Salam Mahmoud

Salam Mahmoud

Amman . Since June 2012
42 Reviews
Benefited people
1
Added reviews
42

My reviews

  • Review by Salam of Dr. Suha Al Husseini
    8 years ago
    ازمة ومواعيد بتطولي بتستنيلك ابو 3 ساعات عشان تفوتي بسرعة وتطلعي ب7 دقايق..مافي خصوصية وجهازها مو واضح وقديم..وما بتعطيكي حقك..يادوب ازا بدك دوا بتكتبلك بدون ما تطلب تحاليل ..بنصحش حد فيها .
  • Review by Salam of Al Silsila For Family Counseling
    8 years ago
    المكان مريح ومرتب ..الصبية الي ع الرسيبشن حتى بتنفع تقدم استشارات ..فهمانة ولطيفة وكلها زوء وصوتها بحسسك انك وصلت للمكان الصح..المستشارات قديرات وعلى كفاءة عالية..بس استشارتهم غالية شوي ..بس المهم انك بتروح لو ما تغيرت 100% المهم انك فضفضت وسمعك حد وحطك ع الطريق الصحيح..لازم بس تستمروا وتتابعو وتسمعو منهم منيح عشان تستفيدوا..انا استفدت منهم كاستشارات ولساتني بتابع..بس مشكلة بسيطة انه مرات بتعتذر المستشارة عن الموعد وانت بامس الحاجة الها..لو انه ارخص شوي كان صرت رايحة اكتر من المرات اللي رحتها بس بصراحة بفكر كتير بالمصاري لاني هههه
  • Review by Salam of So Sweet
    8 years ago
    ممتاز كتير زاكي وكيكاتو فاخرة ومميزة طعمه وشكلو ..وعنده كوكيز وبوظة بس ما عمري جربتهم ..وصينا اكتر من مرة بمناسبات اعياد ميلاد..واسعاره منيحة وحجم القطع منيحة كمان كبيرة الى حد ما ..بس الموظف شوي كشر ..وعندهم خدمة التوصيل يعني لو حد انزنق بالضيافة وما عنده سيارة ما عندهم مشكلة بوصلو بسرعة ..بتمنالهم النجاح دايما لانهم ما بفرقو عن اشهر المحلات باشي زي روان كيك طعمه
  • Review by Salam of Ward Restaurant
    8 years ago
    المكان كتير حلو ومميز يعني القعدة حلوة ورايقة ..بس الفكرة انه الاكل عادي جدا لا التقديم ولا الطعم مميز عادي يعني ما حسيت انه زاكي ولا مش زاكي ..طلبنا مشاوي ومقبلات ..يعني في مطاعم عادية ازكى منه..في مكان لعب للصغار العابو قليلة ومو كتير امنة ..نضيف وخدمة جيدة ..يعني ما بيتهيألي ارجعلو مرة تانية ..
  • Review by Salam of Al Samah Socks
    8 years ago
    كتير حلو ووميزة بضاعته يعني جودة لا يعلى عليها بخصوص الجرابات الصيفي والشتوي والبديات اشي مرتب وسعره مناسب..كنت اجيب من الفروع الاصلية بالشام ..بس هو ن انضحك عليي مرة قلتلهم نفس سعر الشام حكولي اه يعني جوز جرابات نايلون من الشام بنص دينار هون ببيعوه ب85 قرش لو حكى كان الواحد انتبه مش يغشوه عشان يبيعو ..
