Haneen Adnan

Haneen Adnan

Amman . Since December 2014
34 Reviews
Added places
168
Benefited people
49
Added reviews
34
Added photos
2686
Liked places
143

My reviews

  • Review by Haneen of Rumman Tourist Resort
    5 years ago
    أحلى طلة بجرش واطيب وازكى أكل بصراحة طلبنا مقبلات الفتوش تبعو بحطوا بخبز طعمته سكر اول مرة بدوق هيك خبز وطابنا كمان تبولة ويلانجي وبطاطا وحمص ونزلنا مشاوي واراجيل بس الخدمة بطيئة شوي يمكن عشان رحت وقت العيد بس واسعاره غالية كمان
  • Review by Haneen of MG John & Tareq
    5 years ago
    صالون كتير مرتب عملت فيو تسريحة مع جون والكل سالني وين عاملة شعرك من قد ما طلع حلو وكمان عملت فل مايكب مع طارق عملي اياه متل ما بدي وزيادة ناعم وخفيف كتير وعملت منكير وبدكير الفلبينية اللي عملتلي اياه اشطر منها ما لقيت لدرجة انو اول مرة بضل المناكير الفرنش على اضافري لفترة طويلة وضيفوني احلى ضيافة كمان كتير مزوقين رح اعيد التجربة معهم مستحيل اجرب صالون تاني بعده
  • Review by Haneen of Old View Cafe
    5 years ago
    محل كتير قديم بس اطلالته بتجنن كنا عاملين في عيد ميلاد كتير كان الجو حلو طلبنا أرجيلة وطلبنا بيتزا وسلطة سيزر والعصير كان عنجد فريش وزاكي طلبت كيوي وليمون أسعاره مناسبة للكل كمان بس الخدمة بطيئة شوي يعني بدو نص ساعة ليخلص الاوردر بس في اشي بغطي على اشي من اكتر الاماكن المفضلة عندي بس لو يزبطوا المدخل اللي بتحسوا مهجور
  • Review by Haneen of Abu Mahjoub Restaurant
    5 years ago
    يارب هل محل يتسكر ومن و انا صغيرة وهوة هوة نفسي اشوفوا عامل شي جديد محلو صغير والفلافل مش نضيف بتحس الزيت اشي بمغص واختراع الكفوف مش واصل لعندوا ابدا وكل اولاد المدرسة اللي اقباله بقعدوا عنده والشارع صغير من دون هالواسطة الله يسامحه لابو محجوب
  • Review by Haneen of Salah Addain Bakery
    5 years ago
    اطيب محل كعك سخن بدوقوا بالعالم اكتر من مرة الصبح اروح عليه اعمل كعكة بسمسم مع جبنة واطلب شاي قديه هوة قديم وصغير بس كل الناس بيجولوا من بعيد من قد ما هوة زاكي و عريق والكل بعرفوا وما احلى لما تشوف الكل بياكل على باب المحل
  • Review by Haneen of Ribbontex Nazzal
    5 years ago
    ازا عندكم مناسبة او حفلة بنصح الكل يروح يجيب أغراض واكسسوارات الحفلة من عندهم تعاملهم كتير حلو وكل شي متوفر عندهم وحتى لو بدك شي ومش موجود بتوفر بنصح الكل فيو واسعاره كتير منيحة
  • Review by Haneen of Shawarma box
    5 years ago
    طعم شاورما الدجاج جيد والوجبه فيها مخلل وفيها بطاطا كميه كبيره وكثير زاكيه وفيها صوص للبطاطا زاكي وفيها مايونيز وكانشب وبتيجي بصندوق كبير بتشبع واسعاره مناسبة للجميع سعرها 3 دنانير
  • Review by Haneen of Ahwet El Khedewy
    5 years ago
    مكان حلو ومرتب قعدنا بالطابق الثاني على الترس طلبت ارجيلة بطيخ ونعنع و apple pie كانت زاكية أسعاره مناسبة للكل و الخدمة كمان ممتازة وبيعطوا كل زبون طربوش الخديوي وبصوروك للزكرى
  • Review by Haneen of Harir
    5 years ago
    من قد ما عملوا عليه ضجة الناس حبيت أجربواا طلبت من عنده ستيك ساندويش كانت محروقة و البصل اكتر من الستيك حاطين صحن سلطة صغيرة بيجي مع الوجبة يعني والله لما بدي اكل من السلطة نصها وقع انا عارفة عنهم بس خليني احكي ضميري الارجيلة زاكية طلبت بطيخ ونعنع والاسعار متل أي كافيه مني وعلي انشالله ما بتنعاد ابدا ابدا ابدا وبلاش احطلكم صورة الساندويش المحروق خليها على الله احسن شكرا كافيه حرير
