Essa Abu Karaki

Essa Abu Karaki

Amman . Since February 2012
20 Reviews
Added places
3
Benefited people
11
Added reviews
20
Added photos
32
Liked places
3

My reviews

  • Review by Essa of Kofta W 3aroosa
    5 years ago
    من خلال صفحة المطعم على الفيسبوك قررنا التجربة , من إسم المحل نجد أنه متخصص بالكفتة و العرايس , الكفتة عنده وجبتين بالبندورة و الثانية بالطحينية تقريبا 200 جم كفتة مع بطاطا و رغيفين خبز و مخلل و علبة صغيرة تحتوي على خيار و جزر و بندورة و علبة صلصة صغيرة سعر وجبة الكفتة 3,45 دينار , العرايس عنده وجبات مع بطاطا و مخلل و صحن خضروات او ساندويشة عروسه فقط و سعرها دينار و الوجبات تتراوح من دينارين ل 3,15 ل 3,45 , المكان صعب انك تصف السيارة ع باب المطعم بس بستاهل انك تمشي شوي , القعده و هذه لي عليها تحفظ انه المكان ضيق نوعا ما و الكراسي و الطاولة نظامها مش مريح شوي خاصة انه بدك تاكل كفتة يعني لازم تكون أحسن من هيك بس يمكن لانه المساحة ضيقة فكانت المقاعد و الطاولة بهذا الشكل , الطلب بكون جاهز خلال مدة 15 - 25 د , الطعم جيد للكفتة و العروسه و حسيت انه الطحينية أزكى من البندورة , طلبنا وجبتين كفتة و 2 عروسة ساندويشة و لبن و بيبسي وكانت الفاتورة بحدود 9,6 دينار لشخصين و كانت الكمية مناسبة جدا .
  • Review by Essa of Dr. Sufian Haddadin
    6 years ago
    بما انه عندي عقدة من دكاترة الاسنان فهّذه كانت أول تجربة لدكتور أسنان بعد 21 سنة , اخذت موعد من الدكتور و بقدر احكي انه الدكتور كسر هالعقدة الموجودة بإستقباله الرائع و تعامله و دقة عمله , لم أشعر بالالم المعروف عن الابرة , ايده خفيفة لابعد الحدود و انسان راقي و عيادة نظيفة . شكرا دكتور سفيان :)
  • Review by Essa of Abdeen Cafe
    6 years ago
    تجربة كانت عادية بشكل عام , اتصلت مع الكافيه الساعه 1:30 بالليل عشان أسأله اذا مسموح للشباب بالوقت هذا او لا لانه هيك سياستهم ( للعائلات سياسة بكرهها ) حكى اه فيك تتفضل , المكان قعدته حلوة و الكراسي مريحة مع انه الطاولة ما كانت نظيفة 100% , طلبنا قلاية بندورة و سلطة لما سألته عن كمية صحن القلاية حكى بتكفي 3 أشخاص اذا معها أشياء ثانية D: ما بتكفي شخص لحاله مش 3 المهم القلاية عادية مش زي ما توقعت 4/10 و الخبز ناشف 1/10 بصراحة يعني لانه الساعه 2 بالليل ينزل خبز ناشف مع الأكل !!! السلطة كانت جيدة بس كمية الجبنة قليلة 7/10 طلبنا بعدها شاي و أراجيل , الاراجيل جيدة و خدمة الفحم جيدة الشاي زي أي مكان شاي , السعر زي أي كافيه 23 دينار قلاية بندورة + سلطة + ارجيلة + 2 شاي + 2 ميه صغير , ما راح اندم اذا ما كررت التجربة لانه هناك أماكن أحلى و بتقدم أكل أزكى و ما بتمنع زبائنها بسبب ( الكافيه عائلي ) و اذا ما في عائلات بالمحل اه تعال تفضل !!
