تالا عبادي

تالا عبادي

Amman . Since November 2011
15 Reviews
Reviewed first
2
Added reviews
15
Added photos
1

My reviews

  • Review by تالا of Dr. Mays Azzouqa
    6 years ago
    الدكتورة رغم صغر سنها لكن ما شاء الله شاطرة بنتي عانت من وهي صغيرة باﻻكزيما واخذتها على عدة دكاترة وما طابت وضلت تعاني ومن زيارة واحدة عرفت شو ﻻزمها ومن دهنة واحدة من الكريم حسيت بالفرق الدكتورة لطيفة وذوق وتعاملها راقي جدا ودايما عندها ازمة وﻻزم تستنى قبل ما تدخل لعندها بس بتستاهل ﻻنها مميزة وشاطرة بمجالها
  • Review by تالا of Stickhouse
    6 years ago
    المكان حلو في جاليريا مول في قعدة صغيرة بس انا كنت متوقعة قد ما سمعت من كتير ناس انه خرافي انه يكون ازكى من هيك ... طعم البوظة عادي , سعرهم غالي جداً, الموظفين عندهم مش كتير لطيفين ولما طلبت يشرحولي عن الايس كريم يا دوب اعطاني شو النكهات الشاب ما حسيته ودود كتير بس مع هيك جربت الفراولة وما عجبتني مع اني بحب الفراولة
  • Review by تالا of Alissar Flowers
    7 years ago
    باخذ ورد من عندهم ، السعر غالي شوي بس الباقات حلوة والورد دايما فريش والموظفين تعاملهم كتير منيح الصفة عندهم صعبة شوي
  • Review by تالا of Pinkberry
    7 years ago
    جربت هاد المحل كتير بتاج مول والسيتي مول وبصراحة دايما زاكي النكهات الي بفضلها هي العادي والمنجا والرمان والباشن فروت ما حبيت الشوكولا كتير بس كانوا قبل فترة عاملين نكهة جديدة وهي كريمة البندق وحبيناها كتير الموظفين كتير زوق وخدومين السعر غالي الكاسة الصغيرة ب 2.5 واذا بدك تحط اضافات بتوصل ل 5 دنانير تقريباً بس مع هيك بنصح الكل يجربه عشان طعمه خيال بالنسبة للبن المجمد
  • Review by تالا of Menchie's
    7 years ago
    بصراحة دايما باخذ من بينك بيري وحبيت اجرب المحل عشانه جديد والكل كان يحكي عنه وياريتني ما جربته الموظف كان كتير زوق وشرحلي عن المحل عشان جديد وشو النكهات اخذت الحجم الوسط وما كان فيه فواكة بس كاندي وحطيت شوي اتفاجأت عند ما حاسبت انو الحساب بالوزن ومع الكاندي وطلع المبلغ 10 دنانير يعني بالنسبة الي ما كان اله طعم نهائي والسعر خرافي بالنسبة للكمية والجودة ما راح اجربه مرة ثانية
  • Review by تالا of Sara Sea Food
    7 years ago
    اليوم حبيت اجربهم وحكيتىبمر باخد من عندهم سمك وطلبت دنيس وفريدي الصفة برا كانت كتير صعبة وانا ما اندليت على مصفاتهم اخذت السمك ني وسفري وحاسبت عليه بالسيارة ريحة زنخة السمكةكانت مش طبيعية وعبقت بالسيارة وبالبيت شفتهم ما كان طازه ابدا من كثر ما سمعت عن المطعم من ناس جربته قلت بدي اجرب بس بصراحة الي سمعته اكثر ما بستاهل ما بعرف كيف بطبخوا اكلهم بس ااسمك مش طازة ومش راخ اخذ سمك من عندهم مرة ثانية
  • Review by تالا of Kempinski Ishtar Dead Sea
    7 years ago
    الفندق فخم جدا وديكوراته بتجنن ونظيف والموظفين بروفيشنال وبشوشين انبسطنا باقامتنا كتير بنصح الكل يزوره وكانت بنتي معي وقدمولها كوكيز حبتهم كتير وانا كمان
  • Review by تالا of Semiramis Sweets
    7 years ago
    انا بصراحة بجيب الشوكولاته من عنده دايما سواء الهدايا او الي بجيبها للبيت في المناسبات أسعاره متوسطة بالنسبة لغيره بس بيستاهل طعم الشوكولا هاد السعر 18 دينار الكيلو جربت المشكل من عنده ما حبيته بنتي بتحب الشوكولا الحجار من عنده كتير زاكية ومميزة بصراحة
  • Review by تالا of Nafeesah Sweets
    7 years ago
    جربت من عنده الكنافة الناعمة والخشنة وجربت الحلو المشكل والغريبة ، بالنسبة للتعامل كتير ذوق وحلو . الحلو المشكل طيب بس اكلت اطيب منه وبالنسبة للسعر غالي شوي بالنسبة لغيره من المحلات الكنافة بصراحة اخذتها تواصي كانت منيحة بس كنت متوقعه طعمها اطيب من هيك بكتير الغريبة مش طبية ما حبيتها الصفة قدام المحل كتير صعبة وعجقة
