هند الكرد

هند الكرد

Amman . Since April 2016
32 Reviews
Added places
14
Benefited people
14
Added reviews
32
Liked places
14

My reviews

  • Review by هند of Rakwet Arab Cafe
    3 years ago
    قعدته حلوة كتير ، ما عمري اكلت منه بس ارجلت و ارجيلته ماشي حالها .. القعدة جوا حلوة بس برا عالشارع زي اللي قاعد بالسوق و اللي رايح و جاي بتطلع عليك .. اغانيه حلوة و ديكوره مميز
  • Review by هند of Mijana
    3 years ago
    قعدته و جوه كتير حلو ، رحته بالشتا و كان كتير شوب و مضغوط بس ارجيلته زاكية و الاكل عنده زاكي بس بعض الاطباق عبارة عن عينات ب٧ دنانير ، و الليمون و نعنع كتير منعش و fresh .. بس مشكلته بالضجة يعني اغانيه اغاني اعراس و حفلات مش مكان هادي ابداً و بتروح منه مدووش من الناس
  • Review by هند of Arab Fried Chicken
    3 years ago
    وجباته مشب كتير ليجي مع الوجبة ايش ما كانت بطاطا و متومة و سلطة مولسلو و بيبسي ، و الجاج المقلي عندهم كتير نضيف و زاكي و مش مليان زيت .. البطاطا زاكية كمان ، الخبز طازة البرغر عندهم نضيف و مستوي و طعمه زاكي شوي بطول بالطلب بس مجملاً المطعم ممتاز
  • Review by هند of Al Yasmeen Restaurant
    3 years ago
    من ازكى و انضف المطاعم للسناكات .. الكوكتيل عنده خرافي و الزنجر كتييير نضيف و زاكي و خفيف و الخيز طازة ، البطاطا الودجز زاكية كمان عندهم في الفاهيتا زاكية كمان و مميزة و الصراحة اي اشي من عنده زاكي و بشبع اسعاره كتييير منيحة و مناسبة
  • Review by هند of Pizza Qaysar
    3 years ago
    السيرفس بطيء كتير و ايام العجقة بتكون شبه معدومة ، بالنسبة للطعم زاكي بس مش دايما بكون متوفر الطلب عندهم يعني نوع العجين مثلاً .. بالنسبة للقعدة عنده ، منيحة لو كنت لحالك بس كتير السقف واطي و الطاولات كتير قريبة من بعض يعني اذا عيلة قعدت جمبك خلص كإنك قاعد معهم و دايما في ريحة مش حلوة بالمرة فوق و ايام الشوب كتير حتى ما بضووا مكيف
  • Review by هند of El Dar Darak restaurant
    3 years ago
    القعدة الخارجية كتير حلوة و عائلية ، بتحس حالك بغابة استوائية صوت مي و حواليك كله خضار ، و الجو حلو كتير بكون الخدمة منيحة مرات بتكون بطيئة بس بالمجمل منيحة الاكل زاكي من عندهم و بشبع كتير جربت من عندهم مرة القدرة باللحمة كتييييير زاكية اللحمة مستوية و الطعم زاكي كتير و الاسعار مناسبة جداً بس في صفات للسيارات
  • Review by هند of Heroes Burgers & Wings
    3 years ago
    i dont like meat burgers and specially with onions , but i had one mini burger once by chance and it was the best burger ive ever had , the meat and onion and sweet pickles are perfectly cooked together
  • Review by هند of Wazzup Dog
    3 years ago
    very tasty hotdogs , best place for eating them , jabbal amman's branch is the best among them , very fast service , and clean shop but a bit small no where to sit
  • Review by هند of 7 Waragat
    3 years ago
    دايما فوق بعض الناس و خصوصاً ايام المباريات بكونوا الناس فعلاً قاعدة فوق بعض ، الخدمة سيئة و اللي بشتغلوا هناك وقحين بس الاكل كتير زاكي ، جربت منه ساندويش الجاج و الفطر ، و الاراجيل عادية و اسعاره ماشي حاله
  • Review by هند of Talet Al Jabal restaurant and cafe
    3 years ago
    القعدة كتير حلوة و مطلها ععمان القديمة و الهوا حلو كتير ، بالنسبة للاكل فهو اقل من عادي بكتير و الارجيلة مش دايما زاكية ، مرات كتييير زابطة و ملرات ما الها طعم ، و اسعاره مناسبة كتير
  • Review by هند of The Switch VR Center
    3 years ago
    رحت انا و اصدقائي نجرب غرف الهروب عندهم كنوع من التغيير و رحنا قبل بوقت و كنا حاجزين و حكولنا رح نتأخر نص ساعة لانه المجموعة اللي قبلنا تأخروا ، استنينا نص ساعة و كان جداً مكتظ و دوشة و اغاني عالية و مش مريحة القعدة و عشان جوا المول كتير مخنوق المكان ، جربنا ال في ار و احنا منستنى عشان يمضي الوقت ، كانوا حلوين بس مش كتير مميزين ، و لما دخلنا ع غرفة الهروب كتير مش ع مستوى و صوت الاغاني عالية يعني ما بتركز بالمرة ، في كتير اماكن احلى
  • Review by هند of Saltenas
    3 years ago