  • Review by Haneen of King Hussein Club
    5 years ago
    من أحلى الأماكن اللي حضرت فيها عرس مبارح كتير مرتب وحلو الطاولات مرتبة والخدمة ممتازة بصراحة رائع بكل معنى الكلمة وبنصح الكل ازا بدكم عرس مرتب ومنظم تعملوا فيو :)
  • Review by Haneen of ST.TROPEZ DVD
    5 years ago
    A very good place for music and DVD friendly good service and enjoy the latest offers buy 5 DVD and get 1 free recommended
  • Review by Haneen of SmartBuy
    5 years ago
    أسعاره غالية و خدمة سيئة جدا جدا جدا .... اشتريت شاشة تلفزيون من عنده اخر يوم رمضان LED G-Guard بعتولي الشب ركبلي اياها وراح بحكيلي ما بعرف اعلمك عليها ضلت بوجهي ما بشتغل السمارت تبع الشاشة رنيت عليهم بالعيد حكولي نحنا معطلين منرفعلك شكوى وبيجو بعملولك اياها بعد العيد بعد هيك رنيت بعد العيد طلع اصلا ما في شكوى مكتوبة يعني فوق ما هما غلطانين كمان الاولاد اللي بخدمة الزباين بعرفوش يرفعو شكوى وما صار اللي بدي اياه الا بالصراخ ولحولوني على المدير تبع الفرع اجوا اخدوا الشاشة عشان يعملو السمارت تبعها يعني صرلها عندي 3 اسابيع وهيه على حالتها فبالاخر سمارت باي عبارة عن دعايات و جرايد وتخويت هيه بس اسم لا تعامل زي البشر ولا ما يحزنون وغالي على الفاضي يعني لو اشترت من مكان تاني كانو احترموا الزبون أكتر بس احنا شعب ما منيجي غير هيك للاسف
  • Review by Haneen of Jerash Gate Restaurant
    5 years ago
    يعني ما بعرف مين حكالو انو هو مطعم بصراحة هو عبارة عن منتزة مش اكتر بقدم الاكل بصحون بلاستيك والعصير ابدا مش فريش أكلت مشاوي مشكلة ما اتوقع انو اللي اكلتو كان لحمة ابدا رجعت استفرغت كل شي من اللي اكلتو بصراحة والجرسون مش طايق حالو ومش عاجبهم ولا اشي خدمة سيئة وجو حرام ينقعد فيو ما بنصح ولا اي شخص بزيارته حرام فيو النجمة اللي حطيتها كمان انشالله ما بتنعاد ولا بتتكرر وياريت اي حدا من وزارة الصحة والتفتيش والمراقبة يروح يتاكد من الاكل اللي عندو ويسكرلو المحل
  • Review by Haneen of Ras Beirut
    5 years ago
    افطرت منو اليوم وكان فطور ولا اروع جربت من عندو CX كانت محشية جاج مبهر وتتبيلة بتشهي وشربت بيبسي كمان طلع علي بس ب 2.5د بنصح الكل يجربو بشهيييي
  • Review by Haneen of Lemon Shisha Bistro
    5 years ago
    مبارح أفطرنا مع الشركة بليمون شارع مكة قدمولنا شوربة عدس كانت رهيبة أكلنا من البوفيه انا ما جربت كل الأطباق بس جربت كل السلطات و البيتزا بعملوها قدامنا والشاورما كمان بس بصراحة الشاورما ما حبيتها كتير كان فيها توم كتير حبيت البيتزا أكتر وبعد هاي الاشياء عبيت كمان صحن أكلت فوتوتشيني بتشهي كتييييييير وأكلنا فخدة خروف كمااااان رح كمان أحكيلكم بعد الفطور شو قدمولنا (مشمش-بطيخ-قطايف) وكمان بوظة فراولة وتشوكلت و فانيلا بنصح الكل يجربو ويجرب أرجيلته كمان لحقو حالكم قبل ما يخلص رمضان بصراحة
  • Review by Haneen of Batata O Bayd
    5 years ago
    من ازكى المعجنات الشامية اللي باكلها بحياتي بتوصل سخنة والعجينة بتشهي وطرية .....والاسعار بصراحة رخيصة ومنيحة كتير طلبت من عندو جبنة حلوم ومبارح طلبت من عندو جبنة مشكلة بنصح الكل يجربو والتوصيل مجاني كمان
