Haitham AlBarry

Haitham AlBarry

Amman . Since August 2015
ما في مكان او مطعم او اي فعاليه في الأردن تستحق تقيم فوق الخيل اقصى حد جيد جدا
37 Reviews
Reviewed first
2
Added reviews
37

My reviews

  • Review by Haitham of Chinese Flavor
    4 years ago
    بعطيك خمس نجم بالقذاره وقله الأخلاق الي فوق الخيال لازم اتغير اسم المطعم سمي مطعم ابو الصراصير اليوم الأحد بتاريخ 13/8/2016 رحت على وكر القذاره الي مسمي حاله مطعم وطلبت4 سزلنك واربع صوص حار بأحد علب الصوص طلع في صرصور ولمه راجعت المسؤول بالمطعم طلعت اخلاقه اقذر من الصرصور الي لقيته بالتالي انا مسؤل عن كلامي ولا انصح احد بالذهاب الي وكر القذاره الي مسمي حاله مطعم ويجب العمل على اغلاقه
  • Review by Haitham of Westlake Super Market
    5 years ago
    رحت عليه المكان مش سيء بس بعتقادي انو يلي عمل هاد المشروع مش عايش بالأردن بعني مغترب وقرر يرجع ويستقر او انو مش شغلتو هلشغله يعني من الأخر صاحب المشروع مش فاهم متطلبات السوق الأردني المحل ممكن يشتغل لو انعملو تسويق قوي مع انو الموقع مش بزايده وخاصه انو بنفس المنطقه في سيتي مول مكه مول يعني المنافسه اكبر منو الله يرزق صاحبو
  • Review by Haitham of Buffalo Wings & Rings
    5 years ago
    رحت عليه وقت الغداء وكنت فارط من الجوع اول مره بجربو مدامتي اقترحتو عشان سمعت انو زاكي دخلنا المكان مليان ناس وكلهم طلاب مدارس عمرهم 16- 17 سنه بس حلوين ومرتبين في كمان اكمن عيله المهم اخترت طاوله بس كانت مزعجه لأنها جنب المدخل المهم طلبت المنيو من الشب الي على الكاش لأنو اقرب واحد من الشباب جابو المنيو طلبنا اتنين كوكا , حلقات بصل ,برجر بيف بيكون وجبنه , وجبه اطفال برغر , اجنحه بدون عضم نصف حاره غيرت الطاوله لأنو الفايت والطالع بيصدم بالكرسي شباب السيرفس ما شالله عليهم حركين وسرعين مع انو المكان كتييييير معجوق الخدمه كانت سريعه وصل الأكل بوقت مناسب اول شي البرجر الي و لأبني الملاحظه الأولى الخبز ناشف كتير لدرجه انو ابني طلع اللحمه من الخبزه واكلها بدون خبزه الساندوتش ما فيها تكهه تحكي انها زاكيه بصراحه اقل من عاديه. حلقات البصل حجمها اكبر من العادي لأنهم بيستعملو بصل كبير الحجم بتكون الحلقه عريضه وكبيره بس زاكيه تتبيلتها و الكريمه تبعها كمان نكهتها زاكيه. الأجنحه لما طلبناها نصف حاره فكرنا انو ابتيجي حاره منها وفيها زاي لمه نطلب بروستد حار بس لمه اجت اكتشفت انهم بحطو معاها صوص حار زاي تباسكو صوص وهاد الشي دمر طعم الأجنحه وبتحس مع طعم الحار طعم ملوحه زايده كمان السبب الصوص انا ما حبيتو. بالنسبه للسعر: كوكا : 1.59 د حلقات البصل: 2 د زاكيه بس لونها اصغر البرغرلكبير : 5.99 د ما بيستاهل سعر وكتير عليه هيك مبلغ البرغر لصغير : 3.49 د ونفس الي كتبتو عن البرغر لكبير الوينجز : 5.75 ما ابتستاهل سعرها الي ابعملهم زوجتي ازكى من الي ابتعملوهم :) طبعا ما تنسو السيرفس والضريبه بشكل عام السعر معقول الخلاصه المكان ديكور وخدمه واكل رائع بالنسبه للفئه العمريه الي كانت مجوده في لمه دخلت 16-20 سنه رح ينبسطو في كتير لمكان مناسب الهم ولضجتهم ولنوعيه الأكل يلي بحبو يعني انته ما تروح عليه بس اولادك يروحو وصلهم مع اصحابهم عليه اعطيهم مصاري والله يسهل امرك مافي داعي لوجودك وصحيح طلاب مدرسه عمان الأهليه الي كانو موجودين هناك بجد بجد لسعتكم اطفال على التدخين ارحمو حالكم
