Nora Al Madi

Nora Al Madi

Riyadh . Since August 2012
يارب توفيقك... <3
178 Reviews
Added places
126
Reviewed first
122
Added reviews
178
Added photos
145
Liked places
109

My reviews

  • Review by Nora of Fat Burger
    7 years ago
    فات برجر دائم يحسسني إني بلقى وجبه دسمه وبرقر عظيم في الحجم لكن المفاجأه انه كأنه مني برجر مرررة صغير طلبت من عندهم تشكن برجر الجميل انهم قاعدين يصلحونه قدامه واعرف وش فيه ووش مافيه بالنسبة للطعم فهو لذيذ والأسعار ماعليها جميل جدا ويستاهل التجربة
  • Review by Nora of Hamleys
    7 years ago
    المكان هذا يوسع الصدر للكبار قبل الصغار، المكان مرة يضحك بعيدا عن الألعاب الموظفين يقعدون يلعبون بالالعاب ويسوون حركات مرة يضحك الموظفين فيه مرة حبوبين وخدمتهم مرة سريعة طريقة عرضهم للمنتجات تأخذ العقل، جدا جميلة ومرتبه بطريقة سهلة ومريحة للمشتري أول ماتدخل المحل بتلقى بات مان في استقبالك أعجبني عندهم بيت الباربي الكبير اللي كله منتجات باربي وبرضو ترتيبتهم لألعاب هلو كيتي مرة جميل اشتريت منه سيارة لولد اختي كلفتني حول ال٢٠٠ وغلفتها عندهم وخلص التغليف بسرعة بشكل حلو ومرتب وما اضطريت انتظر وقت طويل جميل المحل وانصح فيه
  • Review by Nora of Johnny Rockets
    7 years ago
    المكان مررررة حلو وهادي جدا، المحلات اللي بحي الربيع جميلة وتتسم بهالصفات... الخدمة ممتازة والديكور مريح ولطيف لكن ترى القسم العائلي يعتبر صغير نسبيا لكنه ماعليه حلو ماجربت اجلس عندهم، أخذت الآكل وطلعت جربت عندهم السندي والتشيلي فراي وتشكن برقر وكانوا مررررة لذيذين المكان جميل جدا ويستحق التجربة
  • Review by Nora of Forchetta
    7 years ago
    كنا متحمسين كثير إن حنا نجرب الفرع الجديد القريب منا لفوركيتا وكنا ننتظره يفتح على فارغ الصبر، رحت له أنا وأختي في المغرب على أساس ما يكون زحمة وكذا <<طبعا قبل رمضان لما دخلنا سألنا الريسبشن إذا فيه مكان، قال انتظروا وانتظرنا وانتظرنا وجت عائلة ثانية وبرضو جلسهم الموظف في الانتظار معنا وبعدها دخلت عائلة ثانية وهو على نزول موظف ثاني وراح على طول دخلهم وجلسهم بطاولة!!! المهم حنا مرة انقهرنا والعاذلة الثانية برضو نفس الشي فكلموهم وقالوا تفضلوا فيه مكان وحنا برضو رقينا،، لما رقينا لقينا الأماكن فاضية !!!!! لما جينا نجلس جلسنا بمكان مغلق بسواتر طبعا وكان فيه جرس اخترنا الأكل ولما جينا بنطلب ضغطنا الجرس مرة مرتين ثلاثة محد جاء، بعدها رجعنا نضغط الجرس مرة ثانية وجا الفرج دخل علينا ويتر وقال اصبروا !!! الظاهر أزعجناه طويل العمر وفعلا صبرنا ولما ملينا وضغطنا الجرس أكثر من مرة جا واحد ثاني بياخذ الطلبات أخيرا ولما جا بياخذها كان البيبسي مو موجود!! يعني انتم متخيلين مطعم كبير عريض مافيه بيبسي !! المهم قررنا نطلع ملينا وحامت كبودنا من الموضوع بكبره مو عشان البيبسي بس الخدمة من بدايتها سيئة وكل هالوقت عشان ياخذون الطلب وهم فاضين ماعندهم زحمة ولا شي أجل كيف لو بنصبر لين الطلب يجي!! لما طلعنا وجينا بننزل جانا الويتر وقال ترى فيه ببسي وانه توه يجي وماعرف ايش!!! ومشينا وطلعنا وكرهنا الموضوع بكبره الخدمة جدا سيئة ، كنت قبل أحب فوركيتا مرة اللي في خريص لكن للأسف هالفرع صدمنا جدا وما اتوقع ارجع له مرة ثانية-ـ-
