R E

R E

Amman . Since April 2011
52 Reviews
Added places
24
Added reviews
52
Added photos
168
Liked places
11

My reviews

  • Review by R of Sufara Bakery
    4 years ago
    عادي جدا انه واحد من أكبر مخابز عمّان يستهتر بموضوع النظافة، العمال ما بيلبسوا كفوف، والزباين بيمسكوا كل الخبز وهم يختاروا.. بس ما توصل لدرجة انهم يستخدموا مقشة حتى يلمّوا الطحين الي بالفرن (محل ما بينزل الخبز)، وفوق هاد بس يخلص أخينا لم الطحين بيرمي المقشة عالأرض تحت رجليه.. شكلها مقشة متعددة الاستعمالات..
  • Review by R of Ponderosa Steakhouse
    7 years ago
    أول شي لفت نظري بالمكان هو الديكور المميز والقعدات المرتبة، وفي قعدات خارجية عالشارع حلوة كتير بالصيف، خاصة انه شارع فرعي وما في ازعاج. تاني اشي لفت نظري هو لطف أصحاب المكان، من أول ما وصلت استقبلوني واجا صاحب المطعم قعد معي وحكالي عن المطعم وطلب مني رأيي بكل صراحة بعد الأكل.. وقال انه بيهتم بالنقد أكتر من المدح، لحتى يعرف ايش اللي لازم يشتغل عليه، وهاد اشي حلو منه. بالنسبة للأكل، البوفيه كان منوع بس مو كل الأنواع طيبة، أنا اللي عجبني هو التشيكن بيستو والبيف ستراغنوف، أما الباقي ما عرفت اسمائهم وما كانوا طيبين. الستيك جربت نوعين، بالفطر وبالفلفل.. النوعين كانوا جيدين جدا.. نوعية اللحمة منيحة.. بس نكهة الفطر كانت خفيفية شوي. بشكل عام تجربة حلوة
  • Review by R of Abdeen Cafe
    7 years ago
    المكان كتير مرتب واسع والديكور حلو، بالرغم من انهى موقعه غير مشجع. الأسعار ممتازة، لفت نظري انهم ما بياخدوا مقابل سيرفيس، وحتى ما بياخدوا cover chareg اذا كان في عيد ميلاد. لما حكيت معهم سألتهم عن ال cover charge جاوبوني انهم بدهم الناس يجوا عندهم فليش لحتى ياخدوا منهم زيادة. أنا لقيت هاي النقطة مشجعة كتير لأنه أغلب الكافيهات بعمّان بتاخد cover charge كتير عالي غير عن الخدمة والضريبة. لازم ينتبهوا عالخدمة أكتر، هو المكان كان كتير معجوق فيمكن هاد أثر شوي عالخدمة فكانت بطيئة. وكمان كان في لخبطة بطلباتنا. بشكل عام المكان مميز وبنصح فيه :)
  • Review by R of TGI Fridays
    8 years ago
    This restaurant has never let me down, one of my favorite restaurants in Amman! Very well cooked food, tasty and beautiful presented . I love their chicken meals, also their salads are fresh and tasty. Great service, very friendly and helpful waiters and simply beautiful decor. Prices are high, but worth it! All I can say is give it a try, you won't be sorry :)
  • Review by R of Wazzup Dog
    8 years ago
    I don't usually give 5 stars, but Wazzup Dog deserves it! The best hot dog restaurant in Amman and one of my favorite places in town, their sandwiches are amazing and tasty, you can add whatever you want to your sandwich, Ketchup, mayonnaise, mustard, chips, pickles, corn and onion. Service is really great and I loved the decor, especially the drawings on the wall. Prices are good, 1.85 per sandwich. Highly recommended :)
  • Review by R of Terranova
    8 years ago