  • Review by Essa of Chapatti
    6 years ago
    هذه نصيحتي الثانية على تشاباتي , بشكل عام هي ملاحظات على فرع الجبيهة خاصة في رمضان , حجزت طاولة لشخصين و قبل موعد الافطار بساعتين قمت بالاتصال و حددت الاكل المطلوب و الشوربة ( حكى بتنزل ضيافة ) , طلبنا لحم ناشف + لحم كاراي + 2 رز ماسلا + 2 شوربة عدس + خيار بلبن + سمبوسة لحم و جبنة و حكيتله بدنا الأكل بعد صلاة المغرب يعني ع الساعه 8:15 بكون تمام , وصلنا المطعم و لقينا طاولة محجوزة و طبعا ازعاج و صوت التلفزيون و تعليق على المباراة و أطفال !! انتظرنا و طال الانتظار و لم نحصل حتى على ماء علما انه أفطرنا في المسجد , ناديت العامل و حكيتله صارلنا ربع ساعه على الاقل صحن شوربة ينزل مش منطق !! وما هي الا دقائق و المكان تعبى دخاان و هذا أمر مزعج جدا , نزلت للمسؤول و حكيتله شوفلنا طاولة بره كيف بدي افطر على رائحة الدخان يعني و يا ريت تستعجل بالاكل !! قمنا بتغيير الطاولة و قعدنا بره و الجو كان حلو و بعد انتظار طويل وصل الاكل طبعا بدون شوربة و صحن رز واحد ! رجعت طلبت منه شوربة اللي المفروض تكون أول طلب ينزل على الطاولة , طبعا لا تعليق على الاكل لانه طيب و المذاق رائع كالعادة , ملاحظاتي انه الفرع هذا في رمضان بكون معجووق و بحس انه الوقت لا يسعفه في خدمة الزبائن و هذا شئ مؤسف لن أكرر زيارة المطعم في رمضان نهائيا الا اذا كان فرع الصويفية الذي يقدم خدمة رائعه في رمضان .
  • Review by Essa of Chocoholic Cafe
    6 years ago
    من منا لا يحب الشوكلاته :) فكان للأسم حافز لنا أن نقوم بتجربته قمت بالإتصال لحجز طاولة ل 3 أشخاص , لم أعاني بإيجاد موقف للسيارة مع اني كنت متوقع عكس هيك لانه الشوارع في اللويبدة ضيقة , دخلنا الكافيه و كان الاستقبال جيد و سألته عن الحجز و جلسنا و كانت في القعده الخارجية جاب 3 ماء + المنيو و بعدها سألنا اذا مرتاحين بالطاولة لانه في طاولة ثانية فاضية اذا حابين تغيروا :) طلبنا أرجيلة ليمون و نعنع و أرجيلة تفاحتين و 3 ساندي شوكوليت , الاراجيل وصلوا بسرعه بس الشوكوليت تأخروا شوي بس مع الاجواء الحلوة و الهادئة و الغير مصطنعه كان التأخير عادي بالنسبة لنا , وصل الساندي شوكوليت و كان Hug Mug طعمه رائع تقييمي للساندي 8\10 , خدمة الارجيلة و الفحم ممتازة و بدون ما تطلب الفحم تقييمي للأرجيلة 8\10 , بعدها طلبنا كريب موز و شوكولاته الطعم جيد ممكن أقيم الكريب 6\10 لانه هناك محلات تقدمه بشكل و طعم أكثر إحترافية مثل Haagen Dazs , عموما هذا لا يعني أنها ليست جيدة ولكن كمحل يحمل إسم مدمن \ مهووس شوكلاته يجب أن يتميز عن الجميع بأي شئ فيه شوكلاته حتى يستحق الإسم عن جدارة , تجربة رائعه و أكيد راح تتكرر بالتوفيق ل Chocoholic و القائمين عليه :)
  • Review by Essa of Calories Healthy Food
    6 years ago
