Yosra Mustafa

Yosra Mustafa

Amman . Since February 2012
48 Reviews
Added places
5
Reviewed first
26
Added reviews
48
Added photos
5
Liked places
4

My reviews

  • Review by Yosra of Khan Zaid Shawerma and Snacks
    8 years ago
    هاد المطعم جديد فتح جربته انا الاسبوع اللي فات. طلبت من عنده شاورما وبصراحة كانت طيبة وفوق الخيال كمان..عنجد الي زمان ما دقت شاورما متل هيك. اللي فهمته انهم بيعملوها على الطريقة السورية يعني بتكون غنية بالبهارات والاطعمة المختلفة اضافة على انه حجمها كبير كتييير ومشبع مع العلم انه سعرها رخيص حوالي دينار ونص. انا ما فتت قعدت جوا اخدتها تيك اواي مشان هيك ما بعرف كيف جو المحل من جوا. الاشي الوحيد اللي ما عجبني انهم تاخرو شوي لحتى اعطوني الطلب وبتوقع هاد كان بسبب الازمة اللي عندهم.
  • Review by Yosra of Uni Cafe
    8 years ago
    انا زرت هالمكان مرة وحدة وتجربتي فيه كانت كتير منيحة خدمتهم كانت ككيزة والجو العم للمطعم كتير مريح وديكوره مرتب اسعارهم ضمن الحد المعقول، بس بحسو دايما معجوق بطلاب الجامعة . ارجيلته جدا مميزة وطعمها رائع. شربت هنده كمان كابوتشينه وعجبني وبنصح الناس يجربوه.
  • Review by Yosra of Irbid Municipality
    8 years ago
    بصراحة انا مش عارفة من وين ابدا احكي عن البلدية!! بحسهم ولا الهم وجود بالمدينة، كل الشوارع محفرة والها يمكن 20 سنة ما اتزفتت. اهتمامهم بالحدائق والاماكن العامة يكاد يكون معدوم ، ما عندهم اي انشطة لاشراك الشباب او تحريك المجتمع المحلي اشطر شي همه باعطاء المخالفات. بتمنى منهم لو يهتمو شوي بالمدينة ويراعو ربنا بشغلهم
  • Review by Yosra of Barkash Forest
    9 years ago
    مكان طبيعي خلاب رائع جدا جدا طلته من اروع ما يكون غابات حرجية الهوا فيها نقي واحلى رحلة ممكن الواحد يروحها دايما كنت اطلع مع اهلي رحلات الشوي هناك احلى شي فيها انو الاشجار مصفوفة بطريقة بتحضن الزائر سبحان الله منظرها من بعيد كانها مصفوفة صف بنصح الكل يروح يزور هالمكان الجميل
  • Review by Yosra of Al Sharq Hall
    9 years ago
    عملنا فيها اكتر من حفلة للعيلة وبصراحة كل مرة كانت الصالة بتقدم خدمات متميزة. ديكور الصالة كتير حلو وبتجدد الديكورات دايما من فترة لفترة. القاعة عندهم حجمها كبييير وفي مسافة بين الطاولات يعني العالم ما بكونو قاعدين فوق بعض. وغير هيك في عندهم موظفين شباب وصبابيا يعني ازا الحفلة مو مختلطة بكون في بنات بقدمو الضيافة او التصوير. ال دي جي عندهم كتير حلو....دايما اغني مميزة. ودخلة العرسان كمان مميزة وبقدر الواحد انو يتعاقد مع فرقة لزفة العرسان من خلالهم. في مكان واسع لاصطفاف السيارات واسعارهم منيحة بتتراوح بين 1000-1500 حسب نوع الضيافة
  • Review by Yosra of Irbid Specialized Hospital
    9 years ago
    مع انو هاد المستشفى ببين من برا انو حلو ومكان مريح بس طبعا من جوا هوا كتير عكس مظهره الخارجي.