    المحل من المحلات المفضلة عندي في تاج مول، ودايما بلاقي طلبي عنده، بضاعته حلوة واسعاره مناسبة، ودايما عنده عروض منيحة. بالنسبة اللي المحل بستاهل 4 نجوم، بس اليوم صار معي موقف هو اللي خلاني اعطيه 3 بس!! الموقف انه اليوم المحل كان معجوء كتير ومعبّى ناس، وبناءً عليه كان في دور عالكاش، وأنا متل غيري واقفة بالدور، بس صار موقف مستفز وهو انه احد اخوانا من الخليج كان مع زوجته، ولما شاف الدور الكبير يمكن ما تحمّل يوقف متله متل باقي الناس فقرر يلف عند الكاش، والكاشير وللأسف مشاه وتجاهل الدور الكبير، ولما اعترضت وقلتله هاد دوري ما حكا ولا شي ولا حتى غلب حاله واعتذر!!! هيك موقف بخليني ما ارجع عالمحل مرة تانية وبيأثر على تقييم المحل بالنسبة اللي.
  • Review by R of Japanese park
    8 years ago
    I've been to this park twice this month, it's really amazing, quiet, clean and relaxing place with amazing views, honestly one of the best parks in Amman. Plus it's close to home so I think it will be my first option to spend my time in Fridays' afternoon. The only thing I didn't like was that it's a bit dark at night, you can barely see, although they have lights assembled but not all of them work! In general I would recommend this park for those who like quiet places like me :)
  • Review by R of Ajloun Forest Reserve
    8 years ago
    كانت أول مرة بزور المحمية وأول مرة بعرف انه في عنّا هيك مكان رائع بالأردن، طبيعة خلابة ومناظر حلوة جدا، وفيها عدة نشاطات، مشي سريع وتخييم، كانت تجربة كتير حلوة وأكيد بعيدها، والحلو فيها انها مرتبة ونضيفة ومنظمة، كنت مع مجموعة من زملائي وعملنا Hiking (مشي سريع) كانت الطريق كتيرحلوة وسهلة وكل منطقة فيها أحلى من التانية، وان شاء الله المرة الجاي رح أجرب التخييم. اللي ما زار المحمية بنصحه يزورها لأنه فعلا ما بتتعوض واللي ما زارها راح عليه كتير :)
  • Review by R of Bits and Bites
    8 years ago
    المكان صغير نوعا ما، بس الديكور كتير حلو وألوانه رايقة وهادية، والكراسي مريحة. الموظفين تعاملهم جدا راقي، وخاصة صاحبة المطعم، جدا رائعة بالتعامل وبتشرحلك عن الوجبات وكيف بعملوها. الأكل عنده كتير زاكي والمكونات فريش، كله homemade ومضمون، جربت عنده الفاهيتا والكوردون بلو، وسلطة يونانية، كله كان زاكي وخفيف، أنا بالعادة لما اكل من برا بتدايق، بس أكلهم أبدا ما دايقني، البطاطا كمان زاكية بس رفيعة شوي :) انا رح طبعا رح أجربه مرة تانية وبنصحكم فيه
  • Review by R of Azkadenya
    9 years ago
    زرت هاد المطعم من اسبوع، كان يوم سبت وكان في كتير ناس ويا دوب في طاولات فاضية، المكان حلو كتير وديكوره مميز وملفت للنظر، الحلو في المكان انهم مهتمين بأدق التفاصيل فيه، من الجدران والديكور للأطباق والكاسات وحتى المناديل اللي عالطاولات، يعني مهتمين في كتير، طابعه ماخد أيام أفلام الأبيض والأسود، يعني بتنسى حالك وانت عم تتفرج عالرسومات اللي على الحيط وتقرا الجمل اللطيفة المكتوبة عالصحون والكاسات..:)
    كنا أنا وصاحبتي وطلبنا فتة دجاج وفخارة لحمة بالزعتر وصحن تبولة وبطاطا مقلية، مع عصير اورانج وجوافة :) أول شي حطولنا ضيافة صحن قلاية بندورة مع لوز وخبز، وجد كان كتييير طيب، بعدين جابولنا الأكل، التبولة منيحة والبطاطا جد بتشهي وفريش، فخارة اللحمة بالماشروم الزعتر كانت كتيييير طيبة، وبتشبع، فتة الدجاج كانت طيبة، بس معمولة بالبرغل مو بالرز، البرغل كان مش مستوي منيح، بس برضه زاكية، الحساب طلع حوالي 28 دينار. بشكل عام انبسطت بالتجربة كتير وأكيد بعيدها :)
  • Review by R of Sereen Driving School Center
    9 years ago
    مركز سيرين من المراكز المعروفة لتدريب القيادة، لما قررت آخد رخصة سألت أكتر من حد والكل دلني عليه..