  • Review by Haitham of Dr. Salah Al Tawel Center
    5 years ago
    اخدت ابني سند عمرو 3 سنين ونص بعد ما وديتو على دكتورتين اطفال قبل ما ودي عندهم الدكتوره الأولى طلبت ما يعادل الف دينار عشان تصليح اربع اسنان بي اربع جلسات بدها تستخدم فيهم غاز الضحك وازا ما زبط ابتستعمل بنج كامل الدكوره التانيه طلبت 800 دينار بنج كامل مع تلبيس كل الأسنان شي لونو فضي رحت على عيادة الدكتور صلاح الطويل مع العلم انو داخل بتأميني ولي رحت عليهم من قبل مش ضمن التأمين تبعي طبعا النضافه ما فيها نقاش العياده بتحسها زاي خليه النحل بس كل شي منظم حكيت لسكرتيره بدي طبيب اسنان اطفال يشوف ابني وانا مش عامل موعد استنيت ربع ساعه اجتني دكتوره روسيه اسمها آنا رائعه بالتعامل مع الأطفال فحصت ابني ومن البدايه حكتلي ابنك لازم بنج كامل لأنو مش رح يتحمل الشغل بسنانو وهو صاح وبلاش من اولها يتعقد من دكاترة لسنان وخاصه انو في سحب عصب المهم لا حكت بدو تلبيس ولا غاز ضحك الموضوع كتير بسيط حفر وحشي حشوه بيضه 290 دينار وكل عام ونتو بخير الموضوع كلو ما اخد ساعه زمن العياده بكل العاملين فيها روعه
  • Review by Haitham of Ras Beirut
    5 years ago
    جربتو قبل 3 سنوات كان جيد جربتو انبارح وكان سيئ جدا المحل انضيف اكتير الشب المصري كتير لبق في التعامل وتعاملو ممتاز بيعد يحكيلك عن تاريخ المطعم وانو من اقدم المحلات ومعظ الي فتحو بعدو اتعلمو عندو كتير حلو المهم طلبت اتنين جبنه وزعتر واحد جبنه حلوم واحد حجم كبير سجق انا الي السجق من اول لقمه العجينه فاشله ولا عجينه واحد مبتدء السجق ما الو علاقه بالبناني ما كملت حتى النص طبعن كمان الي طلبتلهم باقي الطلبيه حتى ما كملو فطايرهم مع انهم حجم صغير لأنها مش زاكيه للأسف شي بيخزي مش بس العجينه ما عجبتهم حتى الحشوه محطوطه زاي الي حاطتها واحد مبتدء يعني لا العجينه ولا الحشوه واضح انو لم يحافظ على جودة المنتج
  • Review by Haitham of Hashim
    5 years ago
    مطعم هاشم من اقدم المطاعم الشعبيه في عمان صار عائلي بعد ما نزل عليه جلاله الملك و الملكه بس قبل هيك كان شباب ممكن سياح بس المعظم شباب الأسم الو وضعو ومعروف بالبلد لكن لايعني انو اطيب حمص وفول عندو بالعكس اكلو عادي جدا ومرات اقل من عادي طريقه التقديم شعبيه جدا وتفتقر لأي نوع من الأناقه وخاصه السرفيس والشاي لأنو بالأصل مطعم شعبي يعني الي بدو ينزل على هاشم بكون نازل عشان اسم هاشم مش عشان اكل هاشم
  • Review by Haitham of Ahmadani Coffee
    5 years ago
    صرت زبون جديد عندو ذواقي القهوه رح تعجبهم القهوه تبعو واضح انو ما بخلط نخب اول بأي نخب تاني وشكلو لسه بحمص بالطريقه التقليديه عشان هيك نكهة القهوه ما ابتتغير اعتقد شويه دعايه والناس تندل عليه رح يكون من المنافسين الأقوياء بالسوق بس انشالله يحافظ على جودة المنتج
  • Review by Haitham of Al Ameed Coffee
    5 years ago
