Hareth Tarawneh

Hareth Tarawneh

Amman . Since June 2014
يهمني "جداً" ما يتفوه به الأخرين ... لأنه قد يشكل نقطة تحوّل إيجابية ... قد تحول كل ما حولي للصواب هذا أنا ... لا أغيّر الكثير من أفكاري .. وطموحاتي ... فقط كي أتعايش ... و أُرضي من أحب ... حيــث لا حُريــه فُــثُم وَطَني عقلي جزء ليس مني، لا أدركه ولا يدركني!
28 Reviews
Added places
1
Benefited people
4
Added reviews
28
Added photos
2

My reviews

  • Review by Hareth of Westlife Cafe
    6 years ago
    مكان كبير ولطيف ، جلسات داخليه وخارجيه مكيفات ثلاجه بقلب رائع ، الاكل نظيف ومرتب ومش غالي انا شخصيا فتت المطبخ وشفته ، الاراجيل عنده مخيفه ما بينحرق الراس ، مناسب للحفلات وتجمع الاصدقاء . اللي بيميز ويست لايف عن كل المحلات ٣ امور : ١-بيأسرك تعامل الموظفين اللطيف جدا خصوصا صاحب المحل ٢- دايما عنده عروض للاكل والاراقيل بشكل مستمر تقريبا ٣- الديكور والاغاني والاضائه والكنبايات متعوب عليهم ٤- اسعاره رخصيه من اكثر ما بيميزه عن باقي الكافيهات يسعد ربهم شو بحبه هالمحل انا عملت فيه كثير حفلات للصدقائي بنصح فيه كثير
  • Review by Hareth of Rakwet Arab Cafe
    6 years ago
    من احلى الكافيهات بعمان سواء من الاسعار او الديكورات او التهوئه ، بيصلح للجماعات وفيه قعدات برا وجوى ، الاراجيل عنده رائعه والاسعار مقبوله نوعا ما مثلا قهوه وارقيله ما بيتعدي ٧ دنانير ، المشكله ب ركوه عرب ثنتين ؛ اولا مستحيل تلاقي مصف ، ثانيا الحمار اللي موظفينه متعالي ومتكبر وشايف حاله ع الزباين وتعامله باحتقار . بس مافي منه جدا مفضل عندي ركوة عرب
  • Review by Hareth of Blue Fig
    6 years ago
    بؤرة البرجوازيه بالاردن ، بكره لاسباب شخصيه ، نظيف وخدمه رائعة فيه فاليت ، الاراجيل مرتبه خصوصا البطيخ والنعنع والتفاحتين ، الاكل زاكي بس ما عمدي فكره عن نظافته منيح ، مريح للقعده ، ببيع مشروبات روحيه ، بعتقد انه اغلى كافيه بعمان ، الاسعار ناااار يا حبيبي نااار
  • Review by Hareth of Juicebangbang
    6 years ago
    المحل كثير لطيف والكراسي بالداخل والخارج مريحات ، العصير بانواعه والببلز زاكي انا جربته ست مرات وبنصح بالفراوله ، لكن سعره غالي شوي يعني اقل عصير ٤.٥ دينار وحجم الكاسه صغير ، نظيف وقدامك كل المحل والكاسات مسكرات للنقل ع مسافات وتعامل الموظفين بكل مره بروح لطيف ، حتى بايام الصيف القعدات فيه للكابلز حلوه وجميله
  • Review by Hareth of Ataba Tourist Restaurant
    6 years ago
    عتابا كثير رائع ، خدمه موظفين ممتازه ومطل عشارع الرينبو قعدات برا وجوى ، نظيف ومرتب والاسعار بتستاهل هيك خدمه ، ممتازين
  • Review by Hareth of Jara
    6 years ago
    من اسوأ الكافيهات اللي زرتها بحياتي ، بصراحه ليلة العيد دخلته وكان فاضي تقريبا الموظفين تعاملهم بفوقيه خرافيه والاسعار فلكيه عندهم وفوق بعض حاطين الطاولات ! كنت مستغرب ليش المحلات فل الا جارا وصار معي موقف ، سبقت زملائي عشان ادخل التواليت رفض المصري اللي ع الباب وحكاها باحتقار للي جوى ولو سمحت ابعد من هون هههههه يا ريت لو يقلبوا الكافيه حمام عام بيكسبوا اجر
