Dr-Khalid Shobaki

Dr-Khalid Shobaki

Amman . Since September 2011
د. خالد شوبكي ماجستير صيدلة - محاضر في المعاهد الصحية/السعودية . خبير تسويق دوائي MBA
14 Reviews
Added places
8
Reviewed first
5
Added reviews
14
Added photos
5
Liked places
2

My reviews

  • Review by Dr-Khalid of Al Kawniah Pharmacy
    8 years ago
    مرحبا ... ان مرة كنت محتاج اعرف شوية معلومات ... ومن جيران اتصلت عليهم بالهاتف وبدأت استفسر .. ولقيت اجابات واضحة ومختصرة ومفيدة ... الدكتورة اللي ردت علي كانت متعاونة وصبورة ... شكرا صيدلية الكونية
  • Review by Dr-Khalid of Dr. Samar Al Halawani
    8 years ago
    دكتورة كثير شاطرة ... ازورها انا وزوجتي من اول زواجنا مريحة بالتحدث (أقصد الازواج )... يعني مش زي كثير من الدكتورات تتحرج مع الحديث معك لدرجة انك ما تفهم شو صاير كانك شغال بالرموز والشيفرات صريحة لدرجة احيانا صادمة
  • Review by Dr-Khalid of Golden Key
    9 years ago
    محل مواد بناء .. بس فيه كل شئ
    على 3 ابواب .. يقع على دوار ام عبهرة.. ماشاء الله ما لزمني شئ ودخلت اطلبه عندهم الا كان عندهم منه .. حسور برادي .. مفكات .. مجالي ... براغي .. ساعات غاز .. الخ
  • Review by Dr-Khalid of King Hussein Bin Talal Mosque
    9 years ago
    المسجد رائع .. وجميل ... والعاملين فيه اكثر من المصلين ...
    الحديقة التابعة له تمت على نفقت تركيا ... طيب رجب اوردجان حسب ماهو مكتوب في لوحة كبيرة في الحديقة .. بس بحس المسجد هذا شغل شو اكثر من انه عبادة وتعبد ... انشئ في منطقة بعيدة عن السكان ...(يمكن سكان دابوق بيصلو فيه ههههه ) او يمكن رجال المخابرات يتركو شغلهم وياخذو المتهمين واللي بيحققو معهم ويرحو يصلو جماعة ، بصفة المخابرات اقرب شئ ليه .. ويمكن يصلع المرضى من المدينة الطبية يروحوا يصلوا فيه ... بس بصراحة .. مرة صليت فيه الجمعه برى بالشارع من الزحمة .. علما ان الجو كان مطر وبرد ... بس السر ان الخطيب يومها كان "مشاري العفاسي " ... آآآه !! فهمت الان .. مشكلتنا مع الامام ... لو حطولنا امام بيخاف الله.. و قادر علميا وخطابيا .. ويطلع بخطب بتلامس واقعنا وتفهمنا (مش مجهزة من اول السنة بغض النظر عن واقع الحال ) يمكن ساعتها يرجع الشباب يعبوا ساحاته ...
  • Review by Dr-Khalid of Jordan Islamic Bank
    9 years ago
    البنك موقعه جيد ...
    بعد عيد الاضحى لقيتهم مغيرين الديكورات ... وعاملين الدور على الارقام .. بس ما حل مشكلة الازمة وتضيع الوقت في الفرع ... يبدو ان الموظفين مو متعدوين ع النظام الجديد لسه ... البنك قديم .. وسيستمه قديم .. والموظفين قدام :) يعني تركته ورحت لبنك ثاني وخلصت معاملة ورحت صليت ورجعت ولسه يادوب وصل رقمي بالدور
  • Review by Dr-Khalid of Joudih Stores
    9 years ago
    ما شاء الله ..
    محل كبير وكثير بضاعته ... هلأ توفير فيه كثير و لا لأ ... صعب تميز لأنه موول .. وتعرف منافسه وكل يوم عرووض... اظن انه 24 ساعة لاني اجيته بساعة متأخرة ولقيته فاتح ...
  • Review by Dr-Khalid of Tabarak
    9 years ago
    المحمص عرفت عنه عن طريق "جيران "
    بس سألت عنه جيراني هون في المرج .. فحمدولي فيه ... واخيرا رحت اشتريت من عنهم امس قهوة... الشب هناك كثير ادمي ومحترم .. ونظيف ( كان شغال تمسيح وتكنيس ) اشتريت قهوة بعد ما نصحني بنوعين ... نوع الوقيه ب 1.75 قرش وقهوه اكسترا 2 دينار .. اخذت الاكسترا .. ولما جربناها كثير عجبتنا ... كاتب على الكيس ان البزر ساخن يوميا ..بس لسه ما جربته :)
  • Review by Dr-Khalid of Adwaa Al Tayyar
    9 years ago
    المحل جميل ...