  • Review by تالا of Kanafandi
    7 years ago
    رحت على المحل من كتر ما سمعت وقرأت عنه نصائح وحبيت اجربه ، جربنا الكنافة الخشنة والناعمة من عندو ، المحل ديكوره حلو كتير والتعامل كتير ذووق وعمل الكنافة وانا بتفرج كنت انا واهلي حبينا الكنافة كانت طبية وسعرها معقول اغلى من المحلات الثانية يعني الصحن ب 2 دينار بس بالنسبة كانت تجربة حلوة بس اكلت اطيب منها
  • Review by تالا of Papa Johns
    7 years ago
    اليوم أنا طلبت من عندهم ٢ بيتزا وسط دجاج ولحمة وللأسف كانت عبارة عن عجين وصلصة وخضروات وجبنة وما في لا دجاج ولا لحمه وطلبت إضافة زيتون اسود بالنسبة ي السعر ما بناسب الجودة وكمان فوقها شفت العمال الي بينظفوا عم يأخذوا العلب فاضية وبيرجعوها للمطعم عشان تستعمل مرة ثانية وهاي آخر مرة بجرب فيها المطعم
  • Review by تالا of Ammon Model Schools
    8 years ago
    هاي مدرسة حرام ينحكى عنها انها مدرسة خاصة وتجربتي معهم فاشلة من المديرة لغاية المعلمات الي اسلوب ما فيه وذوق ما فيه ما بنصح اي حدا يتعامل معها او حتى يتعامل مع قليلين الذوق الي فيها الحمامات دايما وسخة وريحتها طالعة وما فيه اهتمام ابدا بالنظافة الساحة صغيرة جدا ومش مكفية الطلاب
  • Review by تالا of Early Learning Centre
    9 years ago
    المحل حلو كتير وفيه تشكيلة ألعاب مفيدة وحلوة كتير غير الكتب والقصص والألوان ، اسعاره غالية شوي بس الجودة عنده ممتازة
    يعني السعر بيساوي الجودة اشتريت من عندة العاب كتير لبنتي وكانت تتحمل خبط بالحيط وبالارض بنصح الكل يروح ولو روحتوا بالتنزيلات بتكون اسعاره جيدة وزي برا بس الجودة لا يعلى عليها بصراحة
  • Review by تالا of Shmesani Mall
    9 years ago
    أنا شخصياً بروح عالفود سيتي (السوبر ماركت) بيعمل عروض منيحة وبأسعار مناسبة ومرات كتير أرخص من برا وكل شي تقريباً موجود عندهم .. تعاملهم ممتاز ولبقين وعمري ما واجهت مشكلة بالمصفات..
    المطاعم الموجودة فيه عادية بس الكلحة بالنسبة إلنا نعمة لأنه ما في محل فلافل غيرو في الشميساني!!!! أكيد للي بيحب يتسوق على رواق وبهدوء بنصحه يزور الشميساني مول :)
  • Review by تالا of Robins And Chicco
    9 years ago
    روبنز أو تشيكو ماركة معروفة للأطفال ، كل مستلزمات بنتي اشتريتها من فرع الصويفية والشميساني عندهم تشكيلة روعة من الالعاب وكل ما يلزم الطفل والأم كمان
    عندهم قصص تعليمية لما كبرت بنتي اخذتها هناك وخليتها تختار من التشكيلة الواسعة الي عندهم الموظفين ذوق ومدربين منيح وبساعدوك لحتى تختار وحتى لو ما اشتريت بنصح الكل يجرب منتجاتهم لهلا عندي ما صار فيها شي
  • Review by تالا of Abu Shakra
    9 years ago
    هذا الفرع بصراحة كتير حلو وفيه تشكيلة عطور وكريمات ومكياجات بتجنن وأكيييد ماركات
    المعاملة والاسلوب من الموظفين ولا أروع من هيك بنصح الكل يجرب هذا الفرع
  • Review by تالا of Safeway
    9 years ago
    انا وصيت على كيك من عندهم قبل يومين وبصراحة كانت الكيكة معجنة ومش محشية زي ما وصيت ومحروقة من تحت
    اسوأ تجربة واسوأ مكان لشراء الكيك ما بنصح حدا يشتري منه
  • Review by تالا of Pizza Hut
    9 years ago
    انا زرته قبل فترة مع بنتي واخوي في فرع الجاردنز وقبل ما اطلب الاكل اخذت بنتي على الحمام عشان نغسل ايدينا وبصراحة بعطي النظافة صفر
    الحمامات كانت قذرة بشكل مش طبيعي ولما خبرت مدير المطعم اعتذر وحكالي معلش المياه مقطوعة طيب اذا ما فيه مي كيف عم بينظفوا المعدات الي بيستخدموها في المطعم بصراحة سحبت حالي وطلعت وما طلبت شي وهاي اخر مرة بفوت فيها على المحل
Next

Photos I added

باقة تهنئة لمولود