    عرفت المطعم عن طريق إعلانه على موقع جيران و في نفس اليوم قررت تجربته على الغداء , استقبلنا الموظف بشكل رائع و أحضر لنا المنيو و صار يشرحلنا طريقة الطبخ المستخدمة ( Steamed , Grilled ) و المكونات للأطباق ( صدر الدجاج فقط و الخبز الأسمر و الأرز البني .. الخ ) بعدها اقترح علينا تجربة Chicken Breast with herbs و Mediterranean Chicken Breast و طلبنا رز بني بالخضار , حكى الطلب بده 15-20 دقيقة بكون جاهز و خلال أقل من هيك وصل الأكل و بدأت أتذوق الطعم كالعادة لانه أول تجربة للمطعم , الإختيارات كانت موفقة للطبقين و الكمية ممتازة قطعتين من صدر الدجاج لكل طبق و طريقة التقديم جيدة جدا و الخضار كميتها ممتازة و الرز لمن يقوم بتجربته لأول مرة راح يستغرب الطعم شوي ولكنه جيد وكميته لشخص واحد كافية جدا , الطعم رائع للطبقين و كان طبق الاعشاب أزكى بالنسبة لي , بشكل عام تجربة ممتازة و أكيد راح أكررها دائما .
  • Review by Essa of Haagen Dazs
    6 years ago
    المكان رائع و هادئ و الموظفين تعاملهم ممتاز و المنيو فيها تنوع و توحي أنه اي شئ راح تطلبه راح يكون زاااااكي و هذا ما حصل فعلا , طلبت كريب الكراميل و الموز banana caramel crepes و الطلب الثاني كريب الشوكلاتة , الطعم كان خيال و لذيذ وكل مرة بأكل منها و كأني أول مرة بجربها و بستمتع بتذوقها , لدرجة اني كنت حاب أطلب مرة 2 :) السعر يمكن البعض يشوفه غالي و البعض مقبول ولكن مقابل الطعم الرائع فالسعر جيد , حسابنا تقريبا 11.6 دينار , أنصح بتجرته و بشكل متكرر كمااان :)
  • Review by Essa of Tche Tche
    6 years ago
    تشيه تشيه وما أدراك ما تشيه تشيه خاصة فرع مكة مول ! أتردد عليه كثيرا و على باقي الفروع , زرته يومين متتالين أيامها كان الدوري الأسباني شغال اليوم الاول كانت تعرض فيه مباراة لبرشلونة وكالعادة أراجيل و قهوة و عصائر و شاي و الخدمة كانت جيدة و الاراجيل جيدة كمان و الحساب كأي كافيه سياحي , اليوم الثاني كانت تعرض مباراة لريال مدريد و كان عددنا أكثر من اليوم الأول طلبنا أراجيل و مشروبات ساخنه و بارده و الخدمه كانت جيدة بإستثناء لما طلبت الحساب لأتفاجئ انه هناك مبلغ لا يقل عن 10 دنانير غير شاملة الضريبة زيادة على الفتاورة لما استفسرت عنها حكالي هي cover charge ع الشخص دينارين عشان المباراة !! حكيتله امبارح كنت هون وما كان في cover charge حكالي ما بعرف هيك اليوم سألته من باب المزح ولا امبارح عشان برشلونة ما في cover charge واليوم الريال في cover charge !! بعد نقاش طويل حكيتله نادي supervisor أتفاهم معه , اجى supervisor و حكالي لازم تدفعهم حكيتله مش راح أدفع لانه cover charge بتعملوا لواحد جاي يطلب كاسة شاي و يظل يشرب فيها ساعتين احنا طلباتنا وصلت أكثر من 60 دينار و بعدين امبارح ما كان فيه cover charge وانا مش دافع لانه هذا استغلال والمفروض تحكيلي من أول و انا بحدد أقعد عندكم او لا مش لما أطلب الحساب و في الاخير ما دفعت cover charge و طلعنا , بشكل عام أجواءه جيدة و لكن وقت ما يكون ناس كثير بكون المحل مخنوق من دخان الاراجيل و الخدمة بتكون أبطئ شوي , الموقف اللي صار ما راح يمنع أني أزوره مرة 2 .
