Ahmad Hadidi

Ahmad Hadidi

Amman . Since November 2012
not perfect.
1 Reviews
Reviewed first
1
Added reviews
1
Added photos
1

My reviews

  • Review by Ahmad of Jordan TV. Cable & Internet Services Co
    8 years ago
    اول إشي السلام عليكم ورحمة الله وبركاته.. ثاني اشي خلفيه عني بس عشان تعرفو قديش أنا متعمق بالتكنولوجيا... أنا صارلي بستعمل الانترنت من أو أنا صف خامس... يعني من ايام كروت الفرح. و بلعب العاب الكترونيه من لما انخلقت, تخصصي نظم المعلومات الحاسوبيه بالجامعة الأردنيه, ومقطع حالي شبكات و صيانة اجهزه, اللي بيدي اوصله إنه أنا بـعرف شغلات كتير بتخصصي. نبلش باول نقطة 1.جودة الخدمات الجوده اعطل منها الله ماخلق, دايما بفصل, بس ماتفكر إنه بفصل يعني 10 دقايق و برجع بشبك, لأ الفكرة إنه بفصل لمدة ثانيه واحده و برجع بشبك, هاي بمحلات الnetwork games بيحكو عنها Spike , مابتصدق قديش هاي بتضايق اللي بيلعب لأنه اللعبه بتصير تنتتع يعني بتصير اتعلق و ترجع, أنا عندي بالبيت بلعب Counter Strike : Global Offensive هلا هاي سيرفراتها من نفس شركة Valve, يعني من سابع مستحيلاتها انها تعمل Spike. الإشي الثاني اللي هوه ال(Ping OR Delay OR Lag) عندهم الPing من بين 70 - 80, رقم حلو صح؟ بس في فكرة.. غير إنه بسوي Spikes بس برضه الPing مابيضله ثابت, اللي هيه بحكو عنها ال Jitter, هلا الJitter بيكون ملعب عندك أنا عندي 40ms Jitter يعني بيلعب الPing بين 70 - 120ms و هاي معناها دايما بتكون خايف إنه اللي قدامك ماانطخ عليه, يمكن صار عندك Lag و كان هوه بتحرك والرصاصة اجت وراه هاي مش بتخليك تسب, هاي بتفلقك من القهر, لانه إنتا متأكد إنك صبته وهوه قتلك. 2. الأسعار مقارنة بالخدمة وشرفي, 50 دينار بالسنه على الإشتراك اللي عندي كثير غالي, أنا مشترك معهم اشتراك سنوي 5mbps, مفروض ادفع ~385 دينار, واللهِ بشاور حالي ما ادفع نص المبلغ اللي ضايل علي. 3. خدمة الزبائن المثل بقول العقل زينه, فعلا العقل زينه على اللي بصير فيي, يا زلمه بصير بدي انفصم, حاليا اليوم 18/11/2012 أنا مشترك معهم من 24/10/2012 صرت حاكي معهم 6 مرات, كل مرة بعيدلهم نفس المشكله اللي عندي (High Ping, EXTREME Jitter and Spikes) ولا بيفهمو زي أكنه بحكي سيرلنكي, والمشكله مش هون, همه اعطوني رقم مهندسين الشبكه... بحكيله ياعمي الإنترنت بفصل, بيقوللي ماشي بحط الخط تحت المراقبه,انتا بتصير تحكي يلا مش مشكله بصبر يوم, بترجع تتأكد ثاني يوم لانه المشكله لساتها موجوده, واذ به بيحكولك مش مسجل عنا ملاحظة عن مشكله على خطك.. طب يا بهايم......
Next

Photos I added