Fadi Odeh

Fadi Odeh

Amman . Since January 2012
22 Reviews
Reviewed first
4
Added reviews
22

My reviews

  • Review by Fadi of Chilis
    6 years ago
    الصحون مش نضيفة والاكل اجا متاخر وبارد ومش كثير زاكي. المكيف كان خربان وفقعنا من الشوب وفجاة الموظفين كلهم اختفو وما ضل الا واحد مش ملحق يحاسب الناس ولا يشيل صحون او ينضف. اخر زيارة الي لهاد الفرع وبتمنى فرع شارع مكة يكون احسن.
  • Review by Fadi of Yellow Broasted Chicken & Snack
    6 years ago
    طلبت عرض ال9 قطع وما عجبني ابدا. الجاج كان زنخ ومش منضف منيح وبالامكان رؤية بقايا الريش عالجلد
  • Review by Fadi of Jerash Gate Restaurant
    7 years ago
    للاسف مستوى المطعم انحدر بشدة. اخر تجربي لالي كانت سيئة بكل المقاييس من ناحية النظافة الطاولات وسخه وارضية المطعم عليها زبالة. الجرسون لما جاب الاكل بدل ميحط الصحون عصينيه كان ماسكهم بايدو ولامس الاكل وغير انو شكلو صرلو اسبوع مش متحمم وريحتو طالعه. الي كملها اني طلبت مشاوي واللحمه كانت في منتهى السوء يا انها بايته وسخنوها او انها كانت متروكه برا البراد فترة من دلالة الطعم.
  • Review by Fadi of McDonald's
    7 years ago
    كذا مرة طلبت من هاد الفرع واكلو الحق يقال زاكي بس للاسف الشديد صرت اشك بنظافتو لانو اخر تجربة لي معاه كان المشروب الغازي طعمو غريب ولما فتحت الغطا لقيت فيو جرادة عايشة!!
  • Review by Fadi of Bakdash
    7 years ago
    كما اسلفو الشباب طعم البوظة عندو غير مميز عالاطلاق واول شعور هو الاستغراب ليش الناس فوق بعضها بالمحل مع انو لا مستاهل السعر ولا الطعم بس شكلو الناس بتيجي عليه لانهم متعودين عليه بدمشق
  • Review by Fadi of Dr. Sufian Haddadin
    7 years ago
    حكيت مع الدكتور اسالو عن اسعارو بس للاسف امتنع وما اعطاني سبب مقنع لاني مش رح اوقع عقد معاه يعني عتلفون بس بدي يكون عندي فكره حتى اعرف لو سعرو ناسبني اروح واضرب مشوار او لأ ... بالنهاية هوي خسرني كزبون محتمل وهاد اكبر غلط بمجال الاعمال.
  • Review by Fadi of Bank Of Jordan
    8 years ago
    افشل فرع لبنك الاردن وبموظفين فاشلين ... زرت الفرع لفتح حساب اضافي وقعدت الموظفة ثلث ساعه تقنعني بخدمات انا لا طلبتها ولا بحتاجها ولما حكتلها معلش خلصيني بدي اروح حكتلي اسفه الساعه صارت 3 والدوام انتهى وما بقدر اساعدك ... اول واخر زيارة لالي لهاد الفرع.
  • Review by Fadi of Philadelphia Insurance Co
    8 years ago
    اتفقت معهم عتأمين صحي بعد ما بعثولي العرض ولما طلع القبول وكنت على وشك اني ادفع تبينلي بعد التدقيق انو غير مطابق للعرض الاصلي وببنود صارخة و50% من المعلومات الي اعطتنا اياها موظفة التامين كانت خطأ وبعد المواجهة امام المدير انكرت اعطاء هاي المعلومات ... يعني بالعربي الدارج الجماعة محتالين وما بنصح فيهم نهائيا.
  • Review by Fadi of Reem al Bawadi
    8 years ago
    زرت المطعم مرة وحدة بس حسيت انو الاسعار مبالغ فيها. الاكل وباقي الامور منيحة بس يمكن معاملة الزبون ممكن تكون احسن.