  • Review by Essa of Anas Chicken
    6 years ago
    اللي بشوف الناس اللي عند المحل بتوقع أنه يقدم أفضل شاورما في الوطن العربي مش بس في عمان !!! قمت بتجربة المطعم مرتين لعل التجربة الثانية تشفع للتجربة الأولى و أجد سبب مقنع لإزدحام الناس , ليس سيئ ولكن لم أتوقع أن يكون عادي بعد ما شفت الناس بصراحه , هناك الكثير من المطاعم تقدم شاورما سواء لحم او دجاج أفضل منه بكثير , لن أكرر التجربة و في الأخير الناس أذواق :)
  • Review by Essa of Wadi Al Rimam For Hybrid Cars Services
    7 years ago
    بناءا على اكثر من زيارة لمحلات متخصصه بالهايبرد يمكنني القول ان وادي الرمم يعتبر من افضل المحلات المتخصصه في هذا المجال , ظهرت عندي اشارة ال check engine الاول كان بده يدفعني 120 دينار لقطعه اصلا مش خربانه !! والثاني قال بتكلف 85 دينار و بدها يوم كامل شغل ,وبعد قراءة تعليق الاخ مؤيد السعدي قررت زيارة وادي الرمم وفعلا تعليقه في محله فحصها المهندس محمد منير وقال بسيطة هذا ال coolant عندك فيه مشكلة المهم اشتغلها و اختفت المشكلة بالنسبة للسعر المعلم سامي ما بقصر بالاسعار ورجل محترم وبفهم وبراعي الزبون , وظهرت مشكلة ال tire pressure sensor وحكالي ان شاء الله ما بدهم تغيير بس خلينا نتأكد واحتمال انه بس اعادة برمجة و فعلا طلع كلامه صحيح 100% في حين غيره حكالي بدك تركب sensor عدد 2 وبتكلفة 70 دينار للواحد !! واشتغلهم محمد منير وبرمجهم من جديد بأقل من 15 دينار :) يوم السبت بتكون أزمة عندهم ويا دوب يكونوا فاضيين . أنصح بهم والله يعطيهم العافية الشباب اللي هناك :) شكرا للاخ مؤيد السعدي .
  • Review by Essa of La Siesta Restaurant & Cafe
    7 years ago
    تجربة رائعه , المكان رائع و الديكور حلو , القعدة مريحة , الجو العام هادئ يمكن لانه زيارتي كانت وقت الغداء , قائمة الطعام فيها تنوع جربنا البيتزا و كانت نوعا ما زاكية و لازاينا زاكية :) و Warm chocolate fondant كمان زاكية بشكل عام الأكل ممتاز و الموظفين متواجدين بصورة دائمة ومتابعين للزبائن لدرجة انك بتتمنى انهم مش موجودين D: ملاحظة بسيطة وهي انه المحل ما بقبل فيزا !! غريب محل زي هيك ما بقبل فيزا طيب افرض اني مش حامل كاش !! الاسعار من متوسطة الى غالية شوي , يعني حساب شخصين بيتزا و لازانيا و أرجيلة و شاي و بيبسي و صحن بطاطا و Warm chocolate fondant تقريبا 35 دينار , تجربة رائعه و أكيد راح ارجع ل La Siesta :)
  • Review by Essa of Shai W Na3na3
    7 years ago
    المحل موقعه رائعه الديكور رائع و هادئ الشباب رائعين جدا سواء بإستقبالهم لك او بوداعهم وانت طالع من المحل دائموا الابتسامة :) , القعدة مريحة من ناحية الكراسي و الطاولة , الطلبات ما بتتأخر بالنسبة للمشروبات و الارجيلة , الاجواء حلوة جربتها بالليل و الموسيقى دائما أجنبية , الاسعار و ما أدراك ما الاسعار عندي تحفظ على الاسعار و خاصة المية الحجم الصغير يعني لما تكون سعر التكلفة عليك ب 11 - 15 قرش كأقصى حد مش منطق تحسبها علي ب 95 قرش غير شاملة كمان !!! يعني بتطلع المية حجم صغير بدينار و شوي تقريبا , 10 أضعاف هامش الربح !!! فنجانين قهوة تركي دبل + ارجيلة + ماء حجم صغير 14 دينار تقريبا , المحل إجمالا قعدته حلوة و معاملته للزبون رائعه بس موضوع سعر المية إستفزني .
