Hamada Tareefe

Hamada Tareefe

Amman . Since September 2011
if u think YouR NOSE had reached the sky , then guess what .. THE SKY IS UNDER MY FEET ..
73 Reviews
Benefited people
13
Reviewed first
6
Added reviews
73

My reviews

  • Review by Hamada of Bourj Al Hamam Restaurant
    6 years ago
    اذا في شكوى على هل محل هو طعم أكله يا اخي خرافي مش طبيعي صدقا طعم فوق الخيال خدمة من شباب بشوشين رائعين طريقة تقديم ممتازة جودة طعام مميزة الجلسات هادئه تصلح للعائلات و المحبين و الكبار في السن اسعاره غالية مقارنة بغيره لكن بتدفع و انت مبسوط اعطيته 4 نجوم بسبب تقديمه للمشروبات الكحولية اما صدقا فرع عمان ام العقبة رائع المطعم و الجلسة و الديكورات لا يختلف عليها اثنين
  • Review by Hamada of Abdoun Cafe
    6 years ago
    محل بسيط رائع اجوائه شبابية شغل شدة لمة شباب القعده بسيطة مأخوذة من قهاوي زمان كراسي زان طاولات نحاس ام كلثوم دايما الخدمة رائعه سريعه المنيو جدا محصور قهوة شاي اراجيل عصير هاي بالعكس ميزة ﻷلو ارجيلته زاكية و الجو عندو عموما جيد جدا لا ينصح فيه بتاتا للعائلات اسعارو جدا عادية لا تخاف انو بنص عبدون الشباب كلها بتكون بخدمتك و فكرة المحل رائعه و الناي الي بتيجيه رائعه
  • Review by Hamada of 360 Café
    6 years ago
    محل رائع خرافي خدمة مميزة منيو منوع و شامل طريقة تقديم غير عادي اسعار ضمن المعقول محلي المفضل بلا منازع المحل كل زباينو ولاد عالم و ناس بنفع للعيلة للصحاب للحبايب اجواء مميزة بتدخل مبسوط و بتطلع مبسوط اكتر اكل بشهي و لذيذ الكمية جيدة جدا صدقا بجنن و ما في احلى ولا ازكى منو
  • Review by Hamada of Balat Al Rasheed Cafe
    6 years ago
    محل بحكي عن سنين فاتت عن ذكريات و اجيال مرت و عاشت يمكن اقدم شي ب عمان هل قهوة لحد الان ما زالو على نفس النمط محل بدائي و بس تدخل بتحس حالك ايام الستينات خدمة سيئه محل كان له عز بس فااات و انتهى يتكون من هل بلكونة الي تطل على البلد و كاشف الكل يحتاج لصيانة و اعادة ترميم و ادارة جديدة لحتى يرجع متل مكان و صحيح مستحيييل تلاقيصفةلسيارتك از
  • Review by Hamada of Taj Lifestyle Center
    6 years ago
    مول رائع بيحكي عن اخر ما وصلتلو عمان في الحياة العصرية مكان كامل متكامل بس متل دايما اي مكان بندل عليه المراهقين الي فاهمين فكرة المول بالغلط و بالشقلوب بدمروه بصراحة مكان بستاهل 5 نجوم بس بعض التصرفات الولادية و حركات الصغار الي بعملوها بعطيه 4 نجوم
  • Review by Hamada of Java U
    6 years ago
    محل رايق و هادي طاقم احترافي و متمرس بشوشين خدمتهم سريعة اسعارو ضمن الطبيعي القعده جوا رائعه بل جو الماطر شخصيل بحب اقعده فيه لما اكون بدور عل هدوء و الروقان
  • Review by Hamada of Bakdash
    7 years ago
