Salam Al Mahmoud

Salam Al Mahmoud

Amman . Since March 2011
35 Reviews
Added places
334
Benefited people
200
Added reviews
35
Added photos
8514
Liked places
286

My reviews

  • Review by Salam of Tre Pazzi Pizzeria
    5 years ago
    اليوم أكلت من مطعم مافيا لأول مرة , طلبت سيزر سالاد ووينجز مع بطاطا كان كتير زاكي , أسعاره بتناسب الكل , قعدته كتير حلوة, المحل نضيف, والموظفين متعاونين جدآ, رح اجربه على طول وأكيد بنصح فيه
  • Review by Salam of Nafeesah Sweets
    5 years ago
    حلويات نفيسة بكل افرعه غني عن التعريف مكان ممتاز من ناحية الطعم والسعر والخدمة ... جربت من عندهم كنافة ومعمول كان طعمهم كتير زاكي بنصح فيه واكيد رح اجربه على طول
  • Review by Salam of Gloria Jeans
    5 years ago
    أسوء فرع وأسوء محل بعمان من ناحية النضافة, الأسعار, الأكل او المشروبات اللي بتطلبها, حتى الكراسي والكنابيات اللي بالمحل كتير قديمة وخربانة, مافي رقابة بالمحل ابدا , غير انه الخدمة ذاتية العاملين بالمحل كشرين كتير وما بعاملوك منيح زي اللي بحملوك جميلة انك بتطلب من عندهم , ازا سألتهم اي سؤال مابردوا عليك الا لما تعيد السؤال مليون مرة , كمان لما تطلبه الباسوورد للواي فاي بعطيك اياها غلط وبس ترجع تطلبها منه وتحكيله انها غلط بحكيلك هاد اللي عندي !! الشي الوحيد المنيح عندهم الحمامات كتير نضاف غير هيك ما شفت اشي منيح ... المحل الوحيد اللي بحكي اني مستحيل ارجع اجربه مرة تانية بحياتي حتى لو طوروا من حالهم لانه تجربتي كانت بعد اكتر من مرة رحتله
  • Review by Salam of Gloria Jeans
    5 years ago
    مكان جيد من ناحية الأكل وتعامل الموظفين والنضافة.... كنت اطلب من عندهم نسكافيه و كيك , الأسعار منيحة بس عيبهم انه المحل كتير صغير
  • Review by Salam of Sandra Flowers
    5 years ago
    جربته لأول مرة قبل اسبوع وكانت تجربة مميزة .... طلبت من عندهم بوكيه ورد بنفس اليوم وكنت مقيدة بالوقت ومستعجلة عليه كتير بصراحة ما اتوقعت يكون واصل عندي بنفس الوقت اللي حددته أنا , سألوني عن السعر اللي حاطيته للورد وعن لون ونوع الورد اللي بدي اياه , التوصيل مجاني شكل الورد كان كتير حلو ومميز وضل على حالته لبعد يومين خدمتهم وتعاملهم أكتر من ممتاز , أكيد أكيد رح أرجع أجربهم على طول ورح اعتمدهم بأي مناسبة بدي اياها بنصح الكل فيهم
  • Review by Salam of Doner Kebab
    5 years ago