  • Review by Essa of Al Nauimi Butchery and Restaurant
    7 years ago
    اليوم تغديت عند النعيمي , طلبنا كيلو مشكل مع مقبلات بإمكانك اختيار اللحمة سواء من التي تم تقطيعها او انك تطلب منه يقطع شئ جديد ما عندهم مشكلة , استغرق تقريبا 20 دقيقة لحتى وصل الأكل , المطعم نظيف يتكون من طابقين , الاكل جيد جدا و اللحمة بلدي :) السعر ممتاز تقريبا كان حسابنا 19 دينار و عنده طلبات خارجية مثل القدرة و المنسف و صواني ... الخ بشكل عام المطعم جيد .
  • Review by Essa of BCI Mobiles Division Samsung
    7 years ago
    تجربتي معهم كانت أكثر من رائعه , اشتريت جهاز S2 طبعا مش من عندهم وكانت كفالته BCI المهم الجهاز كان فيه مشاكل منها الصوت و الجهاز بحمى و غير مشكلة تشغيل الفيديو ... الخ يعني حسيت الجهاز كان جهاز تجارب D: المهم بعد 3 أيام زرت الصيانة و اعطيتهم الجهاز و حكوا راح نحاول نصلحه !!! حكيت الهم كيف يعني تحاولوا الجهاز ما صارلوا 3 أيام شو ذنبي ينفتح الجهاز من أولها !!! المهم تركتهم و بعد يومين اتصلوا و راجعتهم و حكتلي الموظفة و اللي كانت راقية بالتعامل انه سياستهم اذا الجهاز ما صارله اسبوع مع العميل راح نستبدله بواحد جديد :))) و فعلا استبدلت الجهاز بواحد جديد خالي من المشاكل و هاي تجربتي معهم بإختصار .
  • Review by Essa of Henna Restaurant
    7 years ago
    زرنا المطعم بعد ما شفنا اعلانات للمطعم و قرأنا آراء الجيران , التجربة كانت عادية طلبنا شاورما و مناقيش , الشاورما ما فيها شئ مميز بصراحة , المناقيش زاكية نوعا ما و حجمها جيد , المطعم كان فاضي لما دخلنا و النقطة السيئة اللي ما عجبتني أني لما قعدت ع الطاولة كانت وسخة و انا مسحتها , و كمان الفاين و الكاتشب وصلت للكاشير حتى اجيبهم !!! عجبتني أمانة موظف الكاشير لانه بعد ما خلصنا اكل تقريبا رجع النا مصاري بحكيله ليش ؟ حكالي عندنا عرض فالمناقيش بتطلع بدون مصاري , احترمته جدا لانه لو ما حكالي انا مش عارف أصلا بالعرض .
