Mohammad Dawas

Mohammad Dawas

Amman . Since July 2015
4 Reviews
Benefited people
1
Added reviews
4

My reviews

  • Review by Mohammad of Jordan TV. Cable & Internet Services Co
    5 years ago
    هاي تاني مرة بكتب تجربتي مع هاي الشركة السيئة. المرة هاي فصل النت بسبب مشكلة في جهاز الfiberhome اللي مددوه قبل شهرين فقط! واليوم بتاريخ 09/10/2015 حكيت معهم من الساعة 12 الظهر عشان يحلوا المشكلة وحكوا لي اليوم بجوك الشباب يحلوها. طبعاً ضليت استنى بالبيت لا قادر اروح ولا اجي لانه ما رضي يعطيني وقت محدد وكل ساعتين احكي معهم اشوف شو صار معهم ومتى ممكن يجوا شباب الصيانة تبعونهم. واخر اشي حكيت معهم عال8 ونص المسا بقولوا لي اذا لحقوا اليوم بجوك واذا ما لحقوا بجوك بكرة الصبح. يعني كذب عيني عينك ، وخدمة اسوأ من السيء ، وبعطلونا عن اشغالنا والنت بضل قاطع اكتر من يوم كامل وحتى اعتذار ما عندهم. الموظفين اللي بردوا عالتلفون يحملون قدر هائل من الغباء ، بقله انتوا بتضلوا تفصلوا النت وما بتعوضوا المشتركين بقلي بلى بنعوضهم ، بقلي انت دفعت الشهر الماضي بتاريخ 31/8 وهينا تركنا لك النت شغال 5 ايام زيادة عن 31/9. كانه الاشتراك بنحسب من حد ما بدفع اشتراك الشهر مش انه الاشتراك له تاريخ استحقاق!!! يعني ما بعرف حتى موظفينهم من وين بجيبوهم! كثير سيئين ، انا هادا اخر شهر معهم وبنصح الكل ما حدا يشترك معهم والكل يفصل اشتراكه معهم.
  • Review by Mohammad of Pizza Qaysar
    5 years ago
    الاكل زاكي ما عليه حكي بس الخدمة كتير سيئة من ناحية الوقت والطاقم. موظفين الصالة بتمسخروا على الزباين لما يسالوهم وبجاوبوا كانهم بجاوبوا صحابهم يعني تعاملهم مش محترف ومش راقي ابدا. يعني موقف صار معي بقلي الطلب بده 40 دقيقة فقلت له كتير ، قال لي بحاول استعجله فقلت اه لاني متامل انه ما يطول هالقد فقال لي "خليك متامل"! وموقف صاى قدامي واحد بسال موظف الصالة انه الفرع اللي بشارع مكة لسة موجود فقال له اه يعني الفروع مش راح تتحرك! واخر مرة لما رحنا كنا ثلاث اشخاص فبده يقعدنا على طاولة هي فعليا مش طاولة ، هي لوح خشب ومحطوم بالحيط ومرمي عليها تلات كراسي حديد زي تبعون القهاوي! فبقله هاي الطاولة ما بنقعد عليها تلات اشخاص فبحكي لي لا بنقعد عليها اربعة وخمسة كمان! وقتها كانت عجقة لانه عيد بس ابدا مش اسلوب اللي بتعاملوا فيه مع الزباين! بتمنى لو انه حدا من الادارة بقرا التقييم اللي بينحط هون وفي كل مكان عشان ياخدوا اجراء ويحسنوا الخدمة.
  • Review by Mohammad of Jordan TV. Cable
    5 years ago
    الشركة كثير سيئة، بكل معنى الكلمة! خدمة الزبائن عندهم ما بردوا على التلفونات واذا ردوا ببلشوا كذب على المشكلة عندك بالراوتر والخط مبسن انه واصلك نت وبالاخر بحكي معك واحد بقلك كلن في عطل بمنطقتك وصلحناه! والمشكلة انهم بتعاملوا معك على انك جاهل! مع انه انا بشتغل مهندس حاسوب ببرمج وبعمل فحص برمجيات بس بتحسهم ولا عمره الواحد فيهم اشتغل عالكومبيوتر! بس شاطرين يحكوا لك حولناها عالصيانة وطبعا الصيانة ولا برجعوا يتعرفوا عليك. النت بفصل كل اسبوع فيه مشاكل وما بعتذروا لك ولا بعوضوك باشي. طريقة تمديد الاسلاك والكوابل بزيمبابوي ما شفتها! كبس اسلاك شبكة مش عارفين يكبسوا وبالاخر بجوا بحكوا لك ليش فصل! شركة سيئة ، موظفين كذابين ، ادارة فاشلة اللي شايفة هالمستوى وساكتة بس همهم ياخدوا مصاري ويقطعوا النت اذا بتتاخر بالدفع يوم واحد! بس هم عادي يقطعوه اسبوع اذا مطرت الدنيا شوي وما يعتذروا منك حتى!
  • Review by Mohammad of Jordan TV. Cable & Internet Services Co
    5 years ago
    يعني انا صار لي مشترك معهم من شهر 9 سنة 2014 ولهلا كل شهر لازم النت يقطع عالاقل يومين بالشهر هادا اذا ما في أعطال! واذا في اعطال بتقعد اسبوع بس عشان يجوا يبدلوا السلك اللي طالع من العلبة. تلفوناتهم دايما مشغولة وبدك يومين لتقدر تحكي معهم فانا صرت اروح عليهم اسرع لي! كاسعار وسرعات منيحة بس الواقع انك يا دوب تحصل الخدمة. وما اشطرهم يفصلوا النت اذا تاخرت يوم عن الدفع بس هم يقعدوا فاصلين النت اسبوع وما بعوضوك ولا بشلن ولا حتى بيخصموا لك تعريفة بدل اعتذار عالاقل! انا ساكن في تلاع العلي وعم بعاني منهم. وتمديدهم للاسلاك بتحس انه شلفقة الاسلاك بتكون ملفوفة لف زي حبلل الغسيل والسلك معلق زي كانك مادد سلك انتين!
Next