فراس قاسم

فراس قاسم

Amman . Since June 2011
برشلوني
714 Reviews
Added places
197
Benefited people
1
Added reviews
714
Added photos
84
Liked places
164

My reviews

  • Review by فراس of Le Meridien Towers Makkah
    two years ago
    بصراحة سكنت قبل اسبوع لما رحت العمرة وجد روعة الخدمة روعة والموظفين رائعين الغرف نظيفة وفيها كافة الخدمات الاسعار حاليا عاملين عروض ومناسبة للجميع والاهم من هيك خدمة الباصات للحرم متوفرة على مدار الساعة النت موجود والمطعم في اكتر من مطعم
  • Review by فراس of Adams Secrets
    two years ago
    بصراحة مش عارف من وين ابلش كتابة المكان بشكل عام اكتر من رائع متل الديكور الداخلي او الخارجي وحتى باص ادم يللي موجود بداخل المكان ويللي برجعك لايام زمان وهاد الشي من اروع ما لقيت في عمان كلها، يعني شي كتير حلو انك تتزكر الماضي ومع انو احنا ما عشناه بس اكيد كانت ايام حلوة بكل معانيها وباص ادم فكرة اكتر من رائعة وبشكل عام الديكور الداخلي جد رائع وفي كمان شغلة كتير حلوة وهيا المطبخ الارجنتيني يللي معمول فيه كمان روعة،و طبعا الديكور الخارجي كمان بجنن ومعمول بشكل رائع وعنجد لفت نظري هاي الامور وواضح كتير انو متعوب عليه كتير وطبعا موقعه رائع وسهل الوصول اليه وما بغلب ابدا في عنده قعدات خارجية حلوة كتير ومريحة جدا متل الطاولات والكراسي ومافي ضيق بين الطاولات وهاد الشي كمان ايجابية كتيرة وبالداخل طبعا قعدة حلوة اكتر ومرتبة كتير وفي طابق تاني حسب ما بتزكر وبشكل عام المكان والديكور روعة الاكل عندو، في عنده طبعا فطور واكيد غداء وانا شخصيا جربت الفطور واكلت من عنده القلاية وكانت زاكية والفتة ومع اني مابحبها بس للامانة كانت بتشهي واللبنة (عادية ) والمفركة وكانت جد زاكية كتير وغير هيك في عندو كمان الفول والبيض ، الخبز عندو نوعين وبعملهم عندو حسب ما فهمت، خبز عادي وخبز تورتيلا والاتنين ازكي من بعض المشروبات عندو الساخن متل الشاي وعندو العصائر وكلها فرش وبنسبة رائعة جدا وفي عندو حلويات بس انا شخصيا ما جربتها وعندو كمان الارجيلة عندو كتير شغلات تانية زاكية وافكار كمان حلوة كتير متل يوم التلاتاء مخصص للعودة للماضي وعندو مجال تعمل اعياد ميلاد باسعار ممتازة وبدون ما ياخدو منك تكاليف المكان وغيرها بس بدها زيارة اكيد من جديد اسعارو بشكل عام بين الوسط والغالي الموظفين وطريقة التقديم كمان كتير رائعة ، سريعين في اتمام الطلب وخدومين كتير بصراحة مكان بنظري احد افضل الاماكن يللي زرتها شخصيا في الاردن واكيد بنصح بزيارته ودائما
  • Review by فراس of Azul Coffee House
    two years ago
    زرته من كم يوم مع جيران بالبداية اكيد ما عجبني موقعه لانو في مدخل مكة مول بالطابق الارضي وعلى المدخل الرئيسي مباشرة، بجوز غيري يحكي انو موقعه حلو بس بنظري حلو لو ما في قعدة لانو الجميع رح يطلع عليك وهيك ابدا مو حلو (هاد من وجهة نظري) تاني شي جربت عندو الدونات يللي بجوز الهند وما كانت زاكية كتير وكانت عادية جدا وعندو كمان انواع تانية دونات ع اللوتس والشوكلا بس ما جربتهم تالت شي اكلت من عندو ايس كريم بالفانيلا وهاي بصراحة اشهد انها اكتر من رائعة وزاكية كتير والحلو انو كلها من انتاج شخصي يعني كل شي من عندهم وهاد افضل شي لما يكون كل منتجك انتا عامله يعني فريش مية المية وطبعا عندهم البوظة العربية كمان طبعا موجود عندو تقريبا كل انواع الايس كريم بكل النكهات وعندو كل انواع المشروبات الساخنة و الباردة شو ماكانت عندو كتير كوكيز كتير وهما ناويين يعمل مشروع تسويق للكوكيز من انتاجهم الشخصي واعتقد رح ينجحو فيه حلو انك تجربه واكيد رح يعجبك وخدمته ممتازة وسريعة واسعاره متوسطة يعني مو غالية ولا رخيصة
