليوم منهم وجبة كبسه مع جاج .. الصراحة كانت زاكية والصوص الي معها بجنن نصيحة جربوها هالوجبة ... بس اتأخرو حتى جابولنا الأكل .. بس كمان كانت طريقة تقديم الاكل كتير نظيفة ومرتبة والصراحة بتفتح النفس.. اتوقع انو عندهم الأكل الشرقي ازكى من الاكل الغربي يعني بتقينوه اكتر
  • Review by نقاء of X TM Fashion
    9 years ago
    هاد المحل بحبو لانو كل ما ادخلو لازم الاقي عندو شي مميز كل مرة وبكون مابدي اشتري وبضطر اشتري .... احلى شي عندو التنانير والبلايز.. جد مميزة كتيير .. بنصحكو تروحو تزوروه واكيد رح يعجبكم
  • Review by نقاء of Zara Kids
    9 years ago
    جد من اجمل محلات الاطفال واجمل الموديلات.. ادا بدي اشتري هدية لطفل تكون لبسة مميزة اول محل ممكن افكر فيه هوه هاد المحل .. خاصة ملابس البنوتات بجننو :)
  • Review by نقاء of Sajeda
    9 years ago
    هاد المحل زمان كانت بضاعتو حلوة ومميزة.. هلا ابدا مو حلوو وابدا مو مميز .. بس يمكن شالاتو منيحة وحلوة بس الجلابيب ابدا ما عجبتني عندو.. وغالي كتيير
  • Review by نقاء of koton
    9 years ago
    بحب بضاعتو كتيير ... وبناطيل الجينز رهيبة عندو .. وخدمة الزباين رهيبه عندهم.. مرة بدلت عندهم قطعة اشتريتها وكنت خايفة انو ما يرضو او يكشرو بوجهي بس كانو اكتر من رائعيين
  • Review by نقاء of Pull and Bear
    9 years ago
    يلي بدور على فساتين قصيرة وناعمة وبروتيلات كل الاشكال يروح لهاد المحل .. واحلى شي فيه كمان الوان الجينز والبناطيل.. اواعيه سبورت وفايعة ومريييحة كتيير...
  • Review by نقاء of Zara
    9 years ago
    زارا محل حلوو وعندو تشكيله حلوة نوعا ما بس بحس اسعارو كتيير غاليه مقارنه بجودة القطعة... بس ما بنصح حد يشتري من عندهم أحذيه.. لانو ولا حذاء اشتريتو من عندهم الا يعملي مصيبة برجلي... ابدا مو مريحة احذيتهم وكتيير متعبة ... ضليت اعرج اسبوع بعد ما لبست حذاء من عندهم يوم ... لبسة يوم = عرجة اسبوع او اكتر
  • Review by نقاء of Reebok
    9 years ago
    رهيبه الملابس الرياضية الي عندهم ... حبيت كتيير المحل واسعار الملابس عندو وسط مو غالي كتيير ونوعيتهم كتيير منيحة .. جربت من عندهم بدلة رياضية رهيبة طلعت وكتيير مريحة في اللعب وكان تعامل الموظفين كتيير لبق معي :)
  • Review by نقاء of Accessorize
    9 years ago
    ادا حابه تشتري قطعة مميزة روحي على هاد المحل لانو جد اكسسواراتو ما بتتقاوم ابدا... وقطعو فريدة وغريبة ورهيبة .. بس الزنخ بالموضوع انك وانت تتفرج بضل اتنين من الموظفين يلحقو وراك يعني مابتاخد راحتك كتيير .. :(
  • Review by نقاء of Shawer Nar
    9 years ago
    هاد المحل اروع من رائع بمووت على الشورما عندو وازكى شي عندو الكباب الايراني بشهي لازم تجربوه والبطاطا كمان بتجنن ... والحلو بالمحل انو نضيف و الي بيشتغلو فيه اشكالهم مرتبه ونضاف وتعاملهم رائع ولطيف .. بس مشكلة المحل جاي بمكان ضيق والاصطفاف صعب جدا عندو..
  • Review by نقاء of Massimo Dutti
    9 years ago
    اواعيه نوعا ما حلوة بس غالي كتيير يعني اقل قطعة عندو ب 100 دينار وما عجبني يعني ممكن للناس يلي بحبو الاشياء الرسمية.. بس حسيت جودته عاليه.. والموظفين فيه تعاملهم لطيف...
  • Review by نقاء of Batata
    9 years ago
    هاد المكان رهييب ... الصراحة ازكى بطاطا خاصه البهارات الي بضيف عليها زكاوة اكتر.. والي شي بميز المحل بساطتو ونظافتو .. وتعاملهم اللطيف مع زبائنهم ... جربو عندهم صوص الهني ماسترد مع البطاطا ومارح تندمو ابدا :)
  • Review by نقاء of Beit Sitti
    9 years ago
    بعد تجربتي للمحل حبيتو كتيير واستمتعت بفكرتو وأكلوو .. وشي حلوو كتير لما تطبخ بمكان غير مطبخك .. وتتعلم تجارب وطبخات جديدة ... والحلو اكتر روح الجماعة التي بتخللها المرح والدعابة أثناء تحضير الطبخة ... والصراحة تعلمت من الشيف عمل بابا غنوج وعرفت شو الفرق بينو وبين المتبل ... :) بنصحكو تجربوه ؛)
  • Review by نقاء of Pizza Inn
    9 years ago
    البيتزا عندو وايد لذيذه والصوص الذ كمان...وخدمتهم مريحة جدا والجلسه عندهم رايقه .. يعني المحل مره فلة
  • Review by نقاء of La Villa
    9 years ago
    رحتله هالمكان مرة وحده وعجبني بس عشان الديكور الداخلي للمحل..اعطاني شعور بالراحه والهدوء .. وحبيته اكثر لما جربت عنده القهوة العربيه مره لذيذ
  • Review by نقاء of Casper And Gambinis
    9 years ago
    هالمطعم وايد حلوو واحب اروحلو وايد لان الاكل عندهم مرة حلو والخدمه مريحة جدا .. والمكان مره نظيف ومرتب..بس الصراحه هو غالي شوي ..
  • Review by نقاء of Zaatar w Zeit
    9 years ago
    جد هوه مطعم بجنن واكلو كتيير زاكي.. واكتر شي بحب فيه المناقيش والمعجنات ووجبة الافطار اللذيذه يلي عندوو... بس انا بحس انو اسعار شوي غاليه ..هاي مشكلتو الوحيده
Next

Places I like