Dima Hamdan

Dima Hamdan

Amman . Since February 2015
working in #estarta_solutions, I'm a #traveller #foodLover #discoverer spread love all over the world.
51 Reviews
Added places
1
Benefited people
5
Added reviews
51
Added photos
57
Liked places
1

My reviews

  • Review by Dima Hamdan of Treats and Beans
    5 years ago
    من ازكى المحلات بالوافل و الناتشوز خطييييير بالناتشوز مرة لذيذ الموظفين رائعين و متعاونين دائماً بروح عليه
  • Review by Dima Hamdan of Al Daraweesh Culture Wheel
    5 years ago
    من اجمل المحلات اللي رحتها القعدة جدا حلوة و هادية بما اني طلبت اقعد بعيد عن الصالة الرئيسية و الموظفين لطيفين طلبت بوظة مشكل و كانت منيحة و عصير فراولة سألته فريش قالي فريش يعني لا باس به بس ما برجع اطلبه عال ٩ تقريبا اجى مطرب و انا كنت بعيدة ف ما أثر بقعدتي الحساب طلع ٨ دنانير بس امييييد برجع عليه بس بتخيل القعدة تكون بالصيف بس حلوة
  • Review by Dima Hamdan of Green Field
    5 years ago
    رحنا يوم عطلة و كنّا ١٢ شخص كان المحل أزمة و عالشخص بياخد ٥ دنانير و عالصغار اقل من ٥ سنين ١ دينار الكانون ب ٥ دنانير و السياخ و الصحون عليه و بتقدر تطلب لحد ٤ دنانير ببلاش بس اقل طلب ب ١.٥ دينار و ممنوع تجيب مشروبات معك او ارجيله او قهوة او شاي بس قعدة حلوة و بالليل بصير في مطرب بغني و برقص و الحلو انو تغيير عن المطاعم و الكافيهات بس في محلات غيره عالشخص ٣ دنانير و بتجيب اللي بدك إياه معك
  • Review by Dima Hamdan of Pastiche Cafe
    5 years ago
    المحل ببساطة ما بندخل ايام نهاية الأسبوع أبدا بس السيزر سلاد عندو زاكية بس لو يقل كمية الصوص شوي طلبت كوكتيل اسمو هاواي كراش بكون عبارة عن عصير ليمون و أناناس و كيوي و ماء ورد الصراحة طعمو غريب و ماء الورد معطي طعم رهيب انا حبيته كتير بس صاحباتي ما حبوه بس لأنو غريب حبيت اجربو مع ارجيله و بحكو ارجيلته زاكية انا ما بأرجل طلع المجموع ٢٠ دينار
  • Review by Dima Hamdan of Kiwi Restaurant
    5 years ago
    طلبنا ديلفري وجبتين وحدة إيطالي اللي بكون فيها دجاج بالكريمة و الفطر و كانت زاكية و الدجاج مستوي و الوجبة التانية نصحنا فيها الزلمة اللي معو لنوصي اسمها كرومبو او شي زي هيك بتكون صدر دجاج بالزعتر فكرتها عجبتني فقلتلو ماشي بس للأسف الدجاج فيها ما كان مستوي ف لهيك ما استطعمت فيها أبدا و صار بطني يوجع بعديها! بس الحلو انو البطاطا كتييييرة بالوجبة و زاكية كتير و الكوكتيل عندهم طقع و بحطو علب مخلل صغيرة كمية العلب كتيرة و كل علبة بكون فيها ٣ قطع .. طب حطو علبة اكبر شوي و حطو المخلل فيها الوجبتين مع الديلفري ١٣ دينار و بوصل بعد نص ساعة بس بوصل سخن
  • Review by Dima Hamdan of Habibah Sweets
    5 years ago
    صرلنا فترة عم نطلب من حبيبة الجديد و بصراحة طعمو كتيييير عم يتحسن انا كنت مقاطعة حبيبة اللي هون بالمنطقة كنت باكل بس من البلد بس هلا صرت اروح عالقريب,,, و الحلو بالموضوع انو عندو كيكات و اصناف لا بأس بها من الحلويات مو بس كنافة زي زمان قبل يومين جبنا منو كيكة بلاك فورست و والله طلعت زاكية خفيفة و مو دسمة و ما فيها كتير كريمة حلو الواحد ينوّع و يصير يطلب من هيك محلات الكيك
  • Review by Dima Hamdan of Casereccio
    5 years ago
