حساب السناب شات
صورة ابني في أول يوم بالحضانة
Super Kids Nursery
Super Kids Nursery
Review Super Kids Nursery by Maram
182 Reviews |  4 years ago
حطيت بنتي بهالحضانة من عمر 4 أشهر والحمدالله كنت كتير موفقة بالإختيار من جميع النواحي: تعامل المربيات والمديرة قمة بالاخلاق بتحسي بجو اسري ومريح. المديرة السيدة عروبة سيدة قديرة وفهمانة وبنفس الوقت حنونة متل كإنها جدة للأطفال وهدا بتلمسه من اول ما تشوف الاطفال ملهوفين عليها وبحبوها, الأطفال مابيعرفو يكزبو, خلّي اول انطباع بتاخده عن الحضانة مبني على نظرات الطفال وحركاتهم مع الادارة والمربيات هاي نقطة مهمة فعلا. من حيث النضافة كل طفل اله معداته الخاصة من بشكير وفراش وفرشة غيار وحتى الصابون, وعندهم الزامي تشطيف البيبي على المغسلة بعد كل غيار حفاضات. من حيث التعليم والنشاطات, في غرفة صفية للأطفال فوق السنتين ونشاطات تعليمية متنوعة ومسلية ومبتكرة باللغتين العربي والانجليزي. في غرفة نوم للاطفال الرضع ممنوع يفوتها الاطفال الي بسن اكبر وكل بيبي اله سريره. وغرفة تانية لنوم الاطفال الباقيين. ساحة لعب داخلية كتير كبيرة ومبهجة ومليانة العاب, وساحة لعب لطيفة خارجية. بهتموا بغذاء الاطفال وبحطو الام بالصورة شو اكل وشو ما اكل وليش وكيف ممكن تنحل المشكلة. من حيث الاهتمام بصحة الأطفال, ممنوع احضار اي طفل عنده اعراض رشح وحرارة على الحضانة حرصاً على صحة الطفال الباقيين وهاي نقطة ممتازة. اكيد الحضانة مراقبة بالكاميرات وباي وقت بدك بتطلب تشوف ابنك شو كان يعمل. وعندهم حساب على السناب تشات شغال تقريبا طول فترة دوام الحضانة فهاي بتعطي شعور للأهل شوي بالارتياح وانهم قريبين من اولادهم. في الهم جروب عالواتساب والامهات اغلبهم عارفين بعض عن جد كإنه عيلة صغيرة. المربيات موبايلاتهم بتضل بالادارة طول وقت الدوام ما عدا ساعة البيرك الي هو الوقت الي اغلب الاطفال بكونو فيه نايمين. الاسعار معتدلة ومتل اسعار كل الحضانات الي بهالمستوى يعني ممكن ناس تشوفها مرتفعة متل ما انا حسيت اول شي, بس فعليا مناسبة كتير وبتستاهل. انا كتير مرتاحة ومتطمنة ع بنتي بهيك جو ومع هيك ناس.

Amman - Madina Munawara St

Ibn Al Salah Street - Behind Ayas Hotel
Get directions
Friday
Closed
Saturday
7:30 ص - 5:30 م
Sunday
7:30 ص - 5:30 م
Monday
7:30 ص - 5:30 م
Tuesday
7:30 ص - 5:30 م
Wednesday
7:30 ص - 5:30 م
Thursday
7:30 ص - 5:30 م

Reviews (4)

