Mohammad Amro

Mohammad Amro

Amman . Since October 2011
19 Reviews
Added places
4
Reviewed first
11
Added reviews
19
Liked places
4

My reviews

  • Review by Mohammad of Mesleh
    9 years ago
    دكان بسيط شغل أشياء زاكية، نضيف و الدليل مية الشطف اللي بالشارع كل يوم :)، الشباب محترمين بس المحل في كتييييييير مشروب برأيي مش اشي لائق يكون قدام مدرسة
  • Review by Mohammad of Patisserie Fayrouz
    9 years ago
    جربت الكيك و الموالح أكتر من مرة، باقي الأشياء شكلها زاكي بس صراحة ما جربتها، المحل نضيف و أسعاره معقولة، وصينا مرة عكيكة كبيرة لعيد ميلاد و زبطوها كتير و الصورة اللي عليها كانت كبيرة و واضحة، و الكيكة كانت نص فانيلا و نص شوكولاتة و عجبتني كتير، جوا المحل عارضين زينة بسيطة للحفلات وشمع فلو ناسيين عيد ميلاد حدا و بدكوا تلحقوا حالكوا الكيكة و الشمعات من عندهم
  • Review by Mohammad of Al Shareah for Office Supplies
    9 years ago
    هاي مكتبة طالب التوجيهي!، قديش صارلي بالمدرسة (كلية تراسانطة) ما عمري دخلتها الا على التوجيهي، لأنهم بفصلوا كتب مستوى أول عن مستوى تاني:)، عندهم ماكينات تصوير و عندهم دوسيات للتوجيهي، اشي منيح و اشي حكي فاضي، ما لاحظت انو عندهم هدايا، بعتبرها مكتبة جيدة جدا و مرتبة
  • Review by Mohammad of Al Hadetha Library
    9 years ago
    تصوير تصوير تصوير، مكتبة جمب مدرستي ميزتها عن مكتبة فراس اللي على البوابة التانية للمدرسة انو عندهم ماكينة تصوير فيا بتصور عندهم أو بتنزل على مكتبة كلية الشريعة، المكتبة فيها المتطلبات الأساسية للطلاب، دفاتر و أقلام و محايات...الخ، و عندهم هدايا و بلفولك اياها ازا بدك، المكتبة صغيرة فبتوقف على الباب و بتطلب، مكانها عند باب الباصات (الباب اللي بطلعوا منه الطلاب) و هادا الاشي بميزها عن اللي حواليها و هي ملبية حاجات الطلاب
  • Review by Mohammad of Firas Stationery
    9 years ago
    عبارة عن مكتبة صغيرة شغل قرطاسية و هدايا، كنت أحب اشتري من عندو الأشياء الغريبة ( القلم المرن، البرايات اللي عشكل ألعاب، الطامس اللي على شكل شريط....يعني الأشياء اللي بتلفت انتباه الطفل)، ما عندو تصوير لأنو ما في وسع لماكينة تصوير، حتى الشنت كان يعرضهم عسور المدرسة عالسايد التاني، الزلمة و ابنه كتير محترمين و موقعها قبال المدرسة (كلية تراسانطة) استراتيجي
  • Review by Mohammad of Al Badawi Coffee
    9 years ago
    مش شريب قهوة بس بنجيب كتير مرات من عندو و بوصونا من برا عقهوته، المحل كتييييير صغير بعتبار الويبدة منطقة هادية و الناس بتنجّز أمورها بدون سيارة، كلهم مكينتين طحن الموجودين و المحل بلمّع :)
  • Review by Mohammad of Abu Al Shukor Restaurant
    9 years ago
    المطعم جيد بكفي انو الشغيل بلبس كفوف لما بشتغل و بحمصلك السندويشة ازا بدك، بس مشكلته انو مش دايما بغير الزيت :(( ازالزيت نضيف بتطلب ازا ما كان نضيف بروح عمحل تاني
  • Review by Mohammad of Abu Mahjoub Restaurant
    9 years ago
    كل طلاب المدرسة بحبوه، أو بالأحرى بتكاسلوا ينزلوا لآخر الشارع عند باقي المطاعم!، من ناحية زاكي و لا لأ فهو حمص و فلافل و سلطة مش علم صواريخ بس اللي بموّت انو اختراع الكفوف لسا ما وصلهم و المحل بوسع الأول و التاني و التالت برا، على السايد التاني في أكمن طاولة (قال قعدة للمحل) ما عمري فكرت أقعد فيها لأنه محششة، برأي سيء جدا لأنو النضافة اشي أساسي في الأكل
  • Review by Mohammad of Automat Pastries
