Maram Nabulsi

Maram Nabulsi

Amman . Since March 2012
182 Reviews
Added places
60623
Benefited people
54
Added reviews
182
Added photos
8181
Liked places
58116

My reviews

  • Review by Maram of Beit Aziz Restaurant
    3 years ago
    لو انت من خارج السلط صعب كتير توصل للمكان بدون مساعدة الناس بالطريق حتى لو استخدمت خرائط جوجل. الموقع بحارات قديمة شوارع ضيقة وصعبة. الأكل ماشي حاله مش هالطعم المميز , طلبنا صاجية لحمة متلا اللحمة بتعلك مو مستوية تمام مش بزيادة يعني.طلبنا جاج بالليمون والتوم جابولنا شي تاني بالزعتر برضه منيح وسلطة عربية وحمص لذي1 مبين شغل محلي مو جاهز, بطاطا مقلية مافي في بدالها كرات البطاطا كويسة بس مالحة كتير. ولبين ما يجهز الاكل كنا طالبين شاي بنعنع وطلع الحساب 18 دينار. المكان بعده جديد وفاتح بشكل جزئي, بده شوية شغل بيتحسن نشالله.
  • Review by Maram of Chapatti
    3 years ago
    الشاورما تاعتهم جدا لذيذة ومشبعة زيادة كمان وسعرها منطقي.
  • Review by Maram of Jabri Central Complex
    3 years ago
    يوم الجمعة وصينا سدر منسف ورحنا نستلمه قبل الاذان. مالقيو سدر باسمنا! الطلب مسجل بين الطلبات بس السدر مش موجود. واذن المغرب واحنا بنستنى بالاخر عملولنا سدر جديد وهدا خلانا نفطر بعد نص ساعة من الاذان.
  • Review by Maram of Chaika Restaurant
    3 years ago
    اكتسح محلات الأسماك وطغى على غيره من المحلات بفترة زمنية قصيرة. سمعت عنه كتير وجربته قبل رمضان طلبنا سمك دينيس مقلي ووجبة سمك تندوري الي هي تخصصهم وصيايدية وسلطة خضرة وطحينية وعصير برتقال وطلع الحساب جدا منطقي وطبيعي. المشكلة الوحيدة هي الوقت لحتى يجهز الطلب. بس معروف السمك بياخد وقت لهيك روح قبل ما تكون كتير جوعان. او وصي قبل بوقت وبعدين جيب الطلب
  • Review by Maram of Al Qand
    3 years ago
    والله اندليت ع هالملحمة بالصدفة لانه مش بمنطقة سكني أو ع طريقي. بس فعلا انها ملحمة نضيفة ومرتبة وشغلهم مزبوط وسريعين وبعملو اللحمة ع طلب الزبون . عندهم كمان مشاوي وعرايس بس بحس مافي اقبال عليهم
  • Review by Maram of Hemo Labs
    3 years ago
    والله هو كتعامل موظفة المختبر فهو جدا لطيف وجيد ومتعاون. بس بالنسبة لنضافة المكان. الحمام صعب جدا تعطي فيه عينة. وشوي نظام المختبر قديم. المساعد المختبر انه ملاصق لطبيبة نسائية كل المراجعات الي بدهم تحاليل بتبعتهم لعند المختبر. يعني الصراحة في كتير أحسن منه وبنفس الشارع
  • Review by Maram of Dr. Furat Karshan
    3 years ago
    طبيب قمة في التعامل مع الأطفال . متفهم لخوف الأهل وبستوعب أسئلتهم واستفساراتهم. انسان في طبعه وعنده ضمير بشغله. اخر شي ممكن يلجأ اله الدواء.. ممكن تزوريه مرتين وتلات وابنك او بنتك عندهم رشح ويرفض يعطيك دوا مضاد حيوي. وهدا الشي جدا قليل بين الأطباء الي دايما بيوصفو المضادات الحيوية بسبب وبلا سبب. في مشكلة بالإصطفاف. والأزمة عند الدكتور لانه مافي نظام مواعيد, كله انتظار عالدور
  • Review by Maram of Palestine Furniture Showroom
    3 years ago
    فصلت من عندهم طقم كنبايات لغرفة الضيوف وكورنر لغرفة القعة قبل 5 سنين. والحمدالله شغلهم ممتاز وجيد ولهلا كإنه جديد . نوع الخشب والقماش والمصنعية جدا ممتازين. والأسعار كمان رخيصة تعتبر مقارنة بغيرها من المحلات.
  • Review by Maram of Al Tamayoz Kitchens
    3 years ago
    قمنا بتركيب مطبخين من عندهم واحد بلوط وواحد من مادة ال PVC ماشاء الله جودة ودقة وتعامل أكتر من رائع. المهندس الي كان مشرف على الموضوع السيد محمد صبحي جدا متعاون وباله طويل وبتحمل كل الاسئلة قد ما كانت صغيرة. وما بهمه الا الزبون يكون راضي . الحمدالله انه توفقنا بالتعامل معهم.
  • Review by Maram of Tasali W Hakawati Kids Entertainment Center
    3 years ago
    مركز جديد من نوعه في عمان! متخصص بالأنشطة اللامنهجية للأطفال من عمر 3 سنين وفوق بعيدا عن الشاشات والالعاب الالكترونية. كتير مفيد ومسلي. الصراحة انا جربت خدمة حفلات العيد ميلاد عندهم, وماشاء الله كان كل شي متل ما بدي واكتر. عملت عيد ميلاد بنتي السنة وكل الحضور كبار وصغار كانو مبسوطين. كان في مسابقات للكبار وجوائز واغاني والعاب حلوة للأطفال وتنظيم القاعة من حيث الديكور والزينة والطاولة. انا بس كان علي أجيب الضيافة وبس. بتشكرهم من قلبي ع هيك يوم مميز وبتمنالهم التوفيق
  • Review by Maram of Dr. Ala'a Al Zoubi Dental Clinic
    3 years ago
    دكتورة شاطرة ولطيفة وبتسحب العصب بخفة. بنصح فيها
  • Review by Maram of McDonald's
    3 years ago
    حضرت فيه من فترة عيد ميلاد لطفلة كان منيح. بس عندي ملاحظة جداً مهمة للأمهات الي معهم اطفال بستخدمو بامبرز. اضطريت اغير لبنتي ودخلت عالحمام وكان الوضع جدا جدا سيء الحمام وسخ بطريقة مقرفة. مافي مكان لا طاولة ولا شي اغير احط عليه البيبي للغيار للاسف. مكان متخصص للاطفال والعائلات عالمي وكبير لازم يتوفر فيه شي. عالقليلة تكون الارض نضيفة اقدر افرش باد الغيار.
  • Review by Maram of Two Jars
    3 years ago
    نضيف وزاكي وخفيف والخبز فريش واسعاره طبيعية وبنافس المطاعم الكبيرة
  • Review by Maram of Lama Al Masri Beauty Salon
    4 years ago
    خبيرة التجميل لما المصري والغنية عن التعريف أخيرا فتحت صالون خاص فيها. جربت عندهم الحواجب والسشوار وكان ماشاء الله شغل مرتب والتعامل مع الموظفات جدا مريح. الصالون واسع وديكوره بيفتح النفس. عندهم كل خدمات الصالونات من شعر وميك اب وواكس وبديكير ومنيكير وتنضيف بشرة. غرفة خاصة للميكاب وغرفة غيار. وعندهم خدمة تأجير فساتين المناسبات. بتمنالها التوفيق وبنصحكم تجربوها قد ما هي لطيقة اولا ومحترفة ثانيا.
  • Review by Maram of LC Waikiki
    4 years ago
    محل ملابس تركية لجميع افراد العيلة. تشكيلة متنوعة للاطفال والسيدات والرجال والخامة ممتازة والقطن بضل كويس حتى مع كتر الغسيل. الاسعار حلوة ومناسبة ووقت السيل بتكون جد رخيصة.
  • Review by Maram of Compute
    4 years ago
    Compute is one of the best places that sells electronics from different brands. Compute is the authorized distributor of Samsung IT, Lenovo, Philips, Trendnet and Microsoft hardware. I recommend compute if you want to bug a good machine by a very good price.
  • Review by Maram of Uni Books
    4 years ago
    الفكرة بحد ذاتها جميلة ومبادرة بيع الكتب والراوايات وتوصيلها لطلاب الجامعات الأردنية بدون رسوم توصيل فعلاّ جميلة. تعاملت معهم من قبل جبت رواية حديث الجنود ودفتر تلوين للراحة النفسية. ورح ارجع اتعامل معهم مرة تانية, بس عندي ملاحظة عليهم. الكتب الي ببيعوها هي مش نسخ أصلية وهالشي واضح من الكوفر لانه كتير خفيف وبنطعج ومبين من الطباعة انه مو الأصلي و دفتر التلوين في رسومات مقصوصة من الأطراف. طيب ليش بتبيعوها بسعر الكتب الأصلية واغلى؟ الرواية سعرها من 5-7 دنانير وعندهم ببيعوها ب 7.5 . انا بنفس اليوم وبالصدفة سألت عن سعرها من مكتبة تانية وهيك كان. وهي مكتبة معروفة بعمان. ياريت ترخصو الأسعار شوي لحتى توصل فكرتكم من المبادرة.
  • Review by Maram of The Baby Shop
    4 years ago
    متخصص بمستلزمات الاطفال وحديثي الولادة. اواعي وعربايات. اسعاره جدا مناسبة والبياع مابغشك ابداً بنوع البضاعة. بقلك الكويس والمو كويس وفعلاً بعد التجربة متل ماحكى. بحب ارجعله واجيب مستلزمات بنتي من عنده وبيعمل تنزيلات حقيقية. الهم صفحة فيسبوك وممكن تتراسل معه عن طريق الواتساب
  • Review by Maram of Almond Coffee House
    4 years ago
    كوفي هاوس جديد بالبلد ع مبدا ستار بكس. بقدم مشروبات بكل انواعها مع الحلويات والساندويشات. لطفاء جداً بالتعامل مع الناس. عنده bagels كتير زاكي وفريش. مكان هادي ونضيف وبصلح للدراسة والقعدات الرايقة
  • Review by Maram of Dr. Ihsan Al Jundi
    4 years ago
    دكتور صدرية متخصص بصدرية الاطفال وهو تخصص مش منتشر بعمان. بنعدو عالاصابع. متمرس بتشخيص الحالات وبيعطي كل حالة وقتها. بشرح للاهل عن المرض وعلاجه والوقاية بكل طولة بال ولطافة. المشكلة الوحيدة هي جلافة السكرتيرة
  • Review by Maram of Uncle Mo
    4 years ago
    كلنا انفلمنا بالتجارب الأولى للمطاعم. أسوأ وجبة شاورما باكلها بحياتي. اضطرينا نجربه لانه تقريبا الجبيهة مافيها مطاعم شاورما عليها العين بغض النظر عن الأسماء الكبيرة لانه برضه مش بزيادة! المهم وجبة الشاورما من انكل مو حجمها كويس كبير وسعره رخيص بس للأسف مافي طعم للشاورما كإنك بتاكل قطع جاج مجمدة ومقطعة شرائح ومسخنة بس حتى ملح مافي. وبطلعلك جوا قطعة الشاورما مفاجات متل قشر الليمون وحبات الهال! قال يعني مشان الزفرة. هاي كانو حاطينها عالجاج قبل ما يرفعوه عالسيخ بس نسيو يشيلوها. البطاطا مقلية اكتر من مرة او مسخنة ومالحة كتير لدرجة وفي بعلبة البطاطا بواقي الطبقة المقرمشة الي عالجاج البروستيد. مش عارفة كيف وصلت! يمكن بقلوهم بنفس المقلى وما بنضفو الزيت!! معلم الشاورما كتييييييير بطيء لأبعد حد وياريت ع شي كويس بتستنى! صراحة مابنصحكم تجربوه ابدا لو حتى مضطرين. انكل مو وباب اليمن ومخابزة اليمن كلهم تابعين لنفس الشركة. بس للاسف ما حدا فيهم كويس الا باب اليمن. لو يسكرو باقي المحلات ويكتفو بطبخ الارز جدا أحسن.
  • Review by Maram of Green Meadows
    4 years ago
    الوكيل العام للمؤسسة العربية السورية
  • Review by Maram of Romance Restaurant
    4 years ago
    جربت من عنده الشاورما الإيطالي والشاورما العربي وجبة سوبر. صراحة نظيف ولذيذ الكمية محرزة ومشبعة والأسعار جدا منطقية. عجبني بالمحل انه مرة اخد مخالفة من التموين وكان فيها حاسس بالظلم وعلق المخالفة بالمحل! صراحة روح رياضية وصداقية عالية. مو متل كتير مطاعم بوهموك انها نضيفة وتمام التمام ومطابخها كتير سيئة. عجبني واعتمدته ورح أضل اطلب من عنده
  • Review by Maram of Dr. Tamer Al Masri
    4 years ago
    دكتور فهمان واسلوبه جدا مقنع ومتعاون مع الحالة
  • Review by Maram of Super Kids Nursery
    4 years ago
    حطيت بنتي بهالحضانة من عمر 4 أشهر والحمدالله كنت كتير موفقة بالإختيار من جميع النواحي: تعامل المربيات والمديرة قمة بالاخلاق بتحسي بجو اسري ومريح. المديرة السيدة عروبة سيدة قديرة وفهمانة وبنفس الوقت حنونة متل كإنها جدة للأطفال وهدا بتلمسه من اول ما تشوف الاطفال ملهوفين عليها وبحبوها, الأطفال مابيعرفو يكزبو, خلّي اول انطباع بتاخده عن الحضانة مبني على نظرات الطفال وحركاتهم مع الادارة والمربيات هاي نقطة مهمة فعلا. من حيث النضافة كل طفل اله معداته الخاصة من بشكير وفراش وفرشة غيار وحتى الصابون, وعندهم الزامي تشطيف البيبي على المغسلة بعد كل غيار حفاضات. من حيث التعليم والنشاطات, في غرفة صفية للأطفال فوق السنتين ونشاطات تعليمية متنوعة ومسلية ومبتكرة باللغتين العربي والانجليزي. في غرفة نوم للاطفال الرضع ممنوع يفوتها الاطفال الي بسن اكبر وكل بيبي اله سريره. وغرفة تانية لنوم الاطفال الباقيين. ساحة لعب داخلية كتير كبيرة ومبهجة ومليانة العاب, وساحة لعب لطيفة خارجية. بهتموا بغذاء الاطفال وبحطو الام بالصورة شو اكل وشو ما اكل وليش وكيف ممكن تنحل المشكلة. من حيث الاهتمام بصحة الأطفال, ممنوع احضار اي طفل عنده اعراض رشح وحرارة على الحضانة حرصاً على صحة الطفال الباقيين وهاي نقطة ممتازة. اكيد الحضانة مراقبة بالكاميرات وباي وقت بدك بتطلب تشوف ابنك شو كان يعمل. وعندهم حساب على السناب تشات شغال تقريبا طول فترة دوام الحضانة فهاي بتعطي شعور للأهل شوي بالارتياح وانهم قريبين من اولادهم. في الهم جروب عالواتساب والامهات اغلبهم عارفين بعض عن جد كإنه عيلة صغيرة. المربيات موبايلاتهم بتضل بالادارة طول وقت الدوام ما عدا ساعة البيرك الي هو الوقت الي اغلب الاطفال بكونو فيه نايمين. الاسعار معتدلة ومتل اسعار كل الحضانات الي بهالمستوى يعني ممكن ناس تشوفها مرتفعة متل ما انا حسيت اول شي, بس فعليا مناسبة كتير وبتستاهل. انا كتير مرتاحة ومتطمنة ع بنتي بهيك جو ومع هيك ناس.
Next

Places I like

Photos I added

The map