    هالمحل انا بحبه كتير لأنو لا فيه اراجيل و لا دخان .. من يومين طلبت البيستو باستا كانت خرافية الارابياتا كنت برضو خرافية و شوي بتحرق الفتوتشيني كانت ماشي حالها بالعادة بتكون ازكى سلطة السيزر برضو بالعادة بتكون ازكى تشيكن بولز لزيزة كتير و خصوصا مع الصوص اللي بيجي معها و بعديها احتفلنا بعيد ميلاد و ما بياخدو ضريبة عالعيد ميلاد :) طلع الحساب حولين ال 70 دينار بس صراحة شبعنا عالاخر لأنو الصحن بكفّي و بوفّي
  • Review by Dima Hamdan of Chapatti
    5 years ago
    انا هالمحل اول مرة بروحو بالعيد :) و طبعا أزمة و لازم نستنى لتفضى طاولة .. فضيت طاولة و قعدنا خدمتهم لطيفة كتير طلبنا جاج كورما و جاج 56 و كمان نوع جاج نسيت اسمو بس لونو احمر و ارز مندي سادة و خبز بوري .. بتأخر كتير ليوصلك الطلب شي 30 دقيقة وصل الاكل و بلشت اكل .. الاكل كتيير عادي , يعني المتوقع عشانو ازمة و الطلب بتأخر انا توقعاتي صارت بالعالي بس احبطي دجاج كورما ما حبيتو طعمه كزبرة بشكل قوي و 56 زي الشيش طاووق طعمو و التالت زي دجاج تكا و الخبز كتييير مزيّت.. يعني مو اشي خرافي بس حبيت السفن اب عليها فيدو :) و التواليت ازمة بس مغسلتين و حمام المحل اسعاره منيحة طلع الطلب كله 24 دينار و مافي محل لركن السيارة يعني في محلات هندي كتير ازكى من هيك
  • Review by Dima Hamdan of Rajeen Restaurant
    5 years ago
    هوا لنفس الشخص تبع ليفانت .. بفضل اكل ب ليفانت أكلو ازكى و قعدته اريح بس المشكلة مرة رحنا و دفعنا الحساب و ضلينا نستنى الباقي و كان حوالي ال 5 دنانير و نستنى و نستنى و بالاخر نادينا الموظف قلناله باقيلنا باقي قلنا اسف بس منت مفكرهم سيرفس!!!! يم يا غزال بدك 5 سيرفس طب يضيفوا عالفاتورة سيرفس و يريحونا من الاحراج هاد
  • Review by Dima Hamdan of Ocean Sea Food
    5 years ago
    على قد ما لفيت محلات سمك برجع للمحيط و بس! ماشي غالي بس بستاهل بتاكل و بتتهنّى و بتشبع و بتنبسط و الموظفين خدومين و مناح إلّا واحد كان سلامتك معصب و جاي .. بس كل اشي عندو زاكي بتمنى جودته اضلها منيحة زي هيك
  • Review by Dima Hamdan of Abu Jbara
    5 years ago
    بس باكل حمص و فلافل منه على قد ما هوا زاكي بس غالي :) يعني رحنا و طلبنا 2 حمص و 10 حبات فلافل و 3 شاي و صحن سرفيس و فول و فتة و زيت ب 25 دينار!
  • Review by Dima Hamdan of The Children's Museum
    5 years ago
    هالمكان من احلى الاماكن للاطفال بعمان لكل الاعمار .. في اقسام كتير حلوة و مفيدة اذا انا عن نفسي استفدت هههه المحل في حدائق الحسين وعندو مصفات و في دخولية 3 دنانير عالشخص بس صراحة بستاهل كتير مرتب انا استغربت في شي هيك مرتب في الاردن ... فيه اقسام متنوعة ما بين جسم الانسان , الطبيعة و مشاكلها و الفن و الطيران و الهندسة و الفضاء يعني محتوي كل شي خبرة منيحة للاطفال بكل شي و المهم انو مسكر و مكيف و فيه كافتيريا بس بدك يوم كامل عشان تلحق كل الاقسام جربوه و ما رح تندموا :)
  • Review by Dima Hamdan of Jubran Restaurant and Cafe
    5 years ago
    احلى شي بالمحل الطلّة اكلو عادي و الخدمة بطيئة و سيئة السعر عادي مو رخيص و مو غالي زي اغلب الكافيهات
  • Review by Dima Hamdan of Rumman Tourist Resort
    5 years ago
    المكان كتير حلو و قعدته عالتراس و منظر الجبال حلو كتير و طريقته بالتقديم كتييييير حلوة و صراحة زاكييييي أنا حبيته كتير طلبنا مشاوي و سلطات متل سلطة تل الرمان و فتوش و تبولة و سيزر و سلطة جرجير و أناناس و سلطة جرجير و شمندر و سلطة الراهب (زي بابا غنوج) و فطر مطفى و كبة مقلية و بطاطا مقلية و متبل و حمص و مثومة و كل شي زاكي و عصير أناناس و عصير مانجا كنّا ٩ أشخاص و ب ٢١٩ دينار يعني نوعا ما جيد و بستاهل و الخدمة سريعة و بشوشين الجراسين و خصوصا اشرف الاسماعيلي