    تعاملهم مع المرضى للاسف مو منيح بالمرة. مرة انا رحت عندهم طوارىء بالليل بدون فحص ولا اشي شخصو الحالة واعطوني 5 انواع دوا ولما رحت على دكتور تاني يوم الصبح طلع معي قرحة بالمعدة والدوا اللي اعطوني ياه ولا الو علاقة بالموضوع. موظفين الاستقبال بعطوني الاحساس انو انا فايه على دكانة مو على مستشفى معتمدين لمعظم شركات التامين. المستشفى مش كتير نضيف وما فيه اجهزة حديثة ..بس برايي قسم الاشعة عندهم من احسن اقسام الاشعة على مستوى اربد . دكتور محمد البخيت عنده خبرة كبيرة بتشخيص صور الاشعة وتعامله جدا انساني واخلاقي مع المرضى
  • Review by Yosra of Telfah Restaurant
    9 years ago
    مطعم شعبي معروف باربد، واكتر شي مشهور عنده هوا الدجاج المشوي
    اسعارهم معقولة وارخص من غيرهم . اكلهم طيب وفي تنوع من ناحية الوجبات السريعة والمشاوي خدمتهم منيحة بس لازم يحاولو يشتغلو اسرع لانه كتير مرات بتاخر الطلب. اكتر اشي ما بحبه عندهم وبتمنى لو يحسنو هوا النضافة..يعني برايي النضافة عندهم دون المستوى
  • Review by Yosra of Dr. Radwan Al Saad
    9 years ago
    ما اتوقع انو في حد باربد ما سمع بهاد الدكتور او بعرف قصة عنه ؟؟!!!!
    دايما لما اي حد عنا بالعيلة بمرض بكون هوا اول خيار بغض النظر شو اللي عم بوجعو هاد الانسان عبارة عن موسوعة بالطب ....واروع ما فيه احترامة للمرضى وتعامله الراقي معهم للعلم كشفيته لحد اليوم ومن اول ما فتح لليوم "دينار" !!!! دايما عنده الناس طوابير ومع هيك الكل بتعالج وبشوف الدكتور. مع انو طبيب عام ..بس برايي قادر على تشخيص اي مرض ..وازا ما بعرف ما عنده مشكلة انو يحكي ما بعرف وبحول المريض عالطبيب المختص . يعني ابدا ولا عمري حسيت انو بستغل المرضى او بتاجر باوجاعهم ياريت كل الاطباء متلو.. بال 1973 اكتشف انو عند ابن عمي الصغير فتحة بالقلب، مع العلم انه اهلة اخدو على 20 دكتور وما حد عرف من شو بشكي !!! يعني هوا من زمان شاطر وغني عن التعريف
  • Review by Yosra of Alawneh Exchange
    9 years ago
    محل جدا متميز وبقدم خدمة رائعة للعملاء. دائما بكون احسن سعر صرافة باربد عنده . ما بتتغلب معهم ازا اجتك حوالة من برا ..يعني جدا مريحين بالتعامل وبضلو فاتحين لل 9 او 10 احيانا وهاد بعطي فرصة كبيرة للزباين انهم يستلمو حوالتهم بنفس اليوم بدل ما تضل لتاني يوم الصبح. انا دايما بتعامل معه بتصريف العملات او ارسال؟استقبال حوالات وبرايي همة متميزين عن غيرهم عندهم عدد كبير من الموظفين والهم اكتر من فرع.
  • Review by Yosra of Nooh Al Qudhah Mosque
    9 years ago
    مسجد الجامعة بتمته بموقع مميز . بقلب جامعة اليرموك وبنص شارع الجامعة
    وهاد كتير بسهل على كل رواد هاد المكان انهم يلاقو مكان مريح ونضيف لحتى يصللو فيه. المسجد كبير ونضيف والعاملين عليه مهتمين فيه كتير انا بحب اروح هناك برمضان صلاة التراويح او احياء ليلة القدر بكون فيه ناس كتير والجو العام بكون مريح للنفس وبحسسني بالرضا. الامام صوته حلو وبدعي بطرقة جدا مريحة.
