heba al-khalede

heba al-khalede

Amman . Since July 2011
graphic Designer
35 Reviews
Added reviews
35

My reviews

  • Review by heba of Ward Restaurant
    8 years ago
    جربت ورد مره وحده وفعلا مكان يستحق الزيارة اولا المكان كبير ومرتب، طلبت مشاوي ومتبل وبطاطا وكانو كتير زاكيين والارجيله كمان زاكية الموظفين مرتبين والمحل نظيف السعر عنده معتدل جدا وارخص من كتير مطاعم بنفس مستواه بنصح الي ما جربه يجربه لانه بستاهل
  • Review by heba of Kobbeh & Bastouni Café
    8 years ago
    امبارح جربت كبة وبستوني لاول مره، وما بنصح اي شخص فيه لانه ما عجبني نهائي المحل مو كتير كبير وفي قعدة داخلية وخارجيه بالنسبة للديكور كويس بس مش واو وكان الي كتير ملاحظات على هاد المكان اول شي قعدنا ساعه الا ربع ولا حدا اجا سالنا شو تشربو ولا جابولنا المينيو ولما زهقنا واحنا بناشر للشباب الي بشتغلو بالاخر قمت انا عليهم وحكيتلهم معلش النا زمان وبدنا نطلب، المهم طلبنا.. ثانيا انا طلبت عصير اورانج منشان ابرد شوي بالحر جابولي اياه مو بارد ابدا والي كانو معي طلبو اشياء تانيه وحسب ما حكو مو كتير زاكيين ثالث شي جابولنا صحن مكسرات فاحنا فكرنا على اساس ضيافه ونزلو عالفاتورة ثلاث دنانير بدل مكسرات ولما حكيتلهم بس احنا ما طلبنا حكالي الويتر احنا كان عنا miniman charge 7 دنانير عالشخص ( يعني ليش يكون عندهم miniman charge لا في عندهم حفلة او فعاليات ولا شي محرز) رابعا عندهم الموظف الي بياخد الطلبات شكله ازعر وبيطلع عالبنات بطريقه مو حلوه وانا ما عجبني هاد الشي خامسا سعره غالي يعني انا ما طلبت غير عصير اروانج ومي ودفعت عن حالي 6 دنانير تقريبا يعني الواحد يروح على شي فخم او فندق ويدفع شوي زياده احسن بالنسبه لقعدة المكان مو مريحه بالنسبه الي لانه الطاولات قريبين من بعض وما في خصوصية بالقعدة والمحل شعبي كانك قاعد بقهوة بوسط البلد انا شخصيا ما بفكر ارجع افوته مره تانيه
  • Review by heba of De Silva
    8 years ago
    دي سيلفا من اجمل واروع الاماكن الي بعمان، انا شخصيا بحبه كتير وبنصح الكل يجربه ديكوراته كتير حلوة وفكرة الاسماك جديده ومميزة وفي اكتر من قعدة وكمان قعدة الترس الخارجيه انا كتير بحبها بالصيف بالنسبة للاكل جربت اكتر من شي كله كان كتير طيب والمشروبات كمان كتير زابطة الخدمة اكتر من ممتازة يعني من الاخر ادارة المكان جيده لانه من اول ما تفوت بتلاقي حدا يستقبلك وبيسالك كم شخص ووين بتحب تقعد وبتعامله بطريقه احترافيه وكتير مهذبين، انا من النوع الي بس اطلب من المينيو بضل اسال عن الاطباق ففي اماكن بتضايقو اما همي على العكس تماما بيساعدوني وهمي مبتسمين :) حد علمي انهم بيعملو سهرات في ايام معينه من الاسبوع حسب ما سمعت بس ما جربت النظافة ممتازة الأسعار نوعا ما غاليه بس بصراحه بستاهل يعني الواحد بيدفع وهو مبسوط بنصح اي حدا ما جربه يجربه اتوقع عندهم خدمة اصطفاف سيارات مو متاكده لاني دايما بصف لحالي
  • Review by heba of Black Orchid
    8 years ago