  • Review by Fadi of Jerash Gate Restaurant
    8 years ago
    خلال زياراتي للمطعم بطلب مشاوي والاكل زاكي ونظيف الديكور والجو حلوين وفي مكانين للجلوس واحد صيفي والثاني شتوي. التدخين مسموح والخدمة روعة وسريعة. عندو مساحة كبيرة لاصطفاف. مطعم ممتاز بكل معنى الكلمة والاسعار جدا مناسبة. انصح به وبشدة.
  • Review by Fadi of Pizza Qaysar
    8 years ago
    انا معظم تعاملي مع المطعم توصيل وسفري والصراحة ما اضطريت اني ادور عمطعم بيتزا تاني لانو بكل بساطة ما شفت شي لهلا ضايقني او ازعجني. سعرو مقبول جدا وجودة البيتزا من جيد جدا لممتازة بنصح فيو كل محب للبيتزا.
  • Review by Fadi of Pastiche Cafe
    8 years ago
    ما بنصح بالاكل عندو لانو مش زاكي وغالي عالفاضي وما بعملو مثل ما بدك حتى لو وصيتهم. التكيف والتهوية سيئة جدا حتى انو برا الكافية بكون الجو الطف من الداخل ناهيك عن كثافة دخان الاراجيل
  • Review by Fadi of Cafe' Vergnano 1882
    9 years ago
    القعده حلوه ومريحه وفكرتها ممتازة انها بمكان مفتوح اسعارهم عادية ومشروباتهم زاكية بس نصيحة للي بدو يطلب انو يتاكد من طلبو لما يجيبوه لانو عندهم قابلية انهم يلخبطو بالطلب وشكرا
  • Review by Fadi of Napoli Patesry
    9 years ago
    كيكهم زاكي وعقولة الي دلني عليه انو من افخر الانواع وكريمتهم فريش بس عمرو الحلو ما بكمل للاسف وجدت انهم استغلالين وباوقات المناسبات بزيدو سعر الكيك بمعدل 50 % متل مصار معي بعيد الام السنة الماضية كمان موقعهم مش بزيادة لانو الشارع دائما زحمة ومافي مصفات
  • Review by Fadi of Spin Out
    9 years ago
    .عجبني المحل والقعدة حلوة وفيها نوع من الخصوصية والموظفين كويسين وما حسيت بوجودهم بس وقت اللزوم بتلاقيهم الاغاني الي بحطوها صح انها شوي قديمة بس من اجمل الاغاني. عندي ملاحظة صغيرة سرعة الواي-فاي عندهم بطيئة جدا جدا وياريت يحسنوها
  • Review by Fadi of Zarzar
    9 years ago
    الصراحة المشاوي عندهم طعمها زاكي وعجبني موضوع انو ممكن الواحد يطلب عتلفون ويعمل بيك اب بس عندي ملاحظتين لحمة الكفته عندهم بطحنوها مع عظم وانكسرت معي حشوة وانا باكل :( وشغلة تانيه انا طلبت وجبة مشاوي وعساس طالع رحلة مفروض ينحط مع الوجبة ملاعق بلاستيك وكاسات اقل ما فيها.