    كتير غالي و الأكل اقل من عادي يعني بوفيه بس مش مستوى منيح
  • Review by هند of Avocado
    3 years ago
    جداً نظيف و الطعم زاكي خصوصاً الزنجر و تعاملهم جيد نوعاً ما
  • Review by هند of Zajal Restaurant and Cafe
    3 years ago
    القعدة خرافية و الديكور و الجو و الموسيقى و كلشي حلو كتير لقعدة عائلية ، الاكل اكتر من زاكي و مشبع كتير .. طلبت صدر جاج مع مشروم صوص و كانت فعلاً زاكية .. الارجيلة ممتازة كمان و اسعاره ممتازة بالنسبة للخدمة و الطعم و كلشي
  • Review by هند of TGI Fridays
    3 years ago
    جربته مرة وحدة و كانت اخر مرة ، القعدة برا كتير حلوة اكيد و تعامل الموظفين جداً منيح و لطيفين .. بس نصحونا بتجربة البرغر و جاج مكسيكي او نوع جاج غريب .. البرغر يعني بالبيت ازكى بتطلع و بطاطا عدد الحبات معدودة ، بالنسبة للجاج .. كان صدر جاج و صغير جداً و بجمبه كمية رز كتير قليلة و صوص عالجنب .. يعني مش طعم مميز بالمرة و ما بشبع اقل من عادي و اسعاره غالية
  • Review by هند of Levant
    3 years ago
    الخدمة سيئة جداً بالنسبة لهيك مطعم و الاكل اقل من عادي و مجرد شكل حلو و الكمية قليلة جداً بالنسبة للسعر العالي .. الارجيلة ما الها طعم بس القعدة بالجو الحلو عالتراس كتير حلوة
  • Review by هند of Wazzup Dog
    3 years ago
    الطعم مش زي جبل عمان بس زاكي ، بس تعامل الموظفين سيء نوعاً ما يعني بالمرة مش زي تعامل باقي الفروع! جداً لئيمين
  • Review by هند of Burger Makers
    3 years ago
    الطعم من ازكى البرغر بعمان كلها بس الخدمة كتير سيئة يعني كمية الطلبات هائلة و هم بشتغلوا و مش ملحقين لا عالطلبات و لا عالناس .. بتستنى كتير عشان تاكل بس فعلاً الطعم لا يعوض و خصوصاً الbrazilian chicken meal
  • Review by هند of La Cono Pizza Cones
    3 years ago
    فكرته كتير حلوة و غريبة ، جرب من عنده مكس الجبنة كتييير زاكية و سخنة و فعلاً مع الcone كتير ازكى من البيتزا العادية ! و جربت cone البيف برضه كتير زاكي و نضيف و سريع بسويه قدامك.. بس لا تعتبر وجبة يعني بدك عالاقل تنتين لتشبع و بصفي غالي ع انه الواحد ياكلها وجبة فتعتبر هيك تجربة او وجبة صغيرة
  • Review by هند of The Coffee Bean & Tea Leaf
    3 years ago
    الشباب اللي عالكاش مش مهنيين بالمرة ولاد صغار و بسبوا ع بعض و بضربوا بعض و غلطوا معي دفعت فيزا بدل ما ادفع ٣.٣٠ ، دفعت ٣٣ و منيح كان معي الوضل تبع الفيزا! كتير مزع القعدة برا و قهوتهم كانت باردة مع انه اخدتها ع طول
  • Review by هند of Chicken On Stone
    3 years ago
    تجربتي الاولى كانت منيحة ، الخدمة بطيئة و لازم مرتين تطلب الاشي عشان يجي و مرات ما يجي اصلاً ، غالي نوعاً ما .. المندي زاكي كتير و الجاج كتير زاكي و طري . الصالة مرتبة و ممتازة بس شوب شوي الا اذا كنت تحت المكيف
  • Review by هند of Jameeda Khanum
    3 years ago
    الكافيه كان قبل بجنن و فكرته و جوه و الاغاني و النشاطات اللي فيه و غير انه قعدته كتير مريحة و بتحس انه المكان مكانك ، بس صاير جداً غالي و minimum order لكل شخص ٥ دنانير ، الارجيلة جداً سيئة و الاكل مش زاكي بس المنسف كتير زاكي ، المشروبات دايماً يا مخلصة يا فش غير نوع نوعين مع انه المنيو كبيرة! هلأ هدفه بس الربح بغض النظر عم رضى الزبائن
  • Review by هند of Shawermaji
    3 years ago
    الخدمة سريعة جداً بس المكان بحاجة انه يزبطوا الصالة و مكان يقعد لانه جوا دوشة و برا المكان وسخ و عالشارع بس طعم الشاورما كتيييير زاكي و خصوصاً المتومة اللي بتيجي مع الاكل ما في زيها بكل الاردن
  • Review by هند of IKEA Food
    3 years ago
    تجربتي حلوة كتير كانت، الاكل جداً زاكي و نضيف و متنوع و المشروبات refill بدون تقييد و بتقدر تاكل و تشرب بمنطقة بدون تدخين و في منطقة للتدخين و الوايفاي سريع
  • Review by هند of Magic Land
    3 years ago
    الالعاب الموجودة كتير حلوة و مش موجود زيها بكل عمان و ممتعة! بس المنطقة بعيدة جوا الغابة و بتخوف بالليل ، المكان للعائلات و لما رحنا كان فاضي ، يعني ما في دور عالالعاب .. بس الحمامات ريحتها من قبل ما تدخل بتخزي كتير و اكيد فش نظافة بالمرة! تعاملهم مش مهني ابداً بس الالعاب هي اللي بتخلي الواحد يروح كمان مرة
Next

Places I like