المحل
وجبة الباشا: شاورما بالدجاج مع بطاطا ومخللات.
Al Basha
Al Basha
Review Al Basha by Asma Rumman
31 Reviews |  4 years ago
مع إني بنزل البلد كتير وباكل من حبيبة عالواقف وبجيب كتب من عمو أبو علي بس هاي أول مرة باكل فيها من شاورما الباشا، صراحة موقعه ممتاز جدا لأنه بين ٣ معالم مهمة بوسط البلد، هو تحت بيت الدوق بالزبط وبلزق حبيبة و عمو أبو علي، زي معظم مطاعم الشارما بالبلد مافيه قعدة، وبالنسبة لإلي لقيتها شغلة سيئة ومو عملية لأن الواحد بالبلد بالذات لازم يلاقيله مكان يقعد ياكل فيه، الشاورما والساندويشات مو زي الكنافة! بالنسبة للمينيو فهي معقولة، مافي تنوع كتير بس مقبولة لمحل شاورما مع سندويشات سريعة fast food, junk food, مع أنه بتلاقي عندهم زحمة بسبب حجم المكان الصغير وعدد الناس الكبير بس بيحاولوا تكون خدمتهم أسرع ما يمكن وهالشي جدا حلو فيهم، يعني ما بتأخروا عليك بالطلب والتسليم. المحل نظافته مقبولة، ما شفت فيه شي يورجي عكس هالكلام، بالتحضير والمكان نفسه نظيف طلبنا شاورما عادي وشاورما الباشا والتنتين كانوا زاكيين والبطاطا كانت مغرقة الصحن ❤ وهاي خلتنا نحبهم بزيادة إذا كنت بالبلد وجعت وكان بدك تجيب شي عالسريع تاكله بالبيت قبل ما تروح فهالمطعم مكان بنصحك تروح عليه

Amman - Down Town

King Faisal Street

Reviews (5)

  • Review Al Basha by Asma Rumman
    31 Reviews |  4 years ago
    مع إني بنزل البلد كتير وباكل من حبيبة عالواقف وبجيب كتب من عمو أبو علي بس هاي أول مرة باكل فيها من شاورما الباشا، صراحة موقعه ممتاز جدا لأنه بين ٣ معالم مهمة بوسط البلد، هو تحت بيت الدوق بالزبط وبلزق حبيبة و عمو أبو علي، زي معظم مطاعم الشارما بالبلد مافيه قعدة، وبالنسبة لإلي لقيتها شغلة سيئة ومو عملية لأن الواحد بالبلد بالذات لازم يلاقيله مكان يقعد ياكل فيه، الشاورما والساندويشات مو زي الكنافة! بالنسبة للمينيو فهي معقولة، مافي تنوع كتير بس مقبولة لمحل شاورما مع سندويشات سريعة fast food, junk food, مع أنه بتلاقي عندهم زحمة بسبب حجم المكان الصغير وعدد الناس الكبير بس بيحاولوا تكون خدمتهم أسرع ما يمكن وهالشي جدا حلو فيهم، يعني ما بتأخروا عليك بالطلب والتسليم. المحل نظافته مقبولة، ما شفت فيه شي يورجي عكس هالكلام، بالتحضير والمكان نفسه نظيف طلبنا شاورما عادي وشاورما الباشا والتنتين كانوا زاكيين والبطاطا كانت مغرقة الصحن ❤ وهاي خلتنا نحبهم بزيادة إذا كنت بالبلد وجعت وكان بدك تجيب شي عالسريع تاكله بالبيت قبل ما تروح فهالمطعم مكان بنصحك تروح عليه
  • Review Al Basha by Mohammad
    614 Reviews |  5 years ago
    اشتريت من عندو سندويشات كانت نظيفة وزاكية جدا الموظفين محترمين جدا والتعامل منيح الاكل زاكي وطعمو جيد الأسعار عادية جدا جدا
  • Review Al Basha by Sarah
    244 Reviews |  5 years ago
    اول مره بدخل عليه كتير زاكي واسعاره عاديه جدا تعاملهم جدا رائع والمحل نظيف،، سريعين وهاد اكتر شي عجبني،، واكيد بنصح بتجربته ورح ارجع مره تانيه ;)
  • Review Al Basha by Jihad
    40 Reviews |  7 years ago
    اليوم زرته لأول مرة. كان جاي عبالي شاورما فرحتله. في أحجام للشاورما وفي نوعين للوجبات وجبة شاورما عادية ووجبة الباشا اللي بتنعمل بخبز وجبنة وتنقسم مثل البيتزا. جربت وجبة الباشا طيبة بس مو زيما توقعتها. المحل نظيف الخدمة سريعة واللي بشتغلوا بشوشيين وخدومين. المشكلة انو المحل فيه بس 4 كراسي مرتفعة وقدامهم طاولة مشتركة معلقة، ما بنفع تقعد جواته لما يكون عليه ضغط. أسعاره رخيصة.
  • Review Al Basha by فراس
    714 Reviews |  7 years ago
    انا هاد المطعم كتير ترددت لاجربه مع انو بطريقي يوميا بصراحة دخلت عليه لقيت النضافة شي رائع ومع انو المطعم مو كبير وصغير بس صدقا في تنظيم بتحس انو كبي ركتير في عندو كتير وجبات متل الزنجر والفاهيتا والبرغر (سعر الساندويش الصغير 6. قرش والكبير 1.25 قرش ) وفي عندو الشاورما كمان تقريبا بنفس السعر ( الكبير وجد ممتازة وبتشبع سعرها 1.25 ) في عندو كمان بعض المشروبات الباردة والعصير الجاهز الموظفين خدومين ومحترمين وتعاملهم كتير راقي بصراحة بنصح فيه خصوصا انو مطعم بوسط البلد وخدمتو كتير سريعة
Next