    محل معروف بالشام محاولة نقل السمعة و الشهرة الي بالشام لهون ب عمان محل نظيف و مرتب ديكوراته جميلة عل طابع الشامي بيحاول ياخدك لأجواء الشام الكل بعرف بكداش و طعمته تحضير البوظة هيه العلامة المميزة فيه شخصيا ذقت البوظة بالشام و دقتها هووون في فرق لا بد منو لكن مش بأنو الطعم المميز او الغير موجود صراحة لو بدي ابس كريم مش هداك المحل الي مش ممكن اكل من عند غيرو ايس عادي بنكهة مميزة
  • Review by Hamada of Rimini Pizza
    7 years ago
    ببساطة ازكى محل بيتزا عل حطب و خصوصا النوتيلا دماااار خرافيه محل رائع هادي نظيف و الأكل بنعمل قدامك ما في شي تسخين او اكل بارد المحل لو انو على شارع رئيسي كان شهرته أكبرمن هيك الأسعار مو كتيير غاليية لكن صراحة اكل بيستاهل السعر المدفوع فيه
  • Review by Hamada of A3deh Cafe
    7 years ago
    والله من أبسط الكافيهات في عمان لكن النظافة و الخدمة و التعامل خرافييه صراحة أراجيل بتشهي و المشروبات كاملة بلا أستثناء طيبة محل بسيط ما فيو تعقيد نهائيا الناس الي بتقعد فيه راقية المحل هادي فيو شدة و طاولة زهر و مع هيك ما بتلاقي صراخ ببثو مباريات فيه الأسعار ضمن نطاق المعقول أكتر من طبيعي الأسعار بحب أروح المغرب هناك مع قعدة عل قزاز بتكون بتجنن حتى الأغاني الرايقه الي بحطوها بالليل بتعمل جوو رائع
  • Review by Hamada of Lyali Shahrazad
    7 years ago
    بنطبق عليه مثل رخيص و كويس و ابن عالم و ناس اسعار رخيصة جدا بالمقارنة مع الغير خدمة جيده جدا في وايرليس مكان نظيف مريح خدمته سريعه أراجيل زاكية تنوع المنيو كمحل ديكورات و القعده جيده بالعكس بتحسها بدون ترف بدون تعقيد ممتاز لطلاب الجامعات بوسع أعداد كبيرة المحل فئة كبيرة من الناس بتروح عليه من جميع الأعمار يفتقد مرات للهدوء بحكم الأعداد الكبيرة بنفع للشباب فقط عائلات أكيد لأ
  • Review by Hamada of 5 Senses
    7 years ago
    محل جيد كموقع و خدمة و تنوع لائحة الأكل و نظافة كااان للأسف فعلا محل رائع بكل ما تحمله الكلمة من معنى كل شي فيه كان مثالي تماما مع مرور الأيام و خصوصا أخر فترة الأكل بتحسو بدون نكهة الخدمة بطيئه تعاون الي بالمحل ضعيف جدا حتى الزباين صارو أقل من قبل كان على نهاية الأسبوع المحل فلل بالمقابل لا أسعار أقل و لا حتى في تغيير للأفضل حاليا محل عادي جدا أكلو برضو عادي مو مميز الخدمة نوعا ما سيئه الأسعار صراحة لا تستحق الي بتقدملك
  • Review by Hamada of Donuts Factory
    7 years ago
    والله محل كتييير زاكي و ازكى دونتس ب عمان محل لا غبار عليه من نظافة لجودة لخدمة و السعر جدا عادي متل أي محل ببيع دونتس بس يا عمي الدونتس بتزيد الوزن و الواحد مو ناقصو يعني كتيير زاكية الدونتس و بتكون بتقاوم لأ بكفي و بالأخر برضو بتوكل كتيييير .... محل رائع ألو فروع كتيير شخصيا اذا حبيت اكل دونتس بس من عند فاكتوري
  • Review by Hamada of Kanafandi
    7 years ago