    دونير كباب مطعم بختص بالمأكولات التركية متل شاورما اللحم بخبز الصامون التركي , وجبة بيتزا شاورما جاج, صرما كباب وكتير أكلات اشي بتعرفه واشي لأ , متنوعين جدآ, عندهم أفكارحلوة كتير بتخليك اتغير رأيك بالأكل ما شفتها عند غيرهم .... جربت من عندهم شاورما جاج ولحمة بخبز الصامون , و أول مرة بجربها بخبز الصامون , الطعم كتير زاكي وبتشبع من اول سندويشة , أسعارهم ممتازة و رخيصة ,خدمتهم سريعة ومتابعتهم الك مريحة يعني بأقل من ساعة كان الطلب عندي ... حبيت تعاملهم كموظفين و أكيد رح أجربهم كتير وبنصح فيهم بقوة
  • Review by Salam of Domino's Pizza
    5 years ago
    جربته قبل يومين للمرة التانية , طلبت من عنده بيتزا سلامي حجم وسط ب 5.50 دنانير بعد الخصم لانه كانوا عاملين عرض بس هي من دون عرض ب 7.50 , طعم البيتزا رائع مع اني مش كتير بوكل البيتزا بس حبيتها من عندهم , خدمتهم سريعة ب أقل من 10 دقايق بجهز الطلب ع طول بعملوا عروض الموظفين محترمين بنصح فيه
  • Review by Salam of Al Nauimi Butchery and Restaurant
    5 years ago
    مطعم النعيمي غني عن التعريف ... عالأغلب كل يوم جمعة لازم اتغدى من عنده .... مع انه كل المحلات اللي جنبه بتخصص بنفس شغل النعيمي الا انه ما في مقارنة بينه وبينهم مع احترامي الشديد للمطاعم اللي جنبه .... آخر مرة وصينا من عنده 2 كيلو مشاوي لحم بلدي ب 30 دينار بس , كطعم جدآ رائع , أسعاره جيدة جدآ وبتناسب الكل , بس بالنسبة لعقدته مش كتير بترتاح فيها لانه المكان ضيق والطاولات بتكون مليانة ... بس بشكل عام جيد جدآ... أكيد رح أجربه على طول وبنصح الكل فيه
  • Review by Salam of Anabtawi Sweets
    5 years ago
    كتير بشتري من عنده : كيك , كنافة وحلويات بشكل عام, مكان ممتاز بالنسبة لكل محلات الحلويات اللي بنفس المنطقة , اسعاره جدآ جدآ مناسبة لكل حد , قبل فترة اشتريت من عنده قالب جاتو صغير سنكرس بس ب 6 دنانير , وطعم مضمون, خدمتهم جيدة جدآ , أكيد رح أجربه ع طول وبنصح الكل فيه :)
  • Review by Salam of Delicate Cake
    5 years ago
    اشتريت من عنده قبل فترة جاتو شوكولاته مع فراولة حجم صغير ب 10 دنانير , الطعم ممتاز, السعر مناسب , الخدمة جيدة جدآ , ديكور المحل حلو وألوانه حلوة , تعاملهم مريح , بحب اجربه مرة تانية وكنت بدي اجربه قبل يومين بس للأسف ما بردوا على أرقامهم بنصح فيهم :)
  • Review by Salam of Latorta Cake
    5 years ago
    اشتريت من عنده قبل يومين جاتو شوكولاته صغير ب 12 دينار , الطعم ما عليه حكي, كتير طيب ,الشكل تقليدي شوي, السعر غالي على حجم الكيكة .... بس كخدمة ما حسيتها كتير زي ما سمعت , حتى طلبت منهم يحطولي Happy Birthday على قطعة سكر على الكيكة بس ما كان شكلها حلو وما في تنسيق لا باللون ولا بالحجم طلع حجم قطعة السكر كبير لدرجة انه غطى كل قالب الجاتو ... ممكن اجربه مرة تانية ازا ما كان قدامي خيار الا هو , بتمنى يطوروا من حالهم شوي.