  • Review by فراس of Shawerma 3a Saj
    two years ago
    بصراحة جربته وانصدمت فيه يعني صدقا زاكي جدا واطيب و ازكي شاورما باكلها بجوز غيري يحكي شي تاني بس انا لا حبيت الشوارما تاعتو كتير اللحمة رائعة والدجاج روعة طريقة تجهيزهم كتير بتشهي خدمتهم رائعة وسريعين حسب الضغط اسعارهم ممتازة خصوصا لما تقارنهم بغيرهم الوجبات العادية بتبلش ب 2.60 وفوق الديكور الخارجي روعة وفي قعدات خارجية وبالطابق التاني في توصيل كمان بستاهلو انك تروحهم وتاكل من عندهم باستمرار
  • Review by فراس of Fernando Coffee Room
    two years ago
    بالبداية: موقعه حلو كتير وبمكان هادي ومافي اي ازمة او عجقة او ضغط ثاني شي: ديكوره من احلى ما يمكن ومن لحظة ما تدخل ع الكوفي والباب الخارجي للطابق الثاني، الباب الخارجي حلو كتير كديكور ومابدلك على انو كوفي هاوس وانما لمحل تاني بس فعلا الديكور كتير من جواتو كتير رائع الديكور يللي فعلا كان بجنن وخصوصا الطابق الثاني والديكور الخشبي يللي بوحيلك انو انتا في بيت مو مكان عام تالت شي الطاولات والكراسي كانو ممتازين وترتيبهم حلو ومناسب للجميع ويمكن بعض انواع الكراسي مو مريحة للكل لكن بشكل عام حلوين ومناسبين للاغلبية رابع شي الخدمة ممتازة والموظفين خدومين وسريعي الاستجابة خامس شي هوا بحتوي على العديد من المشروبات الساخنة والباردة وعندو منيو بضم كتير شغلات وصاحب المحل بحكو انو لسا في تجديد للمنيو وخصوصا للشتا لانو رح ينزل شغلات تانية كتير بتخص فصل الشتا يعني المحل وصاحبو واضح انو عم يتعب عليه انا جربت الفانيلا وبصراحة زاكية بس بدها كمان شوية تعب عندو مشروبات تانية كتير وبصراحة انا ما جربتهم بس واضح انهم زاكيين كتير جربت عندو السينابون وكان زاكي كتتتير جد اخر شي بصراحة اسعارو فوق المتوسط وفي اشياء اسعارها غالية لكن بصراحة بستاهل لانو متعوب عليه كتير كوفي هاوس بستاهل الواحد يروح لعندو ويجرب الاشياء يللي موجودة عنده وبخصوص الدفع في عندو فيزا كارد وعن قريب رح يتوفر عندو خدمة الفاليت وبالمجان حسب ما فهمت من صاحب المحل عندو خدمة الانترنت المجاني والطابق التاني بتقدر ادخن فيه ع راحتك في نظام تهوية بسحب الهواء كلو وهون كمان شي حلو كتير التهوية عندو كتير رائعة
  • Review by فراس of Shawerma Omar
    two years ago
    مطعم بقدم الشاورما، جديد فتح لكن بات معروفا بالمنطقة خدمته ممتازة وعنده شاورما لحمة ودجاج ( الدجاج بنظري ازكى بكثير) وعنده أيضا البروستد وساندويشات ثانية مثل الفيليه والزنجر وما شابه ذلك اسعارو مناسبة ومش غالية وفي عنده مواقف للسيارات
  • Review by فراس of الحرية مول
    two years ago
    مول كبير بضم كارفور ومدينة العاب رائعة فيها العديد من الالعاب المناسبة لجميع الاعمار وقريبا مطاعم عالمية ستفتح عن قريب وبالاضافة الى محلات تجارية متعددة شاملة كل الاصناف التجارية منها الاكسسورات والاحذية والنظارات وغيرها مول رائع حقيقة فاد اهل المنطقة كثيرا ومناسب للتسوق العائلي
  • Review by فراس of اسلوبي مول
    two years ago
    سوبر ماركت كبير فتح بالمقابلين بدلا من روابي اليرموك يعني ادارة جديدة ومحل جديد بالكامل وديكور جديد موقعه بجانب مدرسة المقابلين وام قصير الاساسية للبنات ببيع كل شي تقريبا من مجمدات والبان وعصائر وشوكلاته واشباس ومستلزمات التنظيف البيتية والمعلبات وباستمرار بعمل عروض ادارة ممتازة واسعار منافسة وبعض الاوقات افضل من السوق
  • Review by فراس of امير سنتر
    two years ago
