Badan Fitness Center
Review Badan Fitness Center by farah
5 Reviews |  9 years ago
هاي الجيم مكانو كتير منيح وكتير الموظغات بشوشين وفريندلي في مسبح بس المي بصراحة نادرا ما بتكون دافيه في كافتيريا حرام حدا يدخلها في الشتا
الماشينز حلوة وفي صاله ايروبيكس وهلأ صار في اكل كمان بس ما بنصحكم بتضيعو كل التعب الريسبشينيست كتير هادية وفريندلي بس يا ريت لو يعملو خصومات ودعاية اكبر لانو المكان كتير سهل توصلولو

Amman - Queen Rania Street - University St

Get directions
Parking
  • Outdoor Parking
Payment Method
  • Cash
General Features
  • Cafeteria
Restrictions
  • Females Only

Reviews (11)

  • Review Badan Fitness Center by rima
    20 Reviews |  4 years ago
    اشتركت بالنادي و كان العرض شامل ساونا و جاكوزي بس ما شفت لا هاد و لا هاد يعني ما في تنظيم بالمرة بس كنت العب ع الالات و كمان متلا مافي غير جهازين ركض شغالين من اصل 6 يعني لازم نستنى بالدور وقلة الالات بشكل مو طبيعي .... و المسبح كتير كتير ريحتو كلور الواحد بدوخ .. و غرفة الغيار مش نضيفة و حتى ستاير الدوش طرفها مخلوع و حالتو حاله الواحد بقرف يفوت يوخد دوش .... هسا همه بعملو صيانه للمكان يااارييت يتحسن
  • Review Badan Fitness Center by Haneen
    1 Reviews |  5 years ago
    تعامل البنت ولا الو دخل بالذوق وبتحكي كانها بتصرخ مرتين رحت الميه بارده وتعاملهم بخزي وغرفه الغيار مافي الا تغيري قدام الكل الاشتراك بركه وجاكوزي وساونا وبخار ساونا والبخار مو موجودين عندهم حتا انوا وحده تعرفك على كل النادي مافي
  • Review Badan Fitness Center by Balqees
    1 Reviews |  6 years ago
    اشتركت بالنادي قبل يومين والنادي كتير مرتب ومغيرين كل الموضفات وعاملين عرض كتير حلو شهرين باربعين دينار وعندهم رقص وآيروبيك وزومبا كل يوم منزلين على الفيس والاردن الآن وجريده الممتاز ومنزلين اجهزه جديده والمسبح يجنن ونظيف والميه دافيه عنجد حلو انصحكم بزياره النادي والله يوفقهم وان شاء الله من زايد لزايد وعندهم اداره بجنن وكتير متعاونين ولزيزين ...........
  • Review Badan Fitness Center by Tamara
    1 Reviews |  6 years ago
    دخلت النادي قبل يومين وكانو عاملين عرض كتير حلو شهرين باربعين دينار فقط وعندهم رقص وزومبا وايروبيك كل يوم ومنزلين الاعلان ع الفيس وجريده الممتاز وقناة الاردن الآن انصحكم زياره المكان كتير حلو ومرتب والمسبح مغري جدا ودافيه الميه ومغيرين كل الموضفات بجننو اللهم لاحسد عن جد انهم روعه وكتير زوء والله يوفقهم من زايد لزايد .............
  • Review Badan Fitness Center by Layan
    1 Reviews |  6 years ago
    من أسوأ النوادي الي شفتها بحياتي أسلوبهم بالتعامل كتير كتير سيء لأبعد الحدود لدرجة انو وحدة بتحكيلها ليش هيك النادي وسخ و ما بتنضفو الي بتشتغل حكتلها لانو انتو وسخين ... و النادي فعلا وسخ لدرجة مو طبيعية الارض عند البركة كلها عفن و الي بسبح بشوف انو البركة بالقاعة كلها عفن و هاد الاشي بسهولة المفروض انو يتنضف و مافي احترام من الادارة و هاد الحكي على تجربة من موقف مع المديرة
  • Review Badan Fitness Center by Rawan
    1 Reviews |  6 years ago
