Yasser Abdel Majeed

Yasser Abdel Majeed

Amman . Since August 2011
بحب الاكل بس ما بدي انصح
44 Reviews
Added places
2
Reviewed first
7
Added reviews
44
Liked places
1

My reviews

  • Review by Yasser of Sara Sea Food
    7 years ago
    اول مرة رحت عليه قبل سنتين انبسطت - المرة هاي رحتو برمضان واخر مرة برجعلو - حجزنا على البرندة من الصبح اجينا على الافطار لقينا نسوان محلنا - وبعدين بدهم يلبسونا تمر هندي عبارة عن مية وسكر ب 2 دينار للكاسة وايش مسجلين على الفاتورة عصير ليمون طبيعي - نحكي الحق اكلو زاكي بس ما انبسطت بالمرة غرقنا بعرقنا واحنا بناكل
  • Review by Yasser of BCI Mobiles Division Samsung
    7 years ago
    ما شاء الله فكرتو بنك لما دخلتو وديكورات ولابسين حلو ونظافة ولكن على الفاضي لانو ما خدموني ولا خلو مشكلتي للاسف الشديد ومع الاحترام, وكالة بي سي اي في الاردن سيئة وتسيء سمعة سامسونغ, لدي جالاكسي كاميرا وقعت وانكسرت الشاشة، وعند مراجعتهم ليس لديهم قطعة بديلة ولم تحل مشكلتي بالمرة بالرغم من المحاولة في فرعين مختلفين والتحدث مع الشكاوي ولكن دون جدوى، والآن ساشتري شاشة جديدة عن طريق الانترنت واصلح الجهاز بنفسي واخسر الكفالة لأن الوكيل ايضا لم يوافق على تركيب قطعة من خارج الشركة، حيث انني عرضت عليهم احضار القطعة والكاميرا لهم لاصلاحها وعدم خسارة الكفالة ورفضت ايضا، خدمة سيئة بعكس الاعلانات.
  • Review by Yasser of Cafeteria Al Hannini
    9 years ago
    ساندويشاتو لذيذة ومشبعة عندو حمص وفلافل ومقالي وفي قسم طحال وكبدة وشاورما المميز عندو حاليا وبروح عندو عشان عصير قصب السكر بعصرلك اياه قدامك وزاكي ومنعش كثير
  • Review by Yasser of Snack 22
    9 years ago
    يا سلام اتذكرت ايام وانا صغير لما كنت اشتغل بالبلد بشارع بسمان كان هاد المطعم معتمد كوجبة يومية كل شي زاكي عندو اكثر شي بحب النقانق والكبدة والنخاعات اسعارو ممتازة ولهسا نفس الجودة يعني اذا مريت من جنبو وانا جوعان بنجذبلو زي المغناطيس
  • Review by Yasser of American Language Center
    9 years ago
    هاد المركز وصفتو بفوق الخيال لأني ما بصدق اطلع من الشغل واوصلو برتاح نفسيا فيه والسبب انو كل شي فيه ممتاز ، نظافة رتابة موظفين خدومين مبتسمين لحسن حظي اجيت مع معلمة امريكية اسمها بيانكا من كثر ما هي مبدعة في اسلوب التدريس ما حدا بيستنى محاضرتها تنتهي ،رجعت لأيام الطفولة لأنها بتعلمنا عن طريق الضحك واللعب ،المرافق كثير نظيفة زي ثلاجات مي الشرب باردة ونظيفة وكاسات بلاستيك دايما متوفرة التواليت نظيف جدا وفيه محارم دايما حتى المصلى جميل ونظيف وفي قاعات انترنت الغرف كلها مكندشة ومدفية في ساحة للجلوس والتدخين ،احلى اشي فيه ممنوع التدخين في البناية مطلقا.
    بيحتوي على 6 مراحل تعليمية كل مرحلة فصلين أ و ب وكل فصل سعرو 275 دينار
  • Review by Yasser of رمضان الخليلي
    9 years ago
    زي فرض الصلاة اذا نزلت على البلد لازم امر عندو واشرب تمر هندي
    وين ما اشوف تمر هندي بمكان ثاني بستنى لاروح عالبلد عشان اشرب من رمضان ، طبعا عندو خروب وليمون وسوس وشغلو نظيف
  • Review by Yasser of Chili House
