Bonsyana Shaher

Bonsyana Shaher

Amman . Since April 2014
4 Reviews
Added reviews
4

My reviews

  • Review by Bonsyana of Sara Saudi Spa/Dabouq
    6 years ago
    الاستقبال: اول مرة بتروح بكونو ملائكة واحسن من هيك ما في. الزيارة التانية ببين الوجه الحقيقي أسوأ من هيك ما في. الخدمات: فكرة الخدمات الي بقدموها كتير حلوة من سبا لعيادة تجميل لمركز تنحيف بس التطبيق كتير سيء لو كانت هاي الخدمات موجودة بمركز تاني مع غير ناس بتطلع روعة. دروس اللياقة: المدربة في كون والمتدربات في كون تاني.ما في ترحيب بالاعضاء الجديد ولا اهتمام،بتفوت المدربة بتشغل الاغاني وبتبلش تطبق لحالها هيك لتخلص الحصة. السباحة: كنت حابة اتعلم سباحة عندهم،تخيلو انو اول درس الي ما نزلت المدربة معي عالمسبح ولما قلتلهم ما بدي دروس سباحة خلص.قال ليش وما بصير ولازم تحكي مع المشرفة ،والمشرفة قال بتكون بس الصبح يعني اترك شغلي عشان اجي احكي مع المشرفة نوع جديد من خدمة الزبائن بس بسارة السعودي، وبعملو حالهم اغبيا بضلو يرنو عشان يحددو موعد حصة السباحة الجاي وانا بقلهم ما بدي حصص سباحة مهو الشغلة بالاجبار ،وبنعمل حالنا اغبيا وبنضل نرن. بصراحة ضيعت مصاري عليهم خسارة قد ما هو المكان مقرف ما رجعت اكمل الحصص الي دفعتها، وفكركم بيهتمو او بيطلبو feedback طبعا لأ لو انا فاتحة نادي وبهمني الزباين تكون مبسوطة برن بسأل بلطف ليش ما بدكم تجددو،هاد لو بهمني العمل يزدهر بس ما بعرف ايش هدفهم اسم عالفاضي. بالنهاية ما بنصح حدا بالمرة يسجل عندهم
  • Review by Bonsyana of Hospital Jordan University
    6 years ago
    من وين بدي ابدى.اولا بحب اوضح انه هاد النقد جاي من حدا فاهم بالطب والعلاج واشتغل بمستشفيات بره البلد: 1) المواقف والاصطفاف: كارثة،في صعوبة تلاقي مصف ،يا عمي جرفو الشجر على اطراف الطريق ووسعو مصفات مش رح يكلف الف دينار اذا ما معكم فسكرو احسن وبلاش الناحية الجمالية مهو منظر المستشفى بجيب المغص. 2)الاستقبال والمواعيد: من اسوأ ما يمكن. ما في مواعيد كذب ممكن تنتظر من 3-4 ساعات.والاجراءات مملة من الكاتبة للمحاسبة للكاتبة ،وكله انتظار واحيانا ما في دور انتا وشطارتك ،وبطلعلك اخر الدور وجه بنئادم كل عقد الدنيا فيه وبطلعها عليك. اسوأ كادر غير طبي. 3) الاطباء والكادر الطبي: يا ناس انتو مخدوعين ما في طب بمستشفى الجامعة حتى الاطباء الكبار والاخصائية ما بهتمو بالمريض بالمرة ومعظم الوقت بزيدو على مرضه مضاعفات.انا زعلانة انها هاي المستشفى بتخرج اطباء، اذا الي بدرسوهم فاشلين شو بدو يطلع منهم.رح اشرح في تعليق تاني بالانجليزي الاخطاء الطبية الي صارت معنا.و لو في بالاردن قانون بحاسب عالاخطاء الطبية كان تبهدل المستشفى. 4)النظافة : شبه معدومة. الحمامات بدون مي. الارضيات تشبه ارضيات مشاحم السيارات.لو عندهم جراثيم كوابيس ما بتفاجئ.اصلا بابا قعد عندهم حوالي شهرين ما شفت حدا من الكادر الطبي بغسل ايده او بستخدم الكحول قبل ما يصيب المريض، علما بانه هاد القانون الاول لمكافحة العدوى،ما بعرف كيف الJCI اعطتهم الاعتماد. 5)الطوارئ:موت بالبيت احسنلك.ما بيفهمو باوليات الطب وحجتهم ضغط الشغل عليهم.هاي مش حجة لتشلفقو المرضى ،روحو بابا عالبيت والصفير من صدره واصل لاخر الكريدور قال بس التهاب قصبات ،على صورة الاشعة كان مبين التهاب رئوي و تجمع سوائل، اذا دكتور الطوارئ مش عارف يطلع هاد التشخيص من صورة اشعة لشو هو.بنصح المستشفى يروحو كل اطباء الطوارئ ويجيبو ناس بتفهم.على فكرة جربناهم كلهم باطني ويلا جراحة كله اغبى من بعض. بالمختصر المفيد الله يعين الغلابى المضطرين يتعالجو فيه.بس اذا عندك الخيار لا تقرب هاد المستشفى بالمرة ما بفيدوك وممكن يسوء وضعك.
  • Review by Bonsyana of Dr. Kamel Touqan
    6 years ago
    الدكتور كامل من الطف الاطباء إلي شفتهم في الاردن لغاية هذا الوقت.اخدت عليه بابا بعد ما طفشنا من مستشفى الجامعة الاردنية سيء الذكر وكانو ميأسينا من الحياة. سواله الدكتور تخطيط للقلب وecho وطمنا عليه. الدكتور بتعامل برقي وحرفية.بابا هلأ كتير احسن.وهدا النقد يا جماعة جاي من حدا فهمان بالطب. العيادة بتعطي مواعيد و مواعيدها منتتظمة ما في انتظار كتير الديكور حلو والعيادة كتير مرتبة ومزودة بجهاز تخطيط للقلب وecho بنصح الكل فيها
  • Review by Bonsyana of Galleria Mall
    6 years ago
    for the first time going there i liked the place, until i step upon a booth there that supposed to sell the place and give a good publicity through making you answer some question then draw lucky numbers if you were right u will win a trip, and what a trip. it's all a scam to go see a company called jordan face for investment where you will be bored for an hour and push through to sign a contract with them buying a suit in a hotel in the dead sea, which was really creepy , and if you don't agree to sign your trip will be a stay in a hotel without a ticket, meal or transportation which is really tacky of them. dear galleria mall if you want a publicity stunt just give a 10 jd gift voucher without insulting your shoppers
Next