    هذا المكان ديكوراته كتير حلوة وهادية وحسيته رومانسي نوعا ما، بالنسبه للخدمة مو كتير كويسة.. الموظفين الي فيه حسيتهم ما الهم نفس يشتغلو، الاكل عندهم سيء جدا لدرجة انه اسوء مكان آكل فيه من سنين بس المشروبات كويسه عندهم انترنت، الي بحب يروح يقعد بمكان رايق يشتغل عالاب توب يروحه لانه مناسب لهيك شي عندهم ارجيل بس ما جربتهم ومسموح الدخان ما شفت عندهم خدمة اصطفاف سيارات فما بعرف اذا في او لا بس ما اتوقع
  • Review by heba of Second Cup
    8 years ago
    رحته مرتين، المحل ديكوره حلو وموقعه هاديء، جربت عندهم الكابتشينو والموكا وكانو زاكيين واسعاره متوسطه، بس الشي الي ما عجبني فيه انه الطاوات شوية قريبة وكتير ازعاج وانا شخصيا ما بتحمل الصوت العالي بيعملي صداع وما بعرف اركز اذا كنت رايحه اشتغل
    عندهم خدمة اصطفاف السيارات
  • Review by heba of Mijana
    8 years ago
    يا سلام على ميجانا شو بحبه بصراحه المكان جميل الديكور لطيف بس القعده الخارجيه احلى للي بحبو الطبيعه
    المشروبات عنده زاكيه بس الاكل ولا مره جربته الارجيله مو كتير كويسه المحل مرتب ونظيف وتعامل الموظفين كتير كويس يوم الخميس والجمعه عالاغلب بيكون عالحجز الاسعار نوعا ما غاليه في عندهم خدمة فاليه
  • Review by heba of Gloria Jeans
    8 years ago
    جلوريا جينز كتير بروحه وكتير بحبه
    تصميمه كتير حلو وكبير وفي اكتر من قعده و الجو مريح الي بده يروح يدرس او يشتغل يروح عليه في انترنت بس النت عندهم بطيء وفي عندهم مكتبه فيها كل شي ممكن يحتاجو الطلاب وكمان عندهم طابعات ملونة لطباعة بوسترات وغيره حتى انا لما مرات شركتي تحتاج بطبع عندهم لانه اسعاره ارخص من المطابع لانه الفكره منه انه للطلاب ما في اراجيل المشروبات كتير زاكيه جربت اكتر من شي وكمان جربت البراونير والكوكيز زاكيييين كتير نظافته ممتازة الاسعار كتير عاديه ما في خدمة فاليه وانت وحظك في عنده ضغط ومو دايما بتلاقي مصف لسيارتك
  • Review by heba of Chez Hilda
    9 years ago
    بصراحه انا مستغربه انه الكل عم يمدح فيه كتير لدرجه انه فكرت حالي مخربطه وفتت على البوم الصور اتاكد انه نفس المكان
    هو عمحل الديكورات والقعده فيه مرتبه بس بالنسبه للحلويات اقل من عاديه بس شكل.. بيعملوها بطريقه بس تتطلع على شكلها بتتخيل طمها خرافي بتطلع مقلب يعني مستغربه كتير انه ماحذ اسم والناس بتمدحه، تقريبا جربت كل شي عندهم ولا شي حبيته ولا نوع من الكيك زاكي جربت البلاك آند وايت/ريزبيري موس كيك/ كراميل موس كيك/ تقريبا كل النكهات ولاشي عجبني.. ولا البراوينز والآيس كريم سئيه كتير والتشيز كيك عادي شركتي دايما بيجيبه منه بس لما اعرف انهم جايبين من عنده بتنكد لاني ما بحبه طبعا الاسعار غاليه كتير اغلى من المحلات التانية وبالنسبه الي ما بستاهل
  • Review by heba of Cushions Lounge
    9 years ago
    هادا الكافيه الي رحناه بطلعه جيران الخامسه