  • Review by Fadi of Sallaty For Technology
    9 years ago
    انا فتحت الموقع لاني بدور عاي فون فور اس 16 جيجا. سعرو عندهم 550 دينار. اي حد مطلع بيعرف انو سعرو 535 دينار او اقل من المحلات التانية فشو الفايدة؟ بعدها كبست
    alt - f4
  • Review by Fadi of Al Khalidi Medical Center
    9 years ago
    تجربتي مع المستشفى كالتالي:
    -مصفات السيارات معظم الاوقات فل ولو في مكان فاضي تصف فيه بجيلك واحد بقلك لا هاد لمرضى غسيل الكلى -عدم دراية الممرضين وقلة خبرتهم -اي نعم المستشفى فخم بس مش لدرجة تضخيم الفاتورة بما انو التامين دافع اكثر من 6 مرات سعرها الاصلي !! يعني بدكم تنصبو انصبو بس بالعقل -مع انو التكلفة باهظة لكن المستشفى غير مزود بكل واحدث الاجهزة يعني خلال عمليتي اضطر الدكتور يعمل قطبتين بدل وحده بسبب كبر المنظار وعدم توفر المنظار الصغير -اول مرة اشوف بمستشفى استقبال فاضي وما فيه موظف ولمدة طويلة كمان وشكرا
  • Review by Fadi of Dr. Elina Srour
    9 years ago
    اتصلت زوجتي عرقم عيادتها عساس تاخد موعد وما حد بالعيادة رد ولما اتصلت عرقم موبايلها الي ناشرتو عموقعها عالنت حكتلها اتصلي عالارضي وبتاخدي موعد من السكرتيرة وسكرت الخط بوجها. سؤالي لعظمة الدكتورة اذا ما بدها حد يزعجها عموبايلها ليش حاطتو عالنت؟ واذا المريض حكى معها بتسكر الخط بوجهو؟ .. اسواء من هيك معاملة ما شفت
  • Review by Fadi of KFC
    9 years ago
    مطاعم كنتاكي مشهورة بالدجاج المقلي الذيذ والي انا من اشد محبينه. بالنسبة لشكل المطعم من الداخل فهو قياسي متل اي فرع كنتاكي ومكانو جيد قريب عالسيفوي مع توفر المواقف. ملاحظاتي عليه كالاتي: بتشعر من خلال الموظفين بالمطعم انك بكافتريا جامعة مش بمطعم مع انو ما كان عندهم نقص موظفين او زحمة وقت تواجدي بالمطعم لكن ما بتكرمو ياخدو طلبك الا اذا لفتت انتباههم وصرخت -بكون الاغلب الشب ملتهي بالحكي مع البنت الي معاه بشغل - وبدي انبه الزباين الكرام الي بوصو اكل لبرا انو يتاكدو من طلبيتهم قبل الخروج لتفادي سمة البدن لاحقا. هاي شغلة ضرورية جدا جدا لانها صارت معي اكثر من مره يكونو غلطانين او ناسيين جزء من الوجبة من هاد الفرع والفرع قريب الجامعة الاردنية.
  • Review by Fadi of Al Wardah Al Shameyeh
    9 years ago
    المحل من جيد جدا لممتاز عجبني شكل المحل وحلوياتو واسعارو واهم شي المعاملة الكويسة من البائع انا بعتبرو من المحلات القليلة الي طلعت منها وانا راضي ومبسوط
  • Review by Fadi of Anabtawi Sweets
    9 years ago
    جودة الحلويات والاسعار بعتبرها جيدة ورايي بحلويات العنبتاوي بشكل عام انها بتيجي بالمرتبة الثالثة بعد حلويات النجمة وحبيبة بس عندي ملاحظة عفرع العنبتاوي البوابة الشمالية بذات انو معاملة الشخص الي بالمحل معاملة سيئة جدا - ما بعرف اذا هو صاحب المحل او مجرد شغيل- .. بتبدا بعدم ترحيب بالزبون لخشونة في الكلام لطريقة تقديم الطلب انا بصراحة شطبت عالمحل وحلفت ما ادفع فيو قرش ولو كلف اني انحرم من الكنافة .. كلامي نابع من تجربتين اخرها خلال شهر رمضان سنة ال 2010
  • Review by Fadi of Copacabana
    9 years ago
    المطعم اختصاصو الستيك والطلب والحساب مش عالمنيو .. يعني بوفيه مفتوح والسعر نوعا ما غالي تكلفة الشخص 32 دينار وجودة الاكل من جيد ل جيد جدا
    لاحظت شغلة سيئه انو قريب من واجهة المطعم عند مصف السيارات في تجمع لحاويات الزبالة ومش هون المشكلة .. المشكلة انو الزبالة منتشرة برا الحاوية والمنظر مقزز جدا .. يعني اشي بسكر النفس بدكم الصراحة وما بليق بمطعم بسلخ 32 دينار عالشخص كمان لاحظت شغلة غريبة انو عند طلب نوع الستيك ما كان متوفر الا العجل والدجاج معنو العرض بشمل سمك السلمون ولحم خروف ولما طلبت عصير من نفس النوع الي تم تقديمو اول مرة ما كان متوفر بحجة انو خلص .. يعنني حسسوني اني فايت عمؤسسة استهلاكية وبدور عشوال سكر .. انا بعرف المطعم المزبوط بكون متوفر فيو كلشي وغير هيك بعني انو في مشكلة بادارة المطعم
Next