  • Review by Yosra of Jordan University of Science and Technology
    9 years ago
    انا من خريجين جامع العلوم والتكنولوجيا
    درست تقنيات الاشعة في الكلية الطبية الجامعو دراستها كتير صعبة ، بتنقسم لجزئين الكليات الهندسية والكليات الطبية. يعني ما في عندهم ولا تخصص ادبي غير انجليزي تطبيقي. ساعتها غالية وكل مالها الاسعار عم بتزيد. مستوى التدريس جيد جدا بس ممكن يكون كتير احسن . المكان جدا جميل ومساحتها كبيرة وهيي من اكبر الجامعات في العالم من حيث المساحة. التدريس كللو بالانجليزي . موقعها برايي جدا رائع لانه برا المدينة مما يوفر جو دراسي مناسب . طبعا ما في مطاعم او مقاهي حولين الجامعة الا الكافتيريا اللي برا واللي لا تعتبر مطعم للاسف. الدكاترو اللي فيها _زي اي جامعة طبعا_ فيه المنيح وفيهم اللي لا يمكن تقدر تحكي معو او تحضرلو محاضرة. فيها مختبرات وعندهم امكانتيات كويسة بس برضو لازم تكون احسن. مستشفى الملك عبدالله ساعد الطلاب كتير على انهم يطبقو اللي درسوه بسبب التصاقة وقربه من الجاامعة والجامعة عنجد نضيفة كتير وحلوة كتير كمباني
  • Review by Yosra of Al Joude Hotel
    9 years ago
    فندق الجود هوا برايي احسن فندق باربد -مع انها الفنادق اللي باربد بتنعد عالاصابع- مكان الفندق حيوي جدا يعني بنص شارع الجامعة جمب كل المطاعم والخدمات . عندهم تنوع باسعار الغرف طبعا كل غرفة حسب نوعها وحجمها .انا مرة حجزت فيه لصاحبتي ب 50 دينار بالليلة مع افطار. مواعيدهم منيحة يعني بسلمو الغرفة عالموعد. ما عندهم تعقيد بالاجراءات الانترنت عنده مجانا بس بالرسبشون اما بالغرف لازم الواحد يدفع. بس برايي بدهم يهتمو اكتر بالنظافة .
  • Review by Yosra of Al Afghani
    9 years ago
    الافغاني طبعا محل معروف بالمملكة.. بس بصراحة فرع اربد لسا بدو شغل كتير
    يعني كتير اشياء بشوفها بفروع عمان و ولا مرة لقيتها بفرع اربد غير هيك بسكلاو كتير بكير .. يعني عال 6 او 7 بالكتير بيكونو مسكرين ما في موظفين كفاية !! بس شخص واحد بالمحل صح تعاملة حلو بس بتاخر بتسليم الطلبات . عنده اشياء حلوة وتحف شرقية وفضيات بس بضه بتمنى لو في تنوع اكتر
  • Review by Yosra of Umm Qais Resthouse
    9 years ago
    بصراحة هاد اروع مطعم فتت عليه بالاردن كلها
    اكيد مافي زي طلته وقعدته. بطل مباشرة على بحيرة طبريا يعني بجد ما بتحس حالك كانك بالاردن النظر ما بينوصف من كتر ما هوا ساحر وخيالي الاكل طيب وطريقتهم في تقديمه كتير حلوة خصوصي التبولة والفتوش المطعم سياحي واسعاره سياحية بس متناسبة مع نوعية الخدمة والاكل وبصراحه ديكوراته بتحس كانها اشي من التراث وهاد اكتر شي بيعطيه جو مميز وطابع شرقي النضافة ممتزة جدا وعلى اعلى مستوى بنصح كل اللي معهم مصاري يزوروه :) يعني ازا كنتو تنين وطلبتو مقبلات ومشاوي الفاتورة رح تكون ن 50-60 دينار
  • Review by Yosra of Milkawi Studio
    9 years ago
    من افضل الاستديوهات في اربد
    عندهم طاقم رائع وخبيرين بالتصوير. في قسم خاص للمحجبات وسريعين جداً في الخدمة. الاستديو الخاص بتصوير العرسان كتير كبير وديكوراته مميزه وفيه تنوع من ناحية الأفكار بصوروا حفلات واسعارهم زي اسعار الاستديوهات التانية مع العلم انو جودة التصوير عندهم اعلى .
