عبداللطيف اسماعيل

عبداللطيف اسماعيل

Amman . Since September 2011
I love techno.....Mobiles, tablets, computers, all these stuff are amazing
12 Reviews
Reviewed first
3
Added reviews
12

My reviews

  • Review by عبداللطيف of Everest Hotel & Spa
    9 years ago
    فندق راقي جداً...موقعه متميز و مطل.
    أنا دخلت على view كافيه اللي فيه و عنجد انبسطت، خدمة كويسة و سريعة، و موظفين بيعرفوا يتعاملوا مع الناس، و المكان هادي جدا و ممتاز. الأسعار فوق التموسطة بس مناسبة للخدمة. أكيد بنصح الكل يروح عليه.
  • Review by عبداللطيف of October Blue
    9 years ago
    ببساطة و اختصار مقهى رائع! الوضع فيه كتير مريح و هادي، و الديكور كتيير مرتب و راقي.
    الخدمة ممتازة جدا و الموظفين متعاوينين و مزوقين. ممكن تطلب عن طريف الآيباد أو حتى اللابتوب إزا دخلت على الراوتر تبعهم. بيقدم مشروبات و مأكولات و بوظة، و كلهم أزكى من بعض يعني إشي بجنن. في شغلتين ما حبيتهم فيه إنه ما فيه أرجيلة و ما فيه شدة، بس يمكن هيك أريح عشان ما يجذب الشباب اللي بضلوا يصرخوا. الغريب بالوضوع إنو أسعارو مش عادية يعني ما بتقدر تحكي إلا أنو اسعارو رخيصة جداً. لازم الكل يجربوا لانو مكان كتير حلو.
  • Review by عبداللطيف of Hashim
    9 years ago
    مكان كتير حلو...الواحد ازا بدو يروحلوا بكون رايحلو عشان موقعو الرائع في وسط البلد.
    اكلو زاكي و طيب و دايما سخن. اسعارو عادية جدا زيو زي غيرو. الموظفين فيه كتير محترمين. الخدمة سريعة.
  • Review by عبداللطيف of Zain Telecom
    9 years ago
    تجربتي مع هاي الشركة مريرة و بتمنى لو اخلص منهم للابد.
    اسعراهم غالية. عروضهم دايما مش بمصلحة الزبون. ممكن مرة وحدةتتفقد الرصيد بتلاقي طاير ما بتعرق وين راح. ازا احتجت شغلة و صرت بدك تحكي مع موظف الخدمة فنادرا ما حدا يرد عليك يعني بتكوك 15 دقيقة على الانتظار و بعدها بفصل الخط. انا لولا انو الخط صارلو معي من زمان و كل صحابي بيعرفوه وللا كنت ناوي اكبوا في الزبالة لانها شركة بكل اختصار ما بينعاش معها.
  • Review by عبداللطيف of Jafra Cafe
    9 years ago
    جفرا فعلا من الاماكن الحلوة اللي الواحد بضللوا زكاريات فيها.
    يعني الجو راقي و كلاسيكية، موسيقى رائعة لفيروز و غيرها، الموقع جدا ممتاز. الديكور فيه جذاب و قديم بتحس حالك قاعد بمكان اسطوري. الخدمة فيه كويسة كتير و الموظفين دايما بشوشين. بعتبره واحد من الاماكن اللي الواحد ممكن يروح عليها مع العائلة. اسعاره مناسبة و مو مبالغ فيها.
  • Review by عبداللطيف of Antique Cafe
    9 years ago
    مقهى انتيك في الرابية كتير حلو....اوكي مش راقي و اكيد مش هو المكان اللي الواحد بروح عليه مع بنت أو بروح عليه عشان يريح أعصابو.
    المكان شبابي لدرجة مش طبيعية يعني دايما المحل صخب و صراخ و ضجة ناس بيلعبوا شدة و و ناس بتابعوا مباراة. المشروبات عندو ممتازة جدا و لذيذة. الارجيلة كمان زاكية و طعمها غير شكل. اسعارو كتير مناسبة و عشان هيك دايما عامر ما شاء الله. الموظفين كتير طيبين و متعاونين و كلمة الزبون ما بتصير تنتين.
  • Review by عبداللطيف of Amman Tourist Beach
    9 years ago
    مكان حلو و مريح و مرتب. ازا بدك تروح عليه يفضل انو ما يكون يوم عطلة عشان راح يكون أزمة.
    دخوليته 3 دنانير للاردنيين و 10 للسياح. ايام الجمعة ممكن الواحد يستخد منقله الخاص أما غيرها من ايام الاسبوع فممنوع ادخال المناقل و لازم تستخد المنقل الموجود بالشاطئ.
  • Review by عبداللطيف of Sands National School
    9 years ago
    اكاديمية ساندس قضيت فيها آخر سنتين من حياني المدرسية.
    المدرسة كموقع كتير كتير متميزة و مريحة. البناء متطور جدا و فخم. الكادر التعليمي كويس بشكل عام مع العلم انو الكادر في كل المدارس بيتغير بشكل سنوي. الادارة شديدية جدا يعني المدرسة نظامها عسكري. بالنسبة للاقساط فاسعارها مو رخيصة ولا غالية يعني بتساوي اقساط غيرها من المدارس الكبيرة...يعني تقريبا 2200 دينار قسط التوجيهي
  • Review by عبداللطيف of Fuddruckers
    9 years ago
    مطعم كتير حلو. راقي ، مرتب من جوا. الخدمة سريعة. الموظفين كتير متعاونين. ما بتقدر تحكي عن اسعارو رخيصة بس يعني معتدلة.
    اكلو كتير زاكي و فاخر خصوصا الجينة اللي بتنحط على السلطة. فيه شغلة حلوة هي الريفيل للمشروبات
  • Review by عبداللطيف of Mecca Mall
    9 years ago
    صراحة المول كويس بس زغير شوي.
    صعب جدا تخلص من ازمة شارع مكة عشان تقدر تدخلو. مشكلته انو في آخر فترة اندلوا عليه الشباب الهمل و صار مكان كتير مقرف. نصيحتي لا تدخلوا.
  • Review by عبداللطيف of Restaurant and cafe Mizmar
    9 years ago
    مزمار كوفي شوب و مطعم.
    المكان كتير حلو و راقي جداً جداً. اسعاره مناسبة كتير و ما اتوقع انو في محل اسعاره ارخص من مزمار. الموظفين رائعين و بحبوا يساعدوك و بشوشين. أنصح كل واحد حابب يروح ع مكان هادئ و مريح و راقي و رخيص يروح عليه.
  • Review by عبداللطيف of King Hussein Park
    9 years ago
    حدائق الحسين مكان كتير حلو بعمّان، تقريبا في كل اشي الواحد بحب يشوفوا لما يكون برا البيت.
    في بقالة و كوفي شوب و أحلى اشي فيها مسجد الملك حسين فعلا من أحلى المساجد اللي دخلتها. ازا حاب تروح على الحدائق في نصيحتين : لا توخد معك بنات و لا تروح يوم عطلة...آه صح نصيحة نصيحة لا تحاول تدخل الحمام العام اللي هناك.
Next