  • Review by Salam of Chaba Flowers & Event
    5 years ago
    اشتريت من عنده قبل فترة بوكيه ورد مع شوكلاته ب35 دينار , أسعارهم بالعادة بتكون أقل من هيك بس بترتفع بالمناسبات زي عيد الأم وغيره , كتير عجبني البوكيه خاصة لانه الورد كان واصل بنفس اليوم , الشباب متعاونين جدآ حتى صاحب المحل نفسه كان متعاون , في عندهم أشكال كتير متنوعة للهدايا بتحتار شو بدك تختار وأفكارهم متجددة على طول أسعارهم بتبلش من 15 - 50 دينار او اكتر خدمتهم متقدمة عن غيرهم , بتمنالهم التوفيق وبنصح الكل يجربهم أكيد :)
  • Review by Salam of Woodx
    5 years ago
    ووديكس هو محل بيع اون لاين , مختصين بتصميم وحفر لوحات وبراويز و تحف خشبية متل خطوط عربية وإسلامية, وآيات قرآنية من الخشب , حفر الأسماء والصور الشخصية على الخشب بعملوا عروض بشكل مستمر لهيك اخترت من عندهم عرض 3 براويز آيات قرآنية المعوذات ب 15 دينار بتتوفر بأكتر من حجم 30 سم×50 سم , 40 سم×60 سم , 60 سم×80 سم ولكل حجم سعره بس لازم اتوصي عليه قبلها بيوم , حبيت النظام اللي موجد عندهم , ما بتأخروا بتوصيل الطلب بحب اجربه على طول طالما انه في عروض حلوة وخدمة ممتازة وبنصح فيه
  • Review by Salam of KFC
    5 years ago
    اجمالأ انا ما بحب كنتاكي بناءآ على تجارب سابقة سيئة جدآ, بس لما جربت فرع جاليريا مول حسيت انه جيد نوعآ ما طلبت من عندهم Garlic Mayo , Rolles مش سيء ولا كتير زاكي لانه كل شي بكون جاهز عندهم وبتحس انه السندويش اشي ساخن اشي بارد بتمنى يطوروا من حالهم اكتر هالفترة كمان عاملين خصومات ممكن اجربه بحكم انه قريب على شغلي بس اروح مشانه خصيصآ لأ
  • Review by Salam of Steak & Potato
    5 years ago
    بحب كتير اطلب من عنده لانه ببساطة سريع الخدمة , اكله كتير زاكي خاصة لما يكون ساخن كتير ... الوجبة بتشبع كتير أسعارهم جدآ مناسبة مابين ( 1 - 5 ونص ) دينار بحب اوكل من عندهم كريما دي فونجي ب 5 دنانير , و اتالين بنفس السعر , جربت كمان البطاط المشوية مع الزبدة وكتير بتشبع وبعملوا خصومات للموظفين داخل وخارج المول والموظفين كتير بشوشين ومحترمين بحب اضل اجربه على طول وبنصح كل حد يجربه
  • Review by Salam of caffeine cafe
    5 years ago
    تجربتي بكافيين ما كانت كتير جيدة , هو كافيه فتح جديد جنب الملكية / الدوارالسابع , كخدمة بطيئة نوعآ ما مع انه ما كان معجوق الكافيه كحجم مش كبير مكون من طابقين , الحمامات نظيفة كتير حبينا نجربه أنا وأصدقائي وكنا 6 أشخاص , لما فتحنا المنيو إتفاجئنا إنه أسعاره كتير رخيصة وما في شي بكل المنيو بتعدى ال6 دنانير حتى الأراجيل كانت بس ب 3 دنانير ...... طلبنا 2 بيتزا حجم وسط , وستيك لحمة , وفاهيتا ............. كطعم زاكي خاصة الفاهيتا طلع حسابنا 35 دينار 20 دينار على الأكل اللي طلبناه .... و 15 دينار على البيبسي والمي !!!! حسيتهم مراوغيين , بحطوا بالمنيو سعر والحساب بطلع شي تاني أبدآ ما اتخيلته هيك . ممكن أجربه بالمستقبل البعيد جدآ بحال اسمعت انه طوروا من حالهم كتير مو شوي .