  • Review by Nora of Joe's Cafe
    7 years ago
    قبل فترة رحت لهالمكان مع صاحباتي الديكور عندهم سيء جدا صراحة، الجلسات طالعة كأنك داخل على محل مكاتب في العويس شكلها سيء جدا وما أعجبني ... المنيو عندهم طالعة كأنها صبورة مدرسة مرررة طويلة وحجمها صعب التعامل معه طبعا المكان زحمة مرة لأنهم يعتبرون توهم فاتحين جربت عندهم كيكة التمر وكانت جدا جدا لذيذة برضو جربت اللاتيه وكان لذيذ الأسعار أشوفها غالية على مستوى الديكور والمنيو حقتهم يصنف من ضمن الأماكن اللي تروحها مرة وبس
  • Review by Nora of Gelatalia
    7 years ago
    يا الهي على هذا المكان ثد ايش جميل... الطعم لذيذ والضيافة جميلة والالوان الخاصة بالعلب والديكور تفتح النفس المكان متخصص بتقديم آنواع مختلفة من الجيلاتو وهو نفسه الايسكريم بس ايطالي فعشان كذا يسمونه جيلاتو هو شوي يختلف في قوامه عن الايسكريم عندهم انواع مرررررة خطيرة واحلى شي ذقته عندهم السنكرس والفريرو شيه واسوأ نوع التشيز كيك عندهم بعد ايسكريم بارز بالفواكه المختلفة ماجربتها بس شكلها مرررة لذيذة ببالنسبة للاسعار العلبة الصغيرة فيها نوعين من الايسكريم ومرة مرة تشبع وسعرها ب١٢ ريال احسها مناسبة مرة ولو جينا على الطعم فهو يستاهل اكثر من هالسعر بالنسبة للضيافة فياحليلهم العمالة جدا لطيفين وتعاملهم حلو وانصحكم فيه
  • Review by Nora of Badir
    8 years ago
    بادر هي إحدى مشاريع مدينة الملك عبدالعزيز للعلوم والتقنية وتقدم خدماتها في الاحتضان للمشاريع الخلاقة في تخصصات التقنية والصناعة وتوفير الاستشارات التي من الممكن أن يحتاجوها في دعم مشاريعهم وكذلك يوفرون ادورات التي قد يحتاجها صاحب المشروع حتى تدعمه وتوفير مكتب خاص به... تعاملت مع الأستاذة وضحاء -مطورة أعمال- والأستاذ سعود الهواوي وكانوا خير عون وخير دعم ولهم الفضل الكبير في نجاح مشروعنا ان شاء الله لكل من لديه فكرة خلاقة ويطمح للنجاح عليه أن يتوجه لهم.. أو في البداية يقدم فكرته على موقعهم في الانترنت ثم ستصلهم رسالة بالقبول أو الرفض
  • Review by Nora of Your Colors
    8 years ago
    المتجر هذا متخصص بتغليف الهدايا، باقات الورد الطبيعي، البالونات، وعمل الديكور للحفلات المختلفة المتجر مرة ظريف يحتوي على الكثير من المنتجات اللطيفة الخاصة بالحفلات مثل الأقنعة، نظارات أعياد الميلاد ، والإضاءة برضو يوفر بطاقات وتغليفات هارودز... المكان جميل صراحة حتى لو انك بتروح تتفرج، الأشياء الغريبة عندهم غير متوقعة وتضحك فعلا أسعارهم جددددا رائعة، والعمالة ماعليهم عندهم خدمة توصيل بس ياخذون عليها ٥٠ ريال فيه إمكانية الشراء عن طريق الكريديت وفيه مواقف
  • Review by Nora of KuKurRuza
    8 years ago