    الي كان يميز بن العميد زمان انو ما كان يخلط القهوه يعني لمه يبيع نخب اول كل القهوه اتكون نخب اول ما يخلطها بنخب ثاني او ثالث عشان هيك كا بيستهل يندفعلو 12 دينار للكيلو شكل العميد نسي انو الشعب الأردني ذواق للقهوه قبل ما يكون شريب قهوه للأسف في شي اتغير بجودة المنتج عندو اما انو صار يخلط القهوه نخب اول بنخب تاني او اختلفت عندو طريقة التحميص زمان كنت اشتري من عندو الكيلو ب 12 هلأ في مليون بديل وفي جوده احسن منو
  • Review by Haitham of Shahinda Cake
    5 years ago
    جلسه هادئه مريحه للأعصاب ديكو جميل مقاعد مريحه خدمه ممتازه طبعن محل محترف بالنوعيه التي يقدمها زرته اكثر من مره من المحلات التي تحافظ على جودة المنتج مقارنه بأسعار محلات اخرى يعتبر غالي لكن يستحق السعر مقابل الجوده المقدمه
  • Review by Haitham of Dallas Tours & Travel
    5 years ago
    على فكره مش ارخيص بالمره بس بلأعلان بكون مختصر اكتير مصريف وضرايب ابتتفاجئ فيها بس بدك تدفع السفره معهم كلها تلبيس طواقي الي بتشوفو بالصور والي بيشرحولك يا بعيد كل البعد عن الحقيقه يعني ازا ابتحسبها اي مبلغ ابتدفعو مهما كان رخيص مخسر ويعتبر كتير غالي مقابل الخدمه المقدمه
  • Review by Haitham of Rawan Cake
    5 years ago
    الصفه متوفره وفي فاليه المكان انضيف تنويع بال الحلويات يعني بتلاقي الي بتحبو بسهوله خدمة الزبائن مش محترفين بس كمان مش سيئه بس ما بلوم الموظفين لأنو المكان ما شالله عليه حركه قويه وانا بعرف انو بهيك اماكن حقوق العامل والرواتب معدومه يعني اتخيل نفسيه العامل..... بس كمان مش زنبي :) دايمن باخد من عندو تواصي لأعياد الميلاد من الطابق الثاني عندو اشكال كتير حلوه بس بدك اتوصي قبل يوم على الأقل ازا بدك شكل مميز. اما ازا بدك صوره فا بنفس اليوم بيعملوها . الكيك تبعو زاكي ملتزم بالموعيد بالنسبه للطلبات واسعارو مش اغلى من باقي المحلات
  • Review by Haitham of Jorsal Kitchens and Built In Closets
    5 years ago
    كنت حابب اركب من عندهم اهلي ركبو من عندهم تقريبا قبل 30 سنه جوده ممتازه وخدمة ما بعد البيع رائعه المهم رحتلهم وقابلت مندوب المبيعات وطلع شب اخد المقاسات وبعد هيك بطلت اسمع منهم ولمه اتصل معهم الي يردو ما يعرفو شي ولا يعطوني معلومه كامله لأنو موضوعي عند مندوب مبيعات وهو مجاز المهم بعد شهرين زمان كمان حكت معاي بنت من عندهم وحكتلي انو مخططي جاهز طبعن لمه حكتني كنت بتغدى بمطبخي لجديد و حمدلله على سلامتكم
  • Review by Haitham of Jwico
    5 years ago
    الصفه متوفره ابتدخل المعرض بياخدو اسمك ورقمك ومعلوماتك وبتستنالك نص ساعه زمن لحتى يفضى حد من المبيعات يحكي معك مع انو وانا بلف بالمعرض موظفين المبيعات مشغولين بحالهم المهم وانا طالع من المعرض بعد فتره انظار طويله نادتي البنت الي على الريسبشن وسألتي شو صار معك حكيتلها ما حد فاضي ورفضت استنى اكتر من هيك وما قبلت اي موظف من المبيعات النكته بعد ((شهرين )) ابيحكو معي وبيسألوني شو صار معي وازا بدي اركب من عندهم مطبخي :)) اكيد لأ خليكم نايمين
  • Review by Haitham of Gardinia for Kitchens & Furniture
    5 years ago
