mazen dorgham

mazen dorgham

Amman . Since July 2011
22 Reviews
Added places
5
Reviewed first
4
Added reviews
22
Liked places
1

My reviews

  • Review by mazen of Ashley Furniture Home Store
    8 years ago
    والله مفروشات اشلي افضل المفروشات بالعالم، وهي امريكية و ذات جودة عالية وسعرها ممتاز كثير كثير مقارنة بالصناعات الأخرى كالصينية والمصرية والماليزية والمحلية (مع احترامي لكل الصناعات) بس انا لفيت وشفت كتير وقارنت بينها وبين غيرها، وبصراحة فرق كبير كتير كتير كتير من ناحية التصميم والجودة، وكسعر منطقي ومعقول ولو كان اغلى بشي بسيط في بعض الأحيان إلا انه كل شي من اشلي سعره واضح ومبين فيه ومنطقي. وهلا هم قريباً في شارع المدينة المنورة بالقرب من سامح مول ومستشفى ابن الهيثم. وعم بستنى يتم الإفتتاح.
  • Review by mazen of Nawa'er Al Sham Restaurant
    9 years ago
    والله المحل مش كتير ممتاز بس جيد جداً و أكله زاكي وبالأخص المعجنات الشامية عندة كتير زاكية.
    كمان في الجاج المشوي تبع نواعير الشام بتميز بالنكهة الطيبة والمميزة الي بتعطي الجاج الطعم الرائع وبالنسبة للشاورما منيحة بس بصراحة في أسكا منها
  • Review by mazen of Al Rawshi
    9 years ago
    يعتبر مطعم الروشة من المطاعم المميزة بالمأكولات السريعة الفاست فود و كمان في عنده الشاورما الطيبة بس الأسكا من هاد كله هو الزنجر تاعة كتير طيب و زاكي. وموقعة قريب هو بالجبيهة على اشارات المنهل بالزبط جربوا وادعولي
  • Review by mazen of Tawaheen Al Hawa Restaurant
    9 years ago
    انا يوم الثلاثاء تاني يوم برمضان افطرت في طواحين الهوى و عنجد كل واحد اروح و جرب و الأكل طيب و زاكي و ما شالله عنه و الخدمات كتير ممتازة و في ضيافة المطعم القطايف تبعة كتير زاكي و الكل اروح و اجرب و يدعيلي
  • Review by mazen of Sufara Bakery
    9 years ago
    والله انا بشتري القطايف من عندهم كل يومين و كتير كتير طيب وبشهي و ريحة القطايف بتشهي بالأضاقة للخبز والحلويات والكعك كل شي زاكي و القطايف طيب و بضل الطعم فيه زاكي و ما بنشف
  • Review by mazen of Abu Jbara
    9 years ago
    والله انا بحب اروح اتسحر فيه لانه اكلة زاكي وطيب و خصوصاً الفتة يالله شو زاكية و القعدة في كتير حلوة بس بصراحة اسعارة كتير كتير مرتفعة بزيادة مو طبيعية
  • Review by mazen of City Mall
    9 years ago
    انا كتير بحب اروح على السيتي مول لانه في كتير اشياء ومحلات بتسلي وبتخلي الواحد ينبسط و بالأخص الكافيهات الي تحت بالإضافة للمطاعم الي موجودة بالطابق الرابع كمان الحلو انه كارفور معه يعني ممكن الواحد يتسوق وينبسط بنفس الوقت
  • Review by mazen of Carrefour
    9 years ago
    انا كتير بروح على كارفور ومعظم مشترياتي منه لانه اول شي بوقف السيارة بالكراج وبنزل مباشرة ولما ارجع ومعي الأغراض بكل راحه بوصل سيارتي وبنقل الأغراض بس الأهم من هيك انه كارفور كتير كبير وفي كل شي وما في شي بكون مو موجود وبتتوفر فيه كل الأشياء بعدة انواع و أشكال وجميع المنتجات وبالإضافة لأسعارة الي كتير ممتازة وجيدة وبتناسب الجميع
  • Review by mazen of Al Arz For Computer
    9 years ago
    والله المحل كتير ممتاز ومميز بخدماته الجيدة وتوافر البضاعة فية بكل الأنواع والأشكال والموديلات واذا ما كان في عندة ما بخليك تطلع لا بأمن المطلوب من مكان تاني وسعر جيد ومناسب
  • Review by mazen of Basman Roastery
    9 years ago
    اسكا واحسن محمص بالأردن عندة بزر كتير كتير زاكي وما في حد بعمل متلة ودايماً ساخن بس انا بنصح انه ازيد فروعة ما اله الا 3 فروع وسعرة ممتاز وخدماته كمان ممتازة وجيدة وانا ما بحب اشتري بزر الا من عندة
  • Review by mazen of Abu Jbara
    9 years ago
    ابو جبارة مطعم مميز و زاكي بس لما ادخلة بحس حالي فايت على مستشفى خاص لانه اسعارة كتير عالية مش هيك بزيادة وخدمته كتير ممتازة والنظافة موجودة فية واسكا شي عندة الفتة