    وانا رايحته اكتر من مره قبل ومن الاماكن الي بحبها وهو مكاني المفضل بمنطقة الرابيه ديكوراته مميزه في طابع فخامه مع رواقه، الكراسي والكنبايات مريحه كتييير الاكل عندهم كتير زاكي بس ما في تنوع و المشروبات زاكيه بس الارجيله مو كتير زاكيه يا سلام على قعدته بالشتاء احلى من الصيف لازم تجربوه بتكون تتفرج عالمطر من الشبابيك شعور كتير جميل النظافه ممتازة الخدمه ممتازة في انترنت الموظفين خدومين وبشوشين الاسعار عاديه بس مو رخيصه بس مو كتير غالي في خدمة اصطفاف السيارات
  • Review by heba of Miles Supermarket
    9 years ago
    مايلز كتير مميز، من اول ما الواحد يفوت بينبسط بالديكور الحلو تاعه مع الاضاءه المميزة
    تقريبا بتلاقي كل شي فيه وطريقه العرض مميزة وبتلاقي الي بدك اياه بسهوله جو السوبرماركت مختلف عن غيره اله طابع مميز قسم الخبز والكروسان فيه زاكي ومميز النظافه ممتازة الاسعار اغلى من غيره بس بفروق بسيطة
  • Review by heba of Al Sarawat Restaurant
    9 years ago
    السروات جربته كتير
    المطعم مو كتير فخم وانا شخصيا ما بحب قعدته!! هو يعتبر بالنسبه الي مطعم شعبي بس الحق يقال الاكل عندهم كتير زاكي وفي تنوع جربت عندهم المشاوي زاكيه اللحمه عندهم نظيفه، وفي الدجاج عالفحم كتيييير بحبه، ويا سلام على الشاورما بالخبز العراقي كمان زاكيه بشكل عام الاسعار كتير معتدله جودة الاكل ممتازة الخدمة كويسه نظافته جيده مش دايما بتلاقي مكان تصف سيارتك
  • Review by heba of Reebok
    9 years ago
    مرات كتير بشتري منه، جوده البضاعه عندهم عاليه.. تحديدا بحب الشوزات مريحين والشنط عندهم حلوين
    الاسعار غاليه شويه بس مقدور عليها
  • Review by heba of Abu Al Haj Group Al Moumayaz Taxi
    9 years ago
    اول شي الحمدلله اني اشتريت سياره وخلصت مع التاكاسي ووجعة الراس
    بالنسبه لتاكسي المميز كانت الفكرة حلوة وفعلا مميزة بس عند التطبيق اكتشفنا انه عالفاضي يعني زيه زي اي تاكسي عادي راح تستمر المعاناه مع اي حدا بياخد تاكسي لانه سواقين التاكاسي كلهم نفس الشي انا ما بعمم وبحترم المحترمين منهم بس في نسبه مو قليله منهم يفتقدو للاسلوب والاحترام وبيحملو الي طالع معهم جميله عالمشوار كانه طالع ببلاش اشي منهم بتضايق اذا المشوار قريب وواحد بيعصب على الراكب اذا كان في ازمة (اي هو ضل شارع بعمان مو ازمة) هادا وغير الي بيبلش يحكي ليخزق راسك وهو يعرط عن حاله وكل البنات حيموتو عليه وفي عينه كانها ماخده الشغله علشان تزبط بنات اي بنت بتطلع لازم يحكيله كلمتين بركي زبطت معه ويا حبيبي اذا فكرت تحكيله بعد اذنك توقف دقيقه بدي اشتري خبز او دخان بيعصب عليه كانك سبيت حدا من عيلته وبيحكيلك العداد بيعد وانا واقف وبس توصل بيطلي زياده ما هو استناك واوعك ثو اوعك ثو اوعك ما يكون معك فكه مصاري لانه اكيد راح تتبهدل يعني من الاخر لازمهم اداره قوية لانه شكله ادراتهم مو صح لازم يكون في تدريب للسواقين الي عندهم
  • Review by heba of Aramex
    9 years ago
    ارامكس شركه الها اسمها
