Sadeen Taleen

Sadeen Taleen

Amman . Since April 2011
7 Reviews
Reviewed first
1
Added reviews
7

My reviews

  • Review by Sadeen of Fruit Salad
    9 years ago
    بصراحة مبارح جربتو انا و اهلي من كتر مسمعت عنو ! جد بجنن! كتيييييييييييير زاكي و المكان نضيف و الموظفين زوء كتير و محترمين! حتى اني لما اخدت البائي من صحني تيك بس رجعت لقيتو مزبطه و زايده قشطة و راشه مكسرات! انا جد انبسطت يمكن تفكرو ان هاد شي بسيط بس والله حركة حلوة و بتدل على رقي بالتعامل! السعر بالأول فكرته شوي غالي بس لما اجت الصحون كانو الصحون كتير معباين ، و ما حد قدر يكمل و بتعرفو الفواكه غالية.
    جربنا السلطة الأستوائية و سلطة الجلاكسي و سلطة عادية، كلهم زاكيين، بس الجلاكسي ازكا شي كانت لأخوي بس انا اكلتلو ياه :) و اخدت صحني معي! اما عصير ما جربنا بس صحبات الي جربو من عندو بحكو كتير زاكي!
  • Review by Sadeen of Al Quds Restaurant
    9 years ago
    بصراحة مو عارفة ليه ماخد اربع نجوم! يعني لا مكان و لا صفة ولا الأكل الرهيب ولا الئعدة ولا شي! ويلا الحمامات ! ياسلام! مش عارفة ليه 4 نجوم! يعني حتى الي بروحو بروحو عشان بعتبرو محل قديم و عريق و بزكرو بأيام زمان !مش لسبب تاني!
  • Review by Sadeen of Oriental Restaurant And cafe
    9 years ago
    المكان هاد انا كتير بحبو خصوصا بالصيف و طلتو حلوة كتير و ئعدته رايئة
    الصفات متوفرة و ما فيها مشكلة، النظافة ممتازة ما عليه حكي الموظفين متعاونين بس بطيئين شوي مع انو مش معجوء المكان اسعارو اغلى شوي من العادي هلأ انا مرة وحدة جربت اكلو كان برمضان اوبن بوفيه بس كان عادي ، يعني طيب بس مش واو، بس يمكن لان اغلب المطاعم برمضان بتصيبهم شزوفرينيا فما بعرف بغير رمضان اكلو كيف، ككافية بستاهل 5 ستارز بس مطعم راح اعطي 4
  • Review by Sadeen of Top Arabic Sweets
    9 years ago
    بصراحة مو كتير طيبة الحلويات عندو! اوك نضيف و مرتب بس انا ساكنة بالشارع الي خلفه و كل محد يجي يزورني بجيبلي منو فصرت مجربة كزا نوع ما في غير <الكنافة المبرومة> زاكية البائي أنسو! والكنافة النابلسية ابدا مو طيبة!
  • Review by Sadeen of Copacabana
    9 years ago
    المطعم رائع و بنصح تجربو !
    بالنسبة للمنطقة فمعروف اديه دابوق منطقة حلوة هادية و راقية ، هو جنب كوزمو في دابوق و في مصفات و سهل توصلو. بالنسبة للمكان قعدتو حلوة و ديكراتو و موسيقى هادية و من الأخر و ما عليه عجئة و النضافة عالية جدا و في فوق غرفة اجتماعات و برجكتر ازا بدك تعمل عزيمة شغل او تعمل برزنتيشن، الموظفين تعاملهم راقي، بانسبة للأكل هو بيجي نظام اوبن بوفه للمقبلات و من ضمنها shrimp cocktail، سيزر سلت، خضار سوتيه، تبولة ، سباجتي ،حمص و اشياء تانية مش فاكراها بتحط أد مبدك، بعد هيك بصير يجيك الستيك مشوي عطريقة البرازيلية الكتييييير زاكي، بضل الجرسون يجيبلك كل شوي قطعة بتقص انت منها و بئلك هاي من الكتف، هاي من الظهر، هاي من ال الفخد، بتاكول قد مبدك طول مأنت حاطط الكبسة الخضراء على طاولتك بضل بنزلك ستيك! لما تشبع و تقلب الكبسة للأحمر بجيبلك انناس مشوي عشان بساعد علهضم fried banana كتحلاية و كان زاكي كتير، هاد كلو بسعر اوبن بوفيه ، يعني لو بدك تروح عمطعم عالمي تاني تاكل نفس الكمية بتدفع اضعاف السعر! بصراحة انا و كل الي اجو معي كتيير عجبنا و بستاهل !
  • Review by Sadeen of Joy Town
    9 years ago
    المكان كتير حلو و ديكراتو مرتبة، اسعارو منيحة وفي العاب مختلفة و بتناسب اغلب الأعمار بس الي اقل من سنة و نص سنتين ما بناسبهم غير المنطقة المخصصة الهم فيها بركة كرات بس الكرات تاعونها مو نضاف بلمرة! و مع هيك جازفت و دخلت بناتي بس بسرعة زهئو و طلعو ! تعامل الموطفين كتير زوء و بالهم طويل و ما كانو يخصمو حق اللعبة ليتأكد انهم تأقلمو عليها! لعبو شوي بالألعاب الكهربائية بس هي مناسبة اكتر للي فوق السنتين! بس انبصتو وهم يمشو بالمكان لانو حلو وديكراتو ملفته. و في مصفات في المول و سهل تصف .
  • Review by Sadeen of Mazayen Nebo Retaurant
    9 years ago
    المكان حلو كتيييييير اطلالته احلى، قعدته و دكوراته بعقدو، خدمتو بطيئة كتير، بس محترمين! و المحل نظيف و الحمامات كمان! اكلو زاكي بس اسعاره مرتفعة، بس اكيد مستاهل.
  • Review by Sadeen of Sahaseel
    9 years ago
    مش عارفة ليه مو كاتبين شي عنو!! المكان كتير مرتب وكتير نظيف و حلو و بسلي الأطفال و الأهم انو امن. و اسعار الألعاب ممتازة و الموظفين محترمين. انا بنصح تروحو ولو عندكم طفل عمره سنة هناك كتير بنبسط
  • Review by Sadeen of Houston's Restaurant
    9 years ago
    اكلو طيب خصوصا التشكن ونجز, يعني شو مطلبت حاول يكون تشكن ونجز ضمن المقبلات و قعدتو حلوة و النظافة توب و الخدمته روعة و زوء. و الناس الفي مرتبين. نصيحة جربوا. اسعاروا مرتفعة بس بستاهل
  • Review by Sadeen of Mais Al Reem
    9 years ago
    بصراحة المطعم أكلو كتير زاكيو قيل مأنعزم عليه قرأت التعليقات بس رحت لقيت اكلو طيب و خدمتو ممتازة و أرجيلتو كانت روعة والحمامات نظيفة بعكس اكم محل رحتلهم من نفس فئتو . بس كراسي مش مريحة
Next