Kamal Hmood

Kamal Hmood

Amman . Since October 2014
142 Reviews
Added places
2
Benefited people
26
Added reviews
142
Added photos
6
Liked places
1

My reviews

  • Review by Kamal of Copacabana
    two years ago
    يعني بتخيل انه أفضل مكان تاكل فيه ستيك بعمّان، التجربة جديدة وحلوة انه بتدفع على الشخص 35 دينار وبتاكل فيه كل أنواع الستيك اللي عندهم وبتضلك تاكل لحد ما تشبع منه، ومع السلطات أكيد.. هلأ فيك تيجي بس تأرجل وتشرب قهوة وعندهم ترس حلو بدون ما تاكل.. اذا بدك تاكل ستيك مرتب كوباكابانا هوه المكان الأنسب
  • Review by Kamal of 6 Yard
    two years ago
    زرت المكان مرتين، من أفضل المكان اللي ممكن تروحه مع أصحابك ولأكتر من مرة، لانه كل مرة ممكن تجرب شي جديد، أول شي حجزنا ملعب عن ولعبنا فيه كرة قدم وكمان بتقدر تحجز ملعب يكون مغطى (ما شفت زيه في الأردن) وكمان بتقدر تلعب paintball و laser tag و Bubble fight (هدول اللي جربتهم بس المفضلة بالنسبة الي هيه الـ Laser tag رهيبة جداً، بتكون فرقين وبتبدوا تقاتلوا في بعض وبحكيلك كل حدا كم مرة انقتل وكم مرة قتل وتفاصيل تانية حلوة) وفي باقي نشاطات ما جربتهم.. كمان ممكن تخلي ابنك ينضم لأكاديمية كرة القدم عندهم وفي مواصلات مؤمنة وبتقدر تشوفه في بث حي من خلال الكاميرات المتواجدة في كل مكان هناك.. مكان بغاية الإحترافية
  • Review by Kamal of Extreme Gym
    two years ago
    النادي اشتركت فيه اشتراك 3 أشهر، المدربين أبداً مش لطيفين وبتلاقي بالجيم كل شوي لوحة مكتوب عليها انه لا تخرب أو لا تطلع صوت بطريقة مش حلوة يعني بتدايق، غير انه الساونا بس بتشتغل يوم الأحد، والاشي الأسوء انه عملت عمليه وحكيتلهم بدي أعمل فريز لإشتراكي حكولي ما بينفع، جداً سيئين
  • Review by Kamal of Audi Bank
    two years ago
    ما في رد على التلفون، صرلي 3 أيام برن وما حدا بيرد، والبريك تاعهم بيقعد للساعة 6، يعني أول مرة بشوف بنك في مول بياخد بريك طويل لهالدرجة، بتطر ألف المول كله واروح اكل وعالجيم لحد ما يخلصوا بريكهم.
  • Review by Kamal of Audi Bank
    two years ago
    بنك سيء جداً جداً، لعدة أسباب : - اذا بدك تعمل كشف حساب بياخد 3 أيام يعني مش نفس الوقت زي بقية البنوك، واذا طلبته من فرع تاني غير فرعك الاصلي يا حبيبي بدك تستنى اكتر - ما في خدمة انه يوصلك مسج عند اي حركة ايداع او سحب - الكول سينتر عندهم مش كول سينتر طبيعي ، لا بيرد واحد من البنك واحتمال كبير ترن 40 مرة وما حدا يرد، واذا رنيت بالليل برد عليك واحد من بيروت بيحكيلك آسفين اتصل بكرا تأخير في المعاملات بشكل مبالغ فيه، يعني هالبنك رح يعوفك حياتك مش رح يسهل عليك معاملاتك البنكية بنصح الابتعاد عنه وعدم فتح حساب فيه
  • Review by Kamal of The Cake Shop
    two years ago
    كيك شوب سيتي مول من أفضل الأفرع، بيقدم تشيز كيك من تشيز كيك فاكتوري كتير زاكي والمكان الجو فيه رايق كتير، أنا كنت مفكر الكافيهات اللي بالمولات بس لما تكون رايح تشتري من المول شغله بتمرق على الكافيه بطريقك، بس كيك شوب بروح عالمول عشان أقعد فيه وأروّح طبعاً اللي وفي كيكات لأعياد الميلاد بأشكال رهيبة، موجود بالطابق الأرضي قبل السينما
  • Review by Kamal of Fernando Coffee Room
    two years ago
