Fatema Zarour

Fatema Zarour

Amman . Since September 2014
15 Reviews
Added places
2
Benefited people
12
Added reviews
15
Liked places
1

My reviews

  • Review by Fatema of Al Jbaiha Amusement City
    6 years ago
    بصراحه من أسوء الأماكن الترفيهيه بالنسبه للبنات وحتى مع العائلة المكان كتير فيه شباب وشباب قمه بالانحطاط)طبعا مش الكل وعدا عن نسبه من البنات بتفكر حالها رايحه على سهره وكانو مش مكان للترفيه بل للتعارف وقله الأدب وغير هيك اغلب الألعاب تحت الصيانه رحت عليها مره وحده وما عدتها بالنسبه الي ما حبيتها بالمره في أماكن تانيه كتير احلى صحيح انو مش على مستوى ألعاب الجبييهه بس بتبقى فيها راحه اكتر وانبساط اكتر
  • Review by Fatema of Chapatti
    6 years ago
    أكلهم طيب وخاصه الشوربات ..المكان مش واو المكان جدا عادي ولما اروح بحس كانو لحالي بالمطعم ما في ناس كتير ..الخدمه مقبوله بس كزا مره يجي الطلب ناقص شغله ...بس تغيير وكمكان آكلو كتير حلو وحبيتو
  • Review by Fatema of Jeeran
    6 years ago
    خدمه جيران رائعه رائعه ويعتبر دليل لكل شي والحلو كمان أنو في خريطه مش بس شرح بالكلام بتوصلك لأي مكان بتحتاجو ومها كان بعيد فعلا رائع أوقات كنت بتغلب لاوصل لمكان بس هلا على اي مكان بروح بس بكتب اسم المكان وبشغل الخريطه وبيوصلني للمكان الي بدي ياه وما عدت اكل هم الطرق والاماكن مهما كانت بعيده وبتوه بفتره قصيره كتير بتكون بالمكان الي حابب تروح عليه بالاضافة للنصائح الي بتقرأها من الناس على مكان معين بدل ما اروح وأكل مقلب بشوف تجارب الناس من ناحيه جوده المكان وبهي الحاله بختصر على حالي مقالب كتير ...شكرًا جيران عنجد
  • Review by Fatema of Applebee's
    6 years ago
    المكان حلو كتير والديكور كتير مرتب وتوزيع القعدات حلوه و متناسقة ...معاملتهم حلوه الطلب بيتاخر شوي ليجي تقريبا ٣٠ دقيقه بس أكلهم كتير طيب والكميه كبيره وشكلها حلو بهتمو كتير بشكل الطبق لانو العين الي بتاكل قبل التم ..برأيي انو أبل بيز أفضل بكتير من تشليز وأكلهم أطيب ودايما كانت تجربتي معهم أفضل من تشليز
  • Review by Fatema of Ataba Tourist Restaurant
    6 years ago
    مطعم عتابا كتير حلو وهادي وقعدتو حلوه خاصه بالليل خدمتهم حلوه وسريعه واسعارهم تعتبر حلوه نوعا ما والنظافه بالنسبه الي اكتر ما بيلفت نظري والمكان كتير نظيف ...أكلهم طيب بس على هوا الكميه الي بقدموها فحسيتو ما بيستاهل الكميه كل هاد الدفع يعني لو كان في شويه كرم
  • Review by Fatema of Gerard
    6 years ago
    فرع عبدون اكبر من فرع جبل عمان بس الفرعين بنفس الجوده كتير شغلهم طيب وبقدمو جميع انواع الايس كريم بحب كتير أخد من عندهم الميلك شيك وتحديدا الاوريو كتير طيب ما اعتقد في محلات تانيه بتعمل أطيب من شغلهم
  • Review by Fatema of Gerard
    6 years ago
    جيرارد من احلى المحلات يلي بعمل ميلك شيك رغم انو المحل صغير وما فيه قعدات كتيييييييييير طيب بروح عليه من مكان بعيد بس لاشرب من عندو الميلك شيك وتحديدا الاوريو بجنن والايس كريم كمان كتير طيبه ...يعني بنصح الكل يجربو وما راح تصيرو تاخدو الا من عندو
  • Review by Fatema of Grand Hyatt Amman
    6 years ago
    أسوء سينما هي سينما مكه مول ...وما فيها ناس كأنك فايت الفيلم لحالك السينما حلوه بأجوائها مش بفيلمها لو كان بدي احضر فيلم لحالي بشتري وبحضرو بالبيت وخلص ..وبسرعه بسرعه الفيلم خلص وكنت رايحه لانبسط مع عيلتي ملينا بزياده
  • Review by Fatema of Grand Hyatt Amman
    6 years ago
    فندق كتير راقي وفخم والقعده فيه جدا مريحه وهاديه على مستوى عالي .. كل شي فيه منظم ومرتب والخدمه حلوه كتير وخدمه النظافة كمان من ناحيه الغرف والأكل ...الغرف فيه ما بكون ناقصها اي شي بحتاجو كلو متوفر ..ومن ناحيه المطاعم والقعدات كمان حلوه كتير وأكلهم طيب ..اسعارو غاليه بس بيستاهل
