Mohammad Kilani

Mohammad Kilani

Amman . Since March 2012
9 Reviews
Reviewed first
1
Added reviews
9
Added photos
1

My reviews

  • Review by Mohammad of Jadayel Hawa
    two years ago
    من السهرات الحلوة موسيقى الفرقة رايقة عالعود والجيتار والأرجيلة غيوم ومرطبان الليمون بنعنع عاصرين فيه ليمون بقلب ورب والنت بدون باسورد :) الشباب وصاحبة المحل ماشالله عليهم ما قصروا .. المشكلة الوحيدة أباريز الكهربا بدها تغيير
  • Review by Mohammad of Ward Restaurant
    6 years ago
    "قال لشخصين لازم تطلع فاتورتنا 30 دينار عالأقل حتى لو طلبنا أكل وكبيناه" هذا ما أعرب عنه مدير الصالة بعد ما طلبنا طلبات ب17 دينار (صحن كبة مقلية وصحن كبدة بدبس الرمان وكاستين عصير) قبل هالمرة رحت معزوم وكانت الخدمة بطيئة والجرسون باخد غفوة بين كل طلب وطلب بس للأمانة القعدة حلوة وما بنصح حدا يوصله
  • Review by Mohammad of VU'S Cafe
    6 years ago
    بميز هذا المكان الإطلالة المش موجودة في أي مكان ثاني في عمان بالنسبة للخدمة ممتازة والقعدة مرتبة ما بنصح حدا يوصله بالشتوية إلا إذا كان معه لحاف صوف دبل
  • Review by Mohammad of Hardee's
    7 years ago
    رحنا الساعة 2 ونص الفجر والمطعم طبعاً كان فاضي وكان ما يلي: النظافة: الجرسون شالح كندرته ومادد رجليه بالجرابات بنص الصالة عأساس منظر مطل الخدمة: طلبنا وجبة تندرز جابوها بدون بطاطا وبدون خبز وبدون صوص والوجبة التانية كانت بيج هاردي جابولنا البطاطا صغير مع إنه دافعين سعر الحجم الكبير والنهفة الأكبر جابو الوجبات تيك آوي مع إنه قاعدين بالصالة قال ما عنا طلبات بالصالة بعد نص الليل مع إنهم كاتبين عالباب إنه الدوام للخمسة الفجر والأخ شايفنا قاعدين قدام عينيه يعني باختصار با ريت الإدارة تنتبه لتصرفات الموظفين في الفترات المسائية خصوصاً في مطعم مكلف ملايين مش مستاهلة يخسر سمعته بسبب ضعف الرقابة
  • Review by Mohammad of Al Osra Restaurant
    7 years ago
    هذا المطعم انشهر من مبدأ خالف تعرف .. النظافة معدومة الخدمة سيئة الفلافل بارد والأسعار حسب مزاج الجرسون وما فيه مصفات ..الميزة الوحيدة اللي فيه إنه لا يقدم مشروبات كحولية
  • Review by Mohammad of Shisha Way
    7 years ago
    "أهلا وسهلا إنشالله كل شي تمام" ..بهاي الجملة بيطلعلك جرسون كل 10 دقايق علشان يحرجك ويخليك تطلب كمان،، بس بصراحة كل شي كان تمام بالسهرة خصوصاً إنه رحنا في يوم ما كان فيه أزمة.. جائزة أنهف جرسون كانت لواحد لسا ما قعدنا رح ناولنا المينيو وضله واقف وماسك القلم بستنى الطلبات ..طب إعطينا مجال نقرأ أو عالأقل ناخد نفس
  • Review by Mohammad of Tannoreen
    7 years ago
    من أجمل المطاعم في عمان ..الخدمة مميزة جداً والمقبلات متنوعة وأزكى من الأكل نفسه ولكن أزعجني تصرف فردي من الجرسون اللي نزلت إيده بصحن الحمص وعمل حاله مش شايف، ومع إنه بدل الصحن بس خلاني أقرف أكل المطاعم كلها واتذكر مقولة الحجة الله يخليلنا إياها "وين ما رحت ولفيت ما في زي قعدة في البيت"..
  • Review by Mohammad of Zaatar w Zeit
    8 years ago
    أولاً: سلطة الجرلد شيكن عبارة عن أعشاب ونباتات شكلهم لامينها من حوالين المطعم يعني في لحظة بتهيألك إنك خروف وإنت بتاكل فيها والجاج فيها ناشف ثانياً: ساندويشة السبايزي شيكن حاطين عليها خلطة الله أعلم شو هي يعني تركناها زي ما استلمناها وما أظن إنه في إنسان بالغ راشد عاقل ممكن يحبها ثالثاً: الموسيقى ما كانت ملائمة لجو القعدة يعني كانت بتزبط لنادي ليلي رابعاً: الجرسون اللي هناك كل ما يطل بوجهي بحكيلي صحتين وعافية يعني الاحترام عندهم بشكل مبالغ فيه لدرجة بتخليك تزهق من الاحترام خامساً: الأسعار بتخليك تحلف ما ترجع عليه مرة تانية يعني شغل تتصور جنب الفاتورة أما ما عدا ذلك فكل شي مرتب عندهم
  • Review by Mohammad of Lune Luce
    8 years ago
    امبارح رحت عليه أحضر المباراة ..اللي بيشتغلوا هناك شايفين حالهم ابتداءً من الvalet للجرسون وكان نفسي أشوف واحد منهم بيحكي وهو مبتسم وقبل هالمرة سهرت فيه برمضان أول ما تدخل بعبوا الطاولة ترمس وحمص وشغلات فاضية على حسابك وطلبنا طلبين طلعت الفاتورة 27 دينار لشخصين الميزة الوحيدة اللي فيه القعدة المطلة على دوار عبدون خصوصاً في الطابق الثاني
  • Review by Mohammad of Dr. Hashem Nasry Zedan Fakhoury
    8 years ago
    طبيب رائع متواضع ومهتم جداً بمرضاه والعيادة نظيفة ومجهزة بأحدث الأجهزة ولكن المشكلة باصطفاف السيارة في هذا الشارع المزدحم :(
Next

Photos I added

.. سهران يا ليل