The Cake Shop Cafe

بالعادة بشتري من المحل للبيت بس زرته الاسبوع الماضي وقعدت فيه مع اصحابي المكان حلو حسيته بيت باربي ديكوراته لطيفة ونضيف, واجهت مشكلة مع الشب اللي المفروض موجود يساعدنا كان بطيء كتير ولازم تعيد الشغلة مرتين ليجيبها ومتكاسل يحكيلنا شو العرض اللي عندهم يعني خدمتهم كانت سيئة جدا , اما الفطور كان زاكي كمناقيش بس طلبنا اومليت وكاانت ابدا مو زاكية ولاحتى مملحة او فيها اي شي بس بيض. جو المكان حلو وهادي بس خدمتهم سيئة جدا لازم يحسنوا فيها.

جربت عندهم الفطور، طلبنا cheese omelette, nutella pancakes, halloumi pesto sandwich, fresh orange juice. البانكيك كان زاكي و كتير fluffy ، و بالنسبة لسندويشة الحلوم مع البيستو فهاي هي المفضلة عندي و كل ما اروح عندهم لازم اطلبها، الحلوم مشوي و زاكي و مع البيستو بتطلع النكهات بتجنن. الطلبات بتجهز بسرعة و هاد اشي كتير منيح عندهم، و ال staff كتير خدومين. و القعدة هادية و رايقة و مريحة. يمكن الاشي الوحيد الي بخليني اتردد بس اروح على فرع دابوق هي المصفات، مش دايماً في مكان حسب اي ساعة رايحة. بشكل عام المحل كتير حلو و بضل من المفضلين الي بالفطور و ال brunch

اليوم روحت على المحل اخدت قطعتين كيك ملفيه الطعم زاكي وخفيف والسكر قليل يعني الي بحب الكيك الخفيف والسكرو قليل رح يحبو. بس الي اسغربت منو في قطعه حجمها اكبر من التاني والفرق كبير ابدا فرق بسيط والتنتين نفس السعر مفروض محل زيو يكون اكتر دقه بس بشكل عام الحل مرتب كتير كديكور وكخدمه

كتتير المحل زاكي و ازكى اشي عند الcup cake كتيير بحب عند ال red velvet و ال nuttela

الاكل زاكي والخدمة ممتازة ولطيفة وكل اشي زي ما بدك بس القعدة بتحس حالك قاعد مع الطاولات الي جنبك وممكن تشاركهم الحوار اذا بتركز معاهم، اوكي المحل صغير ماشي بس ما بعرف ما برتاح الواحد وهوا قاعد وسامع الناس شو بتحكي، الحلو في المحل الدخان ممنوع وهاذا اهم اشي ، برجع بعيده للمطعم بس بختار وقت فاضي او بروح لفرع ثاني ، بس الاكل عنجد زاكي وسريع ونظيف ، وبتحس حالك بتوكل اكل بيت بس مفتخر، صحيح الباركنغ سهل جدا تلاقيه وهذا الي خلاني اختار هذا الفرع والموقع هدوء ومميز ورايق