  • Review by Yosra of Riyashi and Ammor Pastry
    9 years ago
    معجنات ابو دريد جزء مهم من حيات طلاب جامعة اليرموك، لازم تكون الجامعة كلها هناك مشان الفطور. دائماً عنده أزمة لانه معجناته طيبة ومميزة
    انا اكتر اشي بحب جو القعدة عنده وكاسة الشاي مع معجنات الجبهة البيضا أستاذة جداً كويسة وتعاملهم كتير حلو مع الزبائن خصوصي الطلاب. برايي يستحق الناس تجربة
  • Review by Yosra of Al Ghazawi Markets
    9 years ago
    من اقدم السوبر ماركتس في اربد ومع هيك ضل محافظ على ادائه. السوبرماركت كبير وفيه تنوع رائع. يعني بتلاقي عنده كل اللي بدك ياه . اسعارهم زي اسعار غيرهم مع انه خدمتهم احسن. انا بحب اروح عندهم لانه دايما في انوا شوكولاته جديدة وما بلاقيها غير عندهم في اربد زي "Lindt Lindor" وفي عندهم برضه خضار وفواكه وخبرز طازج بشكل يومي.
    انواع العصير عندهم فيها تنوع كبير وبستوردو كمان من سوريا ولبنان . بنصح الناس يجربو هاد السوبرماركت
  • Review by Yosra of Zamazm Fruits and Vegetables
    9 years ago
    مكان مميز جدا للي بده خضرة وفوكاه طازجة باستمرار
    عنده تنوع كتير... يعني بتلاقي كل احتياجتك بنفس المكان .اسعار الخضرة عندهم اغلى من السوق باشي معقول بس برايي الاسعار متناسبة مع الخدمة اللي بقدموها. تعاملهم مع الزبائن كتير كويس وبساعدوك بحمل الاغراض وتوصيلهم للسيارة. الخضار كتير نضيفة وجودتها عالية وبتلاقي اكتر من نوع للصنف الواحد واسعار مختلفة حسب المصدر والجودة وموقع المحل كويس وفي مصفات للسيارات.
  • Review by Yosra of Al Saaj Al Reefi
    9 years ago
    انا جربت هاد المطعم مرتين وعنجد انو اكلهم طيب كتير
    اخدت صاج زنجر كان سعرة دينارين بس برضه حجم السندويشة كتير كبير وبحطو فيها اشياء كتير متل السلطة والجبنة والزيتون والمخلل. نظافتهم رائعة . بس ما عجني تعاملهم وبطيئين جدا بتقديم الطلب بس مع هيك بنصح الكل يجربو.
  • Review by Yosra of Al Qadamani Roastery
    9 years ago
    احلى شي عنده انو دايما بشتري المكسرات وبتكون سخنة وريحتها كتير بتشهي لانه بتكون هلاه طالعة من الحماصة
    "البزر الايراني" عنده كتير مميز بيعملو بطريقتين حار وعادي .انا شخصيا بفضل الحار لانه غريب شوي خدماتهم رائعة جدا وازا انت حاب تجرب اي شي قبل ما تشتري بتقدر .وسريعين جدا بالخدمة والنظافة مميزة سعر كيلو المكسرات 3 دنانير وبتقدر تشتري اي كمية بدك ياها . يعني مسلا لو بدك بدينار بس بحطولك او حتى اقل بنصح الكل يجربو .