    أول ما بلشت تدريب قررت أتدرب عند مدربة لانه ما معي مرافق، بس للأسف اكتشفت انه هي الي عم بتسوق مش أنا، فقررت أغير لمدرب وحكيت مع المركز على أساس أسجل مع مدرب، بس يمكن ضليت اسبوعين وانا كل يوم أحكي معهم عشان يبعتولي مدرب وكل يوم بحكولي بكرا، وأحلى اشي لما أخيرا اتفقت مع المدرب يجيني تاني يوم الصبح، بلاقيه باعتلي sms انه ما رح يقدر آجي :S وأنا عم بستنى فيه، حركة مستفزة جدا، حسيت حالي بشحد منهم شحدة.. آخر شي اتدربت مع واحد تاني، كان شاطر كتير فادني، وأخدت الرخصة من تاني مرة، طبعا بالنسبة الهم انه يا أول مرة يا بلاش، مشان هيك تاني مرة لما أخدت الرخصة كنت لحالي وتخلى عني مدربي، بس لما شافني ناجحة صار يناديني ويضحك :S لو يحسنو معاملتهم ويتعاملو مع طلابهم باحترام أكتر، يعني حتى لو سمعتهم منيحة وشاطرين هاد ما بيعني يتعاملو بهالأسلوب السيء
  • Review by R of Kitchenette
    9 years ago
    جربت مطبخي مرة وحدة وكان بعد ما دقت من عندهم الستراغنوف اللي كانت كتيييييير طيبة، طلبت ساندويش فلادلفيا Penne Pesto ، كانو طيبين بس مو كتير واو، يعني عادي وكمية البطاطا مع ساندوش الفلادلفيا كانت قليلة، عينة :)
    الاكل وصلنا بسرعة وكان ساخن والموظف كتير لطيف، اسعارة مرتفعة نوعا ما، بس بضلو أكل صحي، مو غلط تجربوه :)
  • Review by R of Feel Burgers
    9 years ago
    البرغر عنده كتير زاكي وفعلا مش تجاري وطعمه أصلي ؛) والبطاطا كمان طيبة كتير، هلا المحل نضيف وديكوره بسيط جدا بس مو مريح، الموظفين كتير لطيفين وبشوشين وما طولو علينا بالطلب، الاسعار أغلى من غيره بشوي بس عالقليلة بتاكل اشي مضمون، موقع المكان كتير ظالمه مو مبين أبدا، ومشان هيك ما بكون في كتير ناس مندلة عليه، انا اكيد رح اجربه مرة تانية وبنصحكم كمان :)
  • Review by R of Al Ghazzawi Restaurant
    9 years ago
    المطعم جديد فتح، المكان نضيف وموقعه جيد، اسعارة كتير منيحة، بيعمل فلافل ومقالي وسندويشات كبدة، الطعم انا ما حبيته ابدا، هلا الي طلبه معي حبوه بس انا ما حسيت في اشي مميز وما رح اطلب منه مرة تانية :)
  • Review by R of Sarouja Restaurant
    9 years ago
    اليوم طلبنا من عنده الغدا، أنا طلبت رز بخاري كان طيب كتير، كان معه لبن وسلطه ومخلل، المخلل تجاري والسلطة عادية جدا، بندورة وبقدونس.. الدجاج كان مقلي قلي وكان حاطط كل الدجاج بكيس لحالهم، يعني مو مع صحن البخاري، ما حبيته، الاكل نضيف ووصل بسرعة، قلناله بدنا اياه عالوحدة ونص وفعلا هيك اجا، السعر مناسب جدا الوجبة بدينارين ونص، وبتشبع كتير، يعني اذا ما كنتو اكّيلين اطلبو كل اتنين وجبة وحتشبعو :)
  • Review by R of Zoka Café
    9 years ago
    القعدة والديكور هو الاشي الوحيد الحلو فيه، بالنسبة للخدمة بيستقبلوك عالباب وبدلوك على مكانك وبعديها بنسوك، طلبت نسكافيه وبراونيز، النسكافيه طلبتها وايت جابوها بلاك، رجعت ناديت الموظف وحكيتله انا طلبتها وايت قلي هلا بجيبلك كوفي ميت، راح وبطل يرجع :S رجعت ناديت واحد تاني وحكيتله طلبت النسكافيه وايت وبدي كوفي ميت، راح يجيبلي ولما اجا بقلي انت طلبتي نسكافيه وايت :S طبعا كانت النسكافيه بردت. أما البراونيز فطعمها بالمرررررة، أبدا أبدا مش زاكية وما أكلتها، الشي الوحيد المميز هو الديكور والنضافة غير هيك لأ :S
  • Review by R of Cushions Lounge
    9 years ago