    والله هل المحل قريت عنو هون بجيران و من التعليقات حسيتو شي غريب فاا رحت جربتو تقريبا قبل 4 أشهر محل صدقا بجنن الكنافة طيبة كتييير كتييير و الفكرة انو قدامك بعملها و كل شي بصير قدامك فكرة رائعه و المحل كديكور و الناس الي بتشتغل فيه بشوشين و متميزين اول مره رحت طلبت كنافة عادية أخدتها صغيرة طلعت بتشهي كتييير و القطر مو مغرقها بتوكل كنافة طيبة كتيير و بعدها صرت تقريبا أسبوعين لازم اروح عليه اكل كنافة و صرت أنوع جربت أم علي عش السرايا المدلوقه بتشهي ينصح بتجربتها و الكنافندي سبيشال بالقشطة البلدية خرااافي ...النظافة ممتازة و الجودة روعه الأسعار مقارنة بلي بتاكلو متساوية تقريبا بس مع السعر الدارج غالية كتيير يمكن لو شوي ينزل أسعارو او يعمل فترة من العروض الناس بتتشجع اكتر و بنشهر أكتر لأنو بحس هل محل مظلوم و السبب انو الناس بتقلك ليه كل هل السعر الغالي ؟؟ شخصيا الكنافة الناعمة + المدلوقه هدوول بدك تدوقهم صح روح على كنافندي
  • Review by Hamada of Just Falafel
    7 years ago
    يعني محل عاكس مفهوم الفلافل الي بالبلد ...الفلافل أكلة شعبية ذات طابع خاص يمتاز بالسعر الرخيص هاد المحل حاول يقلب المفهوم تماما وللأسف دمر كل شي ...سندويشة فلافل صغيرة بأي محل بعمان أن طارت نص دينار ...ليه بهاد المحل أقل شي دينارين و اربعين قرش ؟؟!!!!!! و للعلم الطعم لا يوصف ما بتعرف شو بتاكل أي شي ما عدا الفلافل !!! و نكهات خرافية فلافل هندي ولا مكسيكي شو هاد من وين جبتوه !!!! محل بمول اوكيه مرتب و نظافة و بشوشين الي بالمحل و تعامل رائع و خدمة سريعة و البطاطا المقلية بتشهي بس 3 سندويشات فلافل مع بيبسي و بطاطا 14 دينار !!!!! سعر نهائيا غير منطقي ...اكلة بسيطة جدا حاولو يغيرو فيها لكن النتيجة مأساوية
  • Review by Hamada of Reem al Bawadi
    7 years ago
    محل عريق و قديم محافظ على رونقه و ديكوراته رائعه ...الجلسات جميلة جدا و هادية الأكل عندو طيب أنا شخصيا بحب اخد منسف من عندو طييب بشكل خرافي بعدها اكيد قهووة عربية القائمة فيها اكلات متنوعه الناس بتفضل المشاوي عنده في اراجيل و حلويات و مقبلات كتيرة في كراجات خارجية و فاليه للي بحب بهتمو بالزبون بالصيف دايما عجقه و كتيير ناااس بتروح عليه السعر غالي لكن جودة طعام و نظافة محل بتستاهل السعر المدفوع
  • Review by Hamada of Al Dayaa
    7 years ago
    محل متخصص بالشاورما ...الدجاج ازكى بكتيير من اللحمة محترفين بالشاورما و اعدادها الجودة ممتازة محل الشاورما الوحيد الي باكل من عندو و انا مطمن نظافة الأكل و المقبلات ممتازة ...الأسعار عادية جدا لا تختلف عن أي محل شاورما تاني هاد الفرع المشكلة بأنك تلاقي صفة البطاطا الودجز خرافية اطلبها مع الوجبة ما بتندم المحل مرتب و الي بشتغلو فيه بشوشين و سريعين و الأكل دايما بنعمل قدامك و بتاخدو ساخن اما الديليفري دايما متأخر عليك و مواعيده متأخره
  • Review by Hamada of Ocean Sea Food
    7 years ago