    جربتها اكتر من مره بس تبعث او تيجي تستلم شي بيوصل بسرعه الاسعاره كويسه طبعا معروف هي حسب الوزن بس انا مره تعاملت مع موظف عندهم كان اسلوبه سيء بس اتوقع ما الهم ذنب لانه يمكن لو شكيت عليه كان عملو شي بس انا طنشته وشفت موظف تاني كتير محترم
  • Review by heba of JETT Passenger
    9 years ago
    انا لما بدي اروح العقبه او سوريا بروح بباصات جت
    افضل باصات عنا بالاردن نظيفه ومرتبه وفيها كونديشن مواعيدهم دقيقه بتحس السائق بيلتزم بسرعه معينه ما بيزيد السرعه عنها تعاملهم كويس اسعاره معتدلة
  • Review by heba of Al Osra Restaurant
    9 years ago
    رحته اكتر من مره يوم الجمعه الصبح
    ما عندي تعليق الا اني حسيته زيه زي اي مطعم حمص وفلافل عادي ما شفت شي مميز الخدمة عاديه النظافه وسط الاكل زاكي السعر كتير عادي
  • Review by heba of Houston's Restaurant
    9 years ago
    من المطاعم المفضلة عندي
    كتير راقي ومرتب ونظيف وهادي مقارنه بالمطاعم اكلت عنده كتير اشياء عندهم تنوع بالمينيو وانا بحب عندعن تشكن فيليه مع وايت صوص او براون صوص وبييجي معها خضار زاكيه وجربت الباستا كمان زاكيه وجربت البرغر زاكي وفي سلطه جربتها يمممممي كانت بتعقد بس ناسيه شو هي الخدمة اكتر من ممتازة وتعامل الموظفين كتير كويس جودة الاكل ممتازة النظافه كمان ممتازة الاسعار ليست رخيصه ولكني لا اراها غاليه مقارنه بالخدمة والاطباق المقدمة يعني من الآخر سعره وسط
  • Review by heba of KFC
    9 years ago
    افضل مطعم لدجاج البروستد هو كنتاكي بلا مناااااااع
    ومع اني جربت كل فروعه تقريبا بس فرع الشميساني ازكى فرع فيهم وما بعرف ليش بس التعامل عندهم سيء جدا مره رحت مع اهلي وكنا قاعدين على طاوله وسخه ورحت طلبت حدا يمسحها وطنشو ولما رجعت صارو يحكو ما في حدا ومره تانيه كان معنا طفله سنتين وطلبت كرسي اطفال وحكولي هيهم على جنب احنا ما بنجيب وبطلبات السياره دايما بيغلطو ومرات بضطر ارجع مشوار المهم جودة الاكل ممتازة وجربت كل شي تقريبا قطع الدجاج زاكيه والكول سلو رهيبه ازكي شي بالاردن وفي ساندويش المطافي يا سلام والريزو من عندهم مع الهوت صوي شو زاكي النظافه ممتازة الاسعار معقولة جدا يعني معدل سعر اي وجبه مع بيبسي وبطاطا هو اربع دنانير يعني في متناول الكل ما عندهم خدمة اصطفاف في فرع الشميساني انت وحظك مرات بتكون المنطقه ازمة وما بتلاقي ومرات بتلاقي بسهوله
  • Review by heba of Reem al Bawadi
    9 years ago
    ريم البوادي كنت اروحه زمان
    الي شي ثلاث سنين ما رحته، هو محل مرتب والقعده جميله بالنسبة للاكل في تنوع بالاصناف عندهم وكويس بس ما حسيته مميز الارجيله بتذكر انها زاكيه كتير الخدمة جيده جدا بس هو شغل قعدة عائلات اكتر من انه قعدات شبابية الاسعار كانت غاليه بس حسب ما سمعت من صاحباتي انه هلا صاير مو كتير غالي بس مو متاكده اذا حكهم صح في خدمة اصطفاف السيارات
  • Review by heba of Grand Cinemas Zara
    9 years ago
    انا رحت كل السنيمات الي بعمان بس هاي اكتر وحده بروحها يمكن لانه ما فيها عجقه زي الباقيين
    حلوه ونظيفه وفي قعده لذيذة برا قبل ما يبلش الفيلم تستنى فيها وتشرب او تاكل شي خفيف