    9 years ago
    تشيلي هاوس مطعم لازم جميع اصحاب الذوق الغريب يروحوه انا لازم اروح عليه مرتين ثلاث بالسنة وبعدين بمرض اذا ما رحت بصير اهلوس تشلي هاوس تشيلي هاوس
  • Review by Yasser of Abu Jbara
    9 years ago
    بصراحة المطعم فرجة لازم يرشحوه لعجائب الدنيا السبع لانو مطعم فلافل وهيك مرتب ونظيف وفخم كل شي زاكي عندو بدك تنبسط انت والاهل والاصحاب روح عليه وادفع وانت مبسوط
  • Review by Yasser of Yanabe' Al Sham Restaurant
    9 years ago
    بالنسبة الي هاد ازكى مطعم بيعمل بروستد قعدتو عادية جدا بس بالمقابل بتاكل بروستد بطعم مميز وبعدين بركة واصحابو محترمين وكل شي زاكي عندو جربت دجاج على الفحم زاكي كثير وكمان الشاورما عندو مميزة جربوه
  • Review by Yasser of Reefy
    9 years ago
    بيعمل بروستد دجاج وسمك زاكي كثير بحبو اسعارو جدا منخفضة وبصراحة بفضلو على مطاعم البروستد المشهورة مرات بيساوي البطاطا زي الشيبس كثير زاكي اللي حابب يتغدى وما يدفع كثير يروح قعدتو عادية لانو شغال طلبات خارجية اكثر شي
  • Review by Yasser of Pharmacy One
    9 years ago
    طبعا على الاغلب جميع الصيدليات نضيفة ومرتبة هاد اشي اساسي بس هاي الصيدلية غير لما يفوتها الواحد بحس حالو راح على مكان غير النفسية بتتغير حتا طبعا خدمتهم ممتازة وفهمانين ومرتبين
  • Review by Yasser of Jafra Cafe
    9 years ago
    بحب ديكورو كثير جميل جدا والجو رائع فيه اهم شي ما يكون ازمة مدخنين فيه عشان يضل الجو صافي ههه بحب عصائرو زاكي كثير بحب اقعد بالبرندة كمان
  • Review by Yasser of Tobacco And More Smoking
    9 years ago
    انا نصيحتي بالنسبة لهاد المحل وغيرو من محلات الدخان انو تبعدو عن الدخان لانو الكل بعرف انو مضر يا ريت شبابنا الجاي يدركو مخاطرو ويصير عنا جيل واع شباب غير مدخن صحي وقوي ان شاء الله ارجو من الاولاد الصغار يعرفو انو الدخان مش رجولة بالمرة لانو اذا صار مدمن عليه وكبر ما بيقدر يتركو
  • Review by Yasser of Al Nejmeh Sweets
    9 years ago
    على الاغلب لما نروح على ماركا لازم ناكل من عندو كنافة بحب الناعمة بحس الو طعم مميز مش ازكى من الباقي ولا الباقي ازكى منو الو طعم بميزو وزاكي كثير اللي بحب التغير يجرب
  • Review by Yasser of Gerard
    9 years ago
    طبعا البوظة زاكية دايما المفروض بس لما تكون جيرارد يعني طعم سبيشل وتشكيلة كبيرة والمنظر بحكي لانو العين بتوكل
  • Review by Yasser of Geneva Bakery
    9 years ago
    دايما بجيب من خبز القمح زاكي كثير بس اللي جذبني الو اكثر عندو معجنات غير شكل مميزة بطعمها وعجينتها بحب البيتزا من عندو كثير
  • Review by Yasser of Salah Addain Bakery
    9 years ago
    عنجد الو ايمو انا كنت ناسيه بس شفتو على جيران تزكرتو زمان ما اكلت من عندو الكعك بيشهي عندو مع البيض جربوه
  • Review by Yasser of Ghaith Bakeries
    9 years ago
    مخبز ممتاز عندو كل شي خبزو زاكي عندو كمان معجنات زاكية كنت افطر من عندو احيانا وعندو حلويات خفيفة زاكية كمان
  • Review by Yasser of Kolaj Omar
    9 years ago