    محل جميل و مختص بالأكلات البحرية و خصوصا السمك الحلو فيه انو متخصص بنوع معين كل شي ممكن ينعمل بالسمك بتلاقيه عنده اكتر شي بحبه من عنده الصيادية البهارات زاكية كتيير و سمك الفيلية بجنن من عندو ...القائمة عندو مشكلة و متنوعه كتيير بضل المحل يعمل عرووض على الأكل عندو السعر غالي بالمقارنة بالغير لكن جودة الأكل و نظافة المحل كأنك عامل السمك بالبيت
  • Review by Hamada of Fakhr Al Din Restaurant
    7 years ago
    من افخم المطاعم و أرقى محل ممكن تدخلو المحل كتيير بجنن الأكل خرافي من سنين الجودة ما بتنقص بالعكس كل مالها بتزيد الخدمة سبع نجوم بهتمو برضى الزبون و يضلو مبسووط نظافة ممتازة للمحل و الأكل الجراسين متواجدين دائما للخدمة بس شو بدك برمضان أجوائه حلوة في اماكن اصطفاف و المحل من لما تدخل لحتى تطلع كل شي خيالي بالمقابل الفاتورة دايما عشر أضعاف ما بتكون انت متوقع السعر جدا غالي بالمقارنة للي بقدمو كمان غالي لا ينصح فيه لذوي الدخل المحدود نهائيا
  • Review by Hamada of Amman Al Kubra Restaurant
    7 years ago
    ازكى محل مشاوي بعمان ....النظافة ممتازة المحل مو بهدااك الستايل الوااو لكنه جيد جدا قائمة الأكل متنوعه بحب من عندو العرايس زاكية كتييير و مو ناشفه الأسعار غالية لكن بيستحق التعامل مع الزبائن جيد مو اكتر و بالعجقه و الأزمة بتحس كل الجراسين معصبين و بتخاف تطلب منهم شي من زماان باخد اكل من عندهم ما في مره كانت جودة الأكل سيئة او بارد الأدارة بشكل عام للمحل جيدة جدا اكتر فرع بحبو تبع السابع
  • Review by Hamada of Zarzar
    7 years ago
    مطعم جديد لم يعتاد على لغة الكبار او حتى يحاول يقلدهم بتحسهم ضايعين يا بلغولك حجز يا بغيرو بالطلب يا نفس الفاتورة غلط ما بعرف بعدهم جداد أكلهم مش سيئ يصنف انو جيد و قريب من الجيد جدا أسعارو رخيصة بحاول يجذب زباين بس الأدارة فاشلة كل شي فايت ب بعضو بعدين شو هل المطعم بعمل حمص و فلافل و مشاوي و مناسف و طبيخ و شاورما ؟؟؟ !!!!!!! غريبين الأطوار المواعيد غير دقيقة بتاتا اوعى تلتزم بمواعيدهم لأنها دايما متأخرين المحل نظيف و الأكل نظيف طعمة الأكل مش الأشي الخرافي لقيت ازكى شي عندهم الفريكة و المنسف اكيد بتوصي على سدور اما وجبات انسى المحل لو تتحسن أدارتو و يهمتو بالطعم أكتر ألو مستقبل ناجح
  • Review by Hamada of Shallalat Abu Zad Restaurant
    7 years ago
    جودة الطعام عالية جدا من حيث النوع و الكمية زاكي بكل شي بقدمو خصوصا دجاج عل فحم قائمة الأكل عندو كبييير و نظافة الأكل ممتازة السرعة في الأنجاز و تاخد طلبك سريعين كتييير الأسعار جدا رخيصة 5 أشخاص وحوش اكل بشبعو و زيادة ب 15 دينار في أمكانية تحجز قبل بوقت الأكل عل ساعة الفلانية يكون جاهز اذا بتكون مستعجل يستحسن دايما خد سفري لأنو جوا عجقه دايما و المحل أصلا 24 ساعه ازمة و المشكلة الكبرى موقعه كتيييير ازمة لا بتلاقي صفه و حتى نفس الشارع الي فيه دايما ازمة محل رائع صراحة و ما شاء الله رغم كل الضغط الي عليه ما بتحسهم بستعجلو بالطلبات او ما بيسألو بجودة الأكل او النظافة صدقا أكتر محل بحب أكل من عندو