  • Review by Hareth of Cushions Lounge
    6 years ago
    هي المره الثانيه اللي بدخله حاليا برمضان ، الكوفر شارج ٥ دنانير للمباراه مع مقبلات وقطايف ، نفس الخدمه اللي تعودت عليها دايما ، بنصح كل الكابلز والعائلات فيه ، خيالي المحل
  • Review by Hareth of Ghazal Restaurant
    6 years ago
    شارع المدينه ، بتلاقي مصفات مرات ، الديليفري رائع ، اسعاره رخيصه ونظيف وكثير زاكي وتعامل الموظفين حباب ، بنصحكم بوجبة ايطالي .. بتبطح زلم هالوجبه من زكاوتها
  • Review by Hareth of Hashim
    6 years ago
    يا ربي متى رح تتحقق امنيتي ويسكرو هاشم وما يرجعو يفتحوه ابدا ، هاذ تراث اردني لكن باقي كل الامور عباره عن قذاره هالمحل الحمص كيف بينعمل الموظفين كاسات الشاي اللي الحومرا لسا مبين على طرف الكاسه تخزين الخبز اللي الجرذان احفادهم هسا شغالين ، تسكر خلال ٥ سنوات اكثر من مرتين وبواسطه بيرجع بيفتح ، ومع هيك باكل منه مرات !!!
  • Review by Hareth of Barcelona
    6 years ago
    محل مرتب وموقعه ممتاز وسهل تلاقي مصف ع البال ، اسعاره جدا رخيصه وفيه موظفين كثير يعني الاكل بيطلع بسرعه ، تعاملهم لطيف وجميل ، نظافة المحل نفسه بدها شوية صيانه لكن بالعموم جميل المحل
  • Review by Hareth of Lebnani Snack
    6 years ago
    مره وحده طلبنا فيه مجموعه كبيره ، نظيف والموظفين على افضل طراز بتحسهم ، اختيار المكان سيء ومتأكد انعكس سلبا ع البيع ، انت/ي متضطر تصف بكراج اللي ورى كبه وبستون عشان تروح تطلب ، الاكل فخم وزاكي وبطول ليجهز ورخيص نسبه لعبدون
  • Review by Hareth of Gloria Jeans
    6 years ago
    غلوريا الجامعه ، اسعاره غاليه لكن بتقدر تطلب مره وتضلك طول اليوم، مفيد للدراسه لغير المدخنين ، نظام التهوئه سيء خصوصا للمدخنين ، القهوه رااااائعه فيه الكراسي والطاولات ما بتناسب اللي طولهم اقل من ١.٦٥ لانهم طوال ، تعامل الموظفين لطيف ، نظافه متوسط
  • Review by Hareth of Al Rasheed Palace International Cafe
    6 years ago
    شغل سهرات شباب شده ، المحل من القهاوي افضلها بعمان ٣ طوابق خدمه الموظفين نص نص ، الارقيله زاكيه والاسعار رخيصه كثير ، ودايما مافي مصفات بس في فاليت ، التهوئه عن كل القهاوي رائعه ، بنصح فيه جدا لسهرات الشباب
  • Review by Hareth of Ocean Sea Food
    6 years ago
    المحيط ، رائع اكله زاكي كثير وطازج دايما اسعاره غاليه نوعا ما لكن بيستحق كل قرش ، القعدات التهوئه الاهتمام من قبل الموظفين ، بنصح فيه الاكل علي الواحد ممكن ١٨ دينار الجمبري بيرفكت في
  • Review by Hareth of Ghazal Restaurant
    6 years ago
    فرع المدينه المنوره ، رااائع هالمحل ، بتلاقي مصفات ، تعامل الموظفين لطيف نوعا ما ، وجبه الايطالي خياليه وبتشبع وبتبطح زلم هههه ، رخيص والديليفري سيء زيد ٢٠ د على الموعد
  • Review by Hareth of Shawerma Al Reem
    6 years ago