  • Review by mazen of Ghazal Restaurant
    9 years ago
    مطعم منيح وكويس وانا ما بحب اكل عندة الي الشاورما الأيطالي لانها طيبة كتير بس بلاحظ انه سعرة شوي غالي مقارنة مع غيرة بس اكلة كتير زاكي يعني وجبه شاورما ايطالي لحمة او جاج او مكس والله طيبة
  • Review by mazen of SmartBuy
    9 years ago
    المحل جيد يعني بلاقي فيه معظم الأشياء الي بترغبها بس اسعارة نار نار نار وكمان في عليه مشاكل على موضوع الكفالة وبحكوا في عنا كفالتين سمارت باي وكفالة الوكيل ولما تروح بضيع بين التنين وبتطلع بدون كفالة وبجوز تعمل مصيبة هناك وتصير بدك كفيل اطلعك من السجن
  • Review by mazen of Reem al Bawadi
    9 years ago
    انا دخلت المطعم واكلت فيه واكله زاكي وطيب وخدمته ممتازة وسعرة منيح يعني متله متل باقي المطاعم بس يا ريت الادارة انها تلاحظ على الموظفين مدير الصاله والموظفين انهم طول ما الناس قاعدة بضلوا بجنبهم كتير ويعني شوي بقعدوا معهم على الطاولة وبضل الف وادور يعني في ناس ما بتحب هيك وكل هاد عشان الاكرامية
  • Review by mazen of Tawaheen Al Hawa Restaurant
    9 years ago
    طواحين الهوى مطعم عريق وحلوا وقعدته حلوة واكله طيب كتير وهادي وانا دخلته كتير وماشالله عنه والخدمة فيه ممتازة بس بلاحظ انه في شوية تأخير ما بين ما تطلب الأكل ولحد ما يوصل
  • Review by mazen of Al Sarawat Restaurant
    9 years ago
    المحل كان اول ممتاز بس هلا لأ و مو نظيف وقاعته من مرة واذا ما في حد مصدق روحوا واشتروا ساورما لحمة وشوفوا شو فيها وكلها دهن وما فيها لحمة لا وكمان بتلاقي نصها فاضية بس خبز وسعرة على الأكل الي عندة كتير غالي وما في نظافة وبنصح الإدارة انها تركز على النظافة احسن بلاش وزارة الصحة تعمل اللازم
  • Review by mazen of Shawerma Reem
    9 years ago
    اسكا واحسن محل شاورما بالمملكة وخدماته سريعة مع انه بكون عندة ناس كتير بس بلاحظ انه سعرة غالي شوي وما كان قبل هيك كان اقل بس لانه الناس بتحبة بشتروا من عندة وانا بنصح الادارة انها تحافظ على زباينها مش اطيرهم
  • Review by mazen of KFC
    9 years ago
    المحل من مرة
    والله العظيم انه اكثر من مرة رحت عندهم واطلب الأكل يطلع مو مستوي والله وكما ما في نظافة من مرة وبتتأخر عندهم يعني الكاشير بسرعة بحجز الطلبيات وبضل ساعة وانت تستنى بس لما بدك تطلب ما في اسرع منهم والمحل مو نظيف وما بنصح حد ازورة
  • Review by mazen of Etam
    9 years ago
    محل متميز بأنه بتلاقي عندة طلبك ومتوفر في تشكيلات جيدة ومناسبة للكل و واسع وفرع الوكالات ممتاز و كبير وكل شي متوفر وبأسعار مناسبة وجودة عالية
  • Review by mazen of Celio
    9 years ago
    فرع سيليو هاد هو الفرع الرئيسي والفرع كبير كتير ومناسب لتاخد راحتك فيه كونه كبير والموظفين الي فيه مميزين وبقدموا خدمات ممتازة للزبائن وعندهم الملابس معروضة بشكل ممتاز و مرتب وبتكون الفرع من طابقين بحتوا على تشكيلات واسعة وجيدة بأسعار مناسبة وبأحجام وألوان متعددة بتناسب كل الشباب وأزواقهم
  • Review by mazen of Zara
    9 years ago
    برأي زارة ماخد الأسم فقط والناس بتشتري منه لأسمه بس بصراحة الكواليتي الي عندة مش كتير وموظفينوا ما بعاملوا الزبائن متل غيرهم من المحلات كمان بتتغلب لحتى تلاقي الي بدك اياه.
  • Review by mazen of Massimo Dutti
    9 years ago
    بصراحة انا ما كتير بعجبني يعني بلاحظ انه البضاعة الي عندة مو كتيرة كتشكيلة يعني ما بتلاقي لكل الأزواق بس لفئة محددة ومع هيك بلاتقي اسعارة عالية بس على الفاضي وبرأي سعر عالي وجودة منخفضة اشي متناقض
  • Review by mazen of SeRGeNT MaJoR
    9 years ago
    المحل كتير حلو وبجنن وترتيبة كتير ممتاز كل شي مصنف ومرتب وبتختار الملابس بكل راحة و كل شي بكون معروض بشكل مميز و سهل على الزبائن والتشكيلة دايماً جديدة و متنوعة ولجميع أعمار الأطفال بنات او اولاد واسعارة كتير مناسبة و معقولة والموظف بتعامل مع الزبون بكل احترام وادب.
Next

Places I like