    المكان هذا جدا جميل والجميل بعد ديكورات المحل اللطيفة والوانها الرائعة الكشك الصغير هذا يقدمون ضيافة عبارة عن ٣ أنواع من البوب كورن بالعادة واحد منها بالقرفة، والتوت، واللايت بوب كورن، والكراميل وكل واحد منهم يقول الزين عندي الطعم ولا أروع، الخدمة ممتازة، بس مشكلتهم ان اسعارهم شوي غالية كيسة الفشار الصغيرة سعرها ب١٧ ريال :/ بس يستاهل التجربة
  • Review by Nora of Candy Box
    8 years ago
    المكان هذا جدا رااائع أغلب اللي يبيعه حلويات زمان بفك وفش فاش وكت كات التسعينات وحلويات ونكا والكثير من الحلويات اللي كنا نحبها لما كنا صغار وبرضو فيه حلويات حديثة تجننننن وأيضا عندهم ركن خاص بالشعبيات يبيعون المعمول بحشوات مختلفة، البيتي فور، الكليجا والمطازيز والفرصان وغيره وايضا يبيعي الحلوى البحرينية والدرابيل الكويتية المكان جدا جميل والاسعار رائعه ويستاهل الزيارة وغير كذا تقدر تدفع عن طريق الكريدت كارد *happy dance* المكان يستحق الزيارة وراح يعجبكم
  • Review by Nora of Al Mohtaref for Games
    8 years ago
    المحترف للألعاب هو متجر لبيع ألعاب الكمبيوتر من البلايستيشن، الاكس بوكس، الوي، الخ... المحل متوفر فيه أغلب الألعاب بأسعار مناسبة بالإضافة الى انهم يعملون صيانة للأجهزة.. وفيه برضو ملحقات الاجهزة مثل السماعات ويد التحكمم وغيرها.. بنات اخواتي أخذوا سماعات تقليد للبيتز لما سألناه عن السعر قال الوحدة ب150 أخذوا البنات ثنتين كاسرته محاولة في تخفيض السعر العظيم الطريف بالموضوع إني بس قلت "[اخذ الثنتين ب200" هو قال "اوكي ما عندك مشكلة"! كيف كذا طاحت مية كاملة الموضوع يخوف صراحة, يعني لو مثلا قلت باخذ كل الثنتين بمية كان بيوافق. ما أعجبني الموضوع خفت انها بتخرب على طول أو إنه أساسا هي من البداية سعرها 30 ريال بس هو قال 150, إلى الآن وانا مو مقتنعة بالموضوع إطلاقا على اننا أخذنا السماعات والسماعات تشتغل بجودة عالية وهو برضو اعطاني كرته وانه مستعد أي خراب يصير للسماعة. على العموم المحل ظريف وفيه أشياء جميلة إذا انتم مهتمين بالألعاب أنصحكم تزورونه.
  • Review by Nora of Maya La Chocolaterie
    8 years ago
    الفرع هذا بالنسبة لي أفضل فروع مايا، جلساته هادية مافيه زحمة أبددا، فبالتالي الويترز مرة مروقين والخدمة عندهم سريعة طبعا الطعم مايعلى عليه الشوكولاته عندهم شي ثاني وبالنسبدة للأسعار فهي مرتفعة نسبيا لما رحنا عندهم من زود ماكان المكان فاضي أخذنا راحتنا وقعدنا نتفرج على المحل ونسأل عن علب التشوكليت *غثيناهم ذاك اليوم XD* عندهم العلب بحجمين حجم كبير وصغير الكبير ب600 والصغير ب300 وفيها بوكسات صغيرة مرررة الشي الحلو بالموضوع انهم عطونا تشوكوليت بارز هدية XD كان طعمها فعلا لذيذ أنصح اللي يحبون الهدوء يروحون هالفرع
  • Review by Nora of Laduree
    8 years ago
    المكان هذا لطيف جدا, الهدوء الجميل اللي يمتميز فيه المحل, الطعم الرائع اللي ما تقدر تقاومه، لكن للأسف أسعاره غالية وفي نفس الوقت هو اللي يميزه الخدمة كانت لطيفة وكانوا مرحبين, أخذنا منهم ماكرونز بس ماجلسنا بالنسبة للطعم فلا يعلى عليه أحلى شي ذقته عندهم هو التشوكوليت، الكراميل، التوت، والفستق لذيذ ويستاهل التجربة.