    المكان الحلو في اه غير تقليدي من ناحية ستايل المكان، احنا تعودنا عالكوفي هاوس يكون ستايله أمريكي بس المكان حسيت ستايله أوروبي، ببيقدم أصناف جديده.. أنا أخدت مشروب بارد عليه بوبكورن بييجي مع كراميل وأحلى ما في الموضوع انه المسكة تاعت الكاسة بتكون عليها عبارات كتير جميلة المكان مريح كجو بس الكراسي شوي ما كانوا مريحين اللا اذا قعدت على كنباية رح يكون مريح، المكان بشكل عام رح يكون بجنن بالشتا (لاني انا زرته بالصيف) بس بالشتا رح يكون اشي احلى وأحلى أنصح بزيارته أكيد
  • Review by Kamal of Adams Secrets
    two years ago
    جربت المكان مرتين مرة عالفطور ومرة على العشا، طبعاً في قعدة داخلية وخارجية، الخدمة أكثر من رائعة والأكل كطعم هوه تقريباً نفس المطاعم اللبنانية التانية، بس كتقديم ممكن أعطيه رقم 1 في الأردن لانه فعلاً الأكل بيجيك بطريقة تفتح نفسك، اكلنا عالفطور حمص وفول ولبنة ومناقيش وعالعشا اكلنا حلوم مشوي وكبة ومشاوي وكانت فعلا التجربتين رائعتين، اذا بدك تعزم حدا فهو المكان الأنسب.
  • Review by Kamal of Cookielisa
    two years ago
    مع اني ما بحب الكوكيز بس جربت المكان قبل أكم يوم وكان كتير زاكي يعني غيّر نظرتي للكوكيز، بنصح بتجربة الكوكيز اللي على الفستق الحلبي أو كوكيز الكندر. المكان صغير بس قعدته حلوة وهادية، مناسب اذا بدك تروح الصبح تشرب قهوة وتاكل كوكيز أو المسا مع اصحابك لتقعدوا قعدة رواق. ما في مصفات قدامه، في محل أكل اسمه "قدها" جمبه ممكن تاكل منه اذا جعت :))
  • Review by Kamal of Hashi Restaurant
    two years ago
    السوشي كتير زاكي بالمطعم، القعدة مريحة وبستايل ياباني والاسعار بالنسبة لمطعم سوشي مش كتير غالية، انه طبيعي في عنده قعده خارجية وقعدة بالطابق الثاني
  • Review by Kamal of Lulu's Bites
    two years ago
    مطعم صغير لكن تجربة كانت مميزة جداً، ساندويشات ووجبات زاكية وصحية. طلبت شي غريب المطعم نفسه عاملينه اللي هوه الفلافل المحشية جبنة موزيريلا وملفوفة بعجينة، كتير طيبة وبنصح فيها. المحل ما في قعدة برا او يمكن تلاقيلك طاولة وحدة. هوه موجود بعبدون قبال فور ونتيرز جوا مجمع (يعني مش على الشارع على طول)
  • Review by Kamal of Nowwara restaurant
    two years ago
    المطعم بجرش ببعد حوالي نص ساعة من عمّان، افطرت في المطعم وكان الاكل زاكي كتير ومختلفة الانواع وافضل شي كان بالنسبة الي هوه الترس اطلالته حلوة والمكان كتير كبير. بالنسبة للأكل كان طيّب بس كانت لحمة الخروف مش كتير مستوية، الحلويات في المطعم رهيبة والأحلى كان الشاي، مميّز كتير وطعمه كتير زاكي.
  • Review by Kamal of Dr. Mamoun Al Zibdeh
    two years ago
    رحت على الدكتور بعد ما تبين عندي دوالي، الدكتور يادوب كان يسمع مني اللي بحكيه ويجاوبني بسرعة وبس انه بده يخلص مني ويشوف المريض اللي بعدي، عملت عنده عملية الدوالي والحمدلله كل شي تمام، رحت بدي اراجع عنده اخدت موعد لقيت فعلاً زي ما هو مكتوب على صفحة الدكتور على جيران انه المواعيد جدا سيئة واتأجلت معي اكتر من مرة المواعيد وبالآخر رحت، شافني الدكتور وب 10 ثواني فعليا بقلي مع السلامة كل اشي تمام، لا خلاني اسأل اشي عن العملية ولا شو الاجرائات اللي بعد العملية وهل العب رياضة ولا امارس حياتي طبيعي ولا اشي... الدكتور جيد لكن ما بعيرك الاهتمام انك مريض وبحاجنه
  • Review by Kamal of Crepeaholic
    3 years ago
    كان كريبا هوليك عاملين عرض شفته من خلال جيران، انه اشتري اي صنف واحصل على الثاني مجاناً، طلبت كريب واحد واخدت التاني مجاناً.. طلبت الأولى على شوكولاته بيضة ونوتيلا والتانية على لوتس ونوتيلا.. كان كتير زاكي العجينة وطعمها ممتاز، بس كانت قليلة الشوكولاته عليه شوي.. التوصيل أخد 2.75 وما تأخر، وسعر الكريب الوحدة كان 4 دنانير.. تجربة ممتازة واستمتعت بالطعم