  • Review by Salam of Wenice Kids Fashion
    8 years ago
    جيد جدا تشكيلة حلوة ومميزة وجودة بس غالي بكون قبل التنزيلات يعني اشي للصغار تريننج مثلا ب28 دينار بتحسي مبالغ فيه بس ع التنزيلات ممكن تجيبي اشي مرتب وحلو
  • Review by Salam of Islamic Design House
    8 years ago
    اول ما فتح المحل كنت اشوف موديلاته ع النت كانت حلوة بس ع الطبيعة بتحسيها مفصلة ومش شرعيه خاصة من عند الصدر بعدين صارت موديلاتهم احسن شوي ..وحلوة جد مميزة يعني بتلبسي القطعة بتحسي انك مرتااااااااحة ع الاخر ومش خايفة اشي مبين هو ن ولا هون .يعني بتحسي مفصله الك ..بس غالي شوي يعني بتكون رقيقة كتير القماشه بس غالية كتير.. الوانهم بتحل يعني بدها عناية خاصة ..غسيل بمي باردة وهيك ..اخر 3 مرات زرتهم ما في اشي ينلبس يعني ملفت ومعجق ومش حلو ..وبالاول والاخير غاااااااااالي
  • Review by Salam of Sajeda
    8 years ago
    غالي ع الفاضي.. مش كتير شرعي ..يعني الوان وتفاصيل ملفتة او ديقة او قصيرة مش هالجودة .. وحتى شالاتهم نفس البضاعة برا بتكون ارخص .. كأنو مفهومهم انه المحجبات شراشيح وكتير عليهم هيك بضاعة او انهم عجايز
  • Review by Salam of Chez Hilda
    8 years ago
    غالي ومش مميز ..اخدنا مرة من عندو طلع ناشف..مرة تانية طلع زاكي وفرش بس غالي يعني في ازكى منه بنص سعرو..ما بنصح حد فيه بصراحة يعني عادي مش مميز
  • Review by Salam of Dr. Maha Abu Lawi
    8 years ago
    ما شاء الله عن هاي الدكتورة بصراحة جربت قبلها تقريبا 5 دكتورات مشهورات بس هاي اللي ارتحتلها كتير يعني اول اشي بتخاف الله ، لطيفه جدا، بتطول بالها كتير كتير وبتعطيكي وقتك وزيادة ، عيادتها نضيفة وسكرتيرتها حبابة ، دايما بتسمي وبتذكر الله ، محترمة ، وبتمسح للزوج يفوت ازا بدو يشوف البيبي ، وبتشرح كل شي بالتفصيل ، جهازها واضح ومتعاونة ما بتستغل، وبصراحة الي سنين بتعامل معها ما في بعد هيك ، ازا بدك اشي بترد ع تلفونها الخاص او حتى ع تلفون العيادة بتعطيكي الي بدك ياه مش بتخليكي تروحي عندها عشان تستفسري عشان تاخد مصاري ..بالعكس ما شا الله عنها رائعة جدا وبتهتم بالحالة النفسية للمريضة يعني بتسأل وبتهتم بالشخص نفسو مو انه مجرد اسم ومريض لا انسان زي ما هي انسانه ممتازة ..الله يحميها
  • Review by Salam of Lezzet Istanbul
    8 years ago
    اليوم جربتو ..رحنا الصبح انا وصاحبتي .كان يادوب فاتح ..طلبنا اشي نسيت شو اسمه بالجبنة ..ماشي حالو بس شوي ناشف ..وصاحبتي طلبت ساندويش دجاج شاورما ..وعصير ليمون ..العصير كتير طيب وطبيعي ..الساندويشة شوي فيها طعم الشوي مبين قصدي كتير مبين ع مرار ..طلبنا بعدين هوت شوكلت وقهوة تركي..القهوة بالمرة مو زاكية..خدمتهم منيحة ونضيف الى حد ما مو مميز بس منيح كتجربة اولى ..ازا رجعت ما رح ارجع اطلب الاشياء اللي طلبت منها لاني موراضية 100% عنها ...اه صح الفاتورة كتير قليلة طلعت كأنا ما اكلنا ولا طلبنا اشي
  • Review by Salam of Chili House
    8 years ago
    خياري الاول دايما ..بحب التشكن فيليه ساندويش والدجاج المشوي ..كتير طيب وتشلي تشيز ودجز كتير طيب .. النجتس تاع الصغار ناشف والتندر حار دايما حتى لو وجبه اطفال بهمني انه مش مقاطع يعني مش امريكي.. والسلطة كتير طيبة ومميزة .. مشكلتو انه ما عنده اماكن لعب للصغار او فيه بس بدائية ومش امنة وكل فرع فيه طعم شكل يعني ازكى اشي عند الدوار التامن واتعس اشي تاع العقبة ..
  • Review by Salam of Maccheroni's
    8 years ago
    زاكي كتير .... نضيف ... سريع .. محترمين .. المكان مرتب .. سعرو مناسب... تنوع الوجبات لسمك زاكي الدجاج بالريحان زاكي الدجاج بالفطر والكريمة زاكي
  • Review by Salam of Dr. Ayman Obeid
    8 years ago
    دكتور رائع جدا ما شاالله عنه شاطر ومتعاون ومتواضع جدا رن عليه باي وقت برد وبعطيك اللي بدك ياه ع التلفون لطيف كتير مع الصغار..عيادته نضيفة الى حد ما بس سكرتيرته كشره ، بس هو ما عليه اي كلام صارلي 4 سنوات براجع عنده لاولادي باختصار انسان !! ومع انه بعيد كتير كتير كتير عن بيتي بس ما بفكر اغيره الا عشان مسألة البعد ..