    شباب اللي بدو يغير التحلاي وحابب انو يكون مميز غير الكنافة والوربات جيبو منو زاكي جدا بعملك اياه مخصوص بيطلع صخن وطازة ولذيذ جربت كل شي من عندو الجبنة خرافية والحلبي غير شكل والجوز اشي ثاني
  • Review by Yasser of Cafeteria Ayman Hunaidi
    9 years ago
    صار لازم نروح عندو دايما ادمان لانو زاكي وطريقتو حلوة بالغلي على الرمل وبتعرفو احنا اي شي غريب بنحب نشوفو قهوتو افضل قهوة ومشروباتو الاخرى لذيذة زي الزهورات والزنجبيل جربوه اللي عندو مغص او لوزو بيوجعو بتطيبو ان شاء الله
  • Review by Yasser of Chapatti
    9 years ago
    هاد المطعم دلني عليه صديقي ونصحني فيه رحت جربتو انا وصديق اخر كان زاكي كثير ومشبع واسعارو عادية جدا بعديها عملنا عزومة فيه برمضان والشباب انبسطو كثير وحسو انو زي اكل البيت مزبط ونظيف وزاكي جدا جربنا من عندو رز برياني بالخضار ورز برياني سادة ورز بالخلطة الهندية مع اطباق دجاج ولحم بالكريما والخلطة الهندية وجربنا دجاج التكا كلو زاكي السمبوسة عندهم خيالية الحلو في الموضوع انو بتقدر تختار درجة الفلفل بالاكل مش حار وحار وسط وحار جدا انا شخصيا اعتمدت هاد المطعم
  • Review by Yasser of Carrefour
    9 years ago
    كارفور السيتي مول بالذات ممتاز جدا كل شي بتلاقيه عندهم في اشياء بتخطرش عبالك اسعارو حلوة كثير بيوفر على الاغلب اسعار الشوكلاتات عندو منيحة زي الكتكات والسنكرز حتى الشيبس ارخص من عندو والخضرة اسعارها مرات بتكون مناسبة جدا المخبز اللي عندهم خرافي كل ما اروح بشتري ربطة خبز اصمر من صنعم طازة كثير ولذيذ وحلوياتهم كثير منوعة ورخيصة وزاكية زي قوالب الجاتو والكيك الطابق الثاني ممتع جدا ولا يمل طبعا اذا بدك تلفو مزبوط البس اشي مريح سبور واعتبر حالك طالع تلعب رياضة المشي ودز العربيات كثير رجعت اشياء اشتريتها من عندهم بالذات الكهربائيات ورجعولي اياهم واستبدال بسهولة بيخدموك باسرع وقت بحب نقاط البار كود المنتشرة بالستور عشان اتأكد من اسعار السلع كل ما اروح بنبسط وبلعب رياضة وبتعب وبروح بنام دغري
  • Review by Yasser of Mecca Mall
    9 years ago
    مكة مول رائع للفطور برمضان لأنو بنقدر نطلع عليه مجموعة او عائلات عشان نفطر وفي كثير خيارات للفطور لأنو بيضم افرع اكثر المطاعم المشهورة والزاكية وبعدين بتختار اللي نفسك فيه كلو موجود واذا في ازمة على مطعم معين بتقدر تغير بسرعة وبعدين الأذان فيه مميز ببثو عبر السماعات جميعها اللي بالمول وصوت المؤذن جميل جدا والمصلى اللي فيه كبير وجميل ومريح حماماتو مخدومة كويس صابون وفاين وعمال النظزافة بستجيبو باقصى سرعة ممكنة
  • Review by Yasser of Chinese Flavor
    9 years ago
    بحب الاكل الصيني كثير لذيذ جدا وبحسو خفيف على المعدة حتى لو واحد اكل كثير والمطعم هاد زاكي كثير هاد الفرع واللي في مكة مول النودلز عندهم كثير زاكي والبحري والتشكن كاجو والسويت اند سور بياخذ العقل والسيزلنج بانواعو والشوربات شهية جربوه جربوه
  • Review by Yasser of Hardee's
    9 years ago
    هاد الفرع بحبو كثير لأنو مش برمضان بس بيضلو للفجر كل يوم وبالايام العادية يعني اذا واحد بدي يصوم بغير رمضان يروح على هارديز الصويفية وكل شي زاكي عندهم وخدمتهم ممتازة
Next

Places I like