  • Review Super Kids Nursery by GhaDeer
    1 Reviews |  4 years ago
    شهادتي بهالحضانة مجروحة حطيت بنتي وعمرها كان 4 شهور وهلا عمرها سنه ماشالله نظافة واهتمام وحب ... والمربيات ماشالله عنهم متعلمات ومثقفات بيعطو حصص تعليمية بالحضانة بحب فيهم حنيتهم وحبهم للاطفال وبحب الروح الاسرية الي انبنت بينا وبين الاهالي يعني صارنا متل الاخوات و مس عروبة مديرة الحضانة هيه امنا
  • Review Super Kids Nursery by Rasha
    2 Reviews |  4 years ago
    بصراحة هاي الحضانة فوق كل الكلام والحاضنات اللي فيها ما بتوقع فيه أحن منهم نظافة، تنظيم،ترتيب، اهتمام والأهم والأهم مخافة رب العالمين .. حطيت إبني وكنت كتير خايفة في البداية وفي أول يومين أضل أسأل عنه واتابع أخباره وبعدها صرت حتى انسى أسأل عنه لأني أصلاً متطمنه هو وين ومع مين والحضانة بصراحة مش بس لأولادنا هي كمان إلنا إحنا الأمهات وبنشارك في كتير انشطة وفعاليات سوا وبلتقي بالحضانة إللي صرنا نحسها بيتنا التاني وبيت أطفالنا وفي كاميرات مراقبة بتقدري ترجعيلهم في أي وقت وبصراحة شو ما أحكي عنهم ما بوفيهم حقهم فربنا يجزيهم كل خير ع تعبهم واهتمامهم.
  • Review Super Kids Nursery by Moaweyah
    12 Reviews |  4 years ago
    بنتي بالحضانة من شهرين تقريباً أمها هي اللي بتوديها و بتجيبها لكن انا متابع الحضانة على سناب تشات في نشاطات للأطفال بالعربي و بالإنجليزي و في اهتمام بالرضع من تغذية و نوم و نظافة، أنا كثير متطمن على بنتي عندهم و أهم ميزة انه ممنوع احضار الطفل لما يكون مريض..تعامل الإدارة ممتاز و بنتي عمرها ٥ شهور و بتروح مبسوطة! ناوي اخليها بهاي الحضانة ان شاء الله لبين ما توصل ال ٤ سنين
  • Review Super Kids Nursery by Maram
    182 Reviews |  4 years ago
    حطيت بنتي بهالحضانة من عمر 4 أشهر والحمدالله كنت كتير موفقة بالإختيار من جميع النواحي: تعامل المربيات والمديرة قمة بالاخلاق بتحسي بجو اسري ومريح. المديرة السيدة عروبة سيدة قديرة وفهمانة وبنفس الوقت حنونة متل كإنها جدة للأطفال وهدا بتلمسه من اول ما تشوف الاطفال ملهوفين عليها وبحبوها, الأطفال مابيعرفو يكزبو, خلّي اول انطباع بتاخده عن الحضانة مبني على نظرات الطفال وحركاتهم مع الادارة والمربيات هاي نقطة مهمة فعلا. من حيث النضافة كل طفل اله معداته الخاصة من بشكير وفراش وفرشة غيار وحتى الصابون, وعندهم الزامي تشطيف البيبي على المغسلة بعد كل غيار حفاضات. من حيث التعليم والنشاطات, في غرفة صفية للأطفال فوق السنتين ونشاطات تعليمية متنوعة ومسلية ومبتكرة باللغتين العربي والانجليزي. في غرفة نوم للاطفال الرضع ممنوع يفوتها الاطفال الي بسن اكبر وكل بيبي اله سريره. وغرفة تانية لنوم الاطفال الباقيين. ساحة لعب داخلية كتير كبيرة ومبهجة ومليانة العاب, وساحة لعب لطيفة خارجية. بهتموا بغذاء الاطفال وبحطو الام بالصورة شو اكل وشو ما اكل وليش وكيف ممكن تنحل المشكلة. من حيث الاهتمام بصحة الأطفال, ممنوع احضار اي طفل عنده اعراض رشح وحرارة على الحضانة حرصاً على صحة الطفال الباقيين وهاي نقطة ممتازة. اكيد الحضانة مراقبة بالكاميرات وباي وقت بدك بتطلب تشوف ابنك شو كان يعمل. وعندهم حساب على السناب تشات شغال تقريبا طول فترة دوام الحضانة فهاي بتعطي شعور للأهل شوي بالارتياح وانهم قريبين من اولادهم. في الهم جروب عالواتساب والامهات اغلبهم عارفين بعض عن جد كإنه عيلة صغيرة. المربيات موبايلاتهم بتضل بالادارة طول وقت الدوام ما عدا ساعة البيرك الي هو الوقت الي اغلب الاطفال بكونو فيه نايمين. الاسعار معتدلة ومتل اسعار كل الحضانات الي بهالمستوى يعني ممكن ناس تشوفها مرتفعة متل ما انا حسيت اول شي, بس فعليا مناسبة كتير وبتستاهل. انا كتير مرتاحة ومتطمنة ع بنتي بهيك جو ومع هيك ناس.
Next