  • Review by Haneen of Qahwet Abu Omar
    5 years ago
    طلعنا طلعة المخاتير وكانت الطلعة كتير حلوة والطلة تبعتو ولا أحلى ضيفونا ناتشوز كتير زاكي وشربت كوكتيل اسمو جمايكا كتييييييييير خورافي والارجيلة تبعته كمان رهيبة جربت توت وعنب والجو كان كتيييير حلو وبالنسبة لمكانو وموقعو أكيد مش غالي لأنو بدابوق وبنصح الكل يطلع عليه ويحجز القعدة على الترس
  • Review by Haneen of Doner Kebab
    5 years ago
    طلبنا من عنده شاورما جاج ازكى شاورما ممكن الواحد ياكلها بخبز سمون سخنة كتير والتعامل ما في أحسن من هيك بنصح الكل يجربه وأسعاره مش غالية ابدا
  • Review by Haneen of Vivid The Boulevard
    5 years ago
    طلعنا على فيفيد من أحلى الأماكن اللي ببوليفارد العبدلي بالطابق السابع وعلى منظر كتييير حلو بتشوفو كل العبدلي من فوق حتى الديكور حلو كتير في جزء الكراسي على شكل مراجيح والاكل كمان ما بنوصف اكلت من عندو ساندويش ستيك وكمان جاج مع فطر رهيييب وشربنا عصير اسمو جمايكا رح اترك الصور تحكي بصراحة والاسعار مش غالية ابدا بنصح الكل يروح ويجرب :)
  • Review by Haneen of The Cake Shop Lounge
    6 years ago
    من احلى الاماكن اللي بروح عليها الديكور رهيب .... و الحلو ولا اشهى من هيك طلبت من عنده ferrero rocher كان كتييييير زاكي بس غالي شوي بس بستاهل وبنصح الكل يجربو
  • Review by Haneen of Galleria Mall
    6 years ago
    بصراحة من احلى المولات الموجودة بعمان سواء من ماركات عالمية.....و كارفور كمان يعني كل شي بمول واحد كمان كتير هادي ومرتب كتير كمان مش بضييع وانت بتمشي ومن جديد فتحو الالعاب بالطابق الاخير بس في لعبتين للكبار من احلى الالعاب لعبنا بالدودة رهيبة كتير وسعر الالعاب عندهم مش غالي ابدا يعني اطفال وكبار و ختايرة بتسلو بالمول وبقضو كل احتياجاتهم بمول واحد
  • Review by Haneen of Chapatti
    6 years ago
    انا بحب اكل من عنده كتير اسعاره ممتازة وخفيفة الوجبة وبحب الاكل الهندي بشكل عام....وكمان بحب صورة الممثل شاروخ خان بتحس حالك بالهند وانت قاعد :)
  • Review by Haneen of Choffee - Chocolates Coffee House
    6 years ago
    المكان حلو ومرتب كتير..... طابقين ونضيف والطلبات ما بتتاخر كمان .... أكلت من عنده Choffee traditional brownie and chocolate crepe and rose hot chocolate بنصح الكل يجربو ويشوف الصور اللي انا ضايفاها واحكموا بنفسكم والاسعار بتناسب الكل كمان
  • Review by Haneen of Steak & Potato
    6 years ago
    بحب اكل من عندهم كتير سريعين ونضيف المحل كمان واسعره مناسبة للجميع سعر الوجبة 5 دنانير وكمان بعملو خصم للموظفين خارج المول 20% باكل من عندهم وجبة اسمها ايطاليان مع بطاطا و بيبسي والاكل طازة بعمل الاكل قدامي بنصح الكل ياكل من عندهم
  • Review by Haneen of Prime Cinema
    6 years ago
    من احلى السينما بعمان دايما هادية ودايما نضيفة والكراسي مريحة كتير اكلت ناتشوز و كانو عاملين عصير كتير زاكي ليمون ونعنع وسفن اب كتير زاكي وهي السينما الوحيدة اللي الاكل فيها متنوع من بيتزا و سلطة و سلش بحبها كتير و بنصح الكل يروح عليها
Next

Places I like

Photos I added

logo of the place
logo of the place
the logo of the place