    أنا زرت الكافيه ضمن اجتماع ل 60 شخص، أخدنا الطابق التاني كامل تقريبا، وكان واسع ومناسب، بالنسبة للخدمة صعب أقيمها بما أنه العدد كبير، بس مع هيك كانت جيدة جدا والموظفين خدومين وبشوشين، وجابو لك حدا طلبه بدون لخبطة، أنا جربت عصير البرتقال كان عادي، بس النسكافيه طيبة.
    الديكور مرتب وراقي وموقع الكافيه مرتب وهادي، يعني بالنسبة الي هو المكان الوحيد الي ممكن اروحله بالرابية، بنصح بزيارته :)
  • Review by R of White Lily Beauty Center
    9 years ago
    صالون مرتب كتير ونضيف وشامل لكل اشي، الديكور مرتب كمان، صاحبة الصالون ايمان انسانة كتير لطيفة وشاطرة بشغلها ومريحة جدا بالتعامل :) اسعارة جدا معقولة وبتناسب الجميع، انا اكيد رح ارجعله لأنه كتير ارتحتله وبنصح الجميع يجربوه كمان
  • Review by R of Casereccio
    9 years ago
    المطعم مرتب والموظفين خدومين، بس موقعه عالشارع الرئيسي مزعج كتير، الأكل عندهم مش كتيير، يعني عادي، بس الكميات مشبعة بزيادة كمان، الأسعار مرتفعة يمكن لأنه الكميات كبيرة، بنصح فيه بس مو كتير :)
  • Review by R of Ocean Sea food and Lebanese
    9 years ago
    مطعم مرتب كتير، والناس اللي بشتغلو فيه كتير زوء و خدومين، الديكور حلو والمكان واسع، بالنسبة للأكل كتير زاكي وطريقة تقديمة مرتبة جدا، وبقدموا ضيافة بعد الأكل فواكه وحلويات كمان كتير طيبة، بنصح الكل يجربه :) الأسعار يعني متل مطاعم الأكل اللبناني التانية
  • Review by R of Al Murjan Restaurant
    9 years ago
    أنا من محبي الأكل اللبناني، وأكل هالمطعم بالذات جدا رائع، والجلسة هادية والديكورات مميزة وراقية، الاطلالة عالبحر حلوة ومريحة للأعصاب، الخدمة جيدة جدا والعالملين في المطعم ودودين، وخدومين، الأسعار مرتفعة شوي، الصفة صعبة شوي، بس الجلسة بالمطعم تستاهل :) أنصح الجميع بتجربته.
  • Review by R of Dr. Hanan Rihani
    9 years ago
    دكتورة انسانة بكل معنى الكلمة، عدا عن انها متخصصة بالجراحة العامة والجهاز الهضمي ، وزميلة كلية الجراحين الأمريكية وعضو في جمعية الجراحين العالمية، شاطرة كتير وبيجو لعندها من كل الدول، ولطيفة جدا جدا جدا :) مثال للطبيب المثالي
  • Review by R of Shawermize It
    9 years ago
    أزكى شاورما ممكن تاكلها بعمان، ومن كل الأنواع هندي، صيني، عربي.. بس أزكى اشي عنده شاورما الستراغنوف، يمي شو بتشهي، والحلو انها خفيفة عالمعدة، كل شي من عندهم طيب، والمحل نضيف والموقع كتير حلو بشارع الرنبو بس الصفة صعبة، الديكور كتير مميز وحلو، الموظفين لطيفين وبشوشين وبسرعة بعملو الطلب، بياخد فيزا حتى لو اشتريت بأقل من دينارين، الاسعار مناسبة والكمية مشبعة، اللي حابب ياكل شاورما وهو مطمّن يروح على شاورمايز ات، بس يا ريت لو يفتحوا أفرع تانية :)
  • Review by R of Talet Al Jabal restaurant and cafe
    9 years ago
    كافيه كتير حلو ورايئ،والقعدة فيه بريح الاعصاب، بطل على جبل القلعة، الخدمة ممتازة والمأكولات والمشروبات زاكية،جربنا بيتزا التيركي عنجد بتشهي ، الاسعار معقولة، الصفة عنده سهلة خصوصا ازا كنت جاي من طريق وسط البلد :) الديكور كتير حلو، بنصح فيه :)
  • Review by R of Hardee's
    9 years ago
    mmmm I don't prefer the junk food at all, especially hardees, the taste of the food is not that much, but they're clean and the service is really good and fast :)
Next

Places I like

    Photos I added

    The best Ice cream ever :)
    Philadelphia chicken sandwich with fries :)
    طبق من أطباق أزكادنيا المميزة، معهم حق ;)