  • Review by Nora of Madareem Crown Hotel
    8 years ago
    حضرت في أحد قاعاته وهي القااعة الصغيرة زواج قريب وكنت واصلة متأخر, ويا رب لك الحمد والشكر إني كنت لابسة ككعب مريح XD القاعة نظامها سخيف مرة، أول ما تدخل تلقى حديقة والقاعة بعييييييدة يبيلك تمشي لين توصل القاعة المشكلة إن الأرض مثل التل الصغيرة كل مالها وترتفع وهذا الوضع غير مناسب مع الكعب إطلاقا XD عندهم حركة في القاعة إن الزفة تكون باللفت ماحبيتها مرة, بس التوزيع والترتيب كان منظم ولطيف. والخدمة كانت رائعة. بس المدخل للسيارة والحديقة سيئات جدا ودي أشوف المصمم كيف فكر فيها بس -_-
  • Review by Nora of Quizno's Sub
    8 years ago
    هالفرع من كويزنوز ما اعجبني ابدا, لا ترتيبهم ولا مكانهم, أبدا أبدا شكله مايشهي وبطيئين جدا حتى الموظفين شكلهم أول مرة يشتغلون مدري وش وضعهم لكن عندهم تأخر واضح في تسليم الطلبات وحتى في ترتيب الطلب وتصليحه! وعندهم آلة التحميص بطيئة مرررة يتعشون أهلك ويخلصون ويبون يروحون البيت والآلة توها ما حمصت. مدري وش وضعه هالفرع بس يا رب يتصلح وضعهم :/
  • Review by Nora of Julia's Restaurant
    8 years ago
    جولياز هو مطعم جديد له فترة بسيطة فاتحو ماعرف ليه أول كنت أحسه بيصير مطعم آسيوي ! يمكن عشان اللوقو حقهم يعطي هذا الايحاء, المهم طلع المطعم إيطالي على لبناني مدري وشلون. بالنسبة للخدمة ماحبيتها, كل شوي داخل علينا ويتر شكل, أحس أحسن لو يكون لكل طاولة ويتر خاص فيها. بالنسبة للديكورات والستايل فهو جميل مرة, وجلساتهم لطيفة جدا عبارة عن كنبة طويلة وشكلها مرتب مرة ويقابلها كراسي مريحة. بالنسبة لطلبنا, الصراحة نسيت اساميهم بما إنها إيطالية :$ لكن أذكر وصف الأكلات وكانت كالتالي: طلبنا في المقبلتا بيتزا مارغريتا, يا الهي على هذيك البيتزا لذذذذذذذذذذذذييييييذذذذذذذذذذذة بشكل, ما استخدموا عجينة بيتزا عادية كانوا مستخدمين "خبز لبناني" بدلها وبصراحة كان شي موفق منهم. في الطبق الرئيسي طلبنا من أنواع المكرونة (للأسف ما أذكره) كانت لذيذة مرررة للتحلية طلبنا تشوكوليت فوندان وعلى كثر الويترز اللي يدخلون علينا كل شوي الا انه مرررة طول علينا يمكن 10 دقايق وحنا كنا مستعجلين, ولما جت كان طعمها عادي جدا ومو بمستوى الأطباق الأخرى. بالنسبة للأسعار كانت مرتفعة , شفتوا طلبنا الخفيف هذا كلفنا 194 ريال لكن الجلسة جميلة والخدمة لطيفة والأكل لذيذ يستحق التجربة
  • Review by Nora of Kabab House
    8 years ago
    الروعة والجمال واللذاذة, بالعادة نجيب مه اذا اجتمعنا مع عائلتنا، عروضهم مرررة جميلة اكلهم طعمه لذيذ والحمص عندهم شي ثاني، حتى الفتوش وورق العنب مرررة لذيذ اسعارهم مرة خطيرة بعد ويخلصون الطلب بسرعه وخدمتهم ممتازة انصحكم تجربونها
  • Review by Nora of Burger King
    8 years ago
    هذا المكان بالنسبة لي كان له ذكريات جميلة لكن المكان ماكان بذاك المستوى ويؤدي الغرض، طبعا وجبات برقر كنق الشهية هي نفسها في كل مكان بالنسبة للخدمة فكانوا لطيفين وخدمتهم رائعة لكن الدفع عندهم كاش بس
  • Review by Nora of Pizza Inn
    8 years ago