  • Review by Kamal of Abu Sharkh Bakeries
    3 years ago
    النصيحة الأولى لا تطلب معجنات من هالمخبز، يعني اشتري اي شي خبز او كعك او غيره بس ما تقرب على المعجنات ابداً مش زاكية عم بحكي عن تجربة مرة ومرتين وتلات يعني مش من مرة وحدة بس على الفاضي
  • Review by Kamal of McDonald's
    3 years ago
    أسرع ديليفري في عمّان على الإطلاق، بتاخد الرقم من جيران بتتصل فيهم ما بتسكّر الخط اللا الديليفري صار على الباب، جد انا مرات بستغرب من السرعة! طبعاً المطعم زاكي ما في شك
  • Review by Kamal of Starbucks coffee
    3 years ago
    الفرع كتير ضيّق وخاصة الطابق الأرضي بدك تروح هناك بس للدراسة ما بينفع لأي اشي تاني لا شغل ولا تروق ولا شي ، هو عبارة عن مكتبة صغيرة فيها ناس بتدرس
  • Review by Kamal of Starbucks
    3 years ago
    مافي مصفّات، بس في قعده برا جميلة اما القعدة الجوّة معجوقة وما بترتاح فيها يعني بيختلف كتير مثلا عن فرع عبدون
  • Review by Kamal of Starbucks
    3 years ago
    اذا كنت بدك تسافر ووصلت المطار بكّير، ما الك الا ستاربكس المطار نفس الأسعار تاعت ستاربكس ورح تلاقي كتير في ناس متمددة على المقاعد ونايمة يعني بتقدر تحكي VIP Lounge بس مش دافع عليها كتير
  • Review by Kamal of Jordan Airline Training & Simulation JATS
    3 years ago
    أكاديميّة بتعطي تدريب طيران تشبيهي Simulator بعد ما تاخد شهادة الـ CPL بتقدم لـ Type rating في الشركة المدربين على احترافيّة عالية جداً والأجهزة معتمدة دوليَاً وحديثة ولهيك أغلب زبائن الشركة أجانب ومن منطقة الخليج
  • Review by Kamal of Dina
    3 years ago
    في البداية كنت مبسوط على المكان، بس صرلي من فترة كل ما اروح عليه بكتشف انه بعيد عن النضافة كل البعد عادي يكون الشخص بيدخّن وبيقطعكم البندورة لصحن السيرفيس وعادي اللي بيكون بيدخن وبخبزلك الخبز بنفس الوقت اخر مرة دخلت عليه وشفت المناظر طلعت منه، ابداً المكان مش نضيف
  • Review by Kamal of SmartBuy
    3 years ago
    للأسف ما قرأت النصائح على جيران قبل ما أروح وأشتري من عندهم شاشة 43 بوصة كل اللي انذكر بالنصائح السابقة صحيحة والتجربة كانت جدا سيئة الأسعار اغلى من السوق وعدا عن هيك الشاشة وحكولنا بكرا بتكون موجودة، بعد 3 ايام والشاشة مش واصلة وما حدا حكى معي ولا قلّي اشي وانا كل يوم اتصل اسأل شو صار بهالشاشة للأسف لو اني اجيت قرأت النصائح اللي على صفحتهم على جيران كان ما تورطت هيك ورطة
  • Review by Kamal of Family Taekwondo Center
    3 years ago
    المركز في عاية الاحترافية، بعرف قرايبي مشتركين فيه وكتير مبسوطين.. بيشكروا متير بتعامل فريق التدريب
  • Review by Kamal of Al Mabroor & Qaddoura Fresh Fish
    3 years ago
    المطعم ممتاز كتير، كنت متعود اكل سمك من مطاعم محددة بس لما جربت المبرور وقدورة غيرت رأيي وصرت اكل من عندهم بس.. السمك طعمته زاكية كتير وطريقة تحضيرة رهيبة..
  • Review by Kamal of Mago Ice Cream
    3 years ago
    المكان عادي جداً، الكريب والوافيل جيد بس المشكلة ما بيضيفوا كتير شوكولاتة عليها.. في كتير محلات أفضل
Next

Places I like

Photos I added

تنسيق حدائق
تنسيق حدائق في الاردن
زراعة الاسطح