  • Review by Hamada of Azkadenya
    7 years ago
    محل الديكور رائع المحل الو طبيعتو بتحس عالم مستقل جوا من لبس الجراسين لشكل الطاولات الحيطان بالمحل الكنبايات الو جوو خاص فيه الأكل طيب أزكى شي الفتوش عندهم أراجيل جيدة جدا الشباب خدومين و بهمهم رضى الزبون المشكلة بالفلبينيات الي عندهم لا بفهمو عربي ولا عل أنجليزي تبعنا و ازا همه حكو أنجليزي مطبش فا بتقعد بلغة الصم تتفاهم معهم الأسعار مرتفعة نسبيا بالمقارنة بالغير لا ينصح فيه بالزيارة اكتر من مرة شهريا الا اذا كانت الميزانية تتحمل هيك عبئ الأكل نظيف و المحل نظيف كتيير المحل بناسب الشباب اكتر من العائلات لا يقدم مشروبات كحولية
  • Review by Hamada of Palm Village
    7 years ago
    محل جيد جدا طعم الأكل عندو كتييير زاكي المشاوي خرافيه الخدمة سريعه و دايما الأكل سخن و الموظفين بشوشين الجلسة رائعه بالصيف عل تراس الخارجي نوافير و معرشات خدمة اصطفاف موجودة مع مواقف خارجية بتوسع للكل ما بقدم كحول الأرجيلة طيبة عندة بالصيف دايما برتاد عليه خصوصا أيام نهاية الأسبوع بكون في مغني عل عوود بعطي جوو رائع السعر سياحي يعني الشخص بالعاده بكلف 20-25 دينار المأكولات و المقبلات كتييير متنوعه المشكلة في العصائر و الحلويات و الأيس كريم كتيير قليلة و مو بهداك الشي الطيب نهائيا
  • Review by Hamada of Fitness First
    7 years ago
    افخم جيم ب عمان نوعية الأجهزة فخمة جدا و كفائتها عالية و متنوعة و بتناسب الجميع النظافة ممتازة جدا غرف الغيار واسعة و نضيفه احسن شي فيو التهوية مستحيل تشم روائح او تحسن حتى بالرطوبة المدربين عليهم بعض النقاط همه مناح و فهمانين بس لناس و ناس يعني بمثلو الواسطة بشكلها الحي و اكييد الميووول دائما للجنس اللطيف النادي مختلط كل شي فيهم تماما بس لما توصل للسياسة المالية للنادي سيئة للغاية ما بدي احكي عن الرسوم العالية للأشتراك لأنو فعلا بتلاقي خدمة بس بتحس انو لو فيهم تدفع عن الحركة الي بتعملها ما بقصرو اذا غبت او تخلفت عن النادي مدة بدفعوك و الي بوخدوه خلص رااح بلا عوده نهائيا ما في تساهل كل شي بتدفع و كتييير متمسكين فيها ما بعرف ليه كل الي بالنادي ولاد عالم و ناس
  • Review by Hamada of Paradise Bakeries And Restaurant
    7 years ago
    مخبز كامل مكمل بموقع جدا رائع و حيوي كتييير .......كل شي عندو و حتى فيو مطعم حمص و فول و معجنات و بيتزا و كل شي ممكن يعملو مخبز فيو الجودة عالية جدا و الأسعار طبيعية متلو متل أي مخبز الحركة عليه دايما ازمة و معظم الي بكون خارجين من عمان بأتجاه الجنوب و طريق المطار بصفو عندو ليشترو أغراضهم اماكن أصطفاف كبيرة و 24 ساعه المخبز الحلويات طيبة كتيرة هنااك انا كل ما امر من هناك باخد من عندو صفيحة كتييير زاكية
Next