    بصراحة تعاملت معه كونو قريب مني موقعه مقابل مدرسة ام قصير والمقابلين الاساسية للبنات على الشارع الرئيسي عنده كتير مستلزمات واكسسوارات ومكياج وما الى ذلك من ادوات التجميل وكماليات وحقائب ستاتية وعطور وهدايا اسعارهم متفاوتة وخدمة جيدة جدا وباستمرار بعملو عروض
  • Review by فراس of Grand Way
    two years ago
    تعاملت معه مرة وحدة وبصراحة روعة موقعه بالطابق الاول في مكة مول مكان كبير جدا وبتلاقي فيه كل انواع الملابس للبيبي والاطفال والرجالي والستاتي كل ما يخطر في بالك موجود الخدمة رائعة وفي موظفين كتير ادارة المحل اكتر من رائعة الاسعار مناسبة للجميع بصراحة بنصح بالتعامل معه وخصوصا انو بعمل عروض دايما وخاصة هلا اشتري قطعتين والتالتة مجانا
  • Review by فراس of Pipes Cafe
    two years ago
    زرته قبل كم يوم مع جيران وبصراحة تفاجئت بديكوره الحلو جدا ديكوره غريب بس كتير حلو وما اعتقد انو في حدا عنده متل هيك تصميم او فكرة القعدة حلوة ومرتبة وترتيب الطاولات مناسبة وحتى الكراسي مريحة جدا الخدمة جيدة جدا واصحاب الكافيه كتير محرتمين وخدومين ومتجاوبين موقعه مناسب جدا وبجانب المورادي وعلى الشارع الرئيسي، صح في درج بس ابدا مو مشكلة لانو وانتا داخل عليه رح تعجب بالترس الخارجي في عنده كمان مدخل تاني من الجهة التانية وبتقدر هناك تصف سيارتك فيه بدون مشاكل الاكل: انا جربت عنده اللبنة وكانت زاكية وبصراحة ماعرفت شو نوعها الحمص ومع اني مو عارف نوعه بس كان زاكي الكبدة كانت زاكية كتير قلاية البندورة كمان زاكية كتير طريقة تقديم الفطور كانت رائعة وان كانت كمية الاكل مو كبيرة لانو تقريبا بتكفي لشخصين مو اكتر ولكن بنفس الوقت بتقدر تختصر وتاكل شغلات تانية موجودة فيها طبعا كمان بقدم ارجيلة عنده، اسعاره مابعرفها لانو ما شفت المنيو، وما بعرف اذا عنده خدمة النت بنظري رح ينجح كتير
  • Review by فراس of Lolo Mall
    two years ago
    سوبر ماركت جديد كبير يبيع كل ما يخطر في البال من منتجات وبضاعة مثل المجمدات والاجبان والفواكه وادوات التنظيف وغيرها باستمرار يعمل عروض واسعارو غالبا مناسبة للجميع وفي بعض الاوقات اسعارو اقل من السوق الخدمة جيدة جدا بنصح بزيارته
  • Review by فراس of Macdonalds
    two years ago
    فرع جديد للماك في المقابلين وهو فرع اكبر واحلى بكثير من الفرع الاول في صالة للقعدات العائلية بالهواء الطلق مثل البلكونة في غرفة العاب للاطفال صالة واسعة جدا وخدمة ممتازة والاسعار طبعا معروفة الحمامات نظيفة
  • Review by فراس of Al Bader Supermarket
    two years ago
    تعاملت معه اكثر من مرة وبصراحة تقريبا بلاقي عنده يللي بدي إياه من عصير او شيبس او شوكلاته وغيره الكثير
  • Review by فراس of Al Balqa'a Bakeries
    two years ago
    جربت المخبز كثير وخبزه نوعا ما جيد جدا، ما بنشف بسرعة عنده الخبز اكثر من نوع وفي عنده الكماج والشراك واكيد خبز كبير وصغير والكعك وخبز الحمام كمان ببيع الكرشيلا بجميع اشكالها
  • Review by فراس of Dr. Muhammad Qasim
    two years ago
    دكتور اسنان من الفئة الممتازة حقيقة بتعامل معك بكل بساطة وسهولة ليس من النوع التجاري وهدفه الأساسي صيانة مشاكل الاسنان واللثة قدر المستطاع انا تعاملت معه وبصراحة اول دكتور اسنان اتعامل معه بكل اريحية من سنوات طويلة جدا لا يعالج مباشرة وانما يسعى لمعرفة سبب مشاكل الاسنان ثم يعطيك حرية اختيار الحل عنده أسلوب رائع جدا بالتعامل مع الاسنان من خفة اليد والأجهزة المستخدمة وطريقة ضرب ابرة البنج وغيرها من خدماته تركيب وصيانة وتجميل الاسنان وإمكانية زرع الاسنان عنده حسب الاتفاق أسعاره رائعة وبمتناول الجميع انصح جدا جدا بالتعامل معه