    الشاورما مش مطبوخه منيح ، انا كنت موجود لما الصحه اجت وكشفت ، بس الواسطات اشتغلت وفهمكم كفايه ، ازمه دايما لانه بيخدم منطقه شريحتها كبيره ، الموظفين زيهم دايما وسخ والنظافه عندهم باسوا حالاتها ، التهوئه سيئه ، القعده خنقه ، غالي شوي . مستحيل تلاقي مصف
  • Review by Hareth of Al Kalha
    6 years ago
    الكلحه مقابل التطبيقيه ، غالي المحل ، ارقيتله مش زاكيه لأن المعسل بكميات وتخزينه سيء ، الموظفين تعاملهم لطيف ، دايما زحمه وازمه ومستحيل تلاقي مصف ايام دوام الجامعه ، انا ما بنصح فيه
  • Review by Hareth of Jibal Al yasameen Restaurants
    6 years ago
    الاسعار شوي غاليه لكن بتستحق ، الاكل نظيف وزاكي ، الديكورات الاضواء منتازه ، المصفات صعبه جدا فيه ، قعداته رايقه لكن ما بنصح بالمنسف او الشوربات ، اكثر من مره جيت وطلبت منسف مش زاكي ، لكن بابو نصير يعتبر رائع هالمحل
  • Review by Hareth of Nedal Al Kalha Restaurants
    6 years ago
    مطعم طابعه عادي لا يختلف عن المطاعم الاخرى ، غالي ، تعامل الموظفين عادي ، نظيف نوعا ما ، الحمص والفول دايما جديد وطازج
  • Review by Hareth of Hommosani Restaurant
    6 years ago
    الحمصاني زاكي ونظيف والموظفين تعاملهم لطيف ، بيعمل فلافل ، المصفات عشان تنزل تشتري صعبه كثير ، غالي انا بعتبر السندويش فيه نسبه لمنطقه ابو نصير
  • Review by Hareth of Adore Cafe
    6 years ago
    المحل بالنسبه لطلاب الجامعه منيح ، نظام التهوئه سيئ ومستحيل تلاقي مصف ، الاكل زاكي ورخيص واسعاره منافسه ، المحل ازعاجه مش طبيعي ، لانه الشباب بتلعب شده ، بنصح فيه للمستعجل وشباب بدون بنات
  • Review by Hareth of Oriental Restaurant And cafe
    6 years ago
    الفكره بالمنظر المطل الرائع ع السلط ، الاكل زاكي وبشهي ونظيف ، تعامل الموظفين لطيف ، الاكل ما بطول وبجهز بسرعه ، فيه مصفات وفاليت ، قعدات داخليه وخارجيه ، الديكورات توحي بالاصاله ، بنصح العائلات فيه ، اسعاره مش غاليه ممكن غدا وارقيله وتحلايه ب ١٠د
  • Review by Hareth of Cushions Lounge
    6 years ago
    من افضل المكافيهات بعمان ، خذمه بيرفكت ، اسعاره ممتازه ، فيه مصفات وفاليت ، الديكور والاناره والاغاني فوق المستوى ورائعه ، شغل اجتماعات وقعدات الاصدقاء وخصوصا المجموعات الكبيره ، عروضهم ممتازه والستاف حبابين ولطيفين
  • Review by Hareth of Indoor Cafe
    6 years ago
    الخدمه ممتازه ، رخيص ، هادي شغل دراسه ، التكييف ممتاز ، مافي مصفات ، اللاتيه زاكي عندهم ، النت مش سريع ، كثير نضيف المحل
  • Review by Hareth of karaz Box
    6 years ago
    لطيف ، الموظفين تعاملهم ممتاز ، مافي خصوصيه لانه الطاولات فوق بعضها ، اكلهم وارقيلتهم زاكيه ، ما تحاول تلاقي مصف ، اسعاره منيحه وقعدته اللي برا بترد الروح ، الاغاني صوتها كثير عالي ، بتسمعش حالك وانت بتفكر
Next

Photos I added

ينفرد هذا المحل بتقديم المعسل الخاص به من مصنعهم ، سالتوس  ، بالاضافه لجميع انواع الاراجيل
جلسه هادئه