Rania

Rania

Amman . Since November 2013
writing reviews helps a lot
37 Reviews
Benefited people
7
Reviewed first
3
Added reviews
37

My reviews

  • Review by Rania of Dallas Tours & Travel
    5 years ago
    و لا ممكن أسافر معهم بحياتي. .. كل الرحلة كانت فيلم هندي... صحيح اسعارهم أرخص. . بس شو الفكرة أوفر عشرين ثلاثين دينار و أكل فيلم بيسوى حياتي...
  • Review by Rania of Casereccio
    5 years ago
    زمان كان من مطاعمي المفضلة.. آخر مرة رحت عليه كان برمضان 2015... ما عجبني تنوع الأكل كم نوع باستا بسيط.. و كم نوع سلطة ذبلانة و ما كان رخيص... بس التيرماسو كان أكثر من رائع... بس اكيد التحلاية مش سبب كافي الواحد يروح على مطعم..
  • Review by Rania of Shawerma Reem
    5 years ago
    مأساة صايرة سندويشاتهم. .. عشت بره البلد كم سنة و كنت مشتهية ارجع لأكل من عندهم... اعطيتهم أكثر من فرصة.. بس استغفر الله ما بتتاكل شاورمتهم كلها دهن و قلعطة. .. مع أنه فرعهم اللي جنب مجمع جبر مش بطال... لو ميتة من الجوع ما بأكل من عندهم..
  • Review by Rania of Al Daraweesh Culture Wheel
    5 years ago
    فيه أشياء إيجابية كثير... و كم شغلة سلبية... المكان كتصميم و ديكور حلو.. طلبنا قلاية بندورة و كانت رائعة.. ارجيلتهم مش أفظع شي بالحياة بس ماشي حالها..
  • Review by Rania of Jafra Cafe
    5 years ago
    كله ممتاز فيه... الاراجيل و الأكل تمام التمام... أسعاره رخيصة بالنسبة لعمان... السبب الوحيد اللي ما اعطيته 5 نجوم هو أنه المحل مضغوط شوي... بده تهوية أكثر...
  • Review by Rania of Azmi and Adeeb Zahdeh butchery and grills
    5 years ago
    انا بس جربت من عندهم العرايس... و خلص ادمنت... لازم اجرب أشياء ثانية... رائع
  • Review by Rania of Chili House
    5 years ago
    هذا الفرع بالذات رائع... اكله كثير طيب... خبزه طري و المكونات كلها جيدة... بس بذكر انه زمان كان يفتح متأخر أكثر. . يا ريت يرجع هيك...
  • Review by Rania of Chaplins
    5 years ago
    awesome! I went to the show where Basem Yousif supported the team... we laughed so hard. hope this place gets appreciated in this side of the world ☺
  • Review by Rania of Nafeesah Sweets
    5 years ago
    رائع... الكنافة كثير طيبة.. بس انا بشوف انهم بيبالغوا بالمكسرات..و جربت عندهم حلاوة الجبن هداك اليوم.. خيالية...
  • Review by Rania of Kalamazoo Grill
    5 years ago
    Lovely place, the food is super (needs a bit more salt in my opinion) but it's fresh, high quality ingredients and not oily at all. the decor is awesome, I liked how the ceiling is created, the service is excellent... and above all its cheap for what it offers. going back there for sure☺
  • Review by Rania of Rakwet Arab Cafe
    5 years ago
    Lovely place, original as the whole neighborhood. I love outings at jabal alweibdeh anyways. and it's cheap.. what else can you ask for ☺
  • Review by Rania of Chesters Steak and Cigar House
    5 years ago
    ما برجع بروح هناك ابدا.اتعزمت على سهرة رمضانية و الوضع كان جدا سيئ .للاسباب التالية: 1 - الخدمة تعيسة.. بنستنى الفحم أكثر من 10 دقائق كل مرة بنطلبه. مش هم ببالغ عن جد بتطفي الارجيلة و هم مش جايبين فحم و خربت اراجيلنا بسرعة لهالسبب يا خسارة مع أنهم كانوا زاكيين 2 - في مغني و مغنية.. المغنية صوتها مأساة و عالي.. المغني أخف بلا بس برضه الصوت عالي جدا جدا.. كنا مجموعة من 10 أشخاص ما حدا سامع حدا حتى اللي قاعدين جنب بعض.. 3- الخدمة أسوأ ما يكون. . طلبت من المدير أكثر من مرة يلاقي حل لصوت الاغاني العالي.. عل فاضي. .. طلبنا المنيو 3 مرات لجابوه. . تاخروا بمعظم طلباتنا و مشان الاقي تبع الفحم أو جرسون بدي اترك اللي قاعدين معي و أركز الاقي حد فيهم. 4-و فوق الخدمة السيئة المكان غالي جدا جدا و كمان جدا.. ال cover charge كانت 25++ ما برجع بروحه مرة ثانية
  • Review by Rania of Alo Arjeleh
    5 years ago
    ارجيلتهم كثيييييير كثييير سيئة. انا عادة بارجل بالبيت معسل الفاخر و بعرف طعمته. اللي جابولنا اياه ما اله دخل بالنكهة اللي طلبناها. تاني يوم طلبت نكهة تانية ... نفس الشي ما الها دخل... الفحم كتيييير قليل و نوعه تعبان ما برجع بطلب منهم ابدا. يا الواحد يروح على كافيه كويس أو يشتري ارجيلة و يعملها لحاله... كثير صاير سيئ ما بنص فيه
  • Review by Rania of Alarouba Water Treatment
    5 years ago
    خدمة التوصيل سيئة جدا جدا جدا. يا ما بيردوا على تلفوناتهم. يا تلفوناتهم مغلقة . يا بيردوا و بيقولوا هينا جايين و بعد 4-5 ساعات برجع بحكيهم قاموا ما ردوا رحت عندهم قالولي شب الديلفري خلص دوامه من نص ساعة و انا كنت طالبة المي من ال 1 الظهر! معظم الوقت انا بروح على المحل مشان أجيب المي. و وقت الثلجة كانوا المحل الوحيد اللي مسكر.كل المحلات فتحت إلا هم ضلهم فوق الاسبوع مسكرين مع أنه المي أولى تفتح من محل المعسل و حلاق الشعر. بعدين غيروا تلفوناتهم و خبروني انهم غيروا اللي عم بيوصلوا ..عل فاضي. ..نفس القصص.. مرة رحت معصبة على المحل أجيب قنينة مي فحكالي الشب احكي مع صاحب المحل و اشكيله. حكيت معه و وعدني ما يتكرر الموضوع... عل فاضي. .هيني من مبارح و انا عم بحاول اطلب مي... كتيييير سيئين .
  • Review by Rania of Café Hanin
    7 years ago
    Their Hooka is really good
Next