  • Review by heba of Fitness One
    9 years ago
    انا اشتركت فيه سنه كامله بس بصراحه اندمت كان لازم اشترك شهر اشوف الوضع بعدين اقرر
    النادي فخم واجهزته مرتبه بس تعامل المدربات فيه سيء وما بسالوك الا اذا حدا احتاج شي وسالهم كتير فيه مشتركات فدايما معجوق بالذات ما بين الساعه 5-7 الي هي وقت ما بيروحو الموظفات بيكون ما في اجهزة فاضية وبدك تستنى عالدور لما جيت اعمل الفتنس تيست اخدت موعد واتصلو فيني لغوه حكيت مو مشكله واعطوني موعد تاني رحت وحكولي الي بتعمله مو موجوده فانا عصبت وثالث مره لعملته كان الي شهر ونص مشتركة وفي كمان شغله لما سجلت سالت في ستيم حكولي لا وبعد شي شهر شفت غرفه سالت شو هاي حكولي هاي غرفه ستيم فسالوني مين حكالك انه ما في فحكيتلهم مين البنت الي حكتلي صارت تحكي البنت انها كانت جديده عندهم انا شخصيا ما حبيته بالمره بس الشي الكويس فيه انه نظيف كتير اول ما اي بنت تقوم عن الجهاز بيمسحوه دايركت بس الاداره عندهم سيئه
  • Review by heba of Dr. Mohammed Abu Sharar
    9 years ago
    انا بتعالج عنده من زمان
    دكتور محمد كتيير تعامله كويس وانا حاليا بعتبره صديق اكتر من دكتور بتعالج عنده مرات كتير بروح عنده استشيره بشي ودايما بنصحني شاطر ومحترم مو مادي وبراعي اوضاع الناس بالكشفيه دايما عيادته مليانه
  • Review by heba of Dr. Imad Matar
    9 years ago
    انا بتعالج عنده من فتره وكل اهلي وعيلتي بروحه عليه
    عيادته نظيفه وتعامله كويس اذا لما بدك موعد بيعطوك موعد بعيد لانه عنده ضغط وهادا دليل انه شاطر
  • Review by heba of Centro
    9 years ago
    سنترو رقم واحد بالاردن
    قد ما احكي عنه بضل مقصره مكان خرافي ولا احلى ولا في احسن من هيك رهيب رهيب رهيب بروفيشينال بكل شي موقعه هاديء من اول ما تفوته بتكون مبسوط لانه مكان ديكوره حلوه كتير فخامه مع عراقه وراقي يعني مش خمس نجوم هو سبع نجوم وانا بدي اعطيهم كمان نجمة لانه بستاهل اكتر من سبعه كمان :) المينيو متنوع كتير من اكل ايطالي الباستا بانواعها والبتيزا واللحوم من ستيك بعدة نكهات وغيره وتشكيله من السلطات الي بتشهي على يد امهر الطباخين، هادا غير طريقه التقديم المميزة - جودة الطعام والمشروبات: ممتازة وفوق الخيال - المحل كتير نظيف - القعدة مريحه كتير - اداره المحل صح من الآخر لانه الموظفين على درجه عاليه من الكفاءه وبتعاملو باحترافيه - الاسعار: غاليه بس بستاهل يعني بتدفع وانت مبسوط - يوجد خدمه اصطفاف السيارات بنصح اي حدا ما راحه يروح ويجربه وانا متاكده انه راح يكون مبسوط متلي :)
  • Review by heba of Bel Mondo Cafe
    9 years ago
    بيلموندو خلف شركتي بالزبط يعني بس بنزل درج بصير فيه
    كتير مكان حلو ومرتب بس ما بعرف ليش ما حبيته يمكن حسيته للفئة العمريه الاكبر من عمر الشباب بس هو حلو قعدته كبيره ومريحه المحل نظيف ادارته كويسه الموظفين نشيطين اكلت فيه ستيك كان كتير زاكي اسعاره شوي غالي في عنده ساحه مواقف سيارات
Next