  • Review by Essa of Mr Frogman Dive Center
    7 years ago
    قمت بالاتصال بالكابتن منصور الشمايلة و كان رائع في رده و اجاباته عن استفساراتنا , حجزنا موعد أولي و رحنا ع النادي و قام شخص رائع اسمه محمود المصري بإعطائنا تعليمات لكيفية التنفس و الاشارات المتداولة تحت الماء و من ثم توجهنا للشاطئ و قام الكابتن منصور بنصحنا بتأجيل الغطس نظرا للظروف الجوية و انعدام الرؤيا أسفل الماء , و في اليوم التالي غطسنا و كانت تجربة رائعه نزل معنا 3 غطاسين مؤهلين و قاموا بإصحابنا بجولة مدتها تراوح من 30 - 45 دقيقة , تحت الماء عالم آخر بتنسى كل شئ على اليابسة :) , بإختصار راح أعيد التجربة مرة و مرتين و 3 و 4 , سعر الجولة 35 دينار مدتها تقريبا ساعه و نص من ضمنها النقل ذهابا و إيابا من النادي للشاطئ و التصوير مجانا بعكس نادي الغوص الملكي اللي طلب منا 25 دينار على الكاميرا !!!! كابتن منصور الله يعطيك العافية
  • Review by Essa of Chilis
    8 years ago
    تجربة حلوة :) وصلنا و خدمة الفاليه متوفرة , دخلنا المطعم و استقبلنا نادل اسمه محمد ( أبو عمر ) شخص رائع :) طلبنا Ice Tea لحد ما نفكر بالأكل , وبعد تفكير طلبنا Steak and Shrimp لشخصين و طلبنا Boneless Buffalo Wings هاااي لحالها حكاااية طعم لا يقاوم :) و طلبنا Bottomless Tostada Chips مرتين D: , المهم بعد ما خلصنا ال Chips و نسفنا Buffalo Wings و شربنا ال Ice Tea وصل الستيك , وبصراحة شكل الصحن لا يقاوم نهائيا , قطعة ستيك 340 غم + بروكلي مطبوخ بالبخار + mashed potatoes + جزر + shrimp + قطعة خبز زاااكية :) الأكل إجمالا زاكي و إستمتعت وأنا بأكل لانه الأكل عندي طقوس , المكان والديكور رائع , مع اني مش مدخن بس قعدنا في قسم التدخين ومع ذلك ما حسيت انه متضايق من الدخان , ال Ice Tea ما عجبني كثير :( النادل أبو عمر زوووق و رائع جدا و تم تقييمه على السايت :)) الفاتورة لشخصين 55 دينار , ممكن انك تحصل على خصم 10% للزيارات القادمة بعد ما تعبي بيانات التقييم على السايت , بنصح بزيارته و أكيد راح أرجع أزوره أنا كمان :)
  • Review by Essa of Café Hanin
    8 years ago
    القعدة و المكان ممتازين و الاطلالة رائعه , الكافيه حسيته مميز عن الباقيين , يعني المنيو غريبة و مميزة و الديكورات و صور المطربين القدام على الصحون ومعلقة ع الحيط و الادوات المستخدمة لتقديم بعض الطلبات و صور عرس قديم و ناس كبار بالعمر و صور قديمة لمأدبا ... الخ يعني فعلا الكافيه بعطي شعور بالحنين لشئ :) , الاستقبال كان رائع و الطلبات لم تتأخر , الارجيلة ممتازة , المشروبات زاكية , السعر ( أرجيلة عدد 2 + طلبين مشروبات ) كانت الفاتورة بحدود 20 دينار , الإنترنت متوفر , المكان ملئ بالناس و الجو العام للكافيه حلوووو .
  • Review by Essa of Ajeenitna
    8 years ago
    من زبائن المطعم :) , الأكل عندهم رائع و مميز و متنوع خاصة الروست بيف و التيركي و الدجاج مع شيدر و الستيك خاصة مع الخضروات و جبنة القشقوان و في عندهم تواصي للحفلات و أعياد الميلاد , ديكون المحل جميل و الجلسة متوفرة فيه , خدمة الديليفري متوفرة و خلال 40 - 60 دقيقة بكون طلبك عندك , الشباب رائعون و الابتسامة حاضرة :) بإختصار المطعم ممتاز و أكله رائع , أتمنى لهم التوفيق .