  • Review by Salam of Areej Al Sham Restaurant
    6 years ago
    مكان مناسب جدآ ازا بدك تسهر فيه انت وعيلتك او انت و اصدقائك أجوائه حلوة خدمتهم مش كتير قوية ممكن لانه دايمآ معجوق بالناس جربت من عندهم اكتر من اكلة إجمالآ جيد جدآ اكتر شي زاكي عندهم الكباب اسعاره غالية شوي بنصح فيه
  • Review by Salam of Cafe Donner
    6 years ago
    كتير بروح على دونيه وبحب اجرب كل شي فيه... اكتر شي حبيته ارجيلتهم قعدته حلوة, جو الكافيه حلو معجوق شوي كخدمة مش كتير, اسعارهم مناسبة نوعآ ما باختصار هو كافيه مش واو ولا سيء ...متوسط بكل شي بتمنى منهم يطوروا خدماتهم اكتر من هيك اكيد بجربه مرة تانية بس مش لشي بميزه
  • Review by Salam of Shisha Way
    6 years ago
    شيشة واي كافيه مميز عن الكافيهات التانية بالنسبة الي..... موقع الكافيه رائع جدآ على منطقة مرتفعة بتكشف كل شي حوليها وبتخليك تستمع وترتاح جدآ بالقعدة بالنسبة للأكل والمشروبات عندهم جيدة جدآ جربت من عندهم ارجيلة بطيخ ونعنع وقبلها توت وعنب وبالمرتين كانت زابطة وبسرعة بغيروا الفحم من دون حتى ما تنادي عليهم طاقم العمل ميز الكافيه عن غيره ....... بتعاملوا معك بكل احترام واهم شي عندهم راحتك و بضلهم يطمنوا ازا عجبك الاكل او لأ وما بخلوا اي شي ينقص عليك, احلى شي فيهم لبسهم استغربت كتير انه في حد منتقدهم وانا من خلال تجاربي فيه ابدآ مش معهم اسعارهم ممكن نعتبرها غالية بس بتتناسب مع خدمتهم بحب اجربه مرة تانية وبنصح بقوة الكل يجربه :)
  • Review by Salam of Bianca Café
    6 years ago
    جربت من عنده عصير فراولة وأرجيلة خوخ كل شي كان زاكي و زابط ما بتأخروا عليك جو الكافيه اجمالآ رايق اسعارهم بتناسب خدمتهم ع طول بعملوا عروض وخصومات بحب اجربه مرة تانية
  • Review by Salam of Fresh Berry
    6 years ago
    Strongly recommend this place <3 <3 <3
  • Review by Salam of Ishi Noodles and Rice
    6 years ago
    أويشي كمطعم : مكان رايق وهادي كتير بتعيش فيه الأجواء الصينية خاصة انه أغلب زباينه من الصين أسعاره مناسبة للكل أكله زاكي وخفيف بس ما بشبع بالمرة بحب أجربه مرة تانية
  • Review by Salam of Balloons up
    6 years ago
    اللي حبيته بمحل بالونز آب خدمتهم السريعة اللي ميزتهم عندي عن محلات بالونات تانية كنت وصيت من عندها من قبل ع طول متجددين يعني للمناسبة الوحدة بعطوك اكتر من 10 أشكال بالونات ..... طلبت من عندهم بالونات لمولود جديد بعطوك بالسعراللي مخصصه للبالونات اشكال كتير حلوة ومتنوعة بتحيرك شو رح تختار , و زي ما طلبت عملولي واعطوني كمان بالونات زيادة .... تعاملهم كتير لطيف, المحل طابقين وبضم هدايا تانية غير البالونات كتير حبيت خدمتهم وبحب اجربهم على طول وبنصح الكل فيهم
  • Review by Salam of Nizar Cafe
    6 years ago
    رحت على كافيه نزار قبل شهرين حبيت أجربه بحكم سمعته ........ بس بصراحة مش متل ما توقعت طلبت عصير لمون وكيوي كطعم مو كتير وطلبت ارجيلة توت وعنب بس ابدآ ما عجبتني ما كانوا مزبطينها بالمرة أسعارهم غاليه بالنسبة لخدمتهم مابحب اجربه مرة تانية
  • Review by Salam of Hanini Snacks
    6 years ago
    Delicious especially " Shawrma " cheap , and clean
Next

Places I like

Photos I added