  • Review by Yosra of Arabella and Andalus Restaurants
    9 years ago
    من المطاعم اللي انا بفضلها
    مطعم مميز بجو عائلي،كبير واسع والصلات فيه مقسومة للمدخنين وغير المدخنين وفيه برضو صالة خاصة للي بدهم يحضرو مباريات مع شاشة كبيرة عندهم كل جمعة سهرة طرب. الاكل طبعا زاكي جدا .المقبلات والمشاوي وحتى الاطباق الغربية كلها مميزة الطعم وجودتها عالية. المطعم نظيف جدا وخدماتم وتعاملهم رائع الاسعار معقولة يعني انا و 5 اشخاص طلبنا مقبلات ومشاوي ودفعنا حوالي 70 دينار. في اماكن للصطفاف وموقعه باطراف المدينة وهاد بعطيه جو هادي وبعيد عن الازعاج.
  • Review by Yosra of Tunis Garden
    9 years ago
    بتعجبني هادي الحديقة رغم صغر حجمها.
    الالعاب اللي فيها حلوة ومتنوعة وبتستوعب عدد منيح من الناس فيها طاولات خشبية مبنية بطريقة فنية وحجمها كبير للعائلات. بيعملو مسرحيات احيانا للاطفال وانا مرة حضرت فيها حفل تخريج مدرسي وكان تنظيمه رائع موقع الحديقة مناسب بين احياء سكنية وهاد خليها قريبة عليهم وبزوروها بايام العطل بعيدة عن الشارع الرئيسي وما في ازدحام للسيارات ويوجد اماكن للاصطفاف وخدمات عامة
  • Review by Yosra of Ia'amar Irbid Garden
    9 years ago
    عمر الحديقة هاي ما لا يقل عن 30 سنة وبعدها زي ما هي ما غيرو عليها ولا اشي
    حتى الالعاب اللي فيها مكسورة وممكن تعرض الاطفال للخطر هيي كمان واسع وحلو مليء بالاشجار وفيه جلسات عائلية بس ينقصها اهتمام كتير من الجهات الرسمية عدد الالعاب اللي فيها غير كافي وغير صالح للاستخدام والمرافق العامة مش نضيفة. وهي حديقة مجانية
  • Review by Yosra of Al Bab Ala'li Restaurant
    9 years ago
    زرت هاد المطعم يوم الجمعة انا واصدقائي. انا طلبت دجاج مشوي بصوص كرية وفطر وكان عن جد طيب وطلبنا ارجيلة ليمون ونعنع برضة كانت كويسة
    جلسة المكان عائلية وديكوراته حلوة بس الاغاني كانت مزعجة وطلبنا تغيرها وما وافقو الخدمة جدا كويسة صاحب المحل والطاقم سورييين والاكل معمول عالطريقة السورية. اسعارهم مقبولة يعني بتدفع لوجبة الدجاج 6 دنانير وبنصح الناس يجربوه خصوصي مع العائلة .
  • Review by Yosra of Association of Arab Islamic culture
    9 years ago
    انا كنت اخد دروس دين في هادي الجمعية اروع ما فيهم انة الجو العام جدا مريح
    عندهم اسلوب راقي ومريح في التكلم عن الدين وتعليمه بدون ما يحسسوك انك مقصر ورح تدخل النار اليوم زي ما باقي الشيوخ بعملو. بالنسبة للبنات ما عندهم حتى اي مشكلة انو البنت تيجي مفرعة او اي اشي يعني ما بحاولو ينفرو اي حد من الدين بالعكس بحبو ان الكل يستفيد ويتعلم كان يدرسني الشيخ ابو طه وعنجد اسلوبه مرح وممتع ومفيد غير هيك الطالب ما بدفع اشي كله بالمجان حتى الكتب همة بيعطوها وعندهم دايما حفلات اناشيد اسلامية ممكن للكل يروح يحضرها
Next

Places I like

    Photos I added

    دار الكتاب "عالم الكتب الحديث"
    مركز سارة الدولي
    Fruit Salad -12 JD
سلطة فواكه