    أنا ما بنصح في حدا عم برخصوا أسعارهم عشان يكسبوا ناس أكثر ومصاري أكثر بس ما في أي نوع من الإهتمام ووسخ كثير لا يوجد أي نو من أنواع الإهتمام زما في مدربة تنصحك شو تعملي وبسكروا بكير كثير ودايمة البركة بدها صيانة وبالشتاء المي باردة كثير وفي كثير بصير في إصابات في وحد إنكسرت رجلها لما نزلت على الدرج ووحدة وقعت من آلة كانت تستعملها للعب الرياضة وتشوه وجهها إلي خاية على حالها لا تروحوا وأنا كنت في وتركتوا من الإهمال إلي هوه في، يسكروا أحسن
  • Review Badan Fitness Center by Nadia
    32 Reviews |  7 years ago
    أنا بروح عالنادي من أكثر من سنتين. و بقدر أحكي انو وضعو للأسوأ. و بعد اليوم قررت ما أروحله. رحت اليوم بعد دوامي. و طلعت على الtreadmill و بلشت أركض عليه. رفعت السرعة ل 8 و فجأه وقف. منيح اني ما وقعت. شغلته مرة تانية و رفعت السرعة ل 10 و فصل مرة تانية. ناديت "المدربة" و قلتلها انو مش عم يشتغل. حكتلي لا تركضي و ضلت ماشية !!! غيرت لجهاز تاني و نفس الشي. نرفزت و عصبت. سحبت حالي و رحت على صالة الرقص و الaerobics و بلشت اعمل aerobics طبعا في بنات بيرقصوا و فاتحين المسجل عأعلى صوت بس مش مهم لأني حاطة سماعاتي في ذاني. بعدين طلعت لما "تكاثروا " البنات و تزايد الهبل. رحت ع treadmillمرة تانية و لحسن الحظ ما فصل معي. ضليت عسرعة 8.5 لغاية ما اجت "مدربة" و حكتلي اوقف!!! قلتلها ليش؟ حكتلي المدربة هيك تحكي مش انا. لأنك هيك راكضة 25 دقيقة و راح يتعب جسمك! مش عارفة هو الواحد بييجي النادي بتعب و لا زي أغلب زباينكم استعراض و مشي عالtreadmill . لا بيعملوا صيانة عالأجهزة و اماكن التغيير للأسوأ. المسبح كله عجقه . بس برضوا للأسف ما في نادي قريب مني و كلهم بالنسبة الي تحت المستوى. بجوز كان بادان منيح بس شكلي اروح و ألعب عجهاز الركض تاعي أحسنلي.
  • Review Badan Fitness Center by ruba
    30 Reviews |  8 years ago
    هادا الجم حلو كتير ونظيف كتير انا حبيته وحتى موقعه مناسب واريب ع الكل وحتى اوقات الدوام عندهم مناسبه للكل خصوصا الموظفات وعندهم المسبح كتير نظيف وفي مدربه مشرفه بتضل موجوده وحتى ع الاجهزه بضل حدن يتابع في الصبايا بتمنالهم التقدم والنجاح الدائم ع طوووول وبنصح الصبايا باخدو فكره عنده لانو متكامل واسعاره مقارنه بجمات تانيه كتير احسن والتعامل حلو كتير
  • Review Badan Fitness Center by Maysoon
    4 Reviews |  9 years ago
    سجلت فيه من فترة، مركز مرتب ونضيف، في مجموعة منيحة من الأجهزة بس كتير منها بدها صيانة فيه إيروبكس ورقص شرقي ومسبح حلو بس المي باردة خصوصا آخر الدوام وأكيد في مرافق مائية تانية حلوة، المركز جد حلو بس لازم ينعمل صيانة لأجهزته وخزاناته ولازم يهتمو شوي بالتدفئة عند المسبح، وبالنسبة للأكل ف صار ممنوع تجيبو أكل من برا وأماكن الاصطفاف متوفرة بس بشكل غير رسمي، يعني في أرض فاضية قدامهم بتقدرو تصفو فيها، بالنسبة للموظفات كتير أمامير وشخصياً حبيت المدربة اللي موجودة المسا أكتر من مدربة الفترة الصباحية
  • Review Badan Fitness Center by farah
    5 Reviews |  9 years ago
    هاي الجيم مكانو كتير منيح وكتير الموظغات بشوشين وفريندلي في مسبح بس المي بصراحة نادرا ما بتكون دافيه في كافتيريا حرام حدا يدخلها في الشتا
    الماشينز حلوة وفي صاله ايروبيكس وهلأ صار في اكل كمان بس ما بنصحكم بتضيعو كل التعب الريسبشينيست كتير هادية وفريندلي بس يا ريت لو يعملو خصومات ودعاية اكبر لانو المكان كتير سهل توصلولو
Next