    فيه بضاعة حلوة .. وغريبه .. خصوصا الثريات والنجف .. يبدو انهم مو محل بيع عادي .. بس شكلهم وكلاء وبيعوا جملة ومفرق ،،،، السعر عندهم زياردة ... بس شوف انت شو بدك .. الاشي الحلو ؟؟؟ موجود السعر ؟؟ ما أظنه اختيار مناسب
  • Review by Dr-Khalid of Hamadah Restaurant
    9 years ago
    المطعم الشعبي (فول وحمص وفلافل ) الشبه وحيد بالمنطقة
    اكلهم نظيف ... وطيب .. وممكن تطلب زيت على الطلب يعطيك كيس مرتب (مثل كيس المايونيز او الكتشب ) هاي الخدمة ما تبتلاقيها كثير من المطاعم .. الدقة ع الحمص او الفول رائعه ... اسعاره فوق المعدل حبه لمطعم شعبي .. بس بيستاهل
  • Review by Dr-Khalid of Abu Daqqa
    9 years ago
    المحل موقعه مميز ....
    ومبين من ع الطريق ... بين دوار ام عبهرة و دوار البرديني ... فيه تشكيله واسعه ... وظن الهم فرع بالوحدات ... بس فرع المرج .. اكثر تشكيلات ... وانظف بضاعة والاهم انه ارخص من فرع الوحدات ( اخذنا نفس الفستان ارخص ب 30 دينار من الوحدات )
  • Review by Dr-Khalid of Pizza Qaysar
    9 years ago
    مطعم زاكي .. البيتزا لذيذة ...
    العروض عندهم كويسة اشتري واحد والثاني مجانا... انا جرت الخضار والبحري طيبين !! السعر عادي او فوق العادي حبه ... يعجبني وانا اشوفهم يخبزوا ابيتزا وتطلع من الفرن اتومتيكياً يمكن تتغلبو بالصفة قدامهم شوي
  • Review by Dr-Khalid of Sawarbenaa Halls
    9 years ago
    مرحبا ... انا بدور ع صالة لعرسي (ان شاء الله هالشهر .. تفضلو ياجماعة )
    قرأت عنها هون وحدا خبرني عنها .. رحت شفتها .. بصراحة لا .. مش هالقد !!! الصالة عليها اضاءه ليلة زرقاء من برا ملفته . لكن خلينا نحكي من جوا ... اولا .. المصعد صغير يادوب بيكفي 2-4 بس والباقي ع الدرج (درج عالى الطابق 2 ) مدخل الصالة مش هالقد !! مافي باركنج ... صالة النساء مقابل المصعد يعني الطالع والنازل بيشوف ... مع انهم حاوولو حلها بان وضعوا باب جرار .. بس مين يضمن ... كمان اذا بدك تروح ع حمامات الرجال لازم تمرق من قدام صالة النساء .. نجي ع صالة النساء ... الصوت والديكورات والاضاءة حلوة جدا ... وخصوصا اللوج ... كرسيين فضائيين فايعين ... وخلفهم ستان ابيض خيلة ... بس المكان ضيق .. بيقولو بيكفي ل350 شخص ... بس كثير زحمة ع الطاولة 10 كراسي .. بالنسبة للسعر ... طلبو 1100 دينار على الحفلة المسائية ...
  • Review by Dr-Khalid of The Bake House
    9 years ago
    مرحبا .. انا قرأت عن المكان هون بجيران ... رحت امس مع خطيبتي نفطر فيه...
    اولا .. الخدمة والعالم هناك كثير بشوشين !! وبيرحبو ويضيفوك بدون تكلف .. يعني مو تحس انو بدو منك شئ( تيبس او بخشيش ) 2- الاكل كثير طيب 3- الاسعار مناسبة .. فطورين + 2 عصير طلع علينا حوالي 13 دينار (من المنيو اقدر احسب ان فطور لشخص مع شئ تشربه بيطلع حوالي 6 ليرات ) 4- اعجني الثيم فيه .. الوان الجدران الاخضر وكيف عاملينه قديم ومكسر حلو كثييييير.. 5- اعجبتني الصور المعبرة على الحيطان ... مثلا صورة باكيت سجاير والدخان فيه عبارة عن طلاق كلشن . او لوحات تحكي عن التلوث والبيئة . 6- الفيو والطله على حي نزال وراس العين من تحتك حلوة كثير... 7- اخذت طله ع المطبخ .. لقيته كثير نظيف والناس الشغاله لابسين كفوف ومراييل . الاشياء اللي ما اعجبتني : 1- عصير البرتقال طعمو "مخنز" يعني حبت البرتقال منقعوين بالمي من شهر وطعمهم زباله بصراحة . 2- في ضغط على الطابق الثاني والشب اللي هناك مو ملحق -الله يعطيه العافية -.. ومو فاضي يحكي معك .. والغريب ان في 2 تحت وما عندهم شئ يعملوه .
  • Review by Dr-Khalid of Abu Zaghleh Restaurant
    9 years ago
    مطعم زاكي .. ازكي اشي عندهم الجاج التركي .. وساندويشة الكباب ...
    الهم فرعين .. بالمقابلين وخريبة السوق بس النظافة مش ولا بد ...
Next

Places I like

    Photos I added