علياء فخري

علياء فخري

Amman . Since June 2011
4 Reviews
Reviewed first
1
Added reviews
4

My reviews

  • Review by علياء of FREEWAY DANCE STUDIO
    8 years ago
    انا ما اخدت فيه دورات رقص، بس انا مرة روحت هناك استفسر عن الدورات و اسعارها، هو مركز غير منظم ابدا و فوضى، موظفه الاستقبال اللي مفروض تساعدك و تقولك مواعيد الدورات، بتحسها انها ما بتعرف شي و ما بتعرف منها شو في دورات جديده و شو اوقاتها، عنجد مركز غريب جدا، و اغلبيه الاساتذه و الطلاب اجانب، بتحسهم ما بيرحبوا بأي حدا جديد، و روحت عندهم في وقت صيف و الجو كتير حار، ما كانوا مشغلين المكيف، و هاد شي غريب، حاسيتهم ماديين جدا، يعني بيستخسروا يشغلوا مكيف، انا ما عجني ابدا و ما بنصح حدا يروح عليه :(
  • Review by علياء of Tempo Dance Academy
    8 years ago
    انا اخدت في تيمبو دورات رقص كتيره منها السالسا و الشرقي و الزومبا، و هو مركز كتير حلو و الموظفين كتير لطفيين و كويسين و بتحس كل اجواءه شبابيه حلوة، و اسعاره مقبوله، و جميع الاساتذه كويسين هناك، انا بشجع كل واحد بدو يتعلم رقص يروح هناك :)
  • Review by علياء of Tawaheen Al Hawa Restaurant
    8 years ago
    لا انصح بهذا المطعم نهائيا، الاكل عنده عينات، يعني كميات صغيرة جدا، و اللي بيشتغلوا هناك، بيكونوا قاعدين فوق راسك، يعني ما في خصوصية، يعني بتحس النادل، بيسمع كل كلامك، كأنه قاعد معك، و هم كتار كتير، ممكن يكون جنبك 3 او 4 او 5 موظفين جنب طاولتك و هاد الرقم مو مبالغ فيه ابدا ، ممكن يطلعلك اكتر. انا جربت مطاعم كتيره، و يمكن اكون من الناس اللي بيتحب تروح مطاعم كتير، بس هاد المطعم سيء جدا ، الاسعار غاليه بالنسبه الى كميه الاكل اللي بيقدمه، بالمبلغ الممكن تدفعه هناك، فيك تروح على مطعم احلى و ارقى و اكل احسن .
  • Review by علياء of Essentials Ladies Beauty Spa
    8 years ago
    انا جربت اسنشال بيوتي و كتير مرتاحه و مبسوطه على شغلهم كتير و صارلي معهم اكتر من سنة، انا بعمل تنظيف بشره عندهم كل شهر تقربيا، الاجواء كتير حلوة و الميوزك اللي بحطوها كتير رايقة و مميزه و كمان المنتجات اللي بيستخدموها كتير حلوة و بتترك اثر ايجابي على بشرتك، انا عملت تنظيف بشره في اماكن كتيره بس مو لمستوى اسنشل، السعر غالي نوعا ما، بس مو خساره فيهم، بحس حالي بدفع وانا مبسوطه مقابل خدمة مميزة و اجواء حلوة و فائده عاليه لبشرتي ، بنصحكم مش بس تجربوه بل تصيرو تعتمدوه الكم على طول :)
Next