  • Review by فراس of Dahab Restaurant and Cafe
    two years ago
    لأكون صريح القعدة جوا كثير بتخنق ومن كثر الدخان سواء من السجاير او الاراجيل ما بتعرف تاخد راحتك بس القعدة اريح وبتشم هوا انضف اكلو ممتاز واسعارو ممتازة ويعني لا غالية ولا رخيصة خدمته بين الممتاز والجيدة بشكل عام يللي حاب يزوره ما يقعد جوا وهيك بتاخد راحتك ورح تنبسط كثير
  • Review by فراس of Roz Paris
    3 years ago
    تعاملت معه كثير وبصراحة احد افضل محلات تركيب العطور بالمنطقة ان لم يكن افضلها اسعارو ممتازة (يعني مثل السوق) بس بتاخد عطر ممتاز وبتركيز اكثر من رائع عندو كل أنواع العطور تقريبا الرجالي والنسائي مع إمكانية تامين أي عطر اصلي بسعر ممتاز خدمته كثير رائعة وعندو كمان كريمات وبخور و ساعات للهدايا بنصح بالتعامل معه كثير
  • Review by فراس of Al Qassim Saudi Stuff
    3 years ago
    انا بصراحة اعتبره افضل محل بمنطقة معان بتلاقي عنده كثير بضاعة سعودية خصوصا انه متخصص بهيك بضاعة بتلاقي عنده الكريمات والشامبوهات والعطور الرجالية والنسائية والبشتات والاحذية والشوكلاته والاعشاب والبهارات وغيرها الكثير متميز بسعرو وبتقدر توصيه على أي شي بدك ياه بنصح بزيارته
  • Review by فراس of Hashim Affouri & Sons Sweets
    3 years ago
    بنظر اهل معان عامة انه افضل محل حلويات ولهيك انا حبيت جرب عنده الهريسة المعانية المعروفة بالمنطقة وبصراحة زاكية كتير بس جربت كمان الكنافة ومع انها زاكية بس مو متل كنافة حلويات عمان سعرو وتعامل كثير رائع وفي صالة للاكل وللعائلات ايضا
  • Review by فراس of Al Yemen Palace
    3 years ago
    اكله كثير زاكي وخصوصا المندي، يعني مذاقه رائع جدا والرز مية المية والدجاج اكثر من رائع مذاقه في عنده كثير من الأصناف وطبعا لحمة ودجاج خدمته جيدة جدا وتعامل الموظفين كمان جيد وسعرو مثل السوق في اهتمام بالنظافة و بنصح بزيارته
  • Review by فراس of Al Sultan
    3 years ago
    افضل مطعم شعبي موجود بمنطقة معان برأي الخاص ساندويشات معظمهما طازجة وخصوصا الفلافل والشاورما السلطات طازجة غالبا والخدمة ممتازة والسعر مناسب ومذاق الفلافل رائع وفي صالة للأكل بنصح بزيارته
  • Review by فراس of The Housing Bank
    3 years ago
    احمد البنوك الموجودة في معان وتعامل الموظفين جدا رائع طبعا بنك الإسكان معروف بخدماته بشكل عام الفرع موجود بالسوق الرئيسي
  • Review by فراس of kattan
    3 years ago
    محل اكثر من رائع سواء بالخدمة او التعامل او الأسعار عندو العديد من الأجهزة الكهربائية مثل الجريل والمكواة والصوبات وأجهزة تحضير الوافل والسخانات الصغيرة الحجم وغيرها سعرو كثير رائع وطبعا افضل من عمان وبامكانك توصيه على أي شي بدك ياه
  • Review by فراس of Kattan
    3 years ago
    جربته اكثر من مرة بزيارتي للعقبة، عنده الكثير من العروض المستمرة على الكريمات وشفرات الحلاقة الرجالي وكريمات العناية بالوجه والجسم بالإضافة الى الشامبوهات الرجالي والنسائي والجل وغيرها من الكثير من أدوات العناية بالتجميل اسعارو كثير ممتازة وخدمته اكثر من ممتازة وفي فرق بالسعر بينه وبين أسعار عمان بشكل خاص بنصح اكيد بزيارته
Next

Places I like

Photos I added

مدخل القاعة الرئيسي
بحكيلك انو انتا داخل على افخم موقع بالاردن :)
جلسة عربية موجودة بالساحة الخارجية للقاعات، جد منظر حلو كتير
منظر عام للبوفيه، حلو والخدمة ممتازة والانواع عديدة