  • Review by Dima Hamdan of Cushions Lounge
    5 years ago
    I went to this place last week on Iftar.. I reserved our table to be outdoor.. We arrived after 5 minutes from Athan al maghreb and there was no reservation!!! We started to rebuke the manager.. so he gave us a table upstairs.. we were ALONE!!! and the buffet were downstairs and WTH that was annoying.. but honestly to be alone upstairs was great.. very calm atmosphere a TV only for us , a servant only for us too :D the place is nice I like it and the food was good, the price is great 14 per person for a buffet. there's a wide place to park ur car
  • Review by Dima Hamdan of Pizza Al Reef
    5 years ago
    This place used to be my favorite but last Thursday I ordered from it (Salami pizza, Al reef pizza, Massicana pizza, Nutella pizza and 1 salad) I ate it on Iftar and the next day Diarrhea and vomiting started!!! for 3-4 days and the Urine analysis showed that its Amoeba ... I will never come back .. that was very disappointed from a restaurant used to be ur no.1
  • Review by Dima Hamdan of Cushions Lounge
    5 years ago
    I went to Cushions Ramadan's last year .. it was awesome the sitting was very calm and nice .. enjoyed the buffet and all its food, soups, the servings .. it was good. I didn't like the desserts not good options only atayef and Awameh ... etc. the service was good and its not pricey restaurant Recommended.
  • Review by Dima Hamdan of Ward Restaurant
    5 years ago
    we went yesterday with the company we worked at,, as a ramadan event .. the company reserved 220 chair in one area and an own buffet .. on arrival the buffet was shared with everyone and not enough-ed chairs!!! and as a compan we have to sit together as there's activities during the Iftar and after it! disappointed from the resturant! the resturant was very crowded and didn't enjoy the ramadan atmosphere the buffet wasn't 5 stars buffet as ward announcements there were no yalanji or fettuccine as expected.. but in general i like ward sittings beside the fountain .. the service was sort of good .. the dessert buffet was very good .. I recommend Eish al saraya , Em Ali , Kollaj and the Arabian sweets
  • Review by Dima Hamdan of Rimini Pizza
    5 years ago
    هالمحل من اكتر محلات البيتزا اللي بحبها .. بيتزا جدا رائعة و طعمها ايطالي الاصلي .. في عندهم بيتزا مسيكانا بتحرق شوي و فيها فاصولي حمرا بس جدا جدا رائعة و بيتزا ال لبنة و الجرجير طقع و بيتزا ريميني طبعا زاكية المحل ما إلو فروع غير بيتزا الريف اللي بشارع المدينة المنورة و طبعا نفس الجودة و الطعم بس ريميني في عنده قعدة خارجية و القعدة بتعطيك جو قعدة الحياة الريفية لهيك انا من روّاده و طبعا بيتزا النوتيلا على طول بطلبها كتحلاية .. و المشروبات الساخنة بس عندهم كابتشينو و اسبرسو و التنين زاكين بس انا بفضل اشرب الكابتشينو اسعاره جدا منيحة و نظيف و العاملين فيه بشوشين طبعا بنصح الكل يجربه
  • Review by Dima Hamdan of Qahwet Abu Omar
    5 years ago