    9 years ago
    ملاحظة: تقييمي بناءاً على تجربة واحدة فقط
    للأسف سيء، جربتو مرة و ما عجبني لأنو المعجنات مو طازة بتنقي من التلاجة و بسخنلك اياها في الميكرويف! و ما عندو تشكيلة من المعجنات و أسعاره مش ولا بد
  • Review by Mohammad of Stop & Shop Supermarket
    9 years ago
    المحل مرتب كتير و نضيف بس لو انو أوسع شوي، عندو لوازم البيت الأساسية وفي عربايات بالمحل بس مشكلة ازا استعملتها لأنك رح تعمل أزمة و يحقدوا عليك الناس، عندو برا 3 ألعاب للأطفال من اللي بتحط فيهم فراطة، عليه حركة بس عادة كاش واحد اللي شغال، أسعاره، في أشياء مبالغ فيها عن المحلات التانية،بعطيه 3 نجوم لنضافتو و ترتيبوه و لأني كنت أيام المدرسة أشتري من عندو عصير أو أكمن غرض ما بدهم عرباية فما كنت أعاني كتير من ضيق الممرات
  • Review by Mohammad of Ras Beirut
    9 years ago
    كنت أروح عليه أنا و صحابي أيام المدرسة بعد الدوام ناكل من عندو (مطبقّة) و لحد اليوم لما بنزور المدرسة بنروح عليه، المحل نضيف و عندو أصناف معجنات كتيرة بس (المطبقة) هي ازكى اشي، في قعدة صغيرة بالمحل بدها عناية، عادةً بنطلب و بناكل على دوار باريس أو عالماشي ازا كنا مستعجلين، و هيك أغلب الناس يا بطلبوا على التلفون أو بعملوا زيّنا، الاشي اللي ما حبيتو فيه انو ما عمري طلبت مطبقة و كان سعرها زي المرة اللي قبلها، دايما بزيدو سعرها، بس صدقوني بتستاهل :)
  • Review by Mohammad of Campro Creative Digital Services
    9 years ago
    مدرستي بتتعامل مع هادا الستوديو من سنين، هو اللي كان بصورنا للكتب السنوية، الستوديو رحت عليه عشان صورة التخريج، هو بمجمع قبال الضيعة بابو مخفي و من الجهة التانية، الستوديو شغل صور تخريج، أو للمعاملات و هيك أشياء يعني ما في ديكور لأنو عادة شغلهم ميداني (أعراس، حفلات تخريج، حفلات أعياد ميلاد...)، نجي للتعامل، الجماعة كتير حبابين و من الناس اللي بسرعة بتاخد عليهم يعني احنا رحنا أول مرة نتصور صورة الكتاب السنوي و مرة عشان انقّي الصور اللي بدنا اياهم من حفل التخريج و صرنا صحبة احنا و اياهم.
    المصّورين شاطرين و ممكن تاخد الصور من عندهم عفلاش أو سي دي بس شرط ـنك تاخد النسخة المطبوعة.
  • Review by Mohammad of Gerard
    9 years ago
    صراحة ما عمري فكرت من أي محل بسيتي مول بدي آكل بوظة أو أشرب سحلب دايما جيرارد، أكتر بوظتين بحبهم الكروكان و اللايم، السحلب زاكي و الكاسة كبيرة بتقدروا تحطوا عليه جوز هند و قرفة و فستق حلبي، الميلك شيك على شوكولاتة رهييييييييب و الليزي كيك زاكية كمان.
    بما انو المحل في طابق المطاعم فمو بحاجة لقعدة. الصفّة: طبعا في مصف المول، هلأ ما بظن حدا يجي عسيتي مول عشان ياكل بوظة و ايروّح بالعكس بروح على فرع عبدون لأنه الو قعدة و على الشارع، بس ازا كنت بالمول و حابب تحللي بعد الأكل ع طول جيرارد
  • Review by Mohammad of Paradise Bakeries And Restaurant
    9 years ago
    أزكى خبز حمام و أكتر خبز بطول و هو طري من عندهم، المخبز كتير مرتب و عندو كل اشي، معجنات، دونات، موالح، كيك، و الموظفين محترمين و خفيفين دم و الدور منظم عند الدفع.
    موقعه جدا استراتيجي جمب محل الحمص و الفلافل، الخبز السخن و ريحة الفلافل.... المشكلة الوحيدة هي أزمة الكازية
  • Review by Mohammad of Al Fareed Stores
    9 years ago
    الفريد من المحلات اللي بعتبرها ناجحة و فيها كل شي و دائمة التطور