  • Review by Fatema of British Council
    6 years ago
    الحقيقة من أفضل المعاهد التعليمية للغه الانجليزية ... له مميزات كتيره وطرق تعليم سهله ومبتكرة والمعاملة رائعه والمكان راقي ونظيف على مستوى عالي واهم شي انو بعد ما درست فيه كتير استفدت منو كتير وبمده مش طويله
  • Review by Fatema of British Council
    6 years ago
    من أفضل المعاهد لتعليم اللغه الانجليزية حقيقه ...درست فيه لمده سنه كتييييير تعليمهم مميز والهم مميزات كتير وطرق تعليم سهله ومفيدة جدا واغلب المدرسين هناك بريطانين والمعهد كتير راقي ونظيف وهو مختلط ما في قسم معين للبنات او قسم معين للشباب بوزعوهم على مدى مستواهم ولأي مستوى بحتاجو يفوتو والكلاس ما بكون فيه أعداد كبيره ..اول ما تروح بيعملو اختبار مستوى كتابي وحوار ...واهم شي انو مستحيل تطلع من المعهد دون ما تكون متعلم شغلات كتير ومستفاد منها .. كانت تجربه حلوه كتييير
  • Review by Fatema of Mawakeb Travel & Tourism
    6 years ago
    كانت تجربه كتير حلوه معهم بصراحه كانت من احلى الرحل ..مواعيدهم مزبوطه ومنتظمين كتير والموظفين كتير مسليين خلال طريق الرحلة وبيعملو مسابقات وأمور ترفيهيه منشان ما تحسو بالملل من الطريق ..وكل شي بكون مرتب من قبلهم من ناحيه الأماكن والاوتيلات والأماكن الترفيهية الي بياخدونا عليها من أفضل. المكاتب والحلو انو في رحلات عائليه بعيد عن رحلات الشباب ..بنصح الكل يجربه ..الي ما عجبني اشي واحد بس الي هو البوفيه الي بقدموه مو بزياده بس شغله الأكل محلوله غير هيك فهو كتير ممتاز
  • Review by Fatema of Rotana Cafe
    6 years ago
    كتير بحبو هل مكان طول فتره دراستي بالبريتش كنت باستمرار اروح عليه .. المكان هادي كتير وقعدتو هاديه وحلوه والخدمه فيه واسعارو معقوله مش غاليه ...بس بفضل القعده المكشوفة اكتر من المغلقة ...قعد فتره طويله مغلق للصيانه وكنت كل ما اروح يكون ما زال تحت الصيانه ... بس فعلا انو رائع
  • Review by Fatema of Max
    6 years ago
    بالنسبه الي بشوف تيابو حلوه للأطفال اكتر شي اما للكبار مش دايما بكون في شغلات حلوه بحب أخد من عندو بيجامات بس غير هيك ما بشوف شغلات مميزه عندهم مقارنه بالمحلات التانيه واسعارهم تعتبر رخيصه ومعقولة
  • Review by Fatema of Bershka
    6 years ago
    بيرشكا من أفضل المحلات الي ممكن تلاقي فيها الاواعي المناسبة الك بحب هاد المحل كتير غالبا بلاقي الستايل يلي ببالي فيه ويناسب جميع الأعمار والأذواق وبحب كمان H&M وسبلاش بلاقي زوقي فيهم وكتير تيابهم حلوه ومرتبه
  • Review by Fatema of Lamoud French Beauty Center
    6 years ago
    مبارح رحت لعندهم وتجربتي معهم كانت حلوه .. كتير محترمين وراقيين وشغلهم روعه وفي قسم محجبات كمان واسعارهم معقوله وازا حابه تعملي. شي معين بجربولك ازا ما عجبك فورا بقيموه من دون ما يسالو ليش ...بس أنا بنصحهم انهم يزبطو المكان اكتر ويعملو ديكور حلو وبس :)
  • Review by Fatema of Chilis
    6 years ago
    بصراحه المطعم اكلو طيب وكنت اروح عليه باستمرار بس خارج الاردن ( بقطر) وهي الفتره لما نزلت على الاردن كرهت اشي اسمو تشليز رحت عليه... الخدمه عندهم جدا بطيئة ساعه لياخد طلبك ويجبلك ياه والمكان مش مريح كل شوي واحد مارق من جنبك وما في هدوء وأكلهم كتير عليه زيت بميع النفس ... حقيقي هاي كانت تجربتي بتشليز يمكن المطعم منيح بس على حظي كانت تجربه جدا سيئة ... حبيت مطعم أبل بيز اكتر من ناحيه المكان والخدمه والأكل وكتير نبسطت هناك ... بنصحكم تجربو أبل بيز أفضل :)
Next

Places I like