    هالمحل كتير حلو.. على اخر طابق من عمارة عالجبل.. المنطقة بتحسها مهجورة نوعا ما و المصعد كان خربان ف طلعنا حوالي 5 طوابق على رجلينا بس الطلة طلة كتير رايقة و لزيزة.. ما عندو مكان بلا تدخين و ما فيه كتير ناس يعني رايق جوّه كنا 5 و طلبنا 2 ارجيلة (بطيخ و نعنع, توت) اللي أرجل قال عنها زاكية طلبنا ناتشوز . الصراحة زاااكي من ازكى المحلات اللي بقدمو الناتشوز و طلبنا كوكتيل ماتشو بيتشو بيجي عبارة عن عدة انواع فواكة مخلوطة سوا (فراولة, مانجا. موز,كيوي, حليب) و بالاخر بحط طبقة قشطة و blueberry syrup الكوكتيل زاكي حوالي ال 45 دينار طلع علينا بس لما روحنا كان المصعد شغال :)
  • Review by Dima Hamdan of Kolaj Omar
    5 years ago
    في واحد بالشغل جاب منو تواصي .. على جبنة صراحة كتييييير زاكي بس طبعا لازم يتاكل سخن (بما انه جبنة )و القطر تبعه كتير زاكي انا ما باكل كلاج إلا من عنده فما بالك ازا كان تواصي حتى الجوز عنده زاكي بس انا مو من محبيين الجوز طبعا بنصح الناس فيه
  • Review by Dima Hamdan of Juicebangbang
    5 years ago
    طلبنا من عنده فراولة و مانجو (كوكتيل) جدا زاكي و البابلز طلبناهم جلي بيجو على شكل نجوم بيعطو طعم كتيييير ازكى من البابلز اللي بطعم السوس السعر جيد الى غالي 2 كوكتيل ب 8 دنانير
  • Review by Dima Hamdan of Mr. krepe
    5 years ago
    انا من عشاق الشوكولا بس بهالمحل بتفنن بالتقديم و بخليك غصبن عنك تحب الشوكولا طلبنا وافل بالنوتيلا و شكولاتة الحليب و حطلنا عليها كندر بوينو قطع و فراولة طبعا دسمة لأبعد الحدود بس بضلك تاكل للناس تبعون الدايت هالمحل ابدا ما بناسبكم وقهوة الأميريكان زاكية عندو مع انها جاهزة من الآلة :) *الوافل و 2 قهوة بـ 11 دينار * المحل عندو قعدة صغيرة برة بس حلوة * الموظفين بشوشين * الفاليه لكل المجمع مو لمحل واحد
  • Review by Dima Hamdan of Ahwanji
    5 years ago
    مبارح تعشينا بـ أهونجي .. أول مرة بروح عليه المحل شوي مضغوط الطاولات قريبة من بعض و ما في مكان خالي من التدخين.. كنا شخصين طلبنا فخارة دجاج بالزعتر البري و الخضار جدا رائعة و دجاج مطفى بالليمون و التوم بيجي مع بطاطا ماشد و خضار سوتيه و اكسترا صوص من الليمون و التوم كتير زاكيين * المحل لمحبين لعب الشدة و الطاولة مناسب لأنه بقدموهم * المحل سعره منيح يعني الطلب تبعنا مع بيبسي و 2 مي طلع حوالي 22 دينار الديكور بالمحل لطيف شوي بتحسو رح يقلب لطابع ازكادنيا بس على أروق
  • Review by Dima Hamdan of Azkadenya
    5 years ago
    انا من رواد ازكادنيا بس ما كنت اكل عندهم بس هالمرة رحنا على ازكادنيا في ايام كان في عرض 50% عشان افتتحوا الهم فرع في الامارات .. فطلبنا كل شي :) طلبنا صحن مشاوي مشكل بيجي معها 3 انواع صوص (مايونيز, كولسلو سادة, صوص حار) ما كانت زاكية زي ما كانت دعايتها انها مشاوي ما الها حل يعني عادية و طلبنا فتة باذنجان كانت رائعة جدا طلبنا فخارة لحمة بالفطر و الزعتر البري زاكية كتير الفطر طبيعي و الصوص زااااكي ,, فتوش بالباذنجان يا باااي شو زاكية و تبولة برضو زاكية (نادرا ما تكون التبولة زاكية بالمطاعم) والزيتون و المخلل لازم تجربوه.. هاد بالنسبة للاكل اختتمناها بالطلب الاعتيادي عصير فراولة طبيعي و مولتن الشوكولا و ام علي المشكلة في هالمحل انه ما عندهم منطقة ما فيها تدخين و ازا بدكم تصفو السيارة ما تعطوها لفاليه اللي عند البنك العربي لأنهم نصابين بياخدوا 2 دينار عالسيارة
Next

Places I like

Photos I added

smoothie strawberry
nutella pizza with banana and fosto2 7alabi
see the tea bags on the wall :)