    - الاصطفاف: بتوقع توسيع المصف هو الخطوة القادمة عندهم خاصة انو صار في مدينة ألعاب و المحل اتطور كتير بس دايما بنلاقي صفة فما بعتبرها مشكلة، في ساحة الاصطفاف في صيدلية و فرع للكلحة مع قعدة صغيرة للمحل. - المدخل: عند المدخل في محل ورد و محل موبايلات و أكيد في الشتا عرباية الدرة لازم تكون موجودة :) و لجوا شوي في ركن بيع اكسسوارات _ الأقسام: مواد تنضيف، معلبات، العناية الشخصية، القرطاسية، اللحوم و الدواجن، قسم الخضار و الفواكة، المجمدات، و الديلي ( اللبنة و الجبنة و السنيورة و المخللات...)، الحلويات (زنود الست عندهم كتير زاكية و برضو حلاوة الجبن و الكيك)، الخبز بأنواعه طبعا، في كمان محمص، قسم للألعاب و الهدايا، قسم للأدوات المنزلية و الكهربائيات و عدة الكهربا و اللمبات..،الخ، و طبعا قسم للأشياء الزاكية، و في زاوية صغيرة للكتب( بتمنى بالمستقبل يعملوا ركن لبيع الكتب).و في طابق تحت للمفروشات و المكاتب حلو و مرتب، الطابق الفوق السوق عبارة عن مدينة ألعاب فتحوها جديد فيها ألعاب أغلبها للصغار و في أكمن لعبة للكبار. التعامل: الموظفين كتير محترمين و بحطوكوا بعيونهم و دايما بطلع الواحد مبسوط من عندهم.
  • Review by Mohammad of Hayat FM
    9 years ago
    حياة اف ام اذاعة هادفة لكل فرد في العيلة، برامجها جدا متنوعة متل البرنامج الصباحي (صوت حياة) اللي بطرحوا فيه كل مرة موضوع جديد للمناقشة و بحكوا فيه أخبار البلد، عندكو برنامج فتاوى حلو الواحد يسمعو بستفيد من اسئلة الناس عن أحكام بعض الأمور اللي بتخص حياتنا اليومية، و أكيد للأمهات و الصبايا في برنامج بيت حواء اللي بناقش مواضيع بتخص حواء (و مرات آدم)، في برنامج كيفك للشباب و شخصية للأطفال (نعنوع)، و أكيد في برامج لبعض الشخصيات الرائدة في مجتمعنا العربي و الاسلامي متل د.أمجد قورشة (مع الدكتور أمجد) و د.يزن عبده -مقدم برنامج رسائل على التلفزيون الأردني- (في بيتنا مراهق) و الأروع برنامج د. محمد راتب النابلسي باسلوبه الرائع و امثلته المنطقية اللي ببثوه الصبح بيعطي الواحد دفعة ايمانية و هو رايح على شغله، مدرسته، أو جامعته، و ما بنسى صوت المؤذن اللي لحد هللأ ما عرفت مين هو بس جد أحلى صوت ادان سمعتو.
    الاذاعة بتشجع الأنشطة و الأعمال التطوعية و بتقيم مهرجان انشادي كل سنة و السنة الماضية كان رائع و انبسطت فيه كتير سيئات؟ ما بعتبرها سيئة بس بتمنى انو ايثوا الاناشيد اللي فيها ايفاع لانو الهدف منها مو فتنة و لا ازى نصيحتي لجيراني اسمعوها :)
  • Review by Mohammad of Shawermama
    9 years ago
    السرعة منيحة أنا فطرت منه برمضان و كانت الوجبه جاهزه عال أدان مع إنه كان في ضغط ، بس صغيره بل نسبه لمحلات تانيه
  • Review by Mohammad of Shawer Nar
    9 years ago
    المحل نضيف و البطاطا عندو بحط عليها بهارات زاكيه، أسعاره ماشي حالها بس ما في مصف و القعده صغيره و الشاورما عندو ما بتشبع كتير بس مع هيك بضل نضيف
  • Review by Mohammad of Lebnani Snack
    9 years ago
    أكله زاكي بس كتير بطول بالطلبات ، باخد من عندو كوكتيل و سلش، البوظة عندو حلوه زياده عن اللزوم و أسعاره عام بيغاليها
  • Review by Mohammad of Pizza Qaysar
    9 years ago
    المطعم نضيف و أكله زاكي و أسعاره جدا مقبوله ، الجارليك بريد عندو بشهي و البيزا بتكون جاهزه ب ربع ساعه بلكتير
  • Review by Mohammad of Jabri Central Complex
    9 years ago
    أكلات متنوعة
    حلويات زاكيه المعجنات زاكيه أسعار معقوله خدمه ممتازه Parking القعده حلوه و المحل واسع و الجو عائلي
Next

Places I like