    ما قد جربت البيتزا عندهم بصراحة بس جربت المكرونة والمقبلات وكانت شي في قمممممممة الرووووووعة انصحكم تجربون مكروناتهم من المقبلات اللذيذة اللي جربتها عندهم: خبز الثوم، الويدجز، الاونيون رينقز وكانوا جدا لذيذين بالنسبة لأصناف الباستا اللذيذة عندهم: البيني الفورنو ويقدمون معها خبز، والسباقيتي أسعارهم جدا رائعة فمثلا البيني الفورنو سعرها ب٣٢ ريال الاحلى بعد انهم يطبخونها قدامك وتحط الاضافات اللي انت مشتهيها جدا رائع انصحكم فيه
  • Review by Nora of Moment
    8 years ago
    هذا المتجر مختص ببيع الاكسسوارات الخاصة بالبراندز ومنها قوتشي، ايقنر، شيروتي، كينزو، الخ... وبرضو يبيعون كبكات للرجال الترتيب حق المحل جدا رهيب، لكن ما قد شريت منهم صراحة بس دايم احب ادخل اتفرج بس مدري ليه ماقد شريت يمكن لانه معروضاتهم ماتكون مرة حلوة بس الاذواق تختلف الاسعار هي نفسها في كل مكان بالنسبة للبراندز، الموظفين متعاونين ولطيفين، عندهم دفع كريدت او كاش
  • Review by Nora of Domino's Pizza
    8 years ago
    يم يمي على دومنيوزا بيتزا، من احسن مطاعم البيتزا عندنا العجينة لذيذة وهشة مرة والتوبنق جدا لذيذ جربت عندهم البيتزا واجنحة الدجاج وكانوا مرررة لذيذات والاحلى الصلصات اللي تجي معاهم دايما يسوون عروض رهيبة والتوصيل عندهم ممتاز واسعارهم مناسبة انصح فيه
  • Review by Nora of Yves Rocher
    8 years ago
    ايف روشيه يوفر مستحضرات تجميل وعناية بالجسم من مواد طبيعية وبأسعار مناسبة للجميع والحلو برضو ان الموظفين فاهمين هم وش قاعدين يبيعون برضو يوفرون منتجات خاصة باللي بشراتهم حساسه بصراحة ماقد جربتهم لكن اختي داااايم تروح لهم عشان هي بشرتها حساسه فمنتجاتهم الخاصة بالحساسية مرة حلت أزمتها واسعارهم مناسبة جدا
  • Review by Nora of Al Rabyiah Restaurant
    8 years ago
    المطعم هذا مرررة قديم من لما كنت صغيرة كانوا اهلي يجيبون منه وهو عبارة عن مطعم لبناني يقدم: الحمص (وهو أحلى حمص ذقته بحياتي) ، التبولة ،الفتوش، ورق العنب، المشاوي، الكبة، الخ بس بصراجة لذيذ واجمل الذكريات كان هو حاضر فيها الطعم لذيذ ، الاصالة في هذا المجال والشغل الجميل المضمون من سنين أسعاره رخيصة يستحق التجربة
  • Review by Nora of Water Lemon
    8 years ago
    الفطور عند واتلمون شي ثاني حنا بصراحة ماقد جربنا عندهم الا الفطور وياعيني ما اجمله من فطور الطعم جميل جدا، كنا طالبين فلافل طراطر (مدري وشلون تنكتب صراحة :$) لكنها مررررة لذذذذذذييذذذذذة ألذذذ شي ذقته بحياتي مع العلم اني ماحب الفلافل العادية بس هذي جدا جميلة مدري وشلون طعمها اسر بقوة برضو جربنا اشياء ثانية لكن كان هذا المميز بالطعم الرائع بالنسبةة للاسعار فهي مناسبة، الموظفين كانوا جميلين جدا في التعامل وخدمتهم جدا راقية، أما جلساتهم فكانت جميلة بكل ماتعنيه الكلمة من معنى، كانوا حاطينها زي الغرف مدري وشلون بس كانت مرة حلوة ومريحة أنصح بفطورهم جدا
  • Review by Nora of Al Maktaba
    8 years ago
    المكتبة هذي تابعة للدانوب ومررة جميلة فيها مجلات وأغراض القرطاسية، والحلو عندهم انه عندهم تغليفات هدايا من هارودز وبرضو كاردز مناسبات من هارودز المكتبة بالغالب هادية ما قد شفت عليها زحمة اسعارهم عادية جدا واتوقع تناسب الجميع عندهم بعد شحن سوا لطيفة المكتبة لو محتاج أغراض مدرسية او تغليف هدايا برضو عندهم شحن سوا او موبايلي
Next

Places I like

    Photos I added

    التنوع في المنتجات
    توافر منتجات بر لمرضى السكر وللذين في حمية
    نظرة أخرى للمحل