  • Review by Salam of Bhs
    8 years ago
    موديلاتهم حلوة واسعارهم غالية شوي بس بتلاقي الاشي اللي بدك ياه خاصة بيجاماتهم وقمصان النوم حلوين ..والشنط كمان حلوين بس اواعي الصغار غالية ومش مميزة الا ازا كان في تنزيلات :)
  • Review by Salam of Catch & Catchy
    8 years ago
    ما حبيتو بالمرة ما عمري لقيت عنده اشي ..يعني اسعاره بالنسبة لبضاعته مبالغ فيها يعني ماشي مش غالي بس لانه بضاعته " زبالة " يعني الصمغ دايما طالع من كنادره اللي كأنها بلاستك @@ جودة انسو وتصنيع انسو بس اشكالهم مرات حلوة ...ما عمري رح ارجع افوتو لاني كل ما افوتو بطلع وانا مستغبية حالي كيف ضيعت وقت فيه
  • Review by Salam of Everest Hotel & Spa
    8 years ago
    المكان حلو كبناء ومدخل والقعدة ماشي حالها في فيو كوفي شوب بتزكر طلبنا تشوكلت موس طلع بخزي يعني ما قدرنا ندوقو مخشب وسيء للغاية واللي معي كمان طلباتهم سيئة..وفجأة شغلو موسيقى زي البروفة ازعاج بصوت عالي كتير كتير طلعنا مسموم بدنا وما رح نرجعلو مرة تانية
  • Review by Salam of 5 Senses
    8 years ago
    كنت احبه كتير خاصة فرع عبدون بس فرع مكة مول الخدمة بطيئة جدا واخر مرة طلبنا ستيك كان ماشي حالو بس طلبنا كمان سكالوب كان ناشف وقالين حبة من هدول الجاهزين تاعون سكالوب نبيل يعني مطعم معتبر زي هاد ليش ما يحضر لحاله الاكل ؟ كان فقسة لانه مو زاكي ابدا وناشف وغالي !! شكلو ما رح نرجعلو
  • Review by Salam of Ocean Sea Food
    8 years ago
    الصالة اللي بشارع الحرية كتير مرتبة ونضيفة والاكل طيب بس مرة وصينا برمضان وكان الاكل عادي جدا يعني اللي بنعملو بالبيت ازكى..+ انه غالي شوي ...
  • Review by Salam of Hot Restauranat
    8 years ago
    جربتو مرة ..طلبنا بروستد وفلافل ورز !! الرز ممتاز والفلافل مشهي ..البروستد ماشي حالو بس مشكلتو انه كان خالط الحار مع العادي يعني طلبنا عادي بس طلعلنا كم قطعة حارييييييييين جدا ..الصالة مو نضيفة والحمامات كتير وسخة ...بس القسم اللي تحت كتير مرتب والاكل منظرو بشهي
  • Review by Salam of Sadeen Fashion
    8 years ago
    السلام عليكم كنت اشتري من المحل قبل فترة بس مرة اشتريت منه كان تعامل الموظفة عند الحجابات سيء للغاية ومرة تانية اشتريت جلباب من عندهم وكان اخر قطعة وبدو توسيع رحت اخدو بعد ساعة ولا هو مو موسع ومو عاملين اشي رجعت بعد كمان ساعة يمكن لقيتهم موسعينو بطريقة بشعة ومو مرتب ابدا والزراير عوج وصارو يتخوتو انه عادي ومرتب قام رجع حاول يزبطو وتدايقت كتير ما رضو يرجعو ولا يزبطو ووقتها حلفت عمري ما بشتري منهم ع سوء الادب والتعامل والكزب ..وكان من يومها نفسي انشر الموضوع ع الفيس بوك بس منيح اللي لقيت هون في اشي زي هيك..شكرا الكم
  • Review by Salam of Daraghmeh Commercial Est
    8 years ago
    \ \ من جديد عرفتو ..ما كنت احبه اولها واستحي ازا فتو بس من جديد يعني من سنة صرت احسو كتير ممتاز يعني اواعي مرتبة ورخيصة..اواعي البيت للصغار حلوة صح مش جودة 100% بس اشي بسلك بما انه رخيص وللبيت ..وحتى ادوات البيت منيحة ..بنصحكم تختصرو وتوفروا وتشترو منه
  • Review by Salam of Sameh Mall
    8 years ago
    سامح مول نزال او راس العين ؟؟ انسوا! ريحة السمك والدجاج بتناجي الطيور + فوضى ما بتعرف وين مشيت وين ما مشيت..وفي اشياء برا ارخص بكتير منو...والكراجات انسو كمان ...
  • Review by Salam of Al Fareed Stores
    8 years ago
    ماشي حاله المحل لما ما تشوف محلات تانية بعجبك بس لما تقارنه بغيره بطلع نص نص يعني مش كل المنتجات والخيارات موجودة..بعرفش يزبط الكفتة وقصص اللحمة وهيك..عدا عن انه اسعاره اغلى من اماكن تانية يعني بنلاقي فرق في بعض المنتجات ارخص من هايبرماركات تانية ..بكل الاحوال بنصح الكل يجرب ويقارن الاسعار قبل ما يتعود ع سوق معين..وانسو تجميع النقاط اختي الها اكتر من 35 الف نقطة وما ربحو اشي لهلأ يعني الها سنين بتشتري منه بس صارت تعرف انه مش الخيار الاوحد وفي احسن منه بكتير
Next