    ركبت عندهم مطبخي بعد التجربه شركه تستحق التقدير الأستقبال وخدمة الزبائن رائعه المواعيد دقيقه العمل متابع بشكل مباشر من اصحاب الشركه جوده في التركيب الأسعاره مقارنه مع باقي الشركات معقوله جدا ومنافسه وخدمه ما بعد البيع متوفره
  • Review by Haitham of Lebnani Snack
    5 years ago
    بتعامل مع فرع الجامعه وفرع سي تاون سندويشاتو زاكيه سريع بالتقديم طلبك بصير ادامك وانته شايف كل شي نضافه ممتاز الصفه صعبه بس بتلاقي واحد برى ياخد طلبك ويجبلك يا بدون ما تنزل من السياره اسعارو مناسبه
  • Review by Haitham of Istishari Hospital
    5 years ago
    خلينا انكون واقعين الناس الي ما عندهم تأمين احكولي اي مستشقى خاصه بالأردن اسعارو رخيصه بالنسبه الي المستشفى الأستشاري وبعد ما تعاملت معهم ثلاث مرات بحالات مختلفه كان فيها مبيت مستشفى خمس نجوم موقف سيارات بالأجره متوفر مستشفى نظيف جدا منظم جدا من المدخل الى المصاعد الى غرقه المريض الممرضين محترفين خدومين سريعين في التجاوب قسم التوليد رائع ممراضات الخداج قمه بالتعامل
  • Review by Haitham of Specialty Hospital
    5 years ago
    كان من المستشفيات الجيده بالبلد بس الأن وبالمختصر المفيد مستشفى تجاري 100% لا انصح اي شخص بالتوجه اليه والله ما يعزكم الو او لغيرو
  • Review by Haitham of Jubaiha Studio
    5 years ago
    خدمة الزبائن رائعه اجهزة تصوبر احترافيه شباب محترفين يعملهم خلال الأعراس ما ابتشعر بوجودهم بيشتغلو شغلهم بصمت واحترافيه شباب اكتر من رائعين الخدمه عندهم سريعه بس ما بنصح اتروح عندهم بفترة تسليم صور التخرج بس ياريت يضيفو للأستديو تبعهم اشياء لتصوير الأطفال
  • Review by Haitham of Robina
    5 years ago
    رحت عليه من مجرد التعامل وخدمة الزبائن السيئه ما كملت عندو طلعت عند ستديو تاني بالنسبه للسعر ما بعرف عشان ما كملت عندو وما بفكر ابدا ارجع عندو بس بعد فتره ومن حكي اكتير من اصحاب ناس اكتير بيلحقو الأسم للفشخره حتى لو حساب الخدمه برأي المكان سيء حرام اضيع فلوسك في
  • Review by Haitham of Fatatri
    5 years ago
    الي بدو يحكي مافي صفه حبيبي انته ورايح خميس وجمعه وسبت بالرينبو اكيد ما حتكون الصفه سهله الله بيعينك صف بعيد وتمشالك شوي كل مشاوار على الرينبو لازم ناكل فططري جلسه حلوه عجينه الفطاير كتير زاكيه المكونات ممتازه بالنسبه للشباب خدومين بشوشين ما شالله عليهم وخدمتهم ممتازه انا من عشاق اللحوم دايمن بطلب عندهم اما فطيره البسطرمه او فطيره السجق الأرمني وهاي المفضله عندي البسطرمه مالحه شوي للي ما بحب الملح بالأكل او ممكن يعملو تعديل بالمكونات يكسرو ملوحة البسطرمه السجق روعه حجم الوجبه لكبيره مشبع وزياده حجم الوجبه لصغيره اعتبرها سناك بالنسبه الي مشبعه اسعارو معقوله يعني فطيرتين على الماشي حجم صغيروعصير ليمون ونعنع تقريبا 10 دنانير انا من زباين المحل تقريبا من اول ما فتح وبجربو بأوقات مختلف الي حبيتو بهاد المكان المحافظه على جودة المنتج يعني الطعم وطريقة التقديم ممتازه ما تغير عليها شي مع الوقت بالنسبه للخدمه شباب بيتغيرو منهم لكويس ومنهم الي ممكن يسيئ للمحل الي بيشتغل في بس هاد شي سهل السيطره عليه بتمنى لصحاب المحل التوفيق ومن هاد المحل لشي اكبر انشالله
  • Review by Haitham of Feel Burgers
    5 years ago
    رحت عليه مره وحده الصفه مش صعبه المحل مش كبير بس عجبني التنويع الديكور والصور الي معلقينها حلوه تعامل الكاشير ممتاز ويجيب على اي سؤال بلباقه البرغر الي طلبنا زاكي مش الأفضل بس زاكي حجم الوجبه مشبع سعر الوجبه مش متزكر بس لو كان غالي كان اتزكرت :) من المطاعم الي بتخليها ضمن قائمه المطاعم اي ممكن اتروحلها من فتره لتانيه
  • Review by Haitham of Alia Central Restaurant
    5 years ago
    مطعم عاليه تقيم جيد جدا بالنسبه للتواصي الخارجيه يعني عندك عزيمه او اي مناسبه ممتاز طعم رائع و التزام بالمواعيد بيبيض الوجه المطعم الصفه صعبه ما في فاليه ابتدخل انضيف الموجودين بيستقبلوك بابتسامه وتعاملهم جيد انته حر اما ابتطلب الي بدك يا مباشره او بتلاقي طاوله وبتطلب الي بدك يا في جلسه خارجيه انا جلست بالطابق الثاني الديكور عادي جدا التكيف والتهويه سيئ جدا حبيت اجرب الزغاليل المحشيه ,منسف جدي بالزيت وكتف خاروف, 3 لبن عيران وصل الطعام طريقه التقديم رخيصه شعبيه سيئه بالنسبه للفخامه الي بيوحيها الك المطعم الأطباق ميلامين رخيصه الطعام ما الو طعم او نكهه ما ابتستمتع بأكلو, الكميات كميه الرز جدا كبيره 250 غرام لحمه المنسف, لحم الكتف لم يكون ناضج , لبن العيران مش مميز الأسعارتقريبيه : الزغليل المحشيه عدد اثنين 9,50 دينار تقريبا المنسف الكتف والجدي بالزيت كل وجبه تقريبا 8,50 دينار لبن العيران عدد ثلاثه 4 دنانير هذا المطعم لا يصلح للناس الذواقه الي ابتاكل لتستمتع بالطعام هذا المطعم يصلح للناس الي بتحب يس اتعبي بطونها الأسعار أغلى مما تستحق الخدمه او نوع الطعام لا افكر ابدا بالعوده اليه مره اخرى
  • Review by Haitham of C Town Supermarkets
    5 years ago
    مكاني المفضل للتسوق السبب : قريب من بيتي الصفه متوفره بسهوله داخليه وخارجيه الموظفين خدومين لمه تحتاجهم كل المواد متوفره والأسعار معقوله ما بحتاج الف في كتير حتى الآقي اغراضي لأني حفظت توزيع المواد النظافه جيده قدر الأمكان قسم اللحوم جيد كل انواع الحوم متوقره شباب قسم الحوم ممتازين خدومين ما بيبخلو بالنصيحه ومحترفين بعملهم يوم الجمعه بيسكر فتره الصلاه
  • Review by Haitham of Carrefour
    5 years ago
    المكان جيد بس انا ما بحبو لأنو متعب وبتحس حالك داخل بمرثون مشي بسبب المساحات عشان اتلملم الأغراض الي بدك ياها مع انهم بيحاولو يحافظو على النضافه وبيستعملو معدات حديثه بس بتسبب ازعاج للمتسوقين وبنفس الوقت المساحه المطلوب تنظيفها كبيره وغير مسيطر عليها فالمكان شبه انضيف طبعن خدمة الموظفين داخل السوق سيئه جدا
  • Review by Haitham of La Mirabelle
    5 years ago
    بفضل فرع شميساني اكنر من عبدون لكن الفرعين ممتازين الصفه متوفره بسهوله في الفرعين في عبدون افضل الجلسه الخارجيه النظافه ممتازه الخدمه رائعه شباب بشوشين لا يبخلو بالنصيحه في الفرعين في الشميساني الجلسه الصيفيه الخارجيه جميله جدا بدون تدخين ولا ارجيله الجلسه الشتوبه في الطابق الثاني مريحه جدا والديكور جميل ومريح للنظر الحلويات غنيه عن التعريف لأنها تخصص وهم محترفين فيها انا بحب سندويشاته الحصه المقدمه للشخص عادله ومشبعه السعر مناسب للخدمه ولطريقه التقديم وللطعم الممتاز
Next