  • Review by Essa of Moujib Nature Reserve
    8 years ago
    رحلة و مغامرة تستحق التجربة ، تشويق و إثارة ، زرت السد مرتين و أفكر في كل صيف زيارته ، رسوم الدخول 8 دنانير اذا ذاكرتي ما خانتني ، المواقف متوفرة و هناك حمامات Shower بعد الانتهاء من الجولة ، هناك أكثر من جولة في السد واحدة احترافية و تحتاج الى تنسيق مسبق وتشمل تسلق الجبال و النزول من عند الشلال و يكون هناك مرافق مع المجموعه و أتوقع رسومها تقريبا 25 - 35 دينار و تستمر أكثر من 4 ساعات ، أما الجولة الثانية فمدتها لا تتجاوز ساعتين تمشي خلالها عبر المياه و تتسلق الصخور الى ان تصل الى النهاية ( الشلال ) و بعدها العودة و رسومها 8 دنانير و تحتاج الى سترة النجاة و لا يوجد مرافق .
  • Review by Essa of Second Cup
    8 years ago
    المحل أتردد عليه منذ فترة ، الجلسة هادئة وهذا أهم ما يميزه و جميل و موظفين رائعين ودائمو الابتسامة ، يتوفر قسم للمدخنين و لغير المدخنين ، الكراميل و الاسبرسو و لاتيه رائعه عنده ، اسعاره ممتازة ، أنصح بتجربته .
  • Review by Essa of Chapatti
    8 years ago
    المطعم ممتاز و أكله لذيد وسعره أيضا ممتاز و في متناول الجميع ، تجربة الكيما + البراتا = أعادت لي الذاكرة لأيام الخليج ، طلبنا بتر تشيكن + كورما دجاج + 2 كيما + 4 خبز بوري + 4 خبز براتا + أرز برياني سادة + 2 بيبسي كانت الفاتورة 16 دينار لشخصين طبعا ، المطعم كما ذكر الكثير وكانت أرائهم في محلها أكل ممتاز + سعر ممتاز ، يستحق التجربة .
  • Review by Essa of Qaser Al Deyafah
    8 years ago
    لم أجرب عنده إلا المنسف ، و بإختصار من أفضل المطاعم التي تقدم المنسف البلدي ، سعره جيد في مقابل الحصول على منسف بلدي رائع ، وتعامل الموظفين جميل و سرعة في تلبية الطلبات ، في رمضان الأجواء عنده رائعه خاصة الجلوس عند الشلال ، من أفضل المطاعم عندي .
  • Review by Essa of Malak Al Tawouk
    8 years ago
    من رواد المطعم ، وبصراحة أكثر من رائع ( خدمه + تعامل + مذاق + سعر ) ، المطعم أكثر من ممتاز و الديليفري بحكيلك 45 دقيقة وخلال أقل من نص ساعه بكون واصل :) أسجل إعجابي بالمطعم و أشجع على تجربته .
  • Review by Essa of Deeritna Express
    8 years ago
    قمنا بتجربة المطعم مرتين ، الاولى طلبنا فيها منسف بلدي و بعد أكثر من 10 دقائق حكالنا الجرسون ما في منسف بلدي
    بتحبوا أجيبلكم منسف عادي !!!!! وطلعنا من المطعم ، والتجربة الثانية قبل أسبوعين طلبنا فيها منسف بلدي و الحمدلله وصل الاكل بعد أقل من 10 دقائق و التقييم كالتالي :- 1- الارز لم يكن بالمستوى المطلوب وكان الارز ناشف وكأنه كان في فرن او تم تحميصه . 2- الشراب ( اللبن ) ثقيييل جدا و بحاجة الى تخفيف . بشكل عام لم يكن بمستوى المنسف البلدي المطلوب ، ومن خلال التجربتين لن أعود للمطعم نهائيا .
Next

Places I like

Photos I added

أرز